ŞÖVKƏt xanməMMƏdova
Yüklə 1,04 Mb. Pdf görüntüsü
|
- Bu səhifədəki naviqasiya:
- Ramizin (Cəbrayılın) qardaşları
___________Milli Kitabxana_______________ 76 almışdılar. O zaman baş verən hadisələrə etinasız qala bilməyən Ramiz Yeni Suraxanıya xəstə anamıza baş çəkməyə gələndə, yola toplaşıb Rus ordusunun qarşısına taxta barikadalar quran həmkəndlilərinin yanına tələsdi. Tələsdi ki, onları gələn ölüm təhlükəsindən qoruya bilsin. Amma özü bu vəhşilərin gülləsinə tuş gəldi.. Onun ölümü bizim ailə üçün bir faciə idi Onun gənc xanı- mını və dörd övladını heç nə ilə ovundura bilmədik. Əslində biz də onlarla bərabər uzun müddət Ramizin yoxluğuna dözə bilmirdik. Bizim üçün Ramizsiz həyat çətin təsəvvür edilir. Lakin zaman öz hökmünü vermişdi. Qarlı-tufanlı soyuq bir gecədə doğulan Ramiz soyuq, lakin qarsız bir gecədə bizi tərk etdi.
Artıq o qanlı gecədən illər keçmışdir. Deyirlər ərlə arvadın torpağı bir yerdən götürülür. Ramizin özü kimi mərd, kişi qeyrətli Şövkət xanım dörd evladını boya-başa çatdırdı, onların haısını evləndirdi. İndi Şövkətin 11 nəvəsi var, onların arasında ən çox sevdiyi balaca Ramizdir. Ramiz bizim hamımızın təsəllisi, əzizidir. Biz inanırıq ki, balaca Ramiz də öz babası kimi qorxmaz, mərd, cəsur, vətənpərvər bir igid olacaq. Biz qardaşımız Ramizlə fəxr edirik. Onun yoxluğu bizə ağır bir dərd olsa da, təsəllimiz budur ki, o bizim xalqın azadlığı uğrunda şəhid olub., bütün nəslimizə, bütün kəndimizə, xalqımıza başucalığı gətirib.. ALLAH BÜTÜN ŞƏHİDLƏRƏ RƏHMƏT ELƏSİN.
Sabbar və Hüseynağa Xanməmmədovlar
___________Milli Kitabxana_______________ 77
___________Milli Kitabxana_______________ 78 * * *
O günlərə yenidən qayıtmaq, o anları təkrar xatırlamaq çox çətindir. Mənə elə gəlir ki, o Qanlı Yanvar faciəsindən 20 il deyil, lap 30 il, 60 il keçsə belə, o yara heç vaxt köhnəl- məyəcək, həmişə sızıldayacaq, həmiçə bizi incidəcək. 1990-cı il yanvarın 20-də Azərbaycan xalqına qarşı ağır cinayət törədildi. Azərbaycanın ərazi bütövlüyünün pozulması cəhdlərinə etiraz əlaməti olaraq küçələrə çıxmış dinc əhaliyə divan tutmaq məqsədi ilə Bakıya və Respublikamızın bir neçə rayonuna qanunsuz olaraq qoşun hissələri yeridildi Görünməmiş qəddarlıqla həyata keçirilən cəza tədbirləri nəticəsində yüzlərlə günahsız insan yaralandı, qətlə yetirildi. O gün Azərbaycan xalqı özünün ən şanlı səhifələrdən birini yaşadı. O gün həm də bizim üçün birlik günü oldu. O gecə müstəqillik üçün canından kecənlər gələcək nəsillər üçün əsl məktəbə çevrildi. 20 Yanvar Azərbaycan xalqının faciəsi idi. Eyni zamanda da xalqın birliyini, yekdilliyini təntənəsi, zülmə, ədalətsizliyə ümummilli etirazının başlanğıcı idi. Biz bu gün iftixarla deyirik ki, Azərbaycanın azadlığı 20 Yanvar faciəsində tökülən şəhid qanı ilə yazıldı. O qanlı gecədə Azərbaycan xalqı bir daha sübut etdi ki azadlığı uğrunda ölümə belə hazırdır. Mənim yaxşı tanıdığım Ramiz də bu şəhidlərdən biri idi. Mən Ramizi (Cəbrayılı) lap çoxdan tanıyırdım, biz bir qəsəbənin sakini, bir küçənin qonşuları idik. O çox cəsur, mərd insan idi. Qəsəbədə böyükdən-kiçiyə hamı onu tanıyırdı. Ramız xeyirxah, əliaçıq, səxavətli adam idi. Qapısına diləyə gələni əliboş, naümid qaytarmazdı. Bəzən imkansız insanlara gizlicə əl tutardı, kimininsə oğlunun və ya qızının toy xərcini ödəyərdi, ___________Milli Kitabxana_______________ 79 amma dostlarına tapşırardı ki, bu barədə keş kəsə, nə toy sahibinə, nə də qonum-qomşuya bir söz deyin. Hərdən kiminsə evinə gedəndə hiss eləyirdi ki, o adamın sıxıntısı var, nəyəsə ehtiyac duyur, ehmalca çay içdiyi süfrənin bir qulağını qaldırır, imkanı çatan qədər ora pul qoyur, amma heç kəsə heç nə demirdi. O fikirləşirdi ki, qarşısındakı insanı alçaltmaq dünyanın ən günah işidir. Ramiz çox sədaqətli dost idi. Onunla oturub-duranlar bilirdilər ki, Ramiz dostu üçün, elinin-obasının, kəndinin-kəsəyinin qeyrəti üçün hər cür fədakarlığa hazırdır. Ramiz (əsl adı Cəbrayıl olsa da, bütün kənd onu Ramiz kimi tanıyırdı) Allah adamı idi, heç kəsin haqqını yeməzdi, halal haram bilən idi, heç vaxt haqqı nahaqın ayağına verməzdi. Yeni Suraxanının ilk şəhidi olan Ramizlə biz fəxr edirik O yaxşı övlad, yaxşı dost, yaxşı ata və yaxşı həyat yoldaşı idi. Şəhidlərimizin əziz xatirəsini uca tutaraq onların keçdikləri o ağır anları qələmə almaqla Ramizin ömür-gün yoldaşı Şövkət xanım təqdirə layiq bir iş görür. Yəqin ki bu kitab təkcə şəhid ailələrinin yox, hər bir oxucunun rəğbətini qazanacaq. Rayonun ictimai-siyası həyatında öz fəaliyyəti ilə xüsusi uiə seçilən Şövkət xanıma uğurlar arzulayıram.
___________Milli Kitabxana_______________ 80 * * *
Xalqımızın tarixinə qanla yazılmış 20 Yanvar faciəsindən bizi 20 illik bir zaman ayırır. O qanlı gecə insan fəryadı, tank tırtıllarının hayqırtısı, güllə səsləri ilə yaddaşımıza əbədi həkk olunub. Düz 20 ildir ki, arxasız ərlərə, talesiz nərlərə, günahsız qanlara, bədənsiz qollara ağlayırıq. Biz Yeni Suraxanı sakinləri qara yanvar gecəsini heç vaxt unutmayacağıq Çünki o gecənin bilavasitə iştirakçıları və şahidləri arasında bizim qəsəbənin də sakinləri vardı. Tankların qəsəbəyə girməsi sakinləri qorxuya salsa da, onları sarsıtmamışdı. Aeroport şossesində şəhid olanlar çox idi Onların arasında qəsəbə sakini Ramiz (əsil adı Cəbrayıl idi, ancaq hamı onu Ramiz deyə çağırırdı) də vardı. Ramiz ailənin sonbeşiyi olduğundan hamı onun xətrini istəyirdi Cəmi on beş il əvvəl evlənmişdi Ramiz, dörd övladı vardı. Həyat yoldaşı Şövkət xanım ali təhsilli olsa da, balalarını layiqli vətəndaş kimi böyütmək üçün işləmir, onların tərbiyəsi ilə məşğul olurdu. Balaca istilikxanaları vardı, orada qərənfil becərirdilər Ramiz vaxtının çoxunu da elə burada keçirirdi. Əsas işindən qayıtdıqdan sonra ta gecədən xeyli keçənəcən gül- çiçəyin nazını çəkər, onlara qulluq etməkdən usanmazdı. Əvvəllər anası, qardaşları ilə bərabər yaşayırdılar. Sonra ailə böyüdü, uşaqların sayı artıdı və Ramiz də çalışdığı yerdə ev növbəsində olduğundan onlara Hövsan qəsəbəsində yeni mənzil verdilər. Təzə evə daşındıqları üç ilə yaxın idi. Görünür, doğurdan da yazıya pozu yoxmuş, əgər o gecə Ramizgil Yeni Suraxanıya, xəstə anasına baş çəkməyə gəlməsəydilər, yəqin ki, heç o qəfil güllə də yüzlərlə insanın arasından axtarıb onu tapmayacaqdı. Amma yaxşı deyirlər ki, qədərdən-qismətdən qaçmaq mümkün deyilmiş. Yüklə 1,04 Mb. Dostları ilə paylaş:
|