Afaq şixli
Yüklə 0,85 Mb. Pdf görüntüsü
|
- Bu səhifədəki naviqasiya:
- _________________________ Afaq Şıxlı _________________________ 79
- _____________________ Səni düşünürəm... _____________________ 80
- _________________________ Afaq Şıxlı _________________________ 81
- _____________________ Səni düşünürəm... _____________________ 82
- _________________________ Afaq Şıxlı _________________________ 83
- _____________________ Səni düşünürəm... _____________________ 84
_________________________ Afaq Şıxlı _________________________ ~ 79 ~ Unutdunmu yoxsa, canım, Bizim şirin nəğməmizi? Bəs, ölümsüz edəcəkdin Səninlə hər kəlməmizi? Bəs, deyirdin, mən ölərəm Bir an qalsam səndən ayrı! Gör nə qədər zaman keçdi, Sən də ayrı, mən də ayrı... Çıxırsanmı dağ başına, Yenə sərin axşamlarda? Yenə məni anırsanmı Oxuduğun dualarda? Yox, düşünmə! Qayıtmaram! Buna bir də dözməz canım. Amma qəlbim istəyir ki, Səni sevim, səni anım. Onsuz, hər gün danışıram Şəkildəki surətinlə... Barışmıram mən hələ də Nisgilinlə, həsrətinlə... Bax, yoruram yenə səni... Günəş üzlüm, sağ ol daha! Mən çəkilim təkliyimə, Lap az qalıbdır sabaha. Yenə mən və soyuq otaq... Necə uzun bir gecədir! Hər gecəyə bənzəmir, yox, Bu bir ayrı cür gecədir! _____________________ Səni düşünürəm... _____________________ ~ 80 ~ YETİM QALIBDI Sən məni tək qoyub gedəndən bəri, Sevgimiz beləcə yetim qalıbdı! Bürüyüb özünə qəmi, kədəri, Sevgimiz beləcə yetim qalıbdı! Eşqini əşyatək alıb-satalı, Vüsalın payına həsrət qatalı... Necə ki, yetim var ana-atalı - Sevgimiz beləcə yetim qalıbdı! Xəyallar, duyğular azıbdı yolu, Qəlbimiz şübhəylə, yalanla dolu. Kəsilib qanadı, qırılıb qolu, Sevgimiz beləcə yetim qalıbdı! Yay günü qəlbimə yağan qardımı? Sənə də mənimtək dünya dardımı? Görən, bu həsrətə gərək vardımı, Sevgimiz beləcə yetim qalıbdı? _________________________ Afaq Şıxlı _________________________ ~ 81 ~ BİLƏ-BİLƏ Kimi namus, ar eylədi, Kimi ömrü xar eylədi, Kimi ahu-zar eylədi, Elə susdum bilə-bilə! Dünya onsuz dar bir qəfəs, Sinə dolu, çatmır nəfəs. Yalvarmağa yoxdu həvəs, Mən də küsdüm bilə-bilə! Ümidlərim bir toz oldu, Nə etdimsə, çox az oldu. Mənə qalan bu naz oldu, Getdi dostum, bilə-bilə! _____________________ Səni düşünürəm... _____________________ ~ 82 ~ BİR GÜL BAĞIM OLAYDI... "Yenə o bağ olaydı..." M. Müşfiq Kaş, pəncərəm önündə bir gül bağım olaydı... Mən də hey yorulmadan sabah erkən duraydım, Bizim bu gül bağından təzə-tər güllər dərib sənə dəstə yığaydım... Kaş, evin arxasında uca dağım olaydı... Mən də axşam olunca zirvəsinə çıxaydım, Nəfəs alıb dərindən Qayalar silkələnib qopunca məhvərindən, təkrar-təkrar, doyunca adını çağıraydım... Kaş, elə mələk kimi çüt qanadım olaydı, Görünmədən gözünə düz yanına uçaydım. Danışmadan, dinmədən, sən özün də bilmədən, sakit-sakit... gizlicə elə sənə baxaydım... _________________________ Afaq Şıxlı _________________________ ~ 83 ~ Kaş, yenilmək bilməyən bir inadım olaydı. Sənin dediklərinə, qəsdən etdiklərinə mən biganə qalaydım. Aləm yığılsa belə, dünya dağılsa belə, səni getdiyin yoldan, geriyə qaytaraydım! Səni xatırladıqca, düşüncələr baş alır.. Beləcə öz-özümlə səssizcə danışdıqca ürəyim də boşalır. Nə qədər zaman keçib... Unutmuram mən səni. Hələ də bölüşürəm xəyalımdan keçəni. Hər gün olduğu kimi bax, bu gün də qəlbimin arzuları dil açır, məsum bir körpə kimi... Hər zaman gözlədiyim, sevib əzizlədiyim ilahi töhfə kimi çiçək açır yenidən. Yanımda olmasan da, hələ ürəyimdədi o arzular indi də... _____________________ Səni düşünürəm... _____________________ ~ 84 ~ SƏNSİZ Bu gün yada salıb ötən günləri Nakam arzulara bir badə qaldır! Canlandır mürgülü xatirələri, Burda tənha qalan bir dünya vardır. Eşqin ürəyimdə yanan bir ocaq Sənsiz ömür sürmək mənə çətindi. Gəlməsən, sevgimiz yetim qalacaq İsti nəfəsinə möhtacam indi. Həsrət gözlərimin silib nəmini, Qəlbimi ovundur nəvazişinlə. Sənsiz günlərimin qüssə-qəmini Sən mənə unutdur öz gəlişinlə. Söylə, nə etmədim səninçün daha? Qürurum məhəbbət önündə aciz... Gecələr sevgidən dönsə sabaha Nurlu şəfəqlərə qərq olarıq biz. Qayıt, gəl, “əlvida” söyləmə bir də! Son qoymaq bu qədər asanmı məgər? Sevgilim, məhəbbət olduğu yerdə Hər dərdə-əzaba dözməyə dəyər. Gəl, mənim həyatım, barışaq bu gün! Kədəri, nisgili ürəyindən at! Bu fani dünyada ikimiz üçün Sevincdən əbədi bir dünya yarat! Yüklə 0,85 Mb. Dostları ilə paylaş:
|