6
I. MƏİŞƏT MƏDƏNİYYƏTİ
1ci
MÖVZU
XİDMӘT SAHӘLӘRİNDӘ DAVRANIŞ VӘ
ÜNSİYYӘT MӘDӘNİYYӘTİ
Hər bir insan xidmət sahələrində davranış və ünsiyyət qaydalarını bilməli və
onlara riayət etməlidir. Bu qaydalara riayət etmək, hər kəsin olduğu kimi, siz
şagirdlərin də borcudur.
Bəs xidmət sahələrinə nə daxildir?
Xidmət sahələrinə ictimai iaşə, maliyyə, məlumat, mənzilkommunal,
məişət, kirayə, turizm, hüquq, mehmanxana, mühafizə, tərcümə, ticarət,
nəqliyyat, səhiyyə və rabitə xidmətləri daxildir.
Qeyd etmək lazımdır ki, xidmət sahələrində ünsiyyətimizin özünə məx sus
etiket qaydaları davranış mədəniyyəti ilə qarşılıqlı əlaqədə olan ünsiyyət mə
dəniyyəti anlayışıdır. Davranış normalarını bilmək və onlara riayət etmək,
təmkinli olmaq, öz hərəkətlərinə nəzarət etmək, insanlara qarşı nəzakətli, diqqətli
və qayğıkeş olmaq – bir sözlə, cəmiyyətdə yaxşı tərz kimi qəbul edilmiş hər şey
insanın davranış mədəniyyətinə aid edilir və etiketlə tənzimlənir.
Davranış real (təcrübi hərəkət və rəftar şəklində) və verbal (sözlə ifadə
edilmiş) olur. Bu iki davranış növü birbirinə uyğun olmalıdır. Yalnız sözlərdə
nəzakətli və işə yarayan insan olmaq olmaz. Mədəni insan o kəsdir ki, etik prin
siplər, cəmiyyətin əxlaqi normaları onun daxili əqidəsinə çevrilib. O, lazım ol
duğu üçün deyil, başqa cür hərəkət edə bilmədiyi üçün belə hərəkət edir.
Davranış mədəniyyəti normalarına aşağıdakılar aiddir:
• nəzakətlilik – ətrafdakı insanlarla qarşılıqlı münasibətdə mədəni və nəcib
davranış;
• ədəblilik – istənilən vəziyyətdə hamı tərəfindən qəbul edilmiş dəyərlər
çərçivəsində özünü aparmaq;
• mərifətlilik – danışıq zamanı, şəxsi və işgüzar münasibətlərdə gözlənilməsi
lazım olan ölçü hissi – «sərhədi hiss etmək» bacarığıdır ki, bu, olmadıqda sözlər
və hərəkətlər münaqişəyə səbəb ola bilər. Mərifət həm də digər insanın
reaksiyasını olduğu kimi anlamağa imkan verən daxili duyma qabiliyyətidir.
• zəriflik – insanların fərdi xüsusiyyətlərini aşkarlamaq və nəzərə almaq
bacarığı;
• təvazökarlıq – bütün hallarda öz fərdi və müsbət keyfiyyətlərini qoruyub
saxlamaq bacarığı, özünə xas olmayan xüsusiyyətlər sərgiləməmək, öz üstün
lüyü, müsbət cəhətləri ilə lovğalıq və ədəbazlıq etməmək;
Çap üçün deyil
7
• sadəlik – sosial pillədə kimin «yuxarıda», kimin isə «aşağıda» yerləşməsini
büruzə verməməkdir.
• dürüstlük – doğru danışmaq, verdiyi sözü yerinə yetirmək bacarığı. Bu
xüsusiyyət insanın nəinki düzgünlüyünü, həm də etibarlılığını təsdiq edir.
Sözsüz ki, insanda davranış mədəniyyəti yuxarıda sadalanan norma və hal
larla kompleks surətdə formalaşır.
Təsadüfi deyil ki, davranış mədəniyyəti normaları siyahısında ilk pillədə
nəzakətlilik durur. Nəzakətlilik ünsiyyətin əsas şərtidir.
Ticarət xidmətləri sahəsində davranış və ünsiyyət mədəniyyəti
nədən ibarətdir?
İnsanlar mağazaya əksəriyyət hallarda konkret bir mal əldə etmək məqsədilə
yanaşı, bəzən yeni mallar və nəzərdə tutulacaq endirimlərlə bağlı məlumat və
ya satıcıdan məsləhət almaq üçün də daxil olurlar. Təbiidir ki, mağazada da
davranış digər istənilən ictimai yerlərdə olduğu kimi etiket* qaydaları ilə
tənzimlənir. Mağazada alıcı, adətən, üç kateqoriya insanla qarşılıqlı əlaqədə olur:
satıcılar, kassir və digər alıcılarla. Hamı ilə mütləq ədəblə və ümumi qəbul
edilmiş etiket normaları çərçivəsində davranmaq lazımdır.
Mağazada davranış qaydaları alıcının hansı növ ticarət mərkəzinə getdi
yindən asılıdır: fərdi xidmət mağazasına və ya özünəxidmət supermarketinə.
• Alışverişə getməzdən öncə mağazada lazım olanları yada salmağa vaxt
itirməmək, bununla da digər alıcılara mane olmamaq və satıcıları işdən ayır
mamaq üçün bazarlığın siyahısını tərtib etmək lazımdır. Hətta mağaza evin
yaxınlığında olsa belə, oraya ev geyimində getmək olmaz.
• Mağazada davranış bir neçə ümumi qaydalarla tənzimlənir. Bu qaydaları
is tənilən alıcı istər böyük supermarket, istərsə də xırda ərzaq dükanına gi rərkən
xatırlamalıdır.
• Mağazada səs salmaq, hündürdən danışmaq və belə hərəkətlərlə özünə diq
qət cəlb etmək olmaz.
Hamı nəsə almaq məcburiyyətində deyil. Amma saatlarla malları əldən
keçirmək, satıcını təngə gətirmək də arzuolunan hal deyil. Yaxşı olar ki,
əvvəlcədən nələrin alınacağı müəyyənləşdirilsin və mağazada arzuolunan
məqsədyönlü və planlaşdırılmış alışveriş edilsin.
• Alışveriş edərkən satıcılara aldığınız malın dəyərindən əlavə pul vermək
məsləhət deyil. Yalnız ba zar larda, bukinist dükanlarında və mühasibatın ciddi
aparılmadığı aydın nəzərə çarpan digər yerlərdə qiyməti aşağı salmaq üçün
sövdələşmə aparmaq olar.
* Etiket (fransızcadan etiquette – yarlıq, etiket) – insanların cəmiyyətdə davranış normaları və qaydaları
Çap üçün deyil
8
• Mağazaya girişdə bəzən insanların çox olması maneə yaradır. Bu halda
kimisə itələmək, çıxan alıcıların arasından içəri daxil olmağa çalışmaq lazım
deyil. Çıxanlara yol vermək, sonra isə rahat içəri girmək daha nəzakətli davranış
hesab edilir.
• Mağazanın bağlanmasına bir neçə dəqiqə qalmış, vacib səbəb olmadan içəri
girmək arzuolunan deyil.
• Bir çox iri mağazalarda, xüsusən özünəxidmət qəbul edilmiş supermar
ketlərdə girişdə çantaların saxlanması üçün xüsusi dolab və ya rəflər olur.
Supermarketə daxil olarkən çantanı və digər əşyaları dolaba qoymaq, bazarlıq
üçün xüsusi səbət və araba götürmək məsləhətdir. Daha sonra almaq istədiyiniz
məhsulları kassadan keçirərək bütün bazarlığın pulunu ödəmək, saxlama
dolabından çantanı götürüb mağazanı tərk etmək lazımdır.
• Alıcılar üçün mövcud olan etiket qaydalarından başqa, satıcılar və
mağazanın digər işçiləri üçün də bəzi ədəb qaydaları nəzərdə tutulmuşdur.
İctimai iaşə sahəsində (kafelərdə, yeməkxanalarda və restoranlarda)
davranış və ünsiyyət mədəniyyəti nədən ibarətdir?
• Yeməkxana, kafe və digər bu cür yerlərə qız (xanım) birinci, oğlan (kişi)
isə onun ardınca daxil olur.
• Müasir iaşə obyektlərinin əksəriyyətində müştərilərin üst geyimlərinin, çə tir,
çanta və paketlərinin saxlanması üçün qarderob vardır. Әgər qız oğlanla gəlib sə,
onda oğlan qıza paltosunu (plaşını) çıxarmaqda və geyinməkdə kömək etməlidir.
• Qarderob olmayan yerlərdə paltarları oturacağın söykənəcəyinə qoymaq
məsləhət görülmür. Zalda bu məqsədlə qoyulmuş asılqandan istifadə etmək daha
məqsədəuyğundur.
• Çantanı masanın üzərinə deyil, döşəmə və ya dizlərin üzərinə qoymaq olar.
• Әgər nahar zamanı işgüzar sualları müzakirə etmək lazımdırsa, içərisində
sənədlər, kağızlar olan qovluğu və ya portfeli özünüzlə götürmək olar.
• Yalnız vestibül və ya tualet otağında saç düzümü və geyimi səliqəyə salmaq
olar.
• Kafenin, restoranın və ya yeməkxananın zalına birinci oğlan daxil olmalı,
sonra bu yerin qızın xoşuna gəlibgəlmədiyini soruşmalıdır. Digər müştəriləri
narahat etməmək və onlara toxunmamaq üçün masaların arası ilə sakit hərəkət
etmək lazımdır. Digər masalar arxasında oturanları və masaların üzərində olan
yeməkləri nəzərdən keçirmək olmaz.
• Әgər boş masalar yoxdursa, amma artıq tutulmuş masalar arxasında boş
yerlər varsa, oturmaq məsləhət deyil. Lakin yer xanımın çox xoşuna gəlmişdirsə,
əyləşmək üçün mütləq icazə almaq lazımdır. Әgər sizə icazə versələr, təşək kür
edərək xanıma oturmağa kömək etmək, sonra əyləşmək lazımdır.
• Belə yerlərdə üzü zala oturmaq daha rahat hesab edilir.
• Kişilər masa arxasında xanımların sağında, əgər masa böyük deyilsə, on
larla üzüzə oturmalıdırlar.
Çap üçün deyil
Dostları ilə paylaş: |