* * *
Ayılıb güzəran qaçhaqaçından,
Qayğılar yükünü qoyub deyirsən‐
Bəlkə, bəndələri danıb Yaradan,
Bəşər ümmətini unudub birdən?
Әlbəttə, bizlərə üz vermək olmaz,
Axı, can hayında qaçmaqdan bezib
Vurnuxan bəndələr bəxtindən küsüb,
İnsaf‐mürüvvəti vecinə almaz.
Qaz vur, qazan dolsun, deyə hər günü
Sözə, vədələrə haram qatırıq,
İnsaf nəyə gərək! Könül mülkünü
Günah girdabına salıb batırıq.
«Hər şey düzələcək» xəyal atıyla
Çırpışıb, çarpışıb bada gedərik.
Ey qadir Yaradan! Әstəğfürullah!
İblisi bizlərə eləmə şərik!
Düşdük şeytan cızan mənfur çevrəyə
Məhrəm üz görmədik bəndə sayınca.
Bir ucdan qaçırıq, «tərəqqi» deyə,
Sonu bilinməyən yolun boyunca…
* * *
Ulduzlar gecənin bağrın yaranda
Bir ülkər sayrışan sıradan qopdu,
Allahsız illərin vurhavurunda
Xaçı əvəz edən mil üstə qondu.
Başqa cür davranış ola bilməzdi,
Kilsə başında xaç, qala bilməzdi.
Yağır küçələrə, yağır şıdırğı,
Aylı asimanın aydın işığı.
Allahsız illəri anmayaq indi,
Önəmli əhvalat sanmayaq indi,
Ayın şöləsinə bürünmüş ehram
Sehirli aləmə çevrilmiş tamam.
Әlçatmaz göylərə kilsə baş vurur,
Gümüşü şöləsi göz qamaşdırır.
Onu yasaq edən tapılmaz daha,
Nə zaval görər o, nə də qadağa.
* * *
Kimsə araşdırır cahan mülkünü,
Kimsə millətinin dərdinə yanır.
…Mən tamam bekaram bu şənbə günü,
Hamamın tüstüsü ərşə dayanır.
Bu gün asudəyəm, tamam bekaram,
Yayxanıb çimirəm hamam rəfində.
Әli süpürgəli bir camadaram,
Süpürgə qoxuyur hamam kefində.
Bədənim buğlanan buluda əsir,
Hərarət hökmünə tabe bəndəyəm,
Qayın payihəsi üstümü gəzir,
Mülayim ovqatlı çən içindəyəm.
Dövranın dəbinə oldum tamarzı,
Çırphaçırp, süpürgə, süpür tənimi.
Bu pak dəstəmazı iman atası
Mübarək savaba bənzətməmişmi?
Səs‐küydən aralı səcdə qılmalı,
İbadət zamanı tələsmək nahaq.
Sabahsa ruhani paklaşma halı,
Kilsədə varlığım rahatlanacaq.
Çevirəni:
Səyavuş Məmmədzadə
31
ULDUZ /
Yanvar 2016
Dmitri MİZQULİN
(Xantı‐mensiqsk)
Giriş qapısının sağ tərəfindəki xırda
arakəsmədə oturmuş qoca kişi onun uzatdığı
kağıza candərdi göz gəzdirib «ikinci mərtəbəyə
qalxıb sola dönərsən» söylədi. O, qocanın
vızıltıya oxşayan səsindəki etinasızlığı göydə
tutdu. Onsuz da aşağısı qadın geyimləri
mağazası olan ikimərtəbəli binanın ikinci
mərtəbəsinə qalxmaq, sağa yol olmadığından,
təbii ki, sola dönmək lazım gələcəkdi.
İkinci mərtəbənin sol tərəfə dönən səmtində
cəftəsi sürtülüb qaralmış, rəngi solub tökülmüş
cəmi bircəcə qapı vardı. Bərk həyəcanlanmışdı…
Sanki bütün ömrü boyu elə bu qapıya tərəf yol
gəlmişdi, ağlı kəsəndən bu qapıdan içəri keçmək
istəmişdi. Səhərlər qan‐tər içində ayıldığı
yuxularının yarımçıq yerində həmişə bu qapı
görünmüşdü.
İçəri adladı. Kiminləsə telefonla danışan iri
eynəkli qarı söhbətinə ara verib bir xeyli onu
süzərək «deyilən qız sənsən?» ‐ soruşdu. Onun
təsdiqini gözləmədən «bəs niyə tez gəlmisən,
gözləməli olacaqsan» dedi, sonra yenə də
dəstəyi qulağına tutub nəsə mızıldandı. Onun
elə ilk baxışdaca diqqətini çəkən qarının
gözündəki eynək oldu. Çox qəribəydi, elə bil
iki qalın lupanı burnunun üstünə qoyub
boynunun arxasından iplə sarımışdılar.
Baxışlarını yerə dikib qulaqcıqla musiqi dinləyən
adamlar kimi ahənglə başını tərpədir, arabir
«hm…hm…a…a…» eləyirdi.
Qız belə soyuq qarşılanacağını, hələ üstəlik
bir‐birinin ardınca heydən düşmüş qocalarla
üzləşəcəyini təsəvvür eləməzdi. Hər halda
onun bütün ömrü boyu yol gəldiyi, yuxularında
min dəfə, milyon dəfə gülə‐gülə kandarından
içəri adlamağa cəhd göstərdiyi qapıda nə
soyuqluq vardı, nə də qocalıq, hər şey əksinə,
təravətli və təptəzə görünürdü. «Yəqin, bunlar
texniki işçilərdi», ‐ düşünərək özünə ürək‐
dirək verdi.
Qarı bir xeyli «hım»ıldayıb dəstəyi yerinə
qoysa da, başı elə əvvəlki kimi yırğalanırdı.
Masanın üstündə qalaqlanmış vərəqləri nəsə
o tərəf‐bu tərəfə edəndə onun tək başının deyil,
əllərinin də əməllicə titrədiyi gözündən
yayınmadı. «Zavallı… Bunun lap ələyi ələnib
ki… Açıq‐aşkar parkinsondu. Görəsən, bu
yaşda ixtiyar insanları işləməyə sövq edən
hansı qüvvədi? Bəlkə, özləri əl çəkmirlər?
Müdirin otağının qabağında saatlarca oturasan,
bir tərəfdən də ardı‐arası kəsilməyən telefon
zəngləri. Dəhşət… görəsən, bu, müdirə çayı
necə aparır? Bunun özünə çay verən lazımdı»
‐ bunları düşündükcə qarının soyuqluğunu,
sifətində donan qəzəbini anlamağa və ona
yazığı gəlməyə başladı.
‐ Sən, ‐ qarı yavaşdan sözə başladı – belə işi
özün istəmisən?
Çox qəribə idi, indi fikir verdi ki, qarının
səsi qətiyyən yaşına və sifətinin ifadələrinə
uyğun gəlmir. Həlim və cavan qızların səsini
xatırladırdı.
‐ Hə, əlbəttə, öz qərarımdı. Mən bunu arzu ‐
lamışam.
32
ULDUZ /
Yanvar 2016
NӘSR
Natiq MӘMMӘDLİ
‐ Arzulamısan? Maraqlıdı, bizim dövrün
qızları nəsə arzulaya da bilir? Şükür sənə, İlahi,
deməli, hələ hər şey əldən getməyib.
Qarının nəyə eyham vurduğunu anlamasa
da, sadəcə, qımışaraq çiyinlərini çəkməklə
kifayətləndi.
‐ Arzulamaq – qarı davam elədi, ‐ məgər
indi gənclər nəsə arzulaya bilirlər? “Facebook”,
seriallar sizə nəsə arzulamağa icazə verirmi,
yəni?
Yenidən telefon səsləndi. «Bəli, burdadı.
Hə, bir az tez gəlib. Baş üstə» deyib dəstəyi
asdı. «Keç içəri, səni çağırır» deyərək müdirin
kabinetinə işarə elədi.
Alnında kəskin qırışlar yer eləmiş, çal saçlı,
beli azca donqarlaşmış kişi bir xeyli onu süzərək
bacardıqca nəvaziş qatdığı həlim səslə «yəqin,
məni tanıdınız» deyə soruşdu.
‐ Yox. Oy, bağışlayın, yaxşı çıxmadı. Nəsə
xatırlaya bilmirəm.
‐ Hm… bəs bizim qəzeti oxumursan?
‐ Niyə ki... demək olar, bütün nömrələrini…
‐ Bəs hər dəfə beşinci səhifəyə baxanda
mənim köşəmə diqqət yetirməmisən?
‐ Axı onları cavan bir oğlan yazır…
‐ Həmən oğlan mənəm də. Cavanlıq
şəklimdi. Hər nə olsa «Gənclər qəzeti»ndə
işləyirik axı. Deyirsən, yəni elə çox dəyişmişəm?
Eh!..
Kişi elə ah çəkdi ki, sanki təzəcə qaysaq
bağlamaq istəyən yarasına neştər vurdular.
Bəlkə də, pərtliyini gizlətmək üçün əvvəlcə
eynəyini çıxarıb çal saçlarını sığalladı, sonra
dinməzcə pəncərənin önünə keçib dayandı.
Alaqaranlıq otağa xəsisliklə düşən gün işığında
tükləri seyrəlmiş başının ortası meşə talası
kimi ağarırdı. Uzun illər başıaşağı yazdığı
yazıların yöndəmsiz nişanı kimi özündən
xəbərsiz kürəyində yer eləmiş donqar indi
pencəyinin altında gizlənmiş təpəyə oxşayırdı.
Tutaq ki, lap möcüzə baş versəydi, həmin
köşədəki cavan oğlan zamanı Allah bilir, neçə
onillik qabağa çəkərək bu qapıdan içəri adlayıb
pəncərə önündəki sual işarəsinə oxşayan insan
siluetinin özününkü olduğuna inanardımı,
görəsən?
Araya ağır və cansıxıcı sükut çökmüşdü.
Bir tərəfdən adamı səbirsizləşdirən, əsəblərini
tarıma çəkən mənasız səssizliyi pozmaq, o biri
tərəfdən, deyəsən, xoşluqla pəncərənin
qənşərindən çəkilmək istəməyən qocaya
təskinlik üçün nəsə uydurmaq lazım idi.
‐ Gözləriniz… gözləriniz dəyişməyib…
‐ Hə… Necə dedin?
‐ Gözlərinizdən tanıdım.
Baş redaktor elə bu sözlərə bəndmiş kimi
cəld yaxınlaşıb qızla üzbəüz oturdu.
‐ Qəzet işi ömür yeyəndi də ‐ deyib, sözə
başladı ‐ vaxtın damarını tutmaq olmur. Bir
də başını qaldırırsan, budu ey, karvanın gedib.
Hər gün sıfırdan başlayırıq. Bu otuz ildə,
bilirsən, nə qədər sıfırdan başlamışam. Təxminən
hər dəfə ölüb‐dirilməyə oxşayır. Gözünü
qorxutmuram ki?
‐ Yox, mən qorxmuram, yazmağa
həvəsliyəm.
‐ Ah, yazmaq… Bizi hamıdan fərqləndirən,
bizi lazımlı edən yeganə məşğuliyyətdi bu.
Nədən yazmaq istəyirsən, debütünü hansı
mövzuda edəcəksən?
‐ Siyasətdə...
‐ Nədən!?
‐ Siyasətdən, illah da daxili siyasətdən.
Baş redaktor ayağa qalxıb cəld öz yerinə,
masanın başına keçdi. O, üzbəüz oturub söhbət
edəndə gününü görüb, ömrünü sürmüş istiqanlı
qocaya oxşayırdı, iri, dördkünc masasının
arxasına keçən kimi isə zəhmli, ağır‐batman
bürokrata çevrildi. Әllərini masanın üstündə
çarpazlayıb bir xeyli kirimişcə dayandı, sonra
qolundakı saata baxıb ağır‐ağır başını buladı.
Adətən belə jesti qarşısındakı adama vaxtın
bitdiyini, bezdirici söhbəti kəsib getmək lazım
gəldiyini başa salmaq üçün edirlər. Təbii ki,
qız da bunu anlamamış deyildi. Amma hələ
başlanmamış söhbəti necə yarıda saxlayıb
getmək olardı?
‐ Bizim qəzet «Gənclər qəzeti»dir, bilirsən?
Ağlını başqa qəzetlərə vermə. Biz onların tayı
deyilik. Bizim öz mövzularımız var və illərdir
onlardan yazırıq. Məsələn, mən istərdim ki,
sən debütünü teatrla edəsən. Bəxtindən bu
axşam Gənclər teatrında maraqlı bir tamaşa
var, Bekketin əsəridi. Resenziya yaza bilərsən?
İnandırım səni, buna həm böyük ehtiyacımız
var, həm də çox aktualdı. Sənə düzünü deyəcəm,
əslinə qalsa, bizim teatrdan yazan əməkdaşımız
xeyli olar, dekretə çıxıb. Bir də məsələnin maddi
Aylıq ədəbiyyat dərgisi
33
ULDUZ /
Yanvar 2016
Dostları ilə paylaş: |