38
nəticəsində araya-ərsəyə gəlir. Əsərdə təqdim olunan şəkillər və statistik məlumatlar gələcək üçün
əvəzolunmaz tarixi mənbədir.
Yazıçının Qarabağ müharibəsi mövzusunda yazdığı ikinci sənədli əsəri “Mübariz” povestidir.
Bu povest öz üslubuna, bədii xüsusiyyətlərinə görə “Fred Asif”dən fərqlənir. Əsərdə Mübarizin
Azərbaycanı ayağa qaldıran, bütün dünyanı silkələyən şücaətindən bəhs olunur. Əsərin faktlar,
şəkillər, şahid qeydləri əsasında yazılması onun tarixi dəyərini artırır. Mübarizin planları haqqında
rəsmi sənəd, gündəlik, əli ilə yazılan bir parça kağız belə olmadığından yazıçı burda daha çox
eyhamlar dolu ata-oğul arasında söhbətlər, epizodik şahid qeydləri əsasında alınmış məntiqi nəticə
sənətkar təxəyyülünə istinadən dolğunlaşır, bunun da nəticəsində əsərdə bədiilik ön plana keçir.
Vətənə sevgi, bayrağa hörmət, xalqa, ailəyə sədaqət hissi ilə böyüyən, imam övladını
qorumaq üçün “geyin, gəl” deyib oğlunu fəda edən yel ocağının yetirməsi Mübarizin qəlbində
yanan alov uşaqlıqdan ailəsinin, müəllimlərinin diqqətini cəlb edir. M.Çəmənli onun vətənpərvər
yetişməsinin səbəbini atası Ağakərimdə, sədaqət və inam dolu genlərində görür və bunu “ot kökü
üstə bitər” deyə vurğulayır. Uşaq, yeniyetmə, gənc Mübarizin bir sevgisi var – Vətən sevgisi.
Mübarizin görmədiyi, lakin qarış-qarış gəzmək istədiyi torpaqda at çapmaq, məşhur İsa bulağından
su içmək, Azərbaycan bayrağını qaldırmaq, düşmənin cəzasını vermək kimi xəyalları yüksək
bədiiliklə təsvir edilir. Mübarizin keçirdiyi narahatlıq və qorxusunun dolğun və canlı təqdimatı əsəri
oxunaqlı edir. Mübariz şəxsi istəklərdən imtina edə biləcək qədər güclü fenomendir. İnsan-əsgər-
qəhrəman vəhdəti bu obrazın əsas aparıcı xəttidir. Mübarizin qisas hissi o qədər güclüdür ki, ailə,
həyat eşqi, əmrə itaətsizlik, geriyə sağ qayıtmamaq kimi manelər onu dayandıra bilmir. Əsərdə
Mübarizin şücaəti düşmənin özünün olmayan torpaq uğrunda apardığı ədalətsiz müharibədə “haqlı
və qalib” təsəvvürünə bir zərbə kimi təqdim olunur. Mübariz acizlik və əlacsızlığı yox, mübarizə,
qəhrəmanlıq yolunu seçir. O, işığa, haqqın, ədalətin bərpasına tələsir. Öz fövqəladə qəhrəmanlığı ilə
xalqa hələ də cəsarətin, mərdliyin, igidliyin ölmədiyini göstərir, özü kimi gəncləri şərəf və
ləyaqətləri uğrunda fədakarlığa ruhlandırır. Sanki gənc nəsilə “silaha sarıl”, “vətəni xilas et” əmrini,
mesajını verir. O, yaşamaq haqqından imtina edib “ölməzliyi” seçir və müasir gəncliyin cəsarət və
qəhrəmanlıq simvoluna çevrilərək mümkünsüzlüyün mümkünlüyünü sübut edir. Mübariz
etdiklərinə görə heç bir mükafat gözləmir, sadəcə əqidəsinə, amalına sədaqətini nümayiş etdirir.
Əsərdə insan duyğularını riqqətə gətirən epizodlar vasitəsilə müəllif qəhrəmanına sevgisini,
mərhəmətini əks etdirməyə çalışır və əsər boyu bu hiss olunur. Eyni zamanda, o, qəhrəmanı
vasitəsilə ilə insan gücünün, iradəsinin hüdudsuzluğunu diqqətə çatdırır. Qəhrəmanın əhvali-
ruhiyyəsinə uyğun təbiət təsvirlərinin verilməsi əsərin təsir gücünü artırır.
Epitet, metafora, atalar sözü və frazeologizmlərdən istifadə onun dilini daha da gözəlləşdirir,
hadisələrə fərqli bədiilik və emosionallıq qatır.
M. Çəmənli sənədli əsərləri ilə xalqda azadlıq ruhunu gücləndirməyə çalışır. O, millətini
keçmiş və bugünki, yad və daxili düşmənlərə qarşı birləşməyə, mətin olmağa səsləyir. Xalqını
sevən, onu azad, dövlətini tarixi sərhədlərinə qədər bütöv görmək istəyən yazıçı bu hissin hər bir
azərbaycanlı vətəndaşının ruhuna hopmasını arzulayır.
Mustafa Çəmənlinin təhlilə cəlb etdiyimiz povestləri onu göstərir ki, sənədli nəsrin
özünəməxsus qanunauyğunluqları vardır və yaradıcılıq prosesində bunları mütləq nəzərə almaq
lazımdır. Bugünümüzün hadisələrini sənədlər əsasında əks etdirən əsərin bir neçə il sonra mötəbər
tarixi qaynağa çevriləcəyi də nəzərə alınası faktdır.
Elmi yeniliyi: Mustafa Çəmənlinin sənədli povestləri ilk dəfə sənədlilik prinsipindən tədqiq
edilib.
Tətbiqi əhəmiyyəti: Məqalə Azərbaycan sənədli nəsrinin öyrənilməsi və tədqiqində elmi
mənbə kimi faydalıdır.
Sənədli nəsrin problemləri
(Mustafa Çəmənlinin “Fred Asif” və “Mübariz” adlı sənədli povestləri əsasında)
39
ƏDƏBİYYAT
1. Шик Э. Документ, факт, образ. Новосибирск: Зап.-Сиб. кн. изд-во,1973, 86 с.
2. Шарипова З.Я. Литературоведение и современность. Уфа: Китап, 2001, 320 с.
3. Rəsulov Ə.
Türk sənədli-bədii nəsri. Bakı: Elm, 2004, 426 s.
4. Çəmənli M. Fred Asif. Bakı: Gənclik, 1996, 172 s.
5. Salamoğlu T. Ən yeni Azərbaycan ədəbiyyatı məsələləri. Bakı: E.L. NPŞ, 2012, 476 s.
6. Çəmənli M. Mübariz. Bakı: Təhsil, 2016, 96 s.
РЕЗЮМЕ
ПРОБЛЕМЫ ДОКУМЕНТАЛЬНОЙ ПРОЗЫ
Бабаева А.Н.
Ключевые слова: художественная литература, документальная проза, Мустафа Чеменли,
идея, патриотизм
В статье рассказывается о возникновении и принципах документальной прозы. На основе
документальных повестей Мустафы Чеменли, посвященных Карабахской войне, анализируются
принципы документальности и исследуется предполагаемая идейно-тематическая проблематика.
SUMMARY
PROBLEMS OF DOCUMENTARY PROSE
Babayeva A.N.
Keywords: imaginative literature, documentary prose, Mustafa Chemenli, idea, patriotism.
The article tells about the origin and principles of documentary prose. Based on the documentary
stories of Mustafa Chemenli, devoted to the Karabakh war, the documentary principles are analyzed and the
supposed ideological and thematic problems are examined.
Daxilolma tarixi:
İlkin variant
20.04.2017
Son variant
Babayeva A.N.