___________ Milli Kitabxana_______________
35
– Var, birinin həyat yoldaşı, yəni mənim bacım maşıdadır,
yalvarıram tez olun.
Həkimlər yaralıları maşınlara yerləşdirdilər. Onlardan biri
Rəşidə dedi:
– Qardaş, yollarda vəziyyət onsuz da təhlükəlidir, keçib get-
mək belə mümkün deyil. Yaxşısı budur, siz maşınla şəhərə gir-
məyəsiniz, bayaqkı vəzuyyətdən sizin qurtuluşunuz bir möcüzə
idi. Maşını burada qoysanız növbəti tank onu əzib keçəcək. Siz
qayıdın evə. Sonra, yəni səhər gələrsiz xəstəxanaya. Onsuz da...
Rəşid həkimə sözünü tamamlamağa imkan vermədi.
– Cəhənnəmə olsun maşın, mən də onunla gedəcəyəm.
Hələ şokda olan, bir möcüzə nəticəsində sağ qaldıqlarına
inanmyan Şövkət xanım elə bil ki, qəflət yuxusundan ayıldı.
– Yox-yox, onsuz da Ramizi itirirəm, səni də itirə bilmərəm,
qardaş, həkim düz deyir sən qayıt, mən Ramizlə gedəcəm.
– Bəs?
– Sus, Rəşid, balalarımı sənə tapşırıram, mənə bir şey olsa,
onlar sənə əmanət.
Rəşid bacısının alnından öpdü.
– Yaxşı, bacı get, Allah amanında.
* * *
Xəstəxanaya 15 dəqiqəlik yol idi. Amma Sovet tankları
Təcili Yardım maşınlarını Sabunçu körpüsündə haqladı.
İnsanların qışqırığı tankların tırıltısına qarışmışdı. Körpüdən
keçmək mümkün deyildi. Qayıtmalı oldular. Körpünün altın-
dan elektrik qatarları keçirdi. Maşınlar relslərin üstündən aşıb
keçə bilməzdilər. Şövkət xanım Təcili Yardım maşınından
düşüb dəmir yoluna yaxın qapıların birindən yolu soruşdu.
Sən demə burada da güclü atışma olubmuş. Yaralananlar və
___________ Milli Kitabxana_______________
36
ölənlər var idi. Əhali qorxusundan həyətlərinə çəkilmişdi.
Şövkət xanımın səsinə bir neçə adam çıxdı.
– Maşın relslərin üstündən keçə bilməyəcək. Relslərin
üstünə nə isə qoymaq lazımdır ki, maşın hərəkət etsin, – deyə
adamların arasından yaşlı bir kişi irəli yeridi.
– Ay Allah, özün kömək ol. Axı, xəstəxanaya cəmi 200 metr
qalıb. Belə də dərd olar. Qansızlar Təcili Yardım maşını belə
buraxmırlar, bu müsibət harada görünüb, bunları ana doğmayıb,
bunların ürəyində Allah xofu yoxdur- bunu da bir qadın dedi və
ağlaya-ağlaya yaxın həyətlərdən birinə qaçdı.
Şövkət xanım göz yaşı içində ətrafdakılardan imdad
istəyirdi. Kömək edə bilməyəcəklərini dərk edən insanlar
başlarını aşağı əyib dayanmışdılar, elə bil gücsüz və çarəsiz
qaldıqları üçün Şövkət xanıma baxmağa utanırdılar.
– Ay qardaş, bəs nə edək, bəlkə başqa bir yol var?
– Gərək kənd arası yolla mədənlərin arası ilə gedəsiniz.
– Çox uzaq olmazmı?
– Başqa çarəniz yoxdur.
Sürücü tərəddüdlə:
– Axı, mən yolu tanımıram-dedi.
– Biz sizə yolu göstərərik, – cavanlarda ikisi maşına mindi.
Ramiz hərdən özünə gəlir, əllərini Şövkət xanıma uzadır,
pıçıltı ilə:
– Ölürəm, Şövkət, uşaqlarım... – deyirdi.
Şövkət xanımsa onun əllərini öpür:
– Döz, əzizim, lap az qalıb, bir azca da döz, indicə çatacağıq,
cəmi beş dəqiqəlik yolumuz qalıb.
Şövkət xanım belə desə də bilirdi ki, bu 5 dəqiqəlik yol acı
bağırsaq kimi uzandıqca uzanacaq, onlar bu mədən yolundan
sağ-salamat keçib getmələri də Allahın lütfü olacaq. Amma o
ümidini itirmək istəmirdi...
___________ Milli Kitabxana_______________
37
Yol kələ-kötür, narahat idi. Hər dəfə maşın nəyəsə toxunub
silkələnəndə Ramiz zarıyırdı.
Ərinin bum-buz əllərini nəfəsi ilə isidən Şövkət elə hey
pıçıldayırdı:
– Bir az da döz, qurban olum, bir azca da səbr elə, çatırıq.
O ərindən daha çox indi özünə təskinlik verirdi. Ona elə
gəlirdi ki, Ramizi bu həyata bağlayan yeganə bağ onun
əlləridir. Əgər o əllərini Ramizin əllərindən ayırsa ərini,
balalarının atasını həmişəlik itirəcək.
* * *
Xəstəxanada həkimlər bir-birinə qarışmışdı. Cərrahiyyə
şöbəsində yer çatışmadığından yaralıları döşəməyə düzmüş-
dülər. Əməliyyat aparmağa növbə çatmırdı.
Həkimlərdən biri amiranə səslə həkimlərə göstəriş verdi:
– Burada bir nəfər də ölməməlidir, əlimizdən gələni
etməliyik ki, hamını əməliyyat edib yaşada bilək.
Ramizi düşürüb həkim müayinə etmək üçün çarpayıya
uzatdılar. Həkim güllə yarasına baxanda başını tərpətdi.
– Çox qan itirib. Xanım sizdə yaralısınız?- həkim Şövkət
xanımın qanlı üst-başına baxdı.
– Yox, yox yəqin yoldaşımın qanıdır. Həkim diqqətlə baxıb
başını yana çevirdi. Şövkət xanım bilmirdi ki, Ramizin
ciyərindən dəymiş güllə öz işini görmüşdü. Parçalanmış ciyər
qan ilə qarışıq axırdı. Şövkət xanım fərqinə varmadan bu ciyər
tikələrini də qan qarışıq üst-başına, hətta sifətinə çəkmişdi.
– Həkim tibb bacısını səslədi:
– Səidə, xanıma kömək et əl-üzünü yusun.
– Lazım deyil, tez yoldaşımı müayinə edin, – deyən Şövkət
xanımın gözləri elə bil hədəqəsindən çıxmışdı.
___________ Milli Kitabxana_______________
38
Qan təzyiqini ölçən həkim - təzyiq demək olar ki, yoxdur.
Sizə Allah kömək etsin. Çox qan itirib. Ürəyi sağlamdır, hətta
qansız belə döyünür.
Ramiz son dəqiqələrini yaşayırdı. Ancaq dodaqları tərpənir,
nəsə deyirdi. Tibb bacısı Səidə Ramizə yaxınlaşanda onu tanıdı.
Onlar yaxın qohum idilər.
– Şövkət, Şövkət, – deyə pıçıldayan Ramizə tərəf gələn
Səidə:
– Mən Şövkətəm, nə lazımdır?
– Su, su.
Səidə pambığı isladıb onun dodaqlarına sıxdı.
– İçin, – dedi.
Ramizin – Çox sağ ol, bacı. – pıçıltısını eşidən Səidə özünü
saxlaya bilməyib ağladı.
Həkim: xəstə can üstə olsa da həyat yoldaşını tanıya bilir.
Sən ona Şövkətəm dedikdə, o sənə bacı dedi. Bildi ki, sən o
deyilsən. Şövkət hara getdi?
– Xanım çox üzülüb, biz onu o biri otağa keçirtdik ki, ərinin
ölümünü görməsin.
Ramiz iri gözlərini bərəldib ətrafa baxırdı. Gözləri ilə kimi
isə axtarırdı. Şövkət qapıda göründü. Ramiz ona diqqətlə
baxanda gülümsədi. Gülüşü dodağında dondu. Artıq həyata
əlvida demişdi. Şövkətin qışqırığı, fəryadı xəstəxananı başına
götürmüşdü. Onu heç cürə sakitləşdirə bilmirdilər.
Həkim Şövkətə yaxınlaşıb onu sakitləşdirmək məqsədilə
dedi:
– Biz cərrahiyyə əməliyyatı aparmalıyıq. Siz evə gedin.
Səhər xəstəyə dəyməyə gələrsiz.
– Yox, doktor, mən onun yanında qalacağam.
– Olmaz. Həkim göz yaşlarını gizlədərək Şövkət xanımı
sakitləşdirirdi.
Dostları ilə paylaş: |