___________ Milli Kitabxana_______________
66
kimi “belini bərk bağlayıb“ alın açıqlığı ilə, mətanət və
dəyanətlə uşaqlarını böyüdürdü.
Xəyallar onu bəzən yaxın keçmişə, Ramizli günlərinə apa-
rırdı, bəzən 20 Yanvar gecəsindən sonra dəyişən ömür yoluna,
ağrılı-acılı saatları düşünürdü. Uşaqları evdə olmayanda
həyəcan içində otaqları gəzirdi. Hər otaqdan Ramizin şəklini
asmışdılar. Hər yerdən Ramiz boylanırdı. Hara dönürdüsə
onunla göz-gözə gəlirdi. Artıq adət etmişdi, bir çətinliyi olanda
otaqlardan birinə çəkilir, Ramizin rəsminin qarşısında dayanır,
ərinin şəkli ilə danışır, ondan məsləhət alır, onunla dərdləşirdi.
Beləcə keçib gedirdi ömür...
Şövkət xanım Novruz bayramında anadan olmuşdu. Ramizin
sağlığında onlar həm ad gününü, həm bayramı xüsusi
təmtəraqla keçirirdilər, axşam Ramiz evə dönəndə öz əlləri ilə
becərdiyi çiçəklərin ən gözəlini seçib dəstə bağlayır, aldığı
hədiyyə ilə birlikdə Şövkətə gətirərdi. Həmin gün dünyanın ən
gözəl sözlərini də həyat yoldaşının ünvanına söyləyərdi
Ramiz...
İllər quşdan qanad alıbmış kimi sürətlə uçub getmişdi. Artıq
övladları da böyümüşdü. Ancaq balaları, bu ənənəni indi də
yaşatmağa nail olmuşdular. İndi onlar analarına çiçək dəstələri
gətirirdilər, hədiyyə alırdılar.
Şövkət xanım bu gün çox həyəcanlı görünürdü. Evdə qərar
tuta bilmirdi. Bu gün qızına elçi gəlirdi. O bu axşam Ramizin
yoxluğunu daha çox hiss edirdi. Kaş möcüzə baş verəydi, kaş
indi qapı açılaydı, Ramiz gülə-gülə içəri girəydi, qollarını geniş
açıb onu bağrına basaydı, “Gözümüz aydın, ay Şövkət, qızımız
böyüyüb, ona elçi gəlirlər, xoşbəxt olsun, mənim balam“ -
deyəcək. Qadın dönüb Ramizin divardan asılmış şəkilinə baxdı,
ona elə gəldi ki, şəkil gülümsəyir...
Bu gün qızına elçi gəlirdi, yəqin bir-iki ildən sonra o da
___________ Milli Kitabxana_______________
67
kiminsə qapısını döyəcək, evinə gəlin gətirəcəkdi.
Nə tez gəlinlik yaşına çatdı bu qız? Elə bil ki, dünəndi, hər
ikisi beşik başında dayanıb nəvazişlə, məhəbbətlə körpələrinə
baxırdılar. Ramiz böyük qızı Könülü çox istəyirdi, həmişə ona
“bacı“- deyirdi.
Şövkət yenə ürəyində özü-özü ilə danışırdı:
– Ramiz, mən sənsiz neyləyəcəm, bu boyda ağır işin öhdə-
sindən necə gələcəyəm? Qonaqlarımı sənin kimi qarşılayıb yola
sala biləcəyəmmi? Sabah mütləq sənin görüşünə gələcəyəm,
Ramiz, sənin məsləhətinə elə çox ehtiyacım var ki...
* * *
Qonaqlar artıq dağılışmışdı. Ana-bala otaqda yalqız qal-
mışdılar. Hər ikisinin gözü Ramizin divardan asılmış şəklinə
zillənmişdi. Könül atasına diqqətlə baxırdı. Birdən o dilləndi:
– Ana, atanın şəklinə bax, elə bil ki, nə isə demək istəyir.
– Hə, qızım, sənə xeyir-dua vermək istəyir, sənə xoşbəxtlik
arzulayır, atan.
– Yadındamı, ana, atam ölən ilin ilk Novruz bayramı, biz
şəklinin qarşısına bayram şirniləri və bir nimçə aş qoyduq. Bir
həftə orada qaldı. Biz sənə görə, sən isə bizə görə, ürəyimizi
sındırmamaq üçün, o qablara dəymirdik. Bir dəfə isə biz sənin
şəkillə danışdığını eşitdik. Sən atanın şəkilinə baxıb səssizcə
ağlayır və pıçıltı ilə soruşurdun ki:
– Axı niyə yemirsən, Ramiz, bəlkə yağı azdır, bəlkə, so-
yuyub yeməklər?. Qoy aparım isidim sənin üçün... Yoxsa,
küsmüsən bizdən?
Biz də gizlincə ağlayırdıq. Səhər tezdən Ülkərlə Əbülfəz
şəkilin önündəki qabları götürdülər, əvəzinə isə bir qucaq
qərənfil qoydular.
___________ Milli Kitabxana_______________
68
Bu illər ərzində Könül anasına dost, sirdaş, dərd otağı
olmuşdu.
Ramizin böyük oğlu atasının arzuladığı peşənin dalınca gedə
bilməmişdi, təhsil sistemindəki dəyişiklər, başlarına gələn
müsibət onu lap erkən yaşlarından işləməyə, anasına, bacılarına
sahib çıxmağa vadar etmişdi. Ceyhun Ticarət texnikumunda
oxuyurdu, dərsdən sonra isə işə tələsirdi.. Könülün dərsləri
çətinləşmişdi, ali məktəbi qurtarmağına cəmi bircə il qalırdı..
Şövkət xanım isə Ramizdən sonra anasını da itirdiyindən
bərk sarsılmışdı, ona elə gəlirdi ki, bu gen düyada yapa yalqız
qaldı. Uzun müddət özünə gələ bilmədi. Ona görə də işdən də
çıxdı. İndi evin yeganə dayağı, çörək ağacı Ceyhun idi. Bütün
ağır günlər, çətin anlar onları sındıra bilmədi. Pis-yaxşı bir
təhər dolanırdılar. Şövkət xanımın həmişə qürurlu gəzirdi,
qohumlarının heç birinə ağız açmadı. Lap sonda, qızının gəlin
köçmə məsələsi gerşəkləşəndə illərdən bəri əl vurmadığı mücrü
yadına düşdü. Ramizin bir vaxtlar minbir arzu-niyyətlə aldığı
zinyət əşyaları dar günün yarağına çevrildi. Mürcüdəki qızıl
əşyaları satıb Könülün cehizini düzəldəcəkdi...
– Ana, özünü çox xərcə salma. Sən varsan, bu bizə bəsdir.
Cehiz məsələsinə görə də, narahat olma, yavaş-yavaş hər şey
alacağıq.
– Atanızın arzuları ürəyində qaldı. Siz balaca olanda
dünyanın bütün naz-nemətini evə daşıyardı. Həmişə sizin üçün
ən yaxşı pal-paltarı seçib alardı, ən gözəl oyuncaqlar gətirərdi,
deyərdi qoy balalarım heç nədən korluq çəkməsinlər, ürəyi
bütöv böyüsünlər. İndi mən onun da yerinə sizdən heç nəyi
əsirgəməyəcəm. Siz məni yaşadan qol-qanadımsınız. Bu
əşyalar sizindir. Atanızdan sonra mənim qızıl taxdığımı
görübsünüzmü, yox...
– Elə demə ana, sənin nə yaşın var ki, gözəl, qəşəng
Dostları ilə paylaş: |