Sona Xəyal
8
R.Rza poeziyasının tənqiddə dərin mənimsənilməsi heç
də həmişə hamar və asan olmamışdır. Bu isə əgər bir tərəf-
dən R.Rza şeirinə xas yaradıcılıq axtarışlarının mürəkkəbli-
yi və ciddiliyi, şairin ənənələrə münasibətinin fərdi, yaradı-
cı xarakteri ilə, novatorluğun bu poeziyada milli poeziyanın
gələcək inkişaf meylləri ilə bağlı idisə, digər tərəfdən bu,
tənqidin metodoloji çətinliklərindən, bəzən novatorluğu eh-
kamçı meyarlarla ölçməsindən, sosialist realizminin məh-
dud, dar düşüncəsindən irəli gəlirdi.”
Simuzər İsmayılova əsərin girişində Rəsul Rza yaradıcı-
lığından və görkəmli tənqidçilərin bu yaradıcılığa münasi-
bətindən söz açır. Burada şair haqqında müxtəlif illərdə
nəşr olunmuş həm azərbaycanca, həm də rusca kitabların
adlarını diqqətə çatdıran müəlif bu əsərlərdə şairin poeziya-
sına müraciətdən və ona verilən qiymətdən bəhs edir.
Monoqrafiyanın I fəsli “Müasirlik: poeziyada və tənqid-
də” adlanır və üç bölümdən ibarətdir. “Yenilik axtarışları”
adlı bölümdə tənqidçi Rəsul Rzanı H.Cavid, C.Cabbarlı,
S.Vurğun, S.Rüstəm, M.Müşfiq, kimi şairlərlə bir sırada
görür, şairin yaradıcılığının hələ 30-cu illərdən üzü bəri
tənqid obyekti olduğunu diqqətə çatdırır və Məmməd Ari-
fin bu poeziyaya verdiyi qiymətdən əhatəli söz açır.
“Poeziyanın novatorluğu və tənqid” adlı bölümdə tənqi-
din Rəsul Rza yaradıcılığına münasibəti açıqlanır və burada
ən çox haqsız tənqidlərə məruz qalan Rəsul Rzanı görürük.
Amma o zaman da şairi müdafiə edən, onun novatorluğunu
başa düşən, onu qiymətləndirən sənət dostları vardı. Ən
əsası isə Rəsul Rza geri çəkilən, hər sözdən tez sınan adam
olmadığı üçün bu tənqidlərə sinə gərməyi bacarmışdır.
Üçüncü bölüm “Poemanın tənqidi, tənqidin ehkamları”
adlanır və burada söhbət şairin “Lenin” poemasindan gedir.
Burada bir sıra tənqidçilərin fikirlərinə istinad edərək, öz fi-
kirlərini oxucuya çatdırmağa çalışan müəllif fikrini belə ye-
kunlaşdırır:”Poemanın tənqid tərəfindən R.Rzanın yaradıcı-
lıq axtarışlarının yekun hadisəsi kimi qiymətləndirilməsi
Yaddaşlarda yaşayacaq
9
xüsusi qeyd olunmalıdır. Tənqidin bəzi nümunələrində əsə-
rin janr və üslub özünəməxsusluğunun da aydınlaşdırılma-
sına təşəbbüs göstərilmişdir. Lakin bununla belə R.Rza
poemasının bir çox yaradıcılıq problemlərinin ya tənqidin
diqqətindən kənarda qaldığı, ya da lazımi dərinlik və tu-
tumluluqla işlənilmədiyi də qeyd olunmalıdır.”
Monoqrafiyanın II fəsli “Tənqid və poeziyanın yeni mər-
hələləri” adlanır və üç hissədən ibarətdir. “Yeni mərhələ,
yeni təhlil” bölümündə artıq şairin 50-ci illərin ortalarından
üzü bəri yaradıcılıq nümunələrinin yeni mərhələnin məhsu-
lu kimi tənqidin diqqətini cəlb etməsinin şahidi oluruq. Xü-
susilə də 60-cı illərdən daha da bariz şəkil alan bu mərhə-
lədə yeni br Rəsul Rza var. “Lirik qəhrəman və ədəbi tən-
qid” bölümündə Rəsul Rza yaradıcılığının təkcə forması ilə
deyil, yaradıcılığında əsas götürdüyü ədəbi-estetik prin-
siplər ilə də yeni, novator poeziya kimi diqqəti cəlb etdiyi
xüsusi vurğulanır və Rəsul Rza şeirinin lirik qəhrəmanı
hərtərəfli tədqiqata cəlb olunur, onun xarakterik xüsusiy-
yətlərində qabarıq cəhətlər ön plana çəkilir. Bütün bunları
əhatəli şəkildə araşdıran Simuzər İsmayılova yazır: “R.Rza-
nın 60-cı illər lirikası haqqında tənqidin təhlilindən belə nə-
ticəyə gəlmək mümkündür: bu lirikanın fəlsəfiliyi, insani
gözəlliyi və səmimiyyəti hər şeydən əvvəl, onun ifadə etdi-
yi, bu lirikanın məğzini təşkil edən insan konsepsiyasıdır.
Bu konsepsiya isə təsdiq edir ki, insan sosial cəhətdən fəal
və güclüdür, insanın hissi və fikri imkanları tükənməzdir...”
“Tənqidin “Rənglər” silsiləsinə münasibəti” adlı bölüm-
də elə adından göründüyü kimi tənqidin şairin məşhur
“Rənglər”inə olan münasibətidir. Buna ayrıca bölmə ayrıl-
ması da çox təbiidir. Çünki şairin 60-cı illərdə yaranan
əsərləri içərisində ən çox diqqəti cəlb edən bu silsilədir və
ən çox anlaşılmayan, tənqid olunan da elə bu şeirlər olmuş-
dur. S.İsmayılova bütöv bir bölümdə həm bu silsilə haqqın-
da, həm də tənqidin bu silsiləyə münasibəti haqqında əhatə-
li araşdırma aparmış və bu silsiləni bəyənən tərəflərə də
Sona Xəyal
10
xeyli yer ayırmışdır.
Kitabın sonunda verilən ədəbiyyat siyahısından da görü-
nür ki, tədqiqatçı-alim Simuzər İsmayılova bu monoqrafiya
üzərində böyük səylə işləmiş və ortaya dəyərli bir tədqiqat
əsəri qoymuşdur.
“Paklıq” qəzeti, dekabr, 2011
“AŞIQ ŞƏMŞİRİN POETİK
ALƏMİNƏ SƏYAHƏT”
Son illər Azərbaycan aşıq sənəti dünya miqyasında təb-
liğ olunmağa başlamış, bu sahədə xeyli işlər görülmüşdür.
Heydər Əliyev fondunun dəstəyi ilə aşıq sənətimizin də
muğam sənətimiz kimi dünyaya tanıdılması, Azərbaycan
Aşıqlar birliyinin təşkil etdiyi tədbirlər, telekanalların za-
man ayırdığı verilişlər, eyni zamanda alimlərin, tədqiqatçı-
ların nəşr etdirdiyi kitablar öz bəhrəsini artıq verməkdədir.
Aşıq sənətimizlə bağlı oxuculara təqdim olunan maraqlı
kitablardan biri də filologiya elmləri doktoru, professor
Sədnik Paşa Pirsultanlının “Təknur” nəşriyyatında çap
olunmuş “Aşıq Şəmşirin poetik aləminə səyahət” kitabıdır.
Kitabın elmi redaktoru Folklor İnstitutunun Mifologiya şö-
bəsinin müdürü, f.e.n. Seyfəddin Rzasoy, redaktoru şair-
publisist Qənbər Şəmşiroğludur.
Seyfəddin Rzasoy kitaba yazdığı “Sənətkar sözü–alim sö-
zü: Aşıq Şəmşir və Sədnik Paşa Pirsultanlı” adlı ön sözünə elə
sözün tərifi ilə və Füzuli heyrəti ilə başlayır. Sonra “elmin
həm aşiqi, həm də alimi” kimi təqdim etdiyi Sədnik Paşa
Pirsultanlının elmi fəaliyyətindən, folklor elminə verdiyi
töhfələrdən söz açan müəllif bizə onun Aşıq Şəmşirin ömür
yolundan, yaradıcılığından danışan monoqrafiyasını təqdim
edir və ”Prof. S.P.Pirsultanlının bütün elmi fikirlərini vahid
üslubi xət –dəqiqliyi və dərinliyi ilə səciyyələnən sadəlik
billəşdirir” qənaətinə gələrək, Aşıq Şəmşirin mühütü, həyatı,
yaradıcılığı haqqında alimin elmi görüşlərindən danışır.
Dostları ilə paylaş: |