Təbiət
2009
Yer kürəsi və ətraf aləm (ibtidai pillə)
Şagird Yer kürəsi, Günəş sistemi və dünyanın dinamik təbiəti haqqında nəzərlərlə tanış olur.
Ona imkan verilir ki, zaman və məkan haqqında düzgün təsəvvürü inkişaf etdirsin. Şagird təbəitdə
davam edən dövri prosesləri, Yerdə həyat üçün zəruri olan resurslarları öyrənir, onların istifadə
yolları və imkanlarını təhlil edir.
Təbiəti dərk etmək metodlarına sahib olmaq üçün praktiki işlər, eləcə də birbaşa müşahidə,
dərs sınaqları, sadə cihazlarla tanışlıq və ölçü-hesablama işlərinin aparılması, yerlərdə səmtləşmə,
xəritələrdən istifadə, obyektlər və proseslərin modelləşdirilməsi və s. nəzərə alınmalıdır.
Cisimlər və hadisələr (ibtidai pillə)
İstiqamətin məqsədi şagirdə onun ətrafında mövcud olan əşyalar və təbii hadisələr arasındakı
əlaqəni göstərməkdir.
Şagird maddələr aləmi və onda baş verən hadisələr haqqında suallar verir, onları müşahidə edir,
araşdırır. Qrup işinin vərdişlərinə sahib olur, informasiyanı toplamağı öyrənir və verilən suallara
cavab verməyə çalışır.
Sadə eksperimentləri keçirməklə şagird cihazlarla işləməyə, onlardan düzgün, təyinata əsasən
istifadə etməyə və təhlükəsizlik qaydalarına riayət etməyə vərdiş edir.
İbtidai pillədə müşahidə nəticələri əvvəl şəkillər və sadə sxemlər, sonralar isə, - cədvəllər
vasitəsilə verilir.
Şagird öyrənir: hərəkətin sadə formalarını və onları yaradan səbəbləri, cisimlərin tarazlığını, əsas
enerji formaları və mənbələrini, əşya və maddələrin əsas xassələrini. Əldə edilən biliyin əsasında
təhlil nəticələri və elmi nəzərlər arasında əlaqə qurur, sadə modellər hazırlayır və onları nümayiş
etdirir. Bu pillənin sonu üçün şagird toplanılan bilik və işləyib hazırlanan vərdiş-bacarıqlar əsasında
hadisələr arasında səbəb-nəticə əlaqələrini təyin etməyə çalışır, hansılar ki, təbiəti araşdırmaq
marağını daha da dərinləşdirirlər.
Fiziki hadisələr (baza və orta pillə)
Şagird baza pilləsində təbiətin ümumdünya qanunları, elmi ideyaların inkişafı ilə tanış olur və
müxtəlif növ modellərdən istifadə etməklə hadisəni izah etməyə çalışır. Şagird təbiətdə mövcud
qüvvələrin hərəkət nəticələrini, istilik və elektromaqnit hadisələrini öyrənir, onları xassə və miqdar
baxımından təsvir edir, gündəlik həyatda onların istifadəsi nümunələrinin misallarını sadalayır.
Eksperimentləri planlaşdırır, onları tək və ya sinif yoldaşları ilə birlikdə həyata keçirir, nəticələrin
düzgün formalaşdırılmasını və şəxsi fikirlərinin cədvəl və ya qrafiklərin vasitəsilə verilməsini
öyrənir.
Başqalarının fikirləri ilə bölüşür və onları qiymətləndirir.
Elmi tədqiqatlar haqqında informasiya toplayır və onların müasir həyat üçün əhəmiyyətini dərk
edir.
Şagird orta pillədə baza pilləsində əldə etdiyi biliyini dərinləşdirir, müasir fizikanın nailiyyətlərini,
təbiət elmlərinin ətraf mühitə göstərdiyi müsbət və mənfi təsirlərini öyrənir və təhlil edir, elmi
tədqiqat vərdiş-bacarıqlarına sahib olur və onun gələcək iş fəaliyyəti üçün bünövrə qoyulur. Bu
pillənin sonunda şagird müstəqil şəkildə sadə eksperiment planlaşdırır, hipotez söyləyir və hipotezini
yoxlayır.
Şagird müxtəlif mənbələrdən elmi tədqiqatlar haqqında informasiya toplayır, onları özünün
tədqiqatının nəticələri ilə müqayisə edir, göstəricilərin təqdimat formalarını və vasitələrini seçir və
geniş auditoriya qarşısında təqdimat keçirir.
Kimyəvi hadisələr (baza və orta pillə)
Gir. Təb.E. - 7
Təbiət
2009
Baza pilləsində bu istiqamətin tədrisinin əsas məqsədidir: şagirdlər kimyanın əsas qanunlarının
mahiyyətini, atom-molekulu anlaya bilsinlər, xassə və miqdar cəhətdən kimyəvi reaksiyaları
xarakterizə etsinlər, elementlərin dövri sistemi ilə, kimyanın yaranma tarixi ilə tanış olsunlar, kimyəvi
zəncirlər, üzvi və qeyri-üzvi birləşmələr və onların praktiki tətbiq haqqında təsəvvürləri olsun.
Bu istiqamətdə şagirdlər təhlil və kommunikasiyanın vacib vərdiş-bacarıqlarına sahib
olmalıdırlar. Şagirdlər öyrənilən nəzəri məsələləri praktiki tətbiq etməyi bacarmalıdırlar: müstəqil
şəkildə eksperiment aparmaq, göstəriciləri toplamaq, təhlil etmək və lazımi nəticələr çıxarmaq.
Onlar təqdimatın müxtəlif vasitələrindən istifadə etməklə göstəriciləri və çıxardıqları nəticələri
ictmaiyyət üçün təqdim etməyi bacarmalıdırlar. Şagirdlərdə yavaş-yavaş tənqidi düşüncə bacarığı
inkişaf etdirilməlidir.
Orta pillədə şagird baza pilləsində əldə etdiyi informasiya və təcrübə əsasında kimyəvi
reaksiyaların aparılmasında qanunauyğunluqlar haqqında biliyini dərinləşdirir. Bu nəticəni o,
sınaqları planlaşdırmaq və həyata keçirmək əsasında əldə edir. Atomun quruluşunun, kimyəvi
zəncirlərin təbii və dövri qanununu öyrənmək əsasında elementlər və onların birləşmə xassələrinin
əslinə çatır. Şagirddə termokimyəvi və elektrokimyəvi proseslər haqqında tam təsəvvür yaranır. O,
kimyəvi istehsalın əsasları ilə tanış olur, kimyəvi xassələrin əsasında texnoloji sxemləri təsvir edir.
Şagird müəllimin yardımı ilə kimyəvi istehsalla əlaqədar ətraf mühitin mühafizə problemlərini
təhlil edir. Bu pillədə şagird məşhur kimyaçı-alimlərin fəaliyyət tarixi ilə tanış olur.
Pillələrə əsasən təbiət fənlərinin tədrisinin təşkili
6.
İbtidai pillədə Təbiətşünaslıq inteqrallaşdırılmış fənn kimi tədris edilir. O, coğrafiya, astronomiya,
biologiya, fizika, kimya və vətəndaş təlimi sahəsindən məsələləri öz ətrafında birləşdirir.
Təbiətşünaslıq üzrə fənlər birbaşa ətraf mühiti öyrənməyə, dünyanın vahidlik anlayışının
formalaşdırılmasına dəstək göstərir, vətəndaş təhsili isə, şagirdin ətraf mühitə müsbət yanaşmasını
və məsuliyyət hissini inkişaf etdirir.
Baza pilləsində təbiət fənləri – biologiya, fizika, kimya növbəti şəkildə tədris edilir:
VII sinifdə - biologiya il ərzində icbari fənn.
VIII sinifdə - biologiya və fizika - il ərzində icbari fənlər.
IX sinifdə - biologiya, fizika və kimya - il ərzində icbari fənlər.
Orta pillədə təbiət fənləri –
biologiya, fizika, kimya növbəti şəkildə tədris edilir:
X sinifdə - biologiya, fizika və kimya - il ərzində icbari fənlər.
XI sinifdə - fizika və kimya - il ərzində icbari fənlər.
XII sinifdə - kimya il ərzində icbari fənn.
XII sinifdə - seçim fənlər biologiya, kimya və ya fizika. XII sinifdə şagird bir və ya iki seçim
fənnini seçə bilər.
Təbiət fənləri - biologiya, fizika və kimya VII – XII siniflərdə tədris edilir. Hər bir fənn icbari
şəkildə 4 il ərzində tədris edilir. XII sinifdə şagird təbiət fənləri qrupundan mütləq bir fənn seçməlidir,
arzu etdiyi halda, iki təbiət fənnini də seçə bilər.
Gir. Təb.E. - 8