HƏYAT
Eyni nota dəfələrlə basmaq kimidir
Həyat.
Və bir müddət sonra sevirsən
Bu anlamsız musiqini.
Bəzən səbəbsiz diblərə vurmaq
Və bəzən də ayağını yerdən üzüb uçmağı
arzulamaqdır.
Eyni fəsillərin sənin ömründə 4 dəfədən bir
təkrarıdır,
İllərin, fəsillərin duelidir həyat.
İpdən asılmış kuklalara bənzəyirik,
Həyat tamaşasıyla aldadılıb
həyatın tamaşasına dönürük,
Fərqi yoxdur
Cəhənnəm atəşi olsaq,
Solğun yanan şam da,
Sonunda sönürük.
Süz bir qədəh şərab,
Aç gecənin pəncərəsin,
Üşüsün dodağında yalan,
Aç bir musiqi, oxusun TEOMAN.
Və sən Tanrının uydurduğu yalana inan.
Xatirələrini xatırlaya-xatırlaya
Xatirələşir insan.
Aç gecənin pəncərəsin,
Üşüsün dodağında yalan...
MƏHƏBBƏTİN GÖRÜNÜR
Kürək çəkir baxışların gözümdə,
Fırtınaya düşmüş qağayıya bənzəyir
limansız arzuların.
Gözlərində
Bir oğlanın uşaqlığı sürünür,
Düymələ duyğularını,
Arasından məhəbbətin görünür.
Yükləmə ürəyinə yasaq sevginin yükün,
Axı nəyə gərəkdi, dayan, bir anlıq düşün.
Qocalıbdır məhəbbət,
Köhnəlib şeirlərdə,
Əskimiş bir yalanın sehirinə inanma,
Elə başına dönüm,
Ocağıma dolanma.
Mən dilək ulduzunam,
Sən məni diləyərsən,
Axaram göylərindən.
Mən sənin olmazınam,
Mən sənin mümkünsüzün.
Sərmə yoluma səni,
Mən səndə hökümsüzün...
İnanma məhəbbətə,
Demə mənə mələksən,
Demə mənə mələyim,
Axı çiyinlərimdə mələklərim cəzalı...
Hecalama mənamı,
Səslərinə ayırma bu dəli səssizliyi.
Qapa gözünü, baxma
Baxma, gözünə qurban,
Gözlərindən günahlarım görünür!
38
I
ULDUZ
Gülsadə İBRAHİMLİ
UÇURTMA
Uçurum kənarındayam,
Göylər əlimdə UÇURTMA.
Rüzgar oynaşır ətəklərimlə,
Ayağım altda diblər,
Başımın üstündə göylər -
Yaxınam Tanrıya özüm qədər!
Bir dəli intihar arzusu hərlənir başımda,
Solumda həyatın döyüntüsü,
Sağımda boşluq,
Anlayış diləyirəm haqdan:
Bağışla, Tanrım,
Atıram özümü
Sağımdakı boşluqdan!!!
BİR ŞƏHƏR SEVMİŞƏM
Bir şəhər sevmişəm
Sahili sən,
Dənizi mən.
Qorxuram taxılıb qağayı qanadına
Atılan bir yemin arxasınca gedərsən.
Düşərsən xəyallarımın gözündən
İncidər diz qapağın.
Mən fırtınaları dəli,
Sevgisi sərhədsiz,
Bir az da sərsəm qadın.
At çapar dalğalarım sahilinin boyunca,
Söylə mənə, sevgilim,
Bakımı sən qədərdi,
Sənmi Bakı qədərsən?!
Ъямо
- Cəmooooo! Ay Cəmooooo! Cəmo heyyyyyyy!
Camaat meşəyə səpələnib, dəli Cəmili axtarırdı.
Adamlar hər beş metrdən bir, əlindəki ağaca söykənib,
ətrafı dinşəyir, yavaş-yavaş irəliləyirdilər. Hərdən Dəli
Cəmilin qardaşlarından biri iki əlini ağzına söykəyib
səsi gəldikcə bağırırdı:
- Cəmooooooo, ay Cəmooo!!!!
Uzaqdan, hardasa Əhməd yaylağına gedən yolun
Nazara qovuşduğu yerdən yolunu azmış bir inəyin
böyürtüsü Dəli Cəmilin qardaşlarına hay verirdi.
Canımızı dişimizə sıxıb, arxada qalmamaq üçün
ayağımızı sürüyürdük. Əlimizdəki ağacdan başqa
silahımız yox idi. Üstəlik, yarıqaranlıq meşənin
vahiməsi canımızı üşəndirirdi. Üçüncü gün idi ki, hava
işıqlanandan gün batanacan meşədə Cəmonu axta -
rırdıq. Cəmonun anadangəlmə kar olduğunu, danışa
bilmədiyini bütün kənd bilirdi. Di gəl ki, hamı
növbəylə bağırırdı:
- Cəmooooooo, ay Cəmooo!!!!
* * *
Doqquzuncuda oxuyurduq. Dərslər təzə baş la -
mışdı. “Dəli Cəmil meşədə itib” xəbəri bütün
məktəbdə ildırım sürəti ilə yayıldı. Zavalsız, heç kəsə
dəyib-toxunmayan Cəmilin (kənd camaatı onu Cəmo
deyə çağırırdı) meşədə yoxa çıxması, heç bir əyləncəsi
olmayan yuxarı sinif uşaqları üçün bir anda məzə
mövzusuna çevrildi. Səhər dərsə gələndə Fuad mənə
göz vurdu:
- Bu günə “tema” var!
- Nə məsələdi?
- Cəmo meşədə itib.
Cəmonun böyük qardaşının oğlu Əziz bizimlə
eyni sinifdə oxuyurdu. İntizamsız, yekəpər bir uşaqdı.
Hərdən əmisinə lağ edib, ələ salırdıq. Əziz də əsə -
biləşib özündən çıxır, dərslər qurtaranda dava etməyə
bəhanəmiz olurdu. Davanı həmişə mən başlayırdım.
Məktəbin qapısından çıxhaçıxda Əzizin kürəyinə bir
təpik ilişdirirdim və dava başlayırdı. Sözün açığı, bir-
inci təpikdən sonra Əziz geriyə qanrılıb məni görəndə
söyür, əsəbindən boğula-boğula qışqırırdı:
- Namərd, qorxaq! Kimə güvənirsən eeee! Duxun
çatırsa, gəl təkbətək çıxaq!
Əziz düz deyirdi. Mən namərd idim. Onunla
təkbətək çıxmağa gücüm olsa da, ona baş qoşmurdum.
Mən strateq idim. Birinci təpikdən sonra “dəstə”ni
verirdim qabağa. Üst-başımı toz-torpağa bulayıb evə
getməyə qorxurdum. Paltarım çirklənəndə anam bur-
numa duzlu su qoyurdu.
Əvvəlcədən şərtləşdiyimiz kimi, uşaqlar Əzizi
yaxşıca “isladırdı”. Əziz qaçıb canını qurtarandan
sonra biz deyə-gülə evə yollanırdıq. Təbii ki, uşaqlar
elə-belə döyüşmürdü. Mən bir dəstəbaşı kimi onları
mükafatlandırırdım. “Məişət evi”nin yanına çatanda
“Kəmfürsət” Əlinin dükandan hərəsinə bir dənə
“Turbo” saqqızı alıb, nisyə dəftərində atamın adına
yazdırırdım. Ya da söz verirdim ki, sabah hərənizə bir
səhifə inşa yazıb gətirəcəm. Beləcə, özümü dəstə
başçısı kimi aparır, “dəstə”mi ədalətlə idarə edirdim.
40
I
ULDUZ
Cəlil CAVANŞİR
NӘSR