Qadın qəhrəmanların
monoloqu demişkən,
Vəfanın essesinin daha bir “ən”i də var - o ən
“jenski” mətndir. Yazının beşiklə bağlı adı və
məcrasından çıxan emosionallığı, müəllifin diktor
qızın saçlarına hansı ətirdən vurması kimi detalçılığa
varması, “isməti tapdalanmış qızlarla” bağlı
populizmi, kişiləri ənənəvi namus-qeyrət janrında
utandırmağa çalışması, şəhid analarının dili ilə ağı
deyib, bayatı çağırmasının əsasında da məhz cins
psixologiyası məsələsi durur. Onun diktor qızın
saçlarını yolmaq arzusuna düşməsinin özünün də
alt qatında vətənpərvərlik donuna bürünmüş qadın
qısqanclığı durur. Ümumən saçyoldu əhval-ruhiyyəsi
Vəfanın essesinin əvvəlindən axırınacan qırmızı
xətlə keçir. O görmək istəmir ki, Xocalı faciəsinin
günahı nə koko-şanel saçlı diktor qızda, nə də
çayxanalarda namus-qeyrətdən danışan kişilərdə
deyil. Ümumən Qarabağ sindromu nəinki sadəcə
qadın-kişi məsələsi, nəinki ümumilli məsələ, nəinki
beynəlxalq məsələ deyil, birbaşa tale məsələsidir,
metafizik problemdir. Bu düyünü açsa-açsa, Allah
açacaq. Vəfanın düşüncəsinin Allaha çıxışı yoxdur.
Onun insanları - diktor qızı və çayxana kişilərini
qınamasının səbəbi də budur. Amma təbii ki, biz
Vəfa kimi etməyəcək, onu qınamayacağıq. O,
problemi belə görür, belə düşünür. Digər yandan
Vəfa bir milyon qaçqını olan, iyirmi faiz torpaqları
işğal olunan, qız-qadınları düşmən əsirliyində yad
ellərə sürülən bir xalqın yazarı, üstəlik də, xanım
yazarıdır, vay-şivən qoparmasın, saçyolduya çıxmasın,
neyləsin? Bunlar öz-özlüyündə aydındır. Amma
bütün bunlarla yanaşı, istedadına şübhə etmədiyim
Vəfaya süni surətdə birincilik vermək fikrində də
deyiləm. Bunun bir əsas səbəbi var - Vəfa adamı
utandırır, amma bütün ah-fəryadına baxmayaraq,
onun Qarabağ haqqında düşüncələri oxucunu
silkələmir, diksindirmir, düşündürmür. Ona görə
yox ki, onun yazdıqları adi şeylərdir, ona görə ki,
iyirmi beş ildən bəri milyon dəfələrlə eşitdiyimiz
tanış şeylərdir.
Nəhayət, növbə gəlib çatdı on altıların so
-
nuncusuna, yarışmanın qalibinə - Rəşid Bərgüşadlıya.
Niyə məhz Rəşid? Birinci ona görə ki, o, yarışmaya
hekayə və ya şeir yox, məhz esse (“Tikanlı cığırlar”)
göndərib, yəni forma baxımından yarışmanın şərtini
pozmayıb. İkincisi, onun essesi məhz Qarabağ
haqqındadır, yəni o, yarışmanın məzmun şərtini də
gözləyib.
Amma bu, “niyə məhz Rəşid?” sualına hələ
tam cavab vermir. Çünki yarışma iştirakçıları arasında
onunla yanaşı, bu şərtlərin hər ikisini gözləyən
digərləri də var. Bəs Rəşidi onlardan seçib ayırmağa
imkan verən hansı cəhətlər var?
Rəşid bir çox yarışma iştirakçılarından fərqli
oxuduqları və eşitdiklərindən yox, bilavasitə fərdi
yaşantılarından, şəxsi təcrübəsindən çıxış edir.
Bəzilərindən fərqli isə onun Qarabağ olaylarına
dair fikirləri nə uşaq, nə qadın yox, yaşlı-başlı bir
kişinin münasibətidir. Özü də bu münasibət hər cür
boğazdanyuxarı rəsmi vətənpərvərlik patetikası və
pafosundan uzaqdır. Onun Qarabağa sevgisi nəsə
kitabdan, siyasətdən, partiyadan, televizordan gələn
mücərrəd vətənpərvərlik anlayışından doğmur,
əksinə, vətənə sevgisi Qarabağa, doğma kəndinə,
ömrünün müəyyən bir dönəmini yaşadığı, indi isə
düşmən əlinə keçən evinə sevgidən başlayır. Yəqin,
bu üzdən Rəşidin essesini oxuyanda alüminium
raskladuşkanın dəmirindən düzəldilmiş antennadan
tutmuş, otağın kəlləsinə vurulmuş dünya xəritəsinə
qədər onun ata evini bütün müxəlləfatı ilə görür,
əhəng divarlarının sərinliyini canında hiss edir,
nənəsi Dilbərin 1936-cı ildə toxuduğu gül çeşnili
kilimin tanış qoxusunu duyur, bir sözlə, qayıdıb o
evdə yaşamaq istəyirsən...
Rəşid dünyada yalnız onun özünə məxsus olan
müşahidələri, xatirələri, yaşantıları qələmə alır, özü
də inandırıcı, səmimi şəkildə. Bu xatirələrin qiyməti
onların təkrarsızlığındadır. Lakin məsələ təkcə
xatirələrlə bitmir. Yazıçılıq həqiqətin dərkindən
başlayır, onun etirafı ilə bitir. Esse müəlliflərinin
əksərindən fərqli olaraq, Rəşid həqiqəti etiraf etməyə
özündə güc tapa bilir:
“Oyrəli yuxuda görürəm ki, cavan erməni ailəsi
evimizə yeyəliklənib. Özümdən ad da qoymuşam
ona – Qurqen kirvə. ...Qurqen “deyir” ki, – “Ev-
eşiyindən nigaran olma, nə vaxt gəlsən, öz evindir,
şəpir-şüpürümü də yığışdırıb gedəcəyəm!”. Amma
düşünəndə ki, – “Öz evimdirmi?” – onda iliyim
gizildəyir. Nə olsun ki mən o evdə doğulmuşam?
Cəmi-cümlətani 17 il yaşamışam orda. Axı Qurqen
də orda doğulub! İndi də oğul-uşaq yeyəsidir, 23
ildir bu evdə yaşayır, divarları suvatdırıb, otaqları
əhəngləyib, damın şiferlərini dəyişib...”
“Tikanlı cığırlar”ın müəllifi bu sözlərlə demir
ki, Qarabağ artıq erməniyə məxsusdur, gəlin əlimizi
hər şeydən üzüb oturaq, əksinə, torpaq itkisi ilə
barışmaq təhlükəsi haqda həyəcan təbili çalır. Və
bununla da illərdən bəri hamının altşüurundan boy
verən, amma heç kəsin dilə gətirmədiyi acı həqiqəti
etiraf edir, bizi diksindirir, həyəcanlandırır,
düşündürür... Həm də bunu nə qədər ləyaqətlə, abır-
həya ilə, kişiyana bir təmkinlə, mərdanəliklə, təvazö
ilə edir. Onun canlı danışıq dilinə söykənən ciddi,
sadə, sərt yazı üslubu da fakta yanaşma tərzinə
uyğun olaraq hər cür gəlişigözəl ibarə, metaforik
makiyaj, süni bər-bəzəkdən uzaqdır... Sözümün canı
30
I
ULDUZ
düşünəndə ki, – “Öz evimdirmi?” –
onda iliyim gizildəyir. Nə olsun ki,
mən o evdə doğulmuşam? Cəmi-
cümlətani 17 il yaşamışam orda. Axı
Qurqen də orda doğulub! İndi də oğul-
uşaq yeyəsidir, 23 ildir bu evdə yaşayır,
divarları suvatdırıb, otaqları əhəng -
ləyib, damın şiferlərini dəyişib... Yenə
dədəm sağ olsaydı, onun daha çox
haqqı vardı Qurqeni qovmağa. Bəs
mənim? Qurqenə, – “Çıx
burdan, bura mənim
evimdir!” – desəm, qa
-
yıdıb deməzmi, – “Ay
biqeyrət, indiyədək hansı
cəhənnəmdəydin, nə haqla
məni öz evimdən
qovursan?!”.
“Axı nə var o evdə? Gündüz naxır, axşam
axur!” – dəli şeytan həmdəmim olanda baxıram
ki, yox.., evimi qəribsəmək haqqım var. Ocağın
sonbeşiyi idim – ev mənə qalacaqdı. Orda ən dəyərli
itiyimi tapacağam – uşaqlığımı. Axı ömrümün 23
ilini harda itirdiyimi ancaq ordan baxsam, görə
bilərəm. Bir də, o ev mənə dədə-babamdan qalıb,
nəvələrimə çatdırmalıyam bu əmanəti. Qurqeni
qandırmaq asandır, bəs gözəl evim məni qəbul
edəcəkmi? – “Gəlmə, biqeyrət! Rədd ol burdan,
bu ev Qurqenindir!” – hayqırmazmı üstümə? Haqqı
yoxmu bunu deməyə? Vaxt azaldıqca o vədələr
yağış yağanda döşəməsinə qazan-qablama
düzməkdən kələyimi kəsən otağım indi doğmalığı
qədər həm də “yad”laşan ruhu ilə əzir məni...
Güney Kıbrısda şahidi olmuşdum – yunanlar
hər cümə, vaxtilə Girnədə yaşadığı doğma evini
indiki sahibindən birgünlük kirayəliyir, yeyib-yatır,
sabahı da evi yeyəsinə qaytarır. Kim bilir, bəlkə,
başımıza bu da gələcək. Kaş evimiz dağılıb yerlə-
yeksan olaydı, Qurqen-murqen öz nəfəsiylə
isitməyəydi evimizin əhəngli divarlarını.
Uşaqlığıma gedən cığırları tikansız, əzabsız
elə, ömrü yenidən başlamağa bir möhlət də ver
mənə, Xudaya...
Müharibə qızışdıqca daha tez-tez
yuxuma girir otaqları iç-içə olan evimiz.
Dədəm iki-üç ildən bir balaca bir xosmanı
qaralayıb qatırdı evin bir ucuna.
Qınamıram, böyük külfət idik. Evin
aynəbəndindən girib dördüncü otağından
– kitabxanadan eşiyə çıxırdıq. Axırıncı
otaq gəlin otağıydı – evdə qalan evli
qardaşımın yuvası. Beş qardaşın hamısı
bu otaqda ata olub, ikinci övladı dünyaya
gələndə isə sərçə öz balasını
fərləndirən sayaq üzüsulu
ocaqdan ayrılırdı. Üçüncü
otaq evlənməyə namizədin
yataq otağı idi – mənim
otağım... Otağımın kəllə
-
sində dünya xəritəsi,
çarpayımın yanında nənəm -
dənqalma gül çeşnili kilim asılmışdı. Kilimi toxuyanın
adı üstündəydi – “Dilbər 1936”. Güvə düşməsin
deyə vaxtaşırı naftalinlədiyimiz kilimin qoxusu hələ
də burnumdadır.
23 il... Bir igidin ömrüdür. İndi ali savadlı
inşaatçıyam. Bakıda ürəyim istəyən həyət evim var.
İzafa, əhənglə suvanmış otağımın rahatlığını burda
tapa bilmirəm. Gecələr yuxum qaçanda o vədə
əhəng suvağı eşən barmağımın ucu birdən elə
gizildəyir... Gözümü tavana zilləyib kənddəki bacanı
axtarıram – aluminium “raskladuşka”nın profilindən
olan antennamızı düzəltməyə çıxdığım bacanı. Elə
bilirəm ki, tavandan yuxarıda yenə Bərgüşadın
şehindən mamır bağlamış sınıq-salxaq azbest şiferli
damımızdır, çıxsam, samanlıqda qışa tədarük
gördüyümüz alma, üzüm, heyva tapacağam.
Oyrəli yuxuda görürəm ki, cavan erməni ailəsi
evimizə yeyəliklənib. Özümdən ad da qoymuşam
ona – Qurqen kirvə. Xəritələrimə dəy mə yib, amma
nənəmin tiftiklənmiş, çeşnisi solmuş kilimini sərib
yerə. Bu kilim mə nim cehizliyim idi. Arvad-uşağıyla
bir likdə bizim qaysı ağacının altında çək dirdiyi şəkli
də asıb kilimin yerindən. Qurqen “deyir” ki, – “Ev-
eşiyindən nigaran olma, nə vaxt gəlsən, öz evindir,
şəpir-şüpürümü də yığışdırıb gedəcəyəm!”. Amma
odur ki, Rəşidin şəxsində Azərbaycan ədəbiyyatının
gələcək legionerləri sırasına daha bir imza daxil
olacağına inandım.
Qorqud Dədə diliylə desək, yum verəlim...
İllər gəlib keçəcək, bu yarışmanın iştirakçıları
arasından, bəlkə də, gələcəyin ünlü yazarları çıxacaq,
bəlkə də, onların bəziləri ötəri gənclik həvəsinə
düşdüyünü anlayıb, söz meydanını tərk edəcək.
Çox şeylər unudulacaq, qələbə sevinci də,
məğlubiyyət acısı da... Amma bu yarışmadan mənim
yaddaşımda Rəşidin öz-özünə verdiyi bir sual
qalacaq: görəsən, illərdən bəri erməni əlində qalan
evimizə mənim evim deməyə haqqımız varmı?
Məncə, hər bir azərbaycanlı ta Qarabağı alana
qədər bu sualı qulağında sırğa eləməlidir.
№10 (569) oktyabr 2016
I
31
Rəşid
BƏRGÜŞADLI
ТИКАНЛЫ ЪЫЬЫРЛАР
(esse)