yeyilishga va issiqqa chidamliligi yuqori boʻlishi kerak, oʻlchash asboblari uchun
moʻljallangan poʻlatlar qattiq, yeyilishga chidamli
hamda asbobning shakli va
oʻlchamlari uzoq muddat oʻzgarmasligini taʼminlaydigan darajada boʻlishi lozim;
shtamplar (sovuqlayin va issiqlayin deformatsiyalanadigan) uchun moʻljallangan
poʻlatlarning
mexanik
xossalari
(qattiqligi,
yeyilishga
chidamliligi,
qovushqoqligi) yuqori boʻlib, yuqori haroratlarda ham oʻzgarmasligi darkor. Bundan
tashqari qizdirib shtamplanadigan shtamplar tayyorlanadigan poʻlat sirtida koʻp
marta qizdirish va sovutish natijasida darzlar paydo boʻlmasligi kerak.
Uglerodli asbobsozlik poʻlatlari (GOST 1435—74).
Uglerodli asbobsozlik
poʻlatlarining U7, U8, U8G, U9, U10, U11, U12 va U13 markalari ishlab chiqariladi.
Raqamlar uglerod miqdorining oʻnli ulushini bildiradi. Raqamdan keyingi G harfi
poʻlatda marganes miqdori koʻp ekanligini bildiradi.
Yuqori sifatli uglerodli
asbobsozlik poʻlatining markasida A harfi boʻladi. Masalan, U12A, bu tarkibida
1,2% S boʻlgan yuqori sifatli asbobsozlik poʻlati ekanligini bildiradi.
Zarbiy yuklanish ostida ishlaydigan zubilo, sumba, bolgʻa, borodok kabi asboblar
U7A, U8A markali poʻlatlardan yasaladi. Parma, metchik, razvyortka, shaber, egov
kabi qattiqligi yuqori boʻlishi talab
etiladigan, lekin zarbiy yuklanishlar taʼsir
etmaydigan asboblar U12A, U13A kabi poʻlatlardan yasaladi. U7-U9 markali
poʻlatlar toʻla, U10-U13 markali poʻlatlar chala toblanadi. Issiqbardoshligining
pastligi, yaʼni yuqori haroratgacha qizdirilganda yuqori
qattiqligini saqlay olish
xususiyati uglerodli asbobsozlik poʻlatlarining kamchiligi hisoblanadi. +200°S dan
yuqori temperaturada qizdirilganda uglerodli poʻlatdan yasalgai asbob oʻz
qattiqligini yoʻqotadi.
Dostları ilə paylaş: