Ġəlalə Məhyəddin qızı
Yüklə 1,28 Mb.
|
- Bu səhifədəki naviqasiya:
- QARANLIQDAN ĠġIĞA
- Kitabın işıq üzü görməsində maddi və mənəvi kö- məklik göstərən həmyerlilərimiz, iş adamı Dağlar Sə
- M 087 – 2012 © «Nasir» nəĢriyyatı,2012 ÖN SÖZ
| 1
ġəlalə Məhyəddin qızı
QARANLIQDAN ĠġIĞA
Bakı – 2012 2
ġəlalə Məhyəddin qızı. «Qaranlıqdan iĢığa». Bakı, «Nasir» nəĢriyyatı, 2012, 192 səh. Bu kitab dünya şöhrətli göz cərrahı, Azərbaycan oftalmologiyasının banisi professor Ümnisə Musa- bəylinin 110 illik yubileyinə həsr olunub. Kitabda alimin elmi fəaliyyəti ilə bağlı xatirələr toplanıb.
Kitabın işıq üzü görməsində maddi və mənəvi kö- məklik göstərən həmyerlilərimiz, iş adamı Dağlar Sə- fərova və «Nasir» nəşriyyatın direktoru Famil Kəri- mova minnətdarlığımızı bildiririk. 3
ÖN SÖZ
Qeyri-adi zəka sahibləri bilik və bacarıqlarını elmin inkişa- fına sərf edəndə daha çox fayda verir, onların əməyinin nəti- cəsində daha çox insan bəhrələnir. Ömrü boyu insanlara nur verən akademik Ümnisə Musabəyli də belə insanlardan biri idi. O, təkcə Azərbaycanda, keçmiş Sovetlər İttifaqında deyil, dünyada sevilib-seçiliən nadir oftalmoloqlardan biri kimi tanınırdı. Hətta onu dövlət başçıları səviyyəsində müxtəlif ölkələrə dəvət edir, böyük hörmət və ehtiram göstərirdilər. Təkcə bu faktın özü onun çox böyük nüfuza malik olduğunu şərtləndirən amillərdən biridir. Odur ki, Ü.Musabəylinin gözlərinə şəfa verdiyi insanlar arasında adi vətəndaşlardan tutmuş yüksək rütbəli məmurlar, dövlət başçıları da olub. Beynəlxalq səviyyəli simpoziumlarda, elmi konfranslarda etdiyi çıxışlar da həmişə maraqla qarşılanır, böyük əks-səda doğururdu. Sağlığında «Ümnisə xanım» adlı sənədli film çəkilmiş, elmi məqalələri dünyanın bir çox nüfuzlu jurnallarında çap olunmuşdur. Ümnisə xanım neçə insanın gözünə nur vermişdi, neçə təşəkkür məktubu almış, haqqında neçə xatirə yazılmışdı? Bunu rəqəmlə ifadə etmək qeyri-mümkündür. Artıq Ümnisə xanımın vəfatından 40 ilə yaxın vaxt keçir. Buna baxmayaraq, o, indi də ehtiramla yad edilir, böyük məhəb- bətlə xatırlanır. Vaxtilə onunla birlikdə çalışan iş yoldaşlarından, dərs dediyi tələbələrdən, müalicə etdiyi insanlardan kimisi onun haqqında məqalə, kimisi xatirə, kimisi şeir, kimi də hətta elegiya və poema da yazmışdır. Jurnalist Şəlalə Məhyəddin qızı həmin yazıların və xatirələrin bir çoxunu arayıb-axtarıb taparaq bu kitabı ərsəyə gətirmişdir. 4 Kitaba çəkilən zəhməti görmək üçün onun mündərəcatına nəzər salmaq kifayətdir. Ümnisə Musabəyli Azərbaycan təbabətinə nə kimi yeniliklər gətirib, dünya tibb elminə hansı töhfələri verib, xəstələri necə müalicə edirdi, necə dərs deyirdi, tələbələrinə hansı tövsiyələrini verirdi, anadangəlmə kor olan insan gözlərini açanda nə kimi hisslər keçirdirdi? Kitabda bu və ya digər suallara ətraflı cavab verilir. Kitabın üstün cəhətlərindən biri də oradakı insan mənəviy- yatını zənginləşdirən faktların çoxluğudur. Bu da Ümnisə Musabəylinin özünün daxili aləminin zənginliyindən, yüksək əxlaqi xarakterindən irəli gəlirdi. Başqa sözlə desək, Ümnisə xanım təkcə qeyri-adi istedadı ilə deyil, yüksək insani əxlaqi dəyərləri ilə də xatirələrdə silinməz izlər qoyub. Onu əbədiyaşar edən də budur. Bu isə o deməkdir ki, kitabdan görüb götürüləsi, öyrəniləsi çox şey var. Bütün hallarda kitaba əsl qiyməti oxucu verir. Bu kitab da mənalı, düşündürücü, insanları xeyirxah əməllərə çağıran, onların daxili aləmini, mənəviyyatını zənginləşdirən kitabdır. Bütün dövrlərdə belə kitablara ehtiyac olub. Bundan sonra da olacaq. Odur ki, oxucular tərəfindən bu kitabın böyük maraqla qarşılanacağı şübhəsizdir. Müəllif üçün isə bundan böyük sevinc payı ola bilməz.
5
ÜMNĠSƏ MUSABƏYLĠNĠN HƏYATINDAN QISA FRAQMENTLƏR
Gecə birə işləyirdi. Şəhər bəlkə də çoxdan yuxuya getmişdi. Bərkdən döyülən qəfil qapı səsi gecənin sakitliyində əks-səda yaratdı. Səsə qonşular da diksindi. - Xeyir ola, bu vaxt? Ümnisə xanım dodaqaltı pıçıldadı: - Kimdir görəsən? Çevrilib professora baxdı. Həmişə gülərüzlü olan həyat yol- daşını elə bil ilk dəfə görürdü. Ərinin rəngi bəyazımış çöhrəsi və nigaran baxışları onu ildırım kimi vurdu. Dağdan ağır sandığı kişinin birdən-birə yazıqlaşan görkəmi nəzərindən qaçmadı. Hərəkətsiz qaldığını görüb, özü qapıya yaxınlaşdı. İçəri daxil olan bir neçə şəxs bircə kəlmə soruşdu: - İsmayılzadə İbrahim? - Bəli. - Yığışın, bizimlə getməlisiniz. - Hara?... - ...
Susmuş və zəhmli baxışlardan, dilindən qəfil çıxan sualdan İbrahim müəllim daha da pərt oldu. Həmişə cəsarəti, dilavərliyi ilə seçilən Ümnisə xanım da susmuşdu. Bu sualın cavabı yox idi.
Ötən il minlərlə qapısı döyülən insanlar nəyin qurbanı olduğunu bilmədikləri halda gedər-gəlməzə yola salınmışdılar. Tanıdıqları bu insanların aqibəti hamının başına gələ bilərdi. Xüsusilə ziyalıların, milləti canı-qanı qədər sevdiyi şəxslərin alın yazısına çevrilirdi. Bu dəfə İbrahim İsmayılzadə hədəfə alınmışdı. Yüklə 1,28 Mb. Dostları ilə paylaş:
|