lıqda yerləşən gəmilərdən binaya atəş açmağa başlayırlar.
Xoşbəxtlikdən binaya heç bir zərər dəymir.
Sovet dövrünün ilk illərində bolşeviklər Ismailliyənin fasa-
dındakı hikmətli sözləri kommunist şüarları və qızıl ulduzlarla əvəz
etdilər. Elmlər Akademiyası bura köçərkən binanın üzərinə
“Azərbaycan SSR Elmlər Akademiyası” sözləri yazılır. Binaya
girəcəkdə onun adı latın əlifbası ilə ingiliscə yazılmasına baxma-
yaraq, ornament kimi binanın üzərinə həkk edilən iri metal qızıl
ulduzlar və hərflər hələ də oradan kənarlaşdırılmayıb.
Nağıyevin Bakıda ən varlı neft maqnatlarından biri olma-
sına baxmayaraq, öz yoldaşları onu xəsis kimi tanıyırdılar. Məsələn,
o öz torpaqlarında aparılan tikinti işlərinə diqqətlə rəhbərlik edirdi.
O, işçilərinə və onların işlərinə diqqətlə nəzarət edərdi, hətta mis-
mar qutusunu açıb onları özü sayardı.
Mərhum yazıçı Manaf Süleymanovun yazdığına görə, bir
dəfə Nağıyev günorta yeməyi zamanı tikinti yerinə baş çəkir və
görür ki, podratçı və tikintidə işləyən işçilərin bəzisi tonqalın ətra-
fına toplaşıb yemək yeyirlər. Podratçı siqaretini kibritlə yandırır.
Nağıyev ona baxır və deyir: “Sabah işə gəlmə. Sabah idarəyə get və
işdən çıxarılmağın barədə sənədi al.”
“Niyə görə, Ağa Musa?”, deyə podratçı ümidsiz vəziyyətdə
soruşur.
“Sənin qarşında iri tonqal olduğu halda, buna ehtiyac ol-
masa da sən kibrit yandırdın. Əgər sən öz mülkiyyətinin qeydinə
qalmırsansa, onda mən öz mülkiyyətimi sənə necə etibar edə bilə-
rəm?”, deyə Nağıyev cavab verir.
Xəsis kimi tanınmasına baxmayaraq, Nağıyev xeyriyəçi idi
və bir sıra önəmli binaları və layihələri maliyyələşdirmişdi. Məsə-
lən, o, çox böyük bir xəstəxana tikdirmişdi və bu xəstəxana Azər-
baycan müstəqillik qazandıqdan sonra onun adı ilə Musa Nağıyev
adına Təcili Tibbi Yardım Xəstəxanası adlandırılmışdır. O, həm-
çinin Bakının su təchizat sisteminin—Şollar su zavodunun
maliyyələşdirilməsinə yardım etmişdir. O, Bakıda bir sır mək-
təbələrin tikintisinə yardım etmiş və kasıb ailədən olan 25 azər-
baycanlı məktəblinin xərcini öz üzərinə götürmüşdür.
Sovet dövründə Nağıyevin Bakı memarlığına verdiyi tövhə
demək olar ki, unudulmuşdur. Onun gördüyü işlər yalnız Yenidən-
qurma və müstəqillik illərindən sonra qiymətləndirilməyə başlan-
mışdır.
156
MURTUZA MUZTAROV. Şəhərin mərkəzində yerləşən
ən iri yaşayış evlərindən biri olan Bakının Səadət Sarayı bir zaman-
lar neft maqnatı Murtuza Muxtarovun (1855-1920) dəbdəbəli iqa-
mətgahı olmuşdur. Avropaya səyahət etdikdən sonra Muxtarov
özünə fransız qotik üslubunda tikilmiş saraya bənzər bir iqamətgah
tikdirmək qərarına gəlir. Polşalı memar I. K. Ploşko 1911-1912-ci
illərdə bu binanın tikintisinə nəzarət etmişdir.
Muxtarov həmçinin Bakı şəhərinin ətrafındakı Əmircan qə-
səbəsində yerləşən və Azərbaycanın ən böyük məscidlərindən biri
olan Əmircan məscidini tikdirmişdir. Rus höküməti ona şəhərin
mərkəzində belə böyük bir məscid tikdirməyə icazə verməmişdi.
Muxtarov həmçinin Şimali Qafqazın Vladivostok şəhərində böyük
bir məscid inşa etdirmişdi. Bu gün Muxtarovun iri şəhərkənarı
villasında Bakının Botanika Bağının Mərdəkan filialı (Dendropark)
yerləşir.
AĞA BALA QULİYEV. 1899-cu ildə Ağa Bala Quliyev
Bakının mərkəzində gözəl bir saray tikdirir. Müxtəlif Avropa
üslublarından istifadə edən neft maqnatları olan dostlarından fərqli
olaraq, Guliyev Şirvanşahlar Sarayının giriş qapısındakı bəzək
ornametlərindən istifadə edərək Bakı-Abşeron memarlıq üslubunda
ev tikdirməyə üstünlük verdi. Onun iqamətgahı bu üslubda tikilən
yeganə binadır. Polşalı memar Skibinski bu iqamətgahın layihəsini
hazılamışdı.
Az sayda azərbaycanlı un maqnatı kimi tanınan Quliyevin
Xəzər neftinin kəmər vasitəsilə Qara dəniz sahillərində yerləşən
Batumi (Gürcüstan) limanına nəqli layihəsini çəkilməsinə təşəbbüs
edən bir şəxs olduğunu bilir. O, Bakı-Batumi səhmdar şirkəti
yaradaraq 1897-ci ildə kəmərin tikintisinə başlamış və 1907-ci ildə
bu işi başa çatdırmışdır.
İTİRİLMİŞ NƏQŞLƏR. Neft maqnatlarının saraylarının
zalları, tavanları və qapıları rəngli və yağlı nəqşlərlə bəzədilmişdir.
Bu rəsmlərə müxtəlif çöl təbiət mənzərələri, güllər, heyvanlar ilə
yanaşı ənənəvi müsəlman ornamentləri, Bibliyadan səhnələr və 19-
cu əsrin sonu və 20-ci əsrin əvvəllərindəki gündəlik həyatdan
şəkillər əlavə edilmişdi.
Sovet dövründə bolşeviklər bu rəsmləri “kapitalist memar-
lığının israfçılığı” kimi qəbul edərək onların üzərini boyamış və ya
onları silmişlər. Bir çox hallarda, onlar həmçinin binaların içəri-
sində yerləşən lepka bəzəklərini və oyma işlərini yox etmişdilər.
157
Onlar binaların fəhlələrin həyatı kimi sadə və adi olması şərtinin
qoyurdular.
Ismailiyyə Sarayında bir otaq və zal və Tağıyev Sarayının
Şərq Zalı da daxil olmaqla çox az tikililərdə orijinal interyer işlə-
mələri olduğu kimi qalmışdır. Bu gün 70 il Sovet hakimiyyəti döv-
ründə dağıdılmış rəsmləri bərpa etmək mümkün deyil. Bəzi əski
fotolar və rəsm işlərinin nadir nümunələri saxlanılıb, lakin onlar
mövcud olan yeganə şeylərdir.
STALİN DÖVRÜ. 1953-cü ilə kimi Sovet təbliğatı Azər-
baycanın nəhəng memarlıq nailiyyətlərinin “millətlərin atası” olan
Stalinin rəhbərliyi altında əldə edildiyini yayırdı. Əlbəttə ki,
Stalinin hakimiyyəti illərində bir çox gözəl və cəlbedici binalar ti-
kilmişdir. Bu sıraya Azərbaycan ənənəvi memarlıq üslubundan
istifadə edilərək Sovet dövrünün ilkin illərində inşa edilmiş Bakı
Vağzalı da daxildir.
Eyni zamanda II Dünya Müharibəsinin sonunda L. Rudnev,
V. Muns və K. Tkaçenko kimi memarlar tərəfindən tikilən və Lenin
meydanında (hal-hazırda Azadlıq Meydanı) Azərbayan Hökümət
evini də qeyd etmək lazımdır. Əsir alınmış alman əsgərləri burada
işçi kimi istifadə olunurdular və Bakı camaatı bu barədə bunları
deyirdi: “Bu bina çox yüksək keyfiyyətlidir, çünki onu alman
əsgərləri tikib. O, çox dəqiq və səliqəli tikilib.”
Stalin dövründə Azərbaycanın ən məşhur memarları Sadıq
Dadaşov və Mikayıl Hüseynov olmuşdur. Onlar Nizami küçəsində
yerləşən “Buzovnaneft”, Azərbayan Elmlər Akademiyası, Nizami
Kinoteatrı, Hacıbəyov Konservatoriyası (indi Musiqi Akademiyası
adlanır), Nizami Muzeyi, Nazirlər Kabinetinin binası, Axundov
adına Milli Kitabxana kimi şah əsərləri yaratmışlar. Məcidov nə-
həng Lenin Muzeyini (hal-hazırda burada xalça muzeyi və bir sıra
başqa obyektlər yerləşir) inşa etmişdir. Azərbaycan memarları
Əlilzadə və Mədətov Azərbaycan Dram Teatrını inşa etmişdir. Bu
binaların tikintisinin çoxunun Xruşovun zamanında başa çatdırıl-
masına baxmayaraq, onlar iri həcminə, möhtəşəmliyinə və gözəl-
liyinə görə “Stalin binaları” hesab olunur (Sovet dilində “stalin-
kalar”).
Stalin dövründə Azərbaycanda “mədəniyyət sarayı” adla-
nan yeni tip bina növü peyda oldu. Bu saraylar fəhlələrin və digər
zəhmətkeşlərin əylənmək məqsədilə oyunlar oynamaq, mühazi-
rələrə qulaq asmaq, şahmat oynamaq, idman yarışlarında iştirak
158
etmək və Sovet və ya xalq musiqisi konsetlərinə qulaq asmaq üçün
nəzərdə tutulmuş xüsusi teatr mərkəzləri idi. Bu əzəmətli mə-
dəniyyət mərkəzlərinin çoxu qədim yunan məbədlərini xatırladırdı.
1920-ci illərdə Bolşeviklər fəhlələr üçün şəhər bağları
salmağa başladılar. Elmlər Akademiyasının Icraiyyə binasına bitişik
olan Sabir bağı və dənizkənarı bulvar yenidən tikildi və genişlən-
dirildi. Bu bağların çoxunda Marks, Lenin, Engels, Stalin və məş-
hur Azərbaycan şair və yazıçılarının heykəlləri qoyuldu.
Bu heykəllərin heç də hamısı müasir dünyagörüşü baxı-
mından estetik deyildi. Fəhlə kişinin və kəndli qadının nəhəng ma-
lalı bürüncdən olan heykəlləri real həyatdan çox “böyük kommunist
ideyalarını” xatırladırdı. Kişi əlində iri çəkic, qadın isə oraq tutaraq
Sovet Ittifaqındakı bütün fəhlə və kəndlilərin birliyini simvolizə
edirdi. Hər iki heykəldəki insanlar atletik və qüvvətli görünürdü və
onların sifətindəki laqeyd, duyğusuz bir ifadə onları manekenə
bənzədirdi. Digər heykəllər idmançı kişi və qadınlara həsr olun-
muşdu və, bəzən, belə bir yazılı şüarla təchiz edirdilər: “Axmaq
olma, idmanla məşğul ol!”.
Stalin dövründə həyat şəraiti ideal həyat şəraitindən çox-
çox uzaq idi. Bir çox Sovet vətəndaşları ümumi mətbəxi, hamam və
tualetləri olan kommunal mənzillərdə yaşamalı olurdular. Stalinin
siyasəti müxtəlif insanları vahid ailə kimi bir yerdə yaşamağa
məcbur etmək idi.
Azərbaycan müstəqillik qazandıqdan sonra tarixçilər Stalin
dövrü memarlığının müsbət və çatışmaz cəhətləri barədə danışmaq
azadlığı əldə etdilər. Stalinin nəhəng inzibati binalar tikdirmək
tendensiyası indi gigantomaniya (nəhəngbazlıq) kimi qəbul edilir.
Digər tərəfdən, alimlər qəbul edirlər ki, Bakıdakı bir çox yüksək
keyfiyyətli və gözəl binalar məhz Stalin dövründə inşa edilmişdir.
XRUŞOV DÖVRÜ. Xruşov hakimiyyətə gələndə Stalin
dövrü memarlığının bütün nailiyyətlərini rədd etdi. O, elan etdi ki,
250 milyonluq Sovet xalqının hamısının öz şəxsi mənzili (kom-
munal mənzillərin əksinə olaraq) olmalıdır. Bu məqsədə nail olmaq
üçün çox qısa zamanda keyfiyyətsiz və ucuz materialdan binalar
tikilməyə başlanıldı. Keyfiyyət və estetikaya, görünür, heç önəm
verilmirdi. Sovet dili ilə “xruşovkalar” adlanan və “Xruşovsayağı
ev” mənasını verən bu 5 mərtəbəli eybəcər binalar Bakıda hələ də
mövcuddur. Bəzən insanlar bu evləri “xruşoba” adlandırırdılar. Bu
159
isə rus dilində “truşoba” (çirkli, kasıb daxma) və Xruşovun
familiyasının kombinasiyasdır.
Bu ucuz mənzillər tikilən zaman Xruşov demişdi: “Narahat
olmayın. Bu evlər yalnız müvəqqətidir. 25 ildən sonra Sovet Ittifaqı
dünyanın ən varlı ölkəsi olanda, bu binalar söküləcək və fəhlələr
üçün həqiqi saraylarla əvəz ediləcək.”
Bu binaların keyifyyətinin çox aşağı olmasına baxmayaraq,
Xruşovun layihəsi Sosializmin böyük qələbəsi kimi qiymətlən-
dirildi. Biz indi bu binaların həqiqi simasını görürük. Lakin eyni
zamanda xatırlamalıyıq ki, onlar minlərlə azərbaycanlıya Stalininin
kommunal evlərini tərk etmək və öz şəxsi mənzillərinə malik olmaq
imkanı verdi.
BREJNEV DÖVRÜ. Brejnevə görə Xruşovun çox qısa
zaman ərzində bütün vətəndaşları şəxsi mənzillərlə təmin etmək
istəyi “volüntarizm”, yəni qeyri-real şeylərə nail olmaq üçün atılmış
bir təşəbbüs idi. Brejnev Bakıda bu ucuz və görkəmsiz binaların
tikintisini dayandırdı.
Onların əvəzinə bütün respublika ərazisində 5 və 9 mər-
təbəli daha keyfiyyətli binalar tikilməyə başlandı. Həmin dövrdə
Azərbaycana rəhbərlik edən Heydər Əliyev Gülüstan Sarayı, Res-
publika Sarayı, Xalq Sənaye Nailiyyətləri Sərgi Salonu, Kommunist
Partiyası Mərkəzi Komitəsinin binası və Parlament Binasının layi-
hələri üçün irimiqyaslı tikinti işlərinə başlanğıc verdi.
Lenin meydanında Abşeron və Azərbaycan mehmanxana-
ları ucaldıldı. Moskva mehmanxanası isə Avropadan gələn varlı əc-
nəbilərin qaldığı bir mehmanxana kimi şöhrət qazandı.
Ümumilikdə, Stalin üslubu daha müasir memarlıq formaları
ilə əvəz olundu. Köhnə Parapet çoxlu sayda fontanları və heykəlləri
olan Fontanlar Meydanına çevrildi.
Həmin dövrdə Azərbaycan kitabları və qəzetləri Kommu-
nist Partiyasının Bakının gözəlləşdirilməsindəki rolunu vurğulayır-
dılar. Brejnev özü dəfələrlə şəhərə səyahət etmiş və demişdi: “Bakı
gözəl şəhərdir. Burada yaşamaq və işləmək çox xoşdur.” Onun bu
sözləri tezliklə Bakıdakı lövhələrdə şüar kimi istifadə olunmağa
başladı.
Bütün bu nailiyyətlərə baxmayaraq, Azərbaycan memarlığı
bütün Sovet Ittifaqını bürüyən eyni problemlərdən əziyyət çəkirdi.
Indi Azərbaycan müstəqil bir dövlət olduğundan, biz açıq-açığına
yaza bilərik ki, Brejnev dövründə tikilən yaşayış evləri də aşağı
160
keyfiyyətli idi. Buna səbəb Sovet tikinti sənayesini bürümüş
korrupsiya idi. Adətən yeni evlərdə yaşayan insanlar həmin evləri
özləri təmir etməyə məcbur olurdular, çünki onlar çox aşağı
keyfiyyətli tikilirdi.
YENİLİKLƏR. Bakı memarlığı Azərbaycan 1991-ci ildə
müstəqillik qazandıqdan sonra çox dəyişmişdir. Azərbaycan ilə neft
müqaviləsi imzalayan xarici neft kompaniyaları özləri ilə çox
böyük investisiya axını gətimişlər. Bu kompaniyalardan çoxu öz
ofislərini şəhərin mərkəzində açmışlar, bəziləri isə hətta orta əsrlərə
aid Içəri Şəhəri seçmişlər. Bakının memarlıq mühitini əks etdirmək
üçün yeni ofislərin çoxu ənənəvi Şərq üslubunda tikilir və orta əsr
evlərini xatırladır. Içəri Şəhərdə yerləşən köhnə evlərin çoxu
yenidən bərpa olunmuş və bununla da Bakının tarixi mərkəzinə
daha təmiz və müasir görkəm vermişlər.
Bununla belə, bir çox azərbaycanlı memarlar Içəri Şəhərdə
aparılan yeni tikinti işlərinə kəskin etiraz edirlər. Onlar deyirlər ki,
orada aparılan geniş tikinti işləri orta əsrlər şəhərinin nadir
strukturunu pozur. Qız Qalası, Şirvanşahlar sarayı da daxil olmaqla
qala daxilindəki Içəri Şəhər 2000-ci ildən UNESCO’nun Dünya
Əhəmiyyətli Abidələr statusuna malikdir, lakin onu qorumaq üçün
lazımi tədbirlər yerinə yetirilmir və ya yerinə yetirilməsi çox
çətindir.
Sovet dövründə Bakı rahat və dəbdəbəli otellər az idi.
Lakin indi şəhərdə çoxlu sayda əcnəbi olduğundan, yeni otellər
tikilməkdədir. Bunlara iki nümunə kimi Avropa Oteli və ISR
Plaza’nı göstərmək olar. Köhnə Naxçıvan oteli hal-hazırda bərpa
olunmuş və Hyatt Regency və Hyatt Towers adı ilə tanınır. Hyatt
kompleksində həm ofislər, həm də yaşayış mənzilləri vardır.
Bakının səma xəttini Azərbaycan Milli Bankı və Tikinti
Bankı kimi yeni polad və şüşəli binalar kəsir. Bu müasir binalar
Bakını Sovet görkəmini hələ də saxlayan Tiflis və Yerevan kimi
Qafqaz şəhərlərindən fərqləndirir.
Bakıda son dövrlərdə tikilən yaşayış binalarında və
məscidlərdə türk təsiri açıq-açığına hiss olunmaqdadır. Bu məscid-
lər ənənəvi Azərbaycan üslubundan fərqli olaraq Osmanlı üslubun-
da tərtib olunmuşdur. Adətən Osmanlı məscidləri nazik nizə başlı
minarələrə və geniş silindr formalı günbəzlərə məxsusdur. Bu üs-
lubun ən yaxşı nümunəsi Istanbulda yerləşən məşhur Aya Sofya
məscididir. Bakının ən məşhur məscidlərindən biri türk Cümə
161
məscidi Osmanlı üslubundadır və bir neçə il bundan əvvəl Şəhidlər
Xiyabanı yaxınlığında tikilmişdir.
Azərbaycan üslublu məscidlər ənənəvi olaraq ağ daşdan
tikilən enli, qısa minarələrə malikdir. Türk minarələrinin metallik
və rəngli damlarından fərqli olaraq, yerli minarələrin hər biri orna-
mentlərdən və eyvanın aşağısında yerləşən daşların üzərinə oyul-
muş Quran ayələrindən ibarət sadə görünüşə malikdir. Bakıda
yerləşən 10-cu əsrə aid Məhəmməd məscidi bunun bariz nümu-
nəsidir.
Çoxlu sayda xaricilərin olması bütün Bakıda yeni mağaza-
ların və dükanların tikilməsinə səbəb olmuşdur. Qərb üslubunda
tikilən supermarketlər Sovet tipli mağazları əvəz etməkdədir. Bakı-
da tikilən ilk supermarketlərdən biri Ramstor olmuşdur. Hal-hazırda
onun bütün şəhərdə supermarketlər şəbəkəsi mövcuddur.
Yeni restoranlar, kafelər, sonsuz sayda şadlıq evləri də
Bakıda açılmaqdadır. Bütün bu binalar Bakının ənənəvi görünüşünə
yeni xüsusiyyətlər əlavə etmişdir.
Fərid Ələkbərlinin məqaləsini ingilis dilindən
tərcümə etdi: Aytən Əliyeva
Redaktə edən: Aydan Nəcəfova
162
MÜNDƏRİCAT
Müəllif və onun əsərləri haqqında-------------------------------------- 4
Müəllifdən------------------------------------------------------------------ 14
QƏDİM TƏBABƏT
Musiqi terapiyası---------------------------------------------------------- 17
Ətirlərlə müalicə ---------------------------------------------------------- 21
Qədim şərablar------------------------------------------------------------- 29
Sağlam qidalanma və uzunömürlük------------------------------------ 33
ORTA ƏSR ƏLYAZMALARI
Əlyazmalar institutu: Azərbaycanda erkən əlifbalar----------------- 40
Əsrlərdən gələn səslər: Baki Əlyazmalar İnstitutu------------------- 45
TARİX VƏ MƏDƏNİYYƏT
Azərbaycan tarixini yazarkən: həqiqət axtarışında------------------- 50
XIII əsrin Darvini? Tusinin təkamül barədəki fikirləri--------------- 71
Fərqli bir Koroğlu--------------------------------------------------------- 76
Baki: neftin tikdiyi şəhər------------------------------------------------- 84
Azərbaycan – Odlar Yurdu ---------------------------------------------- 97
Atəşgah: 150 il öncə fransız yazıçısı A.Dümanın
nəzərində-------------------------------------------------------------------
99
İpək yolu: Azərbaycanda tut ağacının tarixi
(F.Ələkbərli, İ.Əliyev)-------------------------------------------------------------
101
Köhnə Bakı haqqında xatirələr------------------------------------------ 104
İslamda yemək təcrübəsi və müasir Azərbaycan
gercəkliyi-------------------------------------------------------------------
119
Sofi Həmid qəbirstanlığı: solğun rənglər və əks
olunmuş ömür--------------------------------------------------------------
123
GÖRKƏMLİ TARİXİ ŞƏXSİYYƏTLƏR
Mirzə Fətəli Axundov: öz dövrünü qabaqlayan
əlifba islahatçısı-----------------------------------------------------------
136
Gündəliklər: Şair Mikayıl Müşviq-------------------------------------- 138
Aktyor Sarabskinin xatirələri-------------------------------------------- 143
MEMARLİQ ABİDƏLƏRİ
Bakı memarlığı, memarları, və bu memarları
maliyələşdirən şəxsiyyətlər----------------------------------------------
149
163
164
Azerbaijan İnternational, 2008
Fərid Ələkbərli, 2008
Document Outline - FƏRİD ƏLƏKBƏRLİ
- Fərid Ələkbərlinin
- “Azerbaijan İnternational” jurnalı
- “Azerbaijan İnternational” jurnalının
- MÜƏLLİFDƏN
- Q Ə D İ M T Ə B A B Ə T
- ƏTİRLƏRLƏ MÜALİCƏ
- ORTA ƏSR ƏLYAZMALARI
- ƏSRLƏRDƏN GƏLƏN SƏSLƏR: BAKI
- TARİX VƏ MƏDƏNİYYƏT
- Redaktə edən: Aydan Nəcəfova
- BAKI: NEFTİN TİKDİYİ ŞƏHƏR
- AZƏRBAYCAN – ODLAR YURDU
- QƏDİM DÖVRLƏRDƏKİ MÜŞAHİDƏLƏR
- KÖHNƏ BAKI BARƏDƏ XATİRƏLƏR
- Fərid Ələkbərlinin məqaləsini ingilis dilindən
- Fərid Ələkbərlinin məqaləsini ingilis dilindən
- GÖRKƏMLİ TARİXİ ŞƏXSİYYƏTLƏR
- MEMARLIQ ABİDƏLƏRİ
Dostları ilə paylaş: |