BİLӘSӘN
Eşqə batıb əl‐ayağım,
Dada bilmirəm, biləsən...
Hər gün sənə yol gəlirəm,
Çata bilmirəm, biləsən...
Qalxmışam yoxuşlarını,
Yumuşam yağışlarını.
Üstümdən baxışlarını
Ata bilmirəm, biləsən...
Hayandan girdin ömrümə?
Üstüm bulandı dərd‐qəmə.
Gəl, başını qoy sinəmə,
Yata bilmirəm, biləsən.
Günəş çıxmır payızımda,
Әlin üşür ayazımda.
Bir söz qalıb boğazımda,
Uda bilmirəm, biləsən...
Uda bilmirəm, biləsən...
LAP DӘLİLӘR KİMİ
Bir quş cəh‐cəh vura çölün düzündə,
Gözlərim axtara yalın kolları.
Tikəm ürəyimin damarlarından
Sənin görüşünə çəkən yolları.
Səni son nəfəstək tutam içimdə,
Mən də qəfəs olam düşdüyün cana.
Alam əllərindən bütün dünyanı,
Çaxam o ümidsiz xəyallarına.
Yolları ürküdə gülüşlərimiz,
Diksinib ayıla tər bənövşələr.
Gecə bir nağılla yatıram səni,
Yeni bir şeirlə oyadam səhər.
Sevgi işığından süzülən ətri
Dodağına səpəm, üzünə səpəm.
Yığam saçlarını ovuclarıma,
Lap dəlilər kimi öpdükcə öpəm.
KAŞ Kİ
Kaş ki, bir Şeir yazasan,
bütün işlərin düzələ...
Alnındakı qırışları
silə, ata, sevinəsən.
O Şeirdən misra‐misra
dada‐dada sevinəsən.
Yarpaq‐yarpaq sola payız,
uça isti əllərindən.
Yenə bu soyuq əllərim
aça isti əllərində...
Ağ vərəqlər yağış ola,
sətirlər üstünə cuma.
17
ULDUZ /
Yanvar 2016
ŞEİR VAXTI
Ay Bəniz ӘLİYAR
Qəmi, kədəri yox edə,
Sevincin keçə hücuma.
Şeirdən bir ev tikəsən,
Şeir ola yeri, damı.
Qızınmağa od olmaya,
yandırasan, yana hamı...
Yazdığın o Şeir ilə
bildirəsən bitdiyini.
Anlayasan yoxluğunu,
anlayasan getdiyini.
KEÇӘ
Bir sevda düşə başına,
Qanında qaynaya keçə.
Bir qadının qız xəyalı
Gözündə oynaya keçə.
Bir şimşək olub çaxasan,
Ömrü yandırıb yaxasan.
O qədər durub baxasan,
Gözlərin aynaya keçə.
Hay yox, haraya yetəsən,
Yol yox, itirib gedəsən.
Elə əriyib bitəsən,
Vücudun iynəyə keçə.
Bu həyat həsrətdi elə,
Әzab verər gülə‐gülə,
Bir gün gələn ölüm belə,
İçindən göynəyə keçə.
ÖLÜR
Bir qız ölür yuxusunda,
Hər ötən gecə bir ölür.
Son nəfəsi yarpaq kimi,
Saralır, titrəyir, ölür...
Duadı, qarğışdı, ahdı,
Güldü, tikandı, çiçəkdi.
Bu sevgidən doğulmuşdu,
Bu sevgidən öləcəkdi...
Bəs ilk bahar necə oldu?
Bəs arzular hara baxır?
Bir incə kəpənək qədər
Belə tez ölməzdi axı...
Bir qız ölür yuxusunda,
Gözləri gözündə qalıb.
Şaxta vurub ləçəyini,
Tökülüb izində qalıb.
Sənə açmayıb qəlbini,
Gizli qalıb bu sirr, ölür.
Bir cansız insandı gəzir,
Bir diri qəbirdir, ölür...
Yenə özündən xəbərsiz,
Adın gəzir dodağında.
Yoxluğuna canın verir,
Bir qız ölür yatağında...
Nə qədər adamlar belə,
Ölüb, itib üzü bəri...
Yuyur kirpiklər, basdırır
Yuxularda ölənləri.
Aylıq ədəbiyyat dərgisi
Hərəsi bir kresloda oturub. Biri ərdir, o
biri arvad. 9 ildir, cəmi iki nəfərdilər.
Evləndikləri günün sosial şəbəkələr tərəfindən
təbliğ edildiyi dövrün adamlarıdır. Texniki
inkişaf, ultra tərəqqi, əsas bir adı da vardı,
əlbəttə, tapacam... elə tapdım da: informasiya
əsrinin uşaqları həyatın ciddiliyinə bürünüb
sazaqlı illərdən, həyatın ciddiliyini soyunub,
bürküdən salamat da olmasalar, sağ çıxıb bu
günə çatıblar. Ev, avtomobil, iş təminatı onlara
“maşallah” dedizdirə biləcək səviyyəyə qalxıb.
Әrin atası ölüb, arvadın ancaq anası yaşayır.
Bacıları, qardaşları yoxdur. İctimai düşüncələri
televiziya verilişlərini qınayacaq mərhələdən
nə yuxarı qalxır, nə aşağı düşür. Belə adamların
mütaliə mədəniyyəti də olsun gərək. Dəqiq
saymışam: birində 52 kitab olmaqla 4 rəf yataq
otağının görünüşünə rəng qata bilir. Әlavə 3
kitab da gah çarpayıda, gah stolda, gah da
kitablar daha çox harada ola bilərsə, elə oralarda
xeyli müddətdir tez‐tez gözümə dəyir.
Gedib‐gəldiyim evdir. Faciədən əvvəl onlara
“hələlik” deyib, özüm getsəm də, bəsirət
gözümü yerə atıb, ardınca ehmalca divanın
arxasına itələdim. Hiss etmədilər. Evə qayıdıb,
üzü divara oturdum. Kofe heç, o həmişə
dilimin altındadır, üstünə də çıxır. “Әlimin
altındadır” yazmıram. Təkrardan zəhləm gedir.
Sonda dilin altına və üstünə yayılaraq
mədəmizə axan içki, təbii ki, əlin içindən yol
alıb. Çalışıram bildiyinizi yazmayım. Çalışıram
sözü ələk‐vələk eləyib, didilmiş yuna
döndərməyim. Әslində yun didilməlidir, bu
mənada ələk‐vələk edilmiş söz daha çox
ədəbiyyatdır, təsviri ədəbiyyatın tacıdır. Dos‐
toyevski olmaq mümkün deyil, Sabir
Әhmədlinin geni ilə bağlılığımdan söz açmağım
gülməli görünər. İncə məqamsa var: 20 səhifəlik
çıxarılan günəş, ən azı 30 səhifə həcmində
batırılmalıdır. Belədə oxucunun başı günəşə
qarışır, küləkdən, yağışdan, tufandan xəbərsiz
olur. Yaxşısı günəşi iki sözlə çıxarmaq, iki
sözlə batırmaqdır ki, qalan həyat hadisələrindən
danışa biləsən.
Evə girərək oturub divara baxmağıma
qədər olan hadisəni törədən yeganə səbəb
var. Səbəb həmişə yeganə olur. Darvazadan
başlayaraq divana qədərki məsafə boyunca
bütün hərəkətlərimin, hisslərimin hekayənin
məğzini açacaq səbəbə uzaqdan və yaxından
təsir edə biləcək ehtimalı sıfıra bərabərdir.
Evə girərək oturub divara baxıram. Aha,
bəsirət gözüm göstərir. Hələ ki arxadan baxırıq:
İki qoşa baş. Qarşıda ekran. Ekrandakı qızla
oğlan meşədə ora‐bura qaçırlar. O təzə‐təzə
sevgili olanda ağacları qucaqlaya‐qucaqlaya
19
ULDUZ /
Yanvar 2016
NӘSR
Ceyhun MUSAOĞLU