___________ Milli Kitabxana_______________
6
Müstəqil Azərbaycanımızın azadlığı
uğrunda həlak olmuş şəhidlərimizin
ruhuna ithaf olunur.
Ramizgilin evində bayram əhval-ruhiyyəsi vardı. Uşaqlarla
birlikdə ana da sevinirdi. Bu Şövkət xanımın ən yaddaqalan
günüydü. Axı bu gün həm ömür-gün yoldaşının 50 yaşı tamam
olurdu, həm də evlənmələrinin 15 illiyi idi.
On beş illik ailə xoşbəxtliyindən Allah-Təalanın onlara bəxş
etdiyi 4 övlad payı indi onun ətrafında atılıb-düşür, analarına
gücləri yetən dərəcədə kömək etmək üçün ora-bura vurnuxur,
amma iş tapmadıqlarından daha çox əl-ayağa dolaşırdılar.
– Ana, qonaqlarımız çox olacaq?
– Hə, qızım.
– Ana, nənəm də gələcək?
– Hə, əzizlərim, nənəsiz nə məclis? Ancaq yaxşı olar ki, siz
əl-ayağa dolaşmaqdansa, faydalı bir iş görün, səs-küy salıb
mənə mane olmayın. Bax qızım, sən gülləri sula, qoy qaqaşın
da zibilləri atsın.
– Mən...mən sənə kömək edəcəm. Çünki atamı hamıdan çox
mən istəyirəm, – bu balaca Əbifəzin səsi idi.
– Yaxşı, yaxşı mənim ağıllı balam, götür bu çəngəlləri,
səliqə ilə düz stolun üstündəki boşqabların yanına, sonra da
salfetkaları qoy...
– Bu saat, anacan, – uşaq güllə kimi mətbəxdən çıxdı.
Qaqaş çağırdıqları 8 yaşlı Əbülfəz atasını hamıdan çox
istədiyini sübut etmək üçün bu gün daha çox canfəşanlıq edirdi.
...Səhər həyat yoldaşını işə yola salandan sonra evin xanımı
axşamdan planlaşdırdığı yığıncağa hazırlıq görməyə başladı. İşi
çox idi. Salatlar hazırlanmalı, kabablıq ət doğranılıb basdırma
olunmalı, dolma bükülməli, plov dəmlənməli, qonaqları yüksək
___________ Milli Kitabxana_______________
7
səviyyədə qarşılamaq üçün hər kiçik detala diqqət yetiril-
məliydi.
Ötən dəqiqələr Şövkət xanımın həyəcanını daha da artırırdı,
hansı işdən yapışacağını belə konkretləşdirə bilmirdi. Saata
baxdı, 9-un yarısı idi.
– Deməli, saat 12-yə kimi salat və soyutma, 12-dən 4-ə kimi
isti yeməklər hazırlanmalıdı. Qohumlar da dolmaya kömək
edər. Qalır plovun qarası. Plovu qonaqlar gələnə yaxın süzərik.
Bu işin də ustası Aliyəynən anamdır...
İşləri planlaşdırandan sonra (o həmişə planlı iş görməyi
xoşlayırdı) önlüyünü bağladı. Qapının zəngi çalındı. Gələn
anası ilə Aliyə idi.
– Buyurun, vaxtında gəlmisiniz. Ramizi indicə yola saldım.
İstəmirəm heç nə bilsin, mən ona bu axşam gözəl bir sürpriz
hazırlamışam. Həm 50 yaşını, həm də ailə qurmağımızın 15
illik yubileyini bu geçə deyd eləyəcəyik.
– Çox mübarək, xeyirli olsun, Allah cansağlığı versin,
balalarınızın xeyrini görəsiniz.-anası Sara xanım məhəbbətlə
qızını bağrına basdı.
– Qonaqlarınız çox olacaq? – Sara xanımın arxasınca evə
girən Aliyə soruşdu.
– Yox, ancaq qonşuları çağırmışam, bir də qohumlar
gələcək. 50 nəfərə yaxın adam olacaq. Axşamdan heç nə
bişirməmişəm. Dedim ki, qoy Ramiz şübhələnməsin,
soruşmasın ki, bu nə hazırlıqdır, nəyi qeyd edirik yenə? Əgər
Ramizin bundan xəbəri olsa, onda sürprizin ləzzəti də qaçar...O
bizim üçün hər şey edir, özünü oda-közə vurur, uşaqların da,
mənim də hər bir arzumuzu yerinə yetirir, amma bircə özünə
qıymır. Bəlkə də bu gün doğulduğunu belə unudub...Nə isə,
səni də qapının ağzında saxladım, keç içəri, bir az rahatlan...
– Bəs uşaqlar hanı, səsləri gəlmir...
___________ Milli Kitabxana_______________
8
– Könül indi gələcək, dərsə getməyib, bir az nasazdı.
Ceyhunsa dərsdən çıxıb əmisini çağırmağa gedəcək, balacalar
da mənə kömək eləmək üstündə yarışa giriblər...
Anası qürurla gülümsündü.
– Ay onlara qurban olum, şükür Allaha, nəvələrim böyüyüb-
lər, analarına kömək eləyirlər. Yaxşı, qoy mən də qaynananla
görüşüm, gəlirəm, – deyə Sara xanım o biri otağa keçdi.
Əbülfəz yenə mətbəxtdəydi. Anasından yeni tapşırıq
gözləyirdi. O ikinci növbədə oxuyurdu, deyəsən, heç bu gün
dərsə getmək niyyəti yox idi. İndi də kömək etməkdən çox
maneçilik törətsə də, yenə əl-ayaq edirdi.
Atrıq masa demək olar ki, hazır idi. İşin əsas ağırlığı ancaq
mətbəxdəkilərin üstünə düşürdü. Salat üçün bütün məəzəmələri
yuyub bir tərəfə yığmışdılar. Bircə qalırdı doğranıb qarışdırıl-
ması. Mətbəxdəkilərin başı işə necə qarışmışdısa, vaxtın
keçdiyindən heç xəbər tutmamışdılar. Hava yavaş-yavaş
qaralırdı.
– Ay bala, sən get hazırlaş, paltarını dəyiş, özünü səliqəyə
sal, indicə qonaqlar gələcək, – qayınanası Şövkəti tələsdirdi.
– Bu dəqiqə qurtarıram, – deyə Şövkət xanım salat dolu
qabları masaya düzməyə başladı. Sonra da bir addım kənara
çəkilib diqqətlə stolun üstünü nəzərdən keçirdi, hər şeyin yeri-
yerində olub-olmadığını yoxladı. Deyəsən elə bir kəm-kəsri
yox idi yubiley masasının.
– Hə, indi hər şey qaydasındadır, mən də gedib geyinə
bilərəm.
Öz otağına keçdi. Həmişə qonaqlığa və ya gəzməyə gedəndə
hansı paltarı geyinəcəyini, saçını necə düzəldəcəyini Ramizlə
məsləhətləşirdi, həyat yoldaşı da ona dəyərli məsləhətlər
verirdi, o ərinin yanında bəzəkli tovuz quşunu xatırladırdı.
Şövkət xanım güzgününün qarşısında durub bir-bir geyimlərini
___________ Milli Kitabxana_______________
9
nəzərdən keçirir, hansını geyinəcəyini düşünürdü. Seçim çox
müxtəlif olmasa da, qadın istəyirdi ki, bu qanaqlıqda
geyinəcəyi paltar Ramizin ürəyincə olsun.
Ailə qurduqları bu 15 il ərzində Şövkət həmişə Ramizin
zövqünə arxalanıb, onun bəyənib aldıqlarını - istər geyim olsun,
istər ətir və ya da zinnət əşyası böyük həvəslə qəbul edib, sevə-
sevə, həm də daxili bir qürur hissi ilə geyinib, ətirlənərdi.
Geyinəcəyi paltarı artıq qərarlaşdırmışdı. O paltara uyğun
ayaqqabını da qutudan çıxardı. Qızıl əşyalarını da mücrüdən
götürdü.
...Xəyal onu çox uzaqlara, 15 il əvvəlki günlərə qaytardı.
Ramiz ilk görüşdə ona əqiq qaşlı gözəl bir üzük bağışlamışdı.
Şövkət xanım bu üzüyü çox xoşlayırdı. Onun incə barmağına
bu üzük çox yaraşırdı. Bu gün də o üzüyü taxdı, həmin üzüyə
uyğun gələn təzə donunu geyindi. Saçlarını düzəltməyə çətinlik
çəkmədi. Saçları qısa olduğundan ona forma vermək də o qədər
də çox vaxt tələb etmirdi.
Qapı zəngi Şövkət xanımı təlaşlandırdı. Mətbəxdəkilərə
səsləndi:
– Bir az əlli tərpənin, deyəsən, Ramizdi, gələn. Könül, qaç
qonaq otağının qapısını ört, Ülkər, sən də qapını aç, amma
ataya heç nə demə ha..
Ceyhunla Əbülfəz də artıq qapının ağzındaydılar. Adəti üzrə
yenə hay-küylə, xoş əhval-ruhiyyə ilə içəri girən Ramiz
uşaqlarının dördünü də qapıda, geyimli-kecimli görəndə:
– Salamlar, yenə hara belə hazırlaşmısınız, gedəcəyiniz yer
evimizdən yaxşıdırsa, məni də aparın, – deyə şuxluqla soruşdu,
– kinoya gedirsiniz, yoxsa teatra, bəlkə futbola hazırlaşmısınız,
ananız gedirsə, məni də unutmayın.
Uşaqların dördü də israrla susdu, amma hamısının gözləri
sevincdən, fərəhdən par-par yanırdı. Uşaqlar “ata, doğum
Dostları ilə paylaş: |