uşaqlıqdan dürüst adam olmağa öyrədiblər.
Daha doğrusu, hər zaman valideynlərimdə
dürüstlük, namus, vicdanla işə yanaşmaq,
yalnız halal əməklə dolanmaq görmüşəm.
Görüb‐götürmüşəm. Onlar mənə bunları
deməyiblər. Özüm görə bilmişəm və gö ‐
türmüşəm. Әlbəttə, çox adam görür belə
şeyləri, amma hamı götürə bilmir. Və
xoşbəxtəm ki, onlardan bu şeyləri gö
‐
türmüşəm. Qalan şeyləri həyat öz yoluna
qoyur...
‐ Deyəsən, möminliyin də var? Dinə
münasibətin...
‐ Mömin deyiləm. Möminlər sırf dindar
adamlardır, onlar dini ayin və mərasimləri
ən xırda detallarına qədər yerinə yetirirlər.
Mən Allahı sevirəm və başımın üstündə
həmişə Onu hiss edirəm və Ona inanıram.
Bəlkə elə buna görə də qorxmuram, yalan
danışmıram və çox şey də istəmirəm. Qoy
bir əhvalat da danışım. Bu da mənim başıma
gəlib: uşaq vaxtı bir dəfə anam məni məscidə
aparmışdı. Orada çoxlu arvad vardı; hamı
ağlayırdı, sinəsinə, dizinə döyüb ah‐vay
edirdi. Arvadlardan biri başda oturmuşdu,
gildir‐gildir göz yaşı töküb deyirdi: ”Şəhid
olan Hüseyn, vay! Susuz qalan Həsən, vay!”
Anam ağladı, mən də özümü saxlaya bilməyib
ağladım. Mərasim qurtarandan sonra arvadlar
durub bayıra çıxdılar. Basabas düşdü. Biz
və bir neçə qonşumuz axıra qalmışdıq. Anam
və qonşularımız kandarda ayaqqabılarını
xeyli axtardılar, tapmadılar. Onların
ayaqqabılarını geyinib getmişdilər. Anam və
qonşularımız ayaqqabısız lehməli küçəylə
evə döndülər. Yaxşı ki, mənim ayaqqabılarım
yerindəydi. Buna ürəyimdə sevindim. Amma
indiyədək hələ də anlaya bilmirəm ki, anam
və qonşu arvadlar nə üçün ağlayırdılar...Biz
hansı günahın sahibiyik? Axı nə üçün Şərq
ağlayır, Qərb isə gülür? Bax, bu suallara indi
də cavab tapa bilmirəm. Bir neçə il bundan
qabaq Avropa şəhərlərinin birində idim,
şəhərin mərkəzi küçəsində qədim bir kilsə
gördüm. Maraqlandım. Yerli yazıçı
dostlarımdan biri məni o kilsəyə apardı. İçəri
gül kimiydi, adam ayaqqabılarını çıxartmaq
istəyirdi. Biz hərəyə bir şam yandırdıq, Allaha
dua etdik. Bizimlə yanaşı duran xeyli adam
da üzlərini xaça və göyə tutub nəsə pıçıl ‐
dayırdılar. Basabas yox idi. Mən astaca
dostumdan soruşdum:
‐ Onlar nə deyirlər?
‐ Allahdan günahlarının bağışlanmasını
diləyirlər, ‐ dedi.
‐ Yəni bu qədər adam hər gün bu qədər
çox günah işlədir?
‐ Bəli... Biz hər gün günah işlədirik. Və
hər gün də günahlarımızın bağışlanmasını
Allahdan diləyirik...
Mərasimdən sonra bir keşiş bizə içki təklif
etdi. Almadan düzəldilmiş spirtli içki idi.
Bayıra çıxanda başımız dumanlı, hava isə
ətrafdakı küçə və xiyabanlar kimi tərtəmiz
idi. Həyat gündəlik səliqə‐sahmanıyla, saat
dəqiqliyi ilə döyünürdü...
‐ İçkiyə meyillisən?
‐ Yox! Toylarda, bayram günlərində, ad
günlərində ovqatım yaxşı olanda qədərində
içirəm. Әvvəldən beləyəm. Oğlanlarıma da
bu prinsipi gözləməyi məsləhət görmüşəm.
Sağ olsunlar, hələ ki yaxşıdı...
‐ Deyəsən, ailəcanlısan?
‐ Әlbəttə. Ailə hər şeydən ucadır. Ailə
dövlətdir. Әgər millət, xalq ailənin, dövlətin,
Vətənin və dinin ondan nə tələb etdiyini
bilmirsə, onun başı hər zaman qalmaqalda
olar.
‐
Deyirlər, abırlı adamın çörəyi olmaz...
‐ Səhv fikirdir. Mənim həmişə çörəyim
olub. Hətta işsiz qalan vaxtlarımda da. Bir‐
birinə bənzəyən iki əhvalat danışım. Bunlar
da mənim başıma gəlib: «Yazıçı» nəşriyyatı
mənə Cek Londonun seçilmiş əsərlərinin
tərcüməsini tapşırmışdı. Tərcümələri
vaxtından qabaq təhvil verdim. Sovet
dövrüydü, işsiz vaxtlarım idi. Rəhmətlik
Әjdər Xanbabayev də nəşriyyatın
direktoruydu. Getdim nəşriyyata, gördüm
mənə bir “paçka” «iyirmi beşlik» ‐ qonorar
yazıblar. Həm sevinirəm, həm də
təəccüblənirəm ki, bu qədər pul, görəsən,
mənimkidir? Birdən səhv olar? Bu şübhələrlə
də girdim Әjdər müəllimin kabinetinə, əlimdə
Aylıq ədəbiyyat dərgisi
9
ULDUZ /
Yanvar 2016
də pullar, açıq şəkildə. Utana‐utana dedim
ki, Әjdər müəllim, bunlar çoxdu axı! Mənə
eynəyinin arxasından baxdı və hökmlə, həm
də bir ata hökmüylə dedi:
‐ A bala, get kef elə! O, sənin halal
qazancındır!
Həmin gün evimizdə toy‐bayram oldu.
Bir necə il bundan qabaq «Azərbaycan»
jurnalına bir tərcümə gətirmişdim. Baş
redaktor İntiqam Qasımzadəyə dedim:
‐ İntiqam müəllim, bu, yaxşı əsərdir, verin,
heç vaxt çap olunmayıb Azərbaycanda. Mənə
qonorar‐zad da lazım deyil...
İntiqam müəllim təəccüb dolu baxışlarını
mənə zillədi, bir anlıq məni başdan‐ayağa
süzdü, sonra dedi:
‐ Niyə qonorar lazım deyil? Sənin balaların
yoxdu bəyəm?
O, mənə rəhmətlik Әjdər Xanbabayevi
xatırlatdı. Bu sözləri eşidəndə çox kövrəldim.
Axı indi mənim işim‐gücüm vardı, evə maaş
aparırdım. Nə isə... İntiqam müəllim o
tərcüməni jurnalda verdi və mənə çoxlu
qonorar yazdı. Qonorarı alıb evə aparan gün
evimizdə yenə toy‐bayram oldu...
‐ Tərcümələr, hekayələr, povestlər,
pyeslər, publisistik yazılar... xidməti
fəaliyyət... ictimai işlər... bunları neçə
çatdırırsan? Adam bir işin qulpundan yapışa
bilmir...
‐ Adam istəsə, yüz işin qulpundan yapışar.
Amma istəmək lazımdır... Buna həm də ürək
lazımdır, üstəgəl bacarıq, qabiliyyət, enerji,
hövsələ, sevgi...Әlbəttə, bizim dünyada
istedadlı adamın yaşayıb‐yaratması çox
çətindir. Adamlar daha çox onlara gündəlik
stimul gətirən parlaq və gurultulu reklamlara
meyillidirlər. Çox vaxt onlar üçün istedad,
yaxud əsl sənət meyarları maraqlı olmur.
Məlumdur: hamı yaşamaq istəyir! Və hamı
yaxşı yaşamaq istəyir! Amma yaxşı yaşamağın
yolu və sirri də müxtəlifdir. Məncə, gözə
çarpmadan yaşamaq daha rahatdır. Amma
sizə deyim ki, gözə çarpmadan yaşamaq da
çox vaxt insana ruhi sakitlik gətirmir. Çünki
o, doğulandan eqoistdir, iddialıdır və
şöhrətpərəstdir. İnsan həmişə görünmək
istəyir; görünmək azdır, həm də seçilmək
istəyir. Seçilmək azdır, həm də hər şeyə sahib
olmaq istəyir. Bu sahiblik atəşi ölənə kimi
onu yandırır. Bir də ayılıb görür ki, nəyə
sahib olmağa çalışırdısa, o, əslində heç nədir.
Heç nə!
Mən də həmvətənlərim kimi bu günün,
sabahın havası barədə tez‐tez düşünürəm.
Hərdən fikirləşirəm ki, elmi‐texniki tərəqqi
insan şüurunun ölümünə hesablanıb və şüur
yavaş‐yavaş ölürsə, deməli, elm də öləcək;
lakin çıxış yolu var‐əgər insan dinə və sənətə
elmin gözüylə baxsa, əgər dövlətlər və
cəmiyyətlər siyasi məqsədlərini kənara qoyub
silah və ölüm «preparat»ları istehsalını
dayandırsalar və texniki tərəqqi deyilən
prosesi qrupların mənafeyinə və qazancına
yönəli məqsədlərə çevirməsələr, xilas olmağa
ümid var. Bunun üçün nə etməli? Tarixdən
bəlli bir bilgi var: nəhəng, xırda dövlətlər və
onları idarə edən gizli qüvvələr dinin və
sənətin cəmiyyətlərə təsiretmə gücündən
qorxurlar və onlar bilirlər ki, insanın ruhu
və qəlbi onun şüurundan daha həssas və
kövrəkdir. Bu həssas və kövrək nöqtələri
məhz din və sənət yoldan çıxara bilər, onları
asanlıqla arxasınca apara bilər. Buna görə
də din və sənəti hər zaman boğub köləlikdə
saxlamaq üçün hər cür vasitələrdən istifadə
edirlər. Bu vasitələrdən biri də elmi‐texniki
tərəqqidir və onlar da bu ad altında şüura
təsir edə biləcək müxtəlif üsullar fikirləşib
tapır, həyata keçirirlər. Әgər sağlam əqidəli
adamlar İnsanın şüurunu yox, ruhunu və
qəlbini elmin predmetinə çevirə bilsələr, bizi
gözləyən fəlakətlərdən qurtula bilərik. Mənim
hazırda çapda olan «Dördüncü Möhür» adlı
romanımın əsas qayəsi məhz budur; nə qədər
ki, elm qəlbi və ruhu öyrənə bilmir,
cəmiyyətlər, ailələr, fərdlər müsibətlərə düçar
olacaq, nəhəng dövlətlər xırda dövlətləri
sıradan çıxarıb məhv edəcək.
‐ Hər şeydən danışırsan, ədəbiyyatdan
başqa...
‐ Yox, yenə də yox! Bura qədər
danışdıqlarımın, yazdıqlarımın hamısı
ədəbiyyat deyilmi? Әslində, ədəbiyyat mən
Aylıq ədəbiyyat dərgisi
10
ULDUZ /
Yanvar 2016