27
buraxılırdı. Bu puldan hər xəstəyə Başnoraşen xəstəxanasında
3,2 qəpik, Cəhri xəstəxanasında isə 9 qəpik xərcləməyə icazə
verirdilər. Sonralar xəstəxanalarda dərman və sarğı
materiallarına buraxılan xərc bir qədər artırıldı. Hər
xəstəxanaya feldşer məntəqəsi ilə birlikdə 800 manat pul
buraxıldı. Lakin xəstəyə düşən dərman pulu isə artmadı.
Məsələn, bu vəsait artırılan illər Başnoraşen kəndində hər bir
xəstəyə 3 qəpik, Naxçıvan şəhərindəki kənd xəstəxanasında 5
qəpik, Çənənəb kənd xəstəxanasında isə 10 qəpik dərman pulu
xərclənməsinə icazə verildiyi qeyd edilir. Bir ildə qəbul olunan
stasionar və ambulatoriya xəstələrinin sayını nəzərə alsaq,
aydın olur ki, hər bir xəstəyə cəmi 3-3,3 qəpik pul sərf
olunurdu.
Şərur qəzasının Başnoraşen kənd xəstəxanasının həkimi
H.Səfiyev xəstələrə buraxılan dərman pulundan şikayətlənərək
yazır ki, «xəstəxanaya və feldşer məntəqəsinə buraxılan vəsait
çatışmadığından həkim məcbur olur ki, xəstəyə lazımi tibbi
yardım göstərməkdən imtina etsin. Sonra müəllif qeyd edir ki,
ambulatoriya və stasionar xəstələrinə keyfiyyətli müalicə
göstərilməsi üçün vəsaiti artırmaq lazımdır…»
1
.
Xəstəxanada yatan xəstələrin qidalanmasına buraxılan
vəsait onları təmin etmirdi, bundan başqa xəstələrə lazım olan
ərzağı tapmaq olmurdu. Bu haqda Çənənəb kənd həkimi
Y.Kaminski yazır ki, «Smeta üzrə hər xəstəyə bir gecə-gündüz
ərzində 30 qəpik çatır. Bu pulla xəstəni saxlamaq qeyri
mümkündür. Bu 30 qəpiyə xəstəyə yalnız az miqdarda isti
xörək, bir yumurta və bir qədər çörək vermək olar. Xəstələr
normal qidalansınlar deyə, istər-istəməz öz ciblərindən əlavə
pul verməli olurlar»
2
.
Əhaliyə göstərilən tibbi yardımın aşağı səviyyədə olması
və
xəstələrin xəstəxanaya az qəbul olunmasının
________________
1
Qafqaz mülki idarələrində xidmət edən həkimlərin birinci
qurultayının əsərləri, II cild, 2-ci buraxılış, Tiflis 1916, səh. 54-55.
2
Yenə orada, səh. 66.
28
bir səbəbi də kənd xəstəxanasının xidmət etdiyi sahədə
40000-45000 nəfərin olması, kəndlərin xəstəxanadan xeyli
uzaqda yerləşməsi idi. Kənd
yollarının bərbad halda olması,
ümumiyyətlə münasib və rahat nəqliyyat vəsaitinin olmaması
və s. səbəblər üzündən, xüsusilə qış aylarında, xəstəxanaya
qəbul daha da azalırdı. Bu da onunla izah edilir ki, qışda çoxlu
qar yağması nəticəsində kəndlərin çoxunun yolları bağlanırdı.
Çənənəb kənd həkimi Y.Kaminski bu haqda belə yazır:
«Yolların əlverişsiz və yararsız halda olması, iş gününün
itirilməsi və s. bunların hamısı o qədər də varlı olmayan əhali
üçün maneçilik törədirdi. Qışda qar yağanda isə yuxarılarda
olan kəndlər başqa yerlərlə tamamilə əlaqəsini kəsir və dağ
cığırları təhlükəli olduğundan yalnız tək-tük adam tapılırdı ki,
o da son dərəcə ehtiyac üzündən, qonşu kəndlərə getməyi
qərara alsın»
1
.
Ona görə göstərilənləri və habelə həkim kadrlarının
kəskin azlığını nəzərə alsaq belə nəticəyə gəlmək olar ki,
qəzalarda yaşayan kənd əhalisinə göstərilən tibbi xidmət nə
dərəcədə aşağı səviyyədə idi.
Ölkənin sanitariya vəziyyəti keçmişdə çox ağır idi.
Küçələr başdan-başa zibillə dolu olurdu. Habelə küçələrin
bərbad olması üzündən qışda palçıqdan, yayda isə tozdan
keçmək mümkün olmurdu. «Molla Nəsrəddin» jurnalı
Naxçıvanın belə acınacaqlı vəziyyətinə gülərək keçmiş
Naxçıvandakı küçələrin bərbad halda olmasını öz nömrələrinin
birində tənqid edir. Jurnalda çəkilən karikaturada bir nəfər
Naxçıvan şəhər əhalisinin dəvə üstündə işə getməsi və dəvənin
yarıya qədər palçığa batması göstərilir (5-ci şəkil).
Sanitariya işlərinə nəzarət yetirilməsi polis işçilərinə
tapşırılmasına baxmayaraq, əslində bu işlə heç kim məşğul
olmurdu.
Naxçıvan şəhərində qədimdə 3 hamam var idi: -
Şeyxəlibəy hamamı, Əlifəzli hamamı və qaçqın Mirzəəlibəy
_________________
1
Qafqaz mülki idarələrində xidmət edən həkimlərin birinci
qurultayının əsərləri, II cild, 2-ci buraxılış, Tiflis 1916, səh.62.
29
hamamı. Ordubadda isə cəmi 2 hamam var idi. Kəndlərin
əksərində hamam yox idi. O kənddə ki, hamam var idi, onlar
da çirkab sularla dolu olurdu. Əhali çimmək üçün
5-ci şəkil
Naxçıvan şəhəri Puşkin küçəsi
ümumi hovuzlardan istifadə edirdi ki, bu da dəri və yoluxucu
xəstəliklərin yayılması üçün əlverişli bir mənbə idi.
«Molla Nəsrəddin» jurnalının inqilabdan qabaqkı
nömrələrinin birində hamamda çimənlərin vəziyyətini təsvir
etmişdir. 6-cı şəkildən göründüyü kimi hamam otağının
ortasında olan hovuzdan necə istifadə edilir.
Kənd həkimi Y.Kaminski Naxçıvan qəzasının ikinci
sahəsində (indiki Culfa rayonunda – A.M.) yaşayış şəraitindən
və sahənin sanitariya vəziyyətindən məlumat verərək yazır ki,
«sahənin yaşayış şəraiti ümumiyyətlə aşağı idi. Əhalinin
istifadə etdiyi bulaq suyu kəndlərdə bir qayda olaraq
çirkləndirilirdi. Kəndlərdə zibil tökmək üçün daimi yer
ayrılmadığından zibil və başqa tullantılar ya çaya, ya da kəndin
kənarına tökülürdü»
1
.
30
6-cı şəkil
Kənd hamamı
Yerlərdə nüfuzlu polis nümayəndələrinin olmaması
üzündən əhaliyə verilən göstərişlər vaxtında icra olunmurdu,
əhali tibb işçilərinin göstərişlərinə çox vaxt etinasızlıqla
yanaşırdı. Protokol tərtib edilməsi işə az kömək edirdi.
Kənd həkimi H.Səfiyev Şərur qəzasının ümumi halı və
əhalinin sanitariya vəziyyəti haqqında verdiyi məlumatda
göstərir ki, qışda əhali otağın ortasında qazılmış təndirdən həm
çörək yapmaq üçün, həm də soyuqdan qorunmaq üçün istifadə
edirdi. Belə ki, təndirə çörək yapılandan sonra onun üstünə
kürsü qoyur və bunun da üzərinə böyük bir yorğan salırdılar.
Ailə üzvlərinin hamısı bu yorğanın altında yatırdılar.
Müəllif yazır: «Heç bir evdə mebel yox idi, bunu
_______________
1
Qafqaz mülki idarələrində xidmət edən həkimlərin birinci
qurultayının əsərləri, II cild, 2-ci buraxılış, Tiflis, 1916, səh.59-60.