Teqvim-2017. pdf
Yüklə 5,26 Mb. Pdf görüntüsü
|
- Bu səhifədəki naviqasiya:
- İ n t e r n e t d ə
- Ə d ə b i y y a t
193 İYUN 5 Teatr.Kino Zəfər Nemətov 1917-1971 Rejissor 100 illiyi Ə d ə b i y y a t Əliağa Ağayev /Z.Nemətov, T.Kazımov; red. H.Sadıqova.- Bakı, 1978.- 42 s. Azərbaycan Dövlət Gənc Tamaşaçılar Teatrı /Azərb. Resp. Mədəniyyət və Turizm Nazirliyi; layih. rəhb. Ə.Qarayev; layih. koor- din. Ə.Vəliyev; mətnin müəl. İ.Rəhimli.- Bakı, 2010.- S.69-72. Rəhimli, İ. Zəfər Nemətov (12.7.1915- 19.11.1971) //Rəhimli İ. Kəsişən paralellər.- Bakı, 2010.- S.19-31. Yusifli, V. Üçüncüsü? Yox hələlik yetişməyəcək /V.Yusifli //Panorama.- 1997.-25 oktyabr İ n t e r n e t d ə www.anl.az www.tyuz.az Zəfər Paşa oğlu Nemətov 1917-ci il iyun ayının 5-də Bakıda, mühəndis ailəsində anadan olmuşdur. Uşaqlıqda mütaliəyə, ədəbiyyat və mədəniyyətə maraq göstərmişdir. 37 say- lı məktəbdə təhsil almışdır. 1928-1929-cu illərdə Türk İşçi Uşaq Teatrı (indiki Gənc Tamaşaçılar Teatrı) həmin məktəbin 3-cü mərtəbəsində yerləşirdi. Məktəbli Zəfər öz fəaliyyətinə Lətif Kərimovun “Fırtına” pye- sinin tamaşası ilə başlamışdır. Şagird ikən, 1929-cu ilin dekabrında Akademik Milli Dram Teatrının bir neçə tamaşasında kütləvi səhnələrdə iştirak edən gənc Zəfər 1931-ci ildə Gənc Tamaşaçılar Teatrına dəvət olun- muş və aktyor truppasının yardım heyətinə qəbul edilmişdir. Həmin ilin sentyabrında M.F.Axundzadə adına Azərbaycan Dövlət Teatr Məktəbinin (texnikumunun) aktyor- luq fakültəsində təhsil almağa başlamışdır. Səhnə danışığını, vərdişlərini müəllimi Ab- bas Mirzə Şərifzadədən öyrənmişdir. Teatr rejissorları Aleksandr Tuqanov və Məhərrəm Haşımov 1930-cu illərin ikinci yarısından başlayaraq gənc aktyoru rejissor assistenti kimi də işə cəlb etmişdir. Zəfər Nemətov Jan Batist Molyerin “Zorən təbib”, Abdulla Şaiqin “El oğlu”, Fridrix Şillerin “Qaçaqlar”, Cəfər Cabbarlının “Aydın” əsərlərinin tamaşalarının hazırlanmasında müəyyən rejissorluq təcrübəsi toplamışdır. 1941-ci ildə Böyük Vətən müharibəsi başlayanda könüllü şəkildə faşist işğalçıları ilə döyüşə yollanmışdır. Bir il sonra ağır yara alaraq ordudan tərxis olunmuş və yenidən doğma kollektivdə səhnə fəaliyyətini re- jissor kimi davam etdirmişdir. 1943-cü ilin yanvar ayında Zəfər Nemətovun ilk müstəqil quruluş verdiyi “Məlik Məmməd” (Əyyub Abbasov) nağıl tamaşasının prem- yerası olmuşdur. Zəfər Nemətov Gənc Tamaşaçılar Teat- rının Azərbaycan bölməsində 1945-1971-ci illərdə “Sənin evin” (“Ağbəniz”, Valenti- na Lyubimova), “Xüsusi tapşırıq” (Sergey Mixalkov), “Odlar içində” (Əbil Yusifov), “Bahar nəğməsi” (Əyyub Abbasov), “Qa- raca qız” (Abdulla Şaiq), “Yaşıl sandıqca” (İvan Vasilenko), “Düşmənlər içində” (Nov- ruz Gəncəli), “Tamahkar” (Süleyman Sani Axundov), “Qastello” (İsidor Ştok), “Turp” (Pavel Malyerski), “Gülşən” (Əli Vəliyevin eyniadlı əsəri əsasında səhnələşdirəni Ağəli Dadaşov), “Meşə gölünün sahilində” (Se- zar Solodar), “Yaşar” (Cəfər Cabbarlı), “Anacan” (Yusif Əzimzadə), “Bir saatlıq xəlifə” (Abdulla Şaiq), “Göyərçinlər” (Tələt Əyyubov), “İki həyat” (Rauf İsmayılov), “Romeo və Cülyetta” (Vilyam Şekspir) və s. pyeslərini tamaşaya hazırlamışdır. Teatrın rus bölməsində “Qar kraliça- sı” (Yevgeni Şvarts), “Müfəttiş” (Nikolay Qoqol), “Sənin evin” və “Qürur məktəbi” (Valentina Lyubimova), “Meşə kənarında göl” (Sezar Solodar), “İyirmi ildən sonra” (Mixail Svetlov), “Polad üzük” (Konstantin Paustovski), “Zorən təbib” (Jan Batist Mol- yer), “Kasıblıq eyib deyil” (Aleksey Ost- rovski), “Afrikadan gələn zərf” (Lyubomir Qarabin), “Bütün bunlar sadəcə işlər deyil” (Gennadi Şmelyov) tamaşalarına quruluş vermişdir. Rejissor yaradıcılığında əldə etdiyi nailiyyətlərə görə 1954-cü ildə “Əməkdar incəsənət xadimi” fəxri adına layiq görül- müşdür. Görkəmli sənətkar 1971-ci il noyabr ayı- nın 19-da Bakıda vəfat etmiş, II Fəxri Xiya- banda dəfn edilmişdir. 194 İYUN 2 85 illiyi Hacıbaba Bağırov 1932-2006 İYUN Hacıbaba Ağarza oğlu Bağırov 1932-ci il iyun ayının 12-də Bakı şəhərində anadan olmuşdur. Gənc yaşlarından teatra olan həvəsi onu 1947-ci ildə Azərbaycan Dövlət Aka- demik Dram Teatrı (indiki ADAMDT) nəzdindəki aktyor studiyasına gətirib çıxarmışdı. Teatrda görkəmli sənət korifeylərindən dərs alan H.Bağırov 1950-ci ildə Lənkəran Dövlət Dram Teatrında ilk müstəqil yaradıcılıq fəaliyyətinə başlamışdır. 1960-cı ildə C.Cabbarlı adına Gəncə Dövlət Dram Teatrının (indiki GDDT) aktyor truppasına qəbul olunmuş- dur. Bu kollektivdə Fuad (“Almas”, C.Cabbarlı), Şahsuvar (“Komsomol poeması”, S.Vurğun) və s. müxtəlif səpkili rollar oynayan H.Bağırov 1962- ci ildə Musiqili Komediya Teatrına (in- diki ADMT) dəvət almışdır. Burada fəaliyyət göstərdiyi 26 il ərzində yaratdığı 50-dən çox rolun onun gülüş ustası kimi püxtələşməyində və populyar olmağında böyük təsiri olmuşdur. H.Bağırovun iştirak etdi- yi - Soltan bəy, Məşədi İbad (“Ar- şın mal alan”, “O olmasın, bu olsun” Ü.Hacıbəyli), Orduxan (“50 yaşında cavan”, Z.Hacıbəyov), Cəbi Cüməzadə (“Həmişəxanım”, S.Ələsgərov), Novruzəli (“Hardasan, ay subaylıq?” S.Qədirzadə və S.Ələsgərov), Qulam (“Həyətim mənim-həyatım mənim”, Ə.Abbasov), Mitoş, Fərzəli (“Hic- ran”, “Nəğməli Könül”, E.Sabitoğlu), Cəsarət (“Nənəmin şahlıq quşu”, V.Adıgözəlov), Nadir (“Qızılgül”, S.Hacıbəyov), və s. rolları tamaşaçı- ların dərin rəğbətini qazanmışdır. H.Bağırovun teatrla yanaşı kino sahəsində də fəaliyyəti uğurlu olmuş- dur. Möhsün (“Ulduz”, 1964), Arif, (Qa- nun naminə, 1968), Qaraxalov (“Onun bəlalı sevgisi”, 1980), Məmmədəli (“Alma-almaya bənzər”, 1975), Şirba- la (“Şirbalanın məhəbbəti”, 1991) və s. rolları kino həvəskarları tərəfindən ma- raqla qarşılanmışdır. H.Bağırov 1989-cu ildə Bakı Tənqid-Təbliğ Teatrını yaratmış, 1996- cı ilədək teatrın direktoru və bədii rəhbəri vəzifələrində çalışmışdır. 1996- cı ildən isə Azərbaycan Dövlət Musiqi- li Komediya Teatrının direktoru, bədii rəhbəri olmuşdur. H.Bağırovun mədəniyyətimizin in- kişafı naminə göstərdiyi xidmətlər daim yüksək qiymətləndirilmişdir. 1974-cü ildə “Əməkdar artist”, 1982-ci ildə Azərbaycan SSR “Xalq artisti” fəxri adlarına layiq görülmüşdür. 1998-ci ildə isə “Şöhrət” ordeni ilə təltif olun- muşdur. 2001-ci ildə E.Sabitoğlu ilə T.Vəliyevanın yazdığı “Bankir adaxlı” tamaşasına görə “Qızıl Dərviş” müka- fatına layiq görülmüşdür. Hacıbaba Bağırov 2006-ci il okt- yabr ayının 4-də Bakıda vəfat etmiş, II Fəxri Xiyabanda dəfn edilmişdir.
Yüklə 5,26 Mb. Dostları ilə paylaş:
|