Yaddaşlarda yaşayacaq
35
hörmətlə yanaşır, amma sonda yenə də öz içindən, qəlbinin
dərinliyindən gələni qələmə alır. Əsərdəki obrazları səciy-
yələndirən müəllif, təbiət təsvirlərindən də yan keçmir, Qa-
rabağ camaatının qonaqsevərliyini də qeyd edir, ümumiy-
yətlə, yazıçının diqqət çəkdiyi bütün məqamlara güzgü tut-
mağa çalışır.
“Bədii söz: təfəkkürün qasırğası” adlı yazısında H.Mirə-
ləmovun “Qasırğa tez keçdi” hekayəsindən danışan Fariz Ço-
banoğlu Zəminə obrazının səciyyəsini açmağa, ana olmaq
istəyən, amma bu arzusuna çata bilməyən bir qadının qar-
şılaşdığı xoşagəlməz münasibətlərdən, nəhayət onun evini
tərk etməsindən, eyni zamanda əri Rəhimə olan güclü mə-
həbbətindən, sədaqətindən söz açır və onu xarakterizə etməyə
çalışır. Onun “Duyğuların harayı yaxud yazıçı qəlbindən
gələn səs” adlı yazısında da həmin povest haqqındakı fikirləri
diqqəti çəkir. Burada əsərin ideyası, əhəmiyyəti ön plana
çəkilir. Müəllif burada müxtəlif müqayisələr aparır. Burada
Əmir Teymur da xatırlanır, Antey də, Seyid Nigari də. Yazı
belə yekunlaşır: ”Xəcalət” povesti Azərbaycanın taleyinə
gecə kimi qaranlıq gətirən günlərin ağrısından doğulub. Bu
ağrı daha çox 1988-93-cü illəri əhatə edir. İndi isə Azərbay-
can həmin illərin ağrısını xatırlayır və yaşayır. Ümüd edirik
ki, yaddaşımızı silkələyən, duyğularımızı ehtizaza gətirən,
bizi sözüylə, sənətiylə Vətənə sarı çəkən yazıçıdan qələbə
soraqlı salnamələri yazmaq qisməti də yan keçməyəcəkdir”.
Farizin “Təbiəti qorumaq istəyi” adlı yazısında H.Mirə-
ləmovun “Simüzər” hekayəsindən və “Həyat eşqi” poves-
tindən, “Kişnəsə namərd atları” adlı yazısında “Güllələnmiş
heykəllərin fəryadı” essesindən, onun televiziya tamaşasın-
dan, “Mənəvi-əxlaqi dəyərlərin təbliği”ndə “Yeni həyat”,
“Çimərlikdə”, “Qarınqulu” hekayələrindən bəhs edilir.
Elçin Kamal “İnsanın keçdiyi yolun bədii sözlə ifadəsi”
adlı yazısında Hüseynbala Mirələmovun gənclik illərində
yazdığı hekayələrə bir də yenidən qayıdır, son illərdə yaz-
dığı povestlərə də qısa arayış verir və yazıçının 1987-ci ildə
Sona Xəyal
36
qələmə aldığı “Qartal” hekayəsindən söz açır. Toğrul Ay-
dəmir obrazını təhlilə cəlb edən müəllif onu tarixi, fəlsəfə-
ni, ədəbiyyatı, musiqini bilən, duyan bir yazıçı kimi təqdim
edir. Daha sonra “Həyat eşqi” povestinə keçid alır və bu
əsərin məhz elə o hekayənin davamı olduğu qənaətini bildi-
rir. “Qartal”dakı Toğrul Aydəmirin “Həyat eşqi”ndəki 40
yaşlı Müdrik, Qartal-İnsan, Palıd-İnsan olduğunu qeyd edir.
Əsərdən verdiyi sitatla fikirlərini əyaniləşdirən müəllif bə-
dii obrazın fəlsəfi mahiyyətini açmağa çalışır. Burada digər
müəlliflərin əsərləri ilə müqayisələr də yer alır. Yazı müəl-
lifin hökm kimi səslənən qənaəti ilə bitir: ”Axırda onu de-
yərdim ki, bu əsər oxucularda mütləq azadlıq duyğusu ya-
rada biləcəkdir. Məncə, “Həyat eşqi”nin ən böyük dəyəri
də elə bundadır”.
Elçin “Bir qovluğun izi ilə” adlı yazısında isə Hüseynba-
la Mirələmovun gənclik illərində yazdığı “İstəmirəm” he-
kayəsi, “Qartallar uçan yerdə” oçerki olduğunu diqqətə çat-
dırır. Müəllif burada yazıçının vaxtilə jurnalist kimi fəaliy-
yət göstərdiyini də qeyd edir. Onun publisistikasından söz
açır və sonda fikrini belə yekunlaşdırır: ”H.Mirələmovun
publisistik əsərləri də özünəməxsusluğu ilə seçilir. O heka-
yələrində olduğu kimi, publisistik əsərlərində də səmimidir.
O heç nəyi uydurmur, demək istədiyi fikirləri faktlarla mə-
nalandıraraq oxucunu inandırır”.
“Çimərlikdə yeni həyat və “Maşallahın paneli” adlı yazı-
sında isə “Çimərlik”, “Qarınqulu” və “Maşallahın paneli”
hekayələrindən söz açan müəllif ən çox Maşallah surəti
üzərinda dayanır, onu xarakterizə etməyə çalışır.
Elçin Kamalın “Dünyanın ən qiymətli paltarı” adlı yazı-
sındasa Hüseynbala Mirələmovun məşhur “Gəlinlik palta-
rı” povestindən söhbət gedir. Bu povest hamıya “Kredo”
qəzetindən tanışdır. Müəllif yazısının əvvəlində əsərin ge-
niş epik lövhələrinə görə, obrazların həyat fəlsəfəsi haqqın-
dakı düşüncələrinə görə, bəzən əsas hadisədən kənarlanma-
lara və hadisələri bütün təfərrüatı ilə təsvirinə görə povest
Yaddaşlarda yaşayacaq
37
çərçivəsindən çıxdığını, romana yaxınlaşdığını vurğulayır.
Sonra obrazlar aləminə baş vurur. Bəzi səciyyəvi cəhətləri
qeyd edir. Ən çox ziddiyyətli Fənayə surətinin üzərində da-
yanır. Əsərdəki rəmzi mənalara diqqət çəkən müəllif yazır:
”Povest başdan-başa rəmzlər üzərində qurulmuşdur. Gəlin-
lik paltarı rəmzi məna daşıdığı kimi, əsərdəki obrazların adı
da rəmzi məna kəsb edir. Zinayə bu cəmiyyətə zinalar bu-
raxa bilər. Fənayə bu dünyanı boş, mənasız sayır. Haris pu-
la və qadına çox hərisdir və s. Bu obrazların hər birinə öz
xarakterinə və əməllərinə görə müəllif ad seçmişdir. Ancaq
rəmzlər təkcə adlarla bitmir...”.
Elçin “Bir daha Fənayə haqqında” yazısında yenidən
“Gəlinlik paltarı”na qayıdır. Burada müəllifi bir qədər geri-
yə dönən, Anarın Təhminəsini xatırlayan və onlar arasında
oxşarlıq tapan görürük. Fənayənin gah əxlaq qanunlarına
məhəl qoymadan uçuruma yuvarlandığını, gah bütün yaxşı-
lıqlar üçün könül qapısını açdığını, gah da əxlaqsızlara layi-
qincə cavab verdiyini qeyd edən müəllif onun həm də is-
tedadlı olmağını, duyğulu şeirlər yazmağını dəyərləndirir.
Amma onun qənaəti belədir: “Fənayə Təhminəyə oxşasa da
Təhminə deyil. Əgər Təhminənin hərəkətləri onu altıncı
mərtəbəyə qaldırırsa, Fənayənin hərəkətləri onu mənəvi
boşluğa aparır. Bəlkə də, bu ona görə belədir ki, Təhminə-
dən fərqli olaraq Fənayə həyatda sevgisini tapa bilməyib”.
Farizin “Mənəvi dəyərlərin faciəsi” və “Gəlinlik paltarı”
və həyatın üzü və astarı” adlı yazılarında da “Gəlinlik pal-
tarı” geniş təhlil olunur.
Hər iki müəllifin Hüseynbala Mirələmovun yaradıcılığı
ilə bağlı digər məqalələrində də dəyərli fikirlərə rast gəlirik.
İstər bir yazıçı kimi hekayə və povestlərindən, istərsə də
publisistik yazılarından bəhs edərkən hər iki müəllif publi-
sistik yol tutmuşdur. Bu da təbii haldır. Bu günün əsəri
haqqında məhz elə bu cür danışmaq məqsədəuyğundur. Bir
əsərin gərək ən azı yüz illik ömrü olsun ki, onun haqqında
elmi yazı yazasan. Bu günün əsəri ancaq publisistik düşün-
Dostları ilə paylaş: |