22
Agregat - bir necha tizilmalarni bir butun qilib birlashtirgan holda ishlovchi
qurilma. (masalan,
avtomobil dvigateli,
uzatmalar qutisi, taqsimlash qutisi va
yetaklovchi ko`prik).
Tarmoq (sistema) - bitta umumiy vazifani bajaradigan qismlar yig‘indisi
(masalan, ta‘minlash tarmog‘i, moylash tarmog‘i yoki sovitish tarmog‘i va
boshqalar).
Avtomobil kuzovlari yuk va yo‘lovchilarni qulay joylashtirish uchun xizmat
qiladi. Engil avtomobil kuzovlari dvigatelning joylashuvi,
ish sharoiti va qanday
ishga mo‘ljallanganligiga, eshiklar soni va yuqori qismining shakliga qarab
quyidagi turlarga bo‘linadi:
Sedan –kuzovi uch bo‘lmali, to‘rt eshikli ikki yoki uch qator o‘rindig‘i bor,
usti yopiq va ichki to‘sig‘i yo‘q (1.11-rasm).
Kupe – kuzovi ikki bo‘lmali, ikki eshikli, usti yopiq bir yoki ikki qator
o‘rindiqli (1.12-rasm).
Limuzin –kuzovi uch bo‘lmali, to‘rt eshikli, usti yopiq, uch qator o‘rindig‘i
bor, birinchi qator o‘rindig‘i orqa qator o‘rindiqlaridan oynali to‘siq
bilan
ajratilgan (1.13-rasm).
kuzov
shassi
dvigatel
1.10-rasm. Avtomobilning umumiy tuzilishi.
23
Kabriolet – kuzovi uch bo‘lmali, usti va orqa qismi yig‘ishtiriladi va yon
eshiklari oynasini tushirish mumkin (1.14-rasm).
Universal – ikki bo‘lmali kuzovi bo‘lib, ikki yoki to‘rt eshikli, orqa qismida
ochiladigan darchasi bor.
Faeton- kuzovi ikki bo‘lmali, usti soyabonli qismi yig‘ishtiriladi va yon
qismi oynali bo‘lib, u olinib qo‘yilishi mumkin.
Kombi (xetchbek) –ikki bo‘lmali, usti yopiq kuzovida ikki yoki to‘rt yonaki
va bitta orqa eshigi bor (1.15-rasm).
Pikap – yuk-passajir kuzovining usti ochiq yuk sathi bo‘lib, yon tomonida 4-
6 kishilik bo‘ylama joylashgan o‘rindiqlari bo‘lishi mumkin, ikki kishilik yopiq
kabinasi bor (1.16-rasm).
Xardton – yig‘ishtiriladigan
tentli tomi bor, yon tomonidagi oynalari
tushiriladi. kuzovi kupe, yoki sedan turida bo‘lishi mumkin.
1.11-rasm
1.12-rasm
1.13-rasm
1.14-rasm
1.15-rasm
1.16-rasm
24
Furgon – shassiga o‘rnatilgan ixtisoslashgan yuk kuzovi oynasiz qilib
ishlangan, orqa tomonida ochiladigan ikki eshigi bor, haydovchining bo‘limi yuk
bo‘limidan ajralgan.
Yuqorida qayd etilgan avtomobil kuzovlari
ramasiz konstruksiyaga ega
bo‘lib, karkasli yoki karkassiz bo‘lishi mumkin.
Shassi - avtomobilning asosi bo‘lib, uch turkum mexanizm va tarmoqlarni
o‘z ichiga oladi. Kuch uzatmasi, yurish qismi va boshqarish tarmoqlari.
Kuch uzatmasi mexanizm va agregatlarning qo‘shilmasidan tarkib topgan
bo‘lib, dvigatel validan kelayotgan burovchi momentni o‘zgartirgan holda etakchi
g‘ildiraklarga uzatib beradi. Kuch uzatmasiga quyidagi mexanizmlar va agregatlar
kiradi: ishlash muftasi, uzatmalar qutisi, kardanli uzatma, keyingi etakchi
ko‘prikning ichida joylashgan asosiy uzatma, differensial va yarim o‘qlar. Ishlash
muftasi dvigatelni kuch uzatmadan qisqa muddatga uzib qo‘yishga va ularni ravon
ulashga, shu tariqa avtomobilni joyidan asta-sekin qo‘zgatishga xizmat qiladi.
Uzatmalar qutisi dvigatel hosil qilgan burovchi moment kattaligini oshirib,
kardanli uzatmaga yetkazib beradi. Shu bilan birga
dvigatelni qisqa yoki uzoq
muddatda kuch uzatma mexanizmlaridan ajratib qo‘yadi. Shuningdek, uzatmalar
qutisi va avtomobilning orqaga yurishini ham ta‘minlaydi.
Dvigatel, ishlash muftasi va uzatmalar qutisi bir butun shaklida joylashib,
ularning asosiy o‘qlari bir to‘g‘ri chiziqda yotgani uchun ularni kuch bloklari deb
yuritiladi.
Kardanli uzatma uzatmalar qutisidan keyin joylashgan bo‘lib,
undan olgan
burovchi momentni o‘zgaruvchan burchak ostida asosiy uzatmaga etkazib beradi.
Asosiy uzatma differensial va yarim ketingi etakchi ko‘prikda joylashgan bo‘lib,
kardandan kelayotgan burovchi momentni etakchi g‘ildiraklarga kuchaytirgan
holda etkazib beradi.
Yurish qismi avtomobilning ilgarilama harakatlanishini ta‘minlaydigan
aravadan tashkil topgan. Uning asosi bo‘lib rama xizmat qiladi. Ramaga esa
avtomobilning barcha agregat, mexanizm va qismlari o‘rnatiladi, oldingi o‘q va
keyingi ko‘prik esa ressoralar yordamida ramaga biriktiriladi. Ressora qayishqoq
25
shinali g‘ildiraklarning yo‘l notekisliklariga urinishi natijasida hosil bo‘lgan
turtkilarini
yumshatib, ramaga uzatadi. Amortizator esa turtkilarni yumshatishda
hosil bo‘lgan tebranishlarni so‘ndiradi.
Boshqarish tarmog‘i avtomobilning harakat yo‘nalishini o‘zgartirish,
sekinlashtirish va to‘xtatish uchun xizmat qiladi.
Boshqarish tarmog‘i ikkita alohida qismdan: rul boshqarmasi va tormozlash
boshqarmasidan iborat.
Rul boshqarmasi rul chambaragi, rul mexanizmi, bo‘ylama tortqi va
richagdan tashkil topgan. Bu tarmoqda rul chambaragining
burilishi natijasida
trapetsiya hosil qilgan tortqi va richaglar yordamida oldingi g‘ildiraklar buriladi va
avtomobil o‘z harakat yo‘nalishini o‘zgartiradi.
Tormoz boshqarmasi g‘ildiraklar va hamda kuch uzatmasida joylashgan
tormoz mexanizmlari bilan ularga keltirilgan yuritmalardan tashkil topgan. Bu
boshqarma tarmoqlari avtomobil harakatini sekinlatish, to‘xtatish va to‘xtab turgan
avtomobilni siljishdan saqlaydi.
Dostları ilə paylaş: