qaçdı‐tutdu
oyunu olur ha, ekrandakıların
hərəkəti ona bənzəyir. Tamaşaçı ər‐arvad artıq
dəqiqləşdiriblər: cütlük xoşbəxtliyin dadını
çıxarır. Onlar da 9 il öncə belə edərdilər.
Tamaşaçı arvad soruşur:
‐ Yadındadır?
‐ Təxminən ‐ tamaşaçı ərin soyuq cavabı.
‐ Təxminən? ‐ arvadın təəccübü.
‐ Axı üstündən illər keçib ‐ ərin özünü
müdafiəsi.
‐ Sevgi illərə təslim ola bilməz ‐ qadının
incik reaksiyası və ardından sərt tonda arzusu
– mən yenə hər şeyin əvvəlki kimi olmasını
istəyirəm. Qapımızda saatlarla gözləyəsən,
ağacların arasında qaçışaq, sevişəndə kabinetini,
işçilərini, böyük müdirin sənə verdiyi
tapşırıqları düşünməyəsən...
‐ Ay qız, bunlar mümkün deyil, ‐ ərdən
bir qədər sərt müdaxilə, ‐ biz artıq sevgili
yox, ər‐arvadıq.
Ekranda sevgililər öpüşür. Oğlan qıza
elə sarınıb ki, sanki bir nəfərdir. Hə, Әli və
Ninonun Batumidəki heykəli kimi ‐ qızla
oğlan bir‐birinə girib, vahidə çevrilirlər.
Tamaşaçı ər‐arvad sükuta qərq olub.
“Biz artıq sevgili yox, ər‐avadıq” silləyə çevrilib
xanımın üzünü qızardıb. Gözünü ekrandakı
oğlandan çəkmir. Artıq kameraları qarşı
tərəfdən quraşdırmışıq. Xanım ağzını tərpədir.
Nə dediyini eşitmirik. televizorun səsini
artırır. Ekrandakı oğlan ani olaraq sevgilisindən
aralanaraq, soruşur:
‐ Eşidirsən?
‐ Hə, ‐ qız təsdiqləyir.
‐ O, məndən imdad diləyir, ‐ oğlan qızdan
razılıq almaq istəyir.
‐ Razıyam ‐ qız başı ilə təsdiqləyir.
Eyni aqibəti o da yaşayıb. Özündən 20 yaş
böyük kişiyə ərə gedibmiş. Cəmi bir ay dözə
bilib. Sonra üzünü efirə tutaraq yalvarıb.
Həmin oğlan başqa qızla meşədə oynayırlarmış.
Həmin qızın əri narkoman çıxıbmış. Hekayədə
ekrandakı oğlanı xilaskar kimi təqdim edirik.
Etirazınız qəbul olunmazdır. Oğraş deyil o.
Başqasının arvadına göz dikməyib. Başqası
gül kimi qızı bədbəxt edəndə bilməliydi ki,
hansısa mələk, yanında olsa belə, onun qadınını
oğurlayacaq. Oğurlatdıracaq.
Ekrandakı qız sevgilisinə “hə” deyir. Elə
o andaca tamaşaçı qız ərinin yanından yoxa
çıxır. Әrin düz 8 dəqiqə hadisədən xəbəri ol‐
mur. Arvadını ekranda görəndə keçirdiyi
hissləri yazım görüm, alınacaq.
Әvvəl soluna baxır, sonra ekrana doğru
cumur. Oğlanı yumruqla vurmaq istəyəndə
televizor arxaya aşır. Onu qaldırır. Arvadı
oğlanın əlindən tutub meşədə gəzişir. Birinci
qız yoxdur. Tamaşaçı ər dizlərini yerə qoyub,
arvadına yalvarır:
‐ Qurban olum, qayıt, məni biabır eləmə.
İndi mən qonşuların üzünə necə baxacam?
Deməyəcəklər, arvadı evdən qaçdı?.. Biabır
olacam. Bizim müdir belə şeylərə nifrət edir.
Həmişə deyir ki, arvadın həyatında olan bütün
neqativ hadisələrdə əri günahkardır. Məni
işdən çıxaracaq. Vəzifəmi böyütməliydilər...
Sən neylədin?..
Arvadı bir anlıq ayaq saxlayır. Dilindən
cəmi bir cümlə çıxır:
‐ Sən özünü düşünürmüşsən. Bu da sübut.
Bir kəlmə demədin ki, səni sevirəm.
Film bitir. Ekranda titrlər yazılır. Әr tele‐
vizoru söndürür. Sonra yenə yandırır. Efirləri
dəfələrlə dəyişir. Yoxdur. Yoxdur... Pultu yerə
çırpıb zarıya‐zarıya qapıya qaçır. Polis şöbəsi.
Әr izahat verir. Polis leytenantı onu
sakitləşdirməyə çalışır:
‐ Sizin beyniniz yorulub, bir az müalicə
almaq lazımdır. Dediklərinizin həqiqətlə bir
qram da olsun əlaqəsi yoxdur.
Әr daha da hirslənir:
‐ Siz nə danışırsız?.. “Myvideo”da baxın.
Baxın. Baxın. Saat 19:17‐də arvadım yoxa çıxdı.
Qəfildən onu ekranda gördüm: oğlanla meşədə
gülə‐gülə gəzişirdi.
“Myvideo”ya baxış keçirilir. 19:17 dəqiqə.
Şikayətçinin arvadı oğlanın yanındadı. Ayaqları
yerdən üzülüb. Oğlan onu quş kimi uçurdur.
Qız xoşbəxtcəsinə gülür.
Tamaşaçı ər bu səhnəni görməyib. Hadisələr
o, hikkəsindən televizoru söndürəndən sonra
yaşananlardır. Polis kapitanı çığırmasın deyə,
ağzını əlləri ilə bərk‐bərk tutur. Bu barədə
rəisə izahat verilir. Rəis əllərini yanına salıb,
qışqırır. Ardından göstəriş verir:
Aylıq ədəbiyyat dərgisi
20
ULDUZ /
Yanvar 2016
‐ Televiziyaya rəsmi məktub göndərilsin,
filmin arxivlərdən yığışdırılması təmin olunsun.
O aktyor tapılsın və qız onun əlindən alınsın.
Әrə də dərman verin, arvadı tapılana qədər
yuxulasın. Hadisədən heç kim xəbər
tutmamalıdır. Mən kitab oxuyan adamam.
Cınqırınızı belə çıxarmayın: Bulqakov dirilib.
Polis serjantı “Bulqakov”dan sonra gözlərini
döyməyə başlayır. Rəis hirslənir:
‐ Nə mal kimi gözlərini döyürsən? “Master
və Marqarita”.
Polis serjantı yenə heç nə anlamadı. Әrə
su verdilər, 5 dəqiqədən sonra uydu. Tele‐
viziyaya məktub göndərildi. Aktyor tapılıb
polis şöbəsinə gətizdirildi. O da filmə baxanda
mənzərəni görüb dəhşətə gəlib. And içdi. Dedi
ki, bununla 3‐cü dəfədir, filmə baxanda
tərəfdaşı qəfildən başqası ilə əvəzlənir. Təkrar
baxmağa qorxurmuş, elə bilib havalanıb. Hətta
aktyorluqdan imtina edib, bu şəhərdən qaçmağı
düşünürmüş. Aktyorun dilindən susmaq
barədə izahat alırlar. Әr polis şöbəsində yatıb.
Cüvəllağı polislərdən ikisi onun cibindən açar
götürüb, evinə yollanırlar. Qapı ehtiyatla açılır.
Ayaqlarını dəhlizə qoyan kimi hıçqırıq səsi
eşidirlər. Səs tualetdən gəlir. Mətbəxə baxan
pəncərəyə dırmaşıb içəridə bir qadının
çömbəldiyini görürlər. Pəncərəyə dırmaşan
polis qadının üzünü də görə bilir. Yataq otağına
girib güzgünün qarşısındakı şəklə baxırlar –
həmin qadın və həmin kişidir.
Evdən həyəcanla çıxıb düz rəisin yanına
gəlirlər. Hadisəni danışırlar. Kabinetə bir anlıq
sükut çökür. Nəhayət, rəis dillənir:
‐ O peysəri aparıb evlərinə tullayın. Çatanda
arxadan itəliyib dəhlizə atın. Dəhlizdəcə tualetin
qapısının qabağında uzanıb. Arvad tualetdən
çıxmaq istəyir, qapı tam açılmır...
Bəsirət gözüm hələ ordadır. Davamı var.
Bu dəfə laqeyd obrazını verəcəm. Hekayənin
adı belə olacaq: «Ekranın oğurladığı ər».
Aylıq ədəbiyyat dərgisi