99
əhli olmayan bəndədən gedəndə durum dəyişir. Bu dün-
yada sui-zənnə uymayan, yəni özü kimi birisi barədə pis
düşünməkdən nəfsini gözləyən, qəlbini qoruyan çox az
adam tapılar. Hətta, iman və təqva da köməyə yetmir. Fəqət
qorxulu olan, bu deyil. Çünki hədisdə buyuruldu:
“Qəlbə gələn pis şeylər söylənmədikcə və buna uyğun
hərəkət edilmədikcə əfv olunur.”
Əsas təhlükə bir qulun başqası haqqında pis düşün-
mə sinin pis şey olduğunu düşünməməsi yaxud düşünə
bilməməsidir. Gerçək mömin pis düşüncələrdən qəlbini
qoruya bilməsə də, qəlbinə gələn şeylərin pis olduğunun
fərqinə varmalı və bunlardan qurtulmağa cəhd etməlidir.
HƏDİS Səhabələr bir dəfə Rəsulullahdan (salləllahu
əleyhi və səlləm) soruşdular: “Ya Rəsulallah! Qəlbimizə pis
şeylər gələrsə, nə edək?”
O Həzrət (salləllahu əleyhi və səlləm) buyurdu: “Qəlbə yax-
şı şey də gəlir, pis şey də. Pis şeylərin pis olduğunu bilmək
və anlamaq da imandandır.”
Haqqı, ey qul, arasan, yalandan qorx, gümandan qaç
Zənnin yaxşı-pisi var, yaxşıdan qorx, yamandan qaç.
Uyma hər gördüyünə, görüntüdür çünki çoxu
Görsən cənnətdi cahan, huridən qorx, qılmandan qaç.
Dünya bir dərddi ki, xalq dərman onu zənn eləyər
Canda su varsa hələ, dərdlidən qorx, dərmandan qaç.
Fani nemətlərə şəhvət qula xoş göstərilib
Uyma nəfsin umana, uyandan qorx, umandan qaç.
İçi boş, üstü duman, sahibi kor qəlblərə vay
Birdimi korla görən? Dərədən qorx, dumandan qaç.
Sən məkansız və zamansız olana uymağa bax
Vaxt əcəl, yer məzardı, məkandan qorx, zamandan qaç.
100
Sui-zənn yalan, qeybət, böhtan, söz gəzdirmə, eyib araş-
dırma kimi bir çox böyük günahlara yol açan gizli qəlb
xəstəliyidir. Üzə çıxarılarsa, yəni zənn söz və ya əməldə
özü nü biruzə verərsə, o günahlardan birini yaxud bir ne-
çə sini qazanmaq qaçılmaz olur. Odur ki, Allah Rəsulu
(salləllahu əleyhi və səlləm) buyurdu:
“Sui-zənn etdikdə buna uyğun hərəkətə yol verməyin.”
İBRƏT Hz.Ömər (radiyallahu ənh) bir gecə evindən çıx-
mışdı. Hz.Talha (radiyallahu ənh) onu görüb təqib etməyə
başlayır. Xəlifənin bir evə girdiyini, sonra oradan çıxıb bir
başqa evə girdiyini görür.
Səhər açılınca Hz.Talha həmin evlərdən birinə gedir.
İçəridə gözləri kor və yerindən qalxa bilməyən qoca bir
qadını görüb ondan: “O adam niyə gecələri sənin yanına
gəlir” deyə soruşur.
Qadın: “Bu qədər vaxtdır o, mənim yanıma gəlir, ehti-
yaclarımı aradan qaldırır, təmizliyimi edib gedir” – deyə
cavab verir.
Hz.Talha bu cavabı eşidəndə: “Anan matəminə əyləşsin,
Talha! Sən Ömərin sirlərini araşdırırsan?!” – deyərək özü-
nü danlayır.
Sui-zənn adlı mərəz, ey könül, qəlb qeybətidir
Qula, ey qul, yaraşan xalqa hüsn-rəğbətidir.
Götürər ilğıma zənn, Məhşərdə də təşnə qılar
Götür haqq badəsi, nuş eylə, behişt şərbətidir.
Zikrdir zər-zibası, zinəti qəlbin, lisanın
Zikr gündüz və gecə Rəbb ilə qul söhbətidir.
Bədbəxtlər müxtəlifdi, münasibi, müdhişi var
Xalqı bədbəxt eləyən xalqın ən bədheybətidir.
101
Ruhu aclıq çəkən insanların həmsüfrəsi ol
Nəfsi aclar ilə üns müsəlmanın qürbətidir.
Haqdan qəflət edənin qəlb gözünə pərdə enər
Dünya axsaq dəvə və korlar onun nalbəndidi.
Mömin qul Din qardaşı barədə zənnə uyar və bunu
başqaları ilə paylaşarsa, ən azı iki xoşagəlməz haldan biri
ilə üzləşmiş bulunur ki, hər ikisi onun əleyhinədir. Əgər
zənnində yanılarsa böhtan, yanılmazsa qeybət sahibi olur.
Çünki Din qardaşının gizli ayıbını açmaq Allah Təalanın
sevmədiyi bir şeydir.
“Ey iman edənlər! Zənnin çoxundan çəkinin! Həqi qə
tən, zənnin bəzisi günahdır. Birbirinizin qüsurunu araş-
dırmayın. Biriniz digərinizin qeybətini etməsin. Sizdən
biriniz ölmüş qardaşınızın ətini yeməkdən xoşlanırmı?
Bundan diksindiniz. O halda Allahdan qorxun!” (əl-Hü-
curat, 12).
HİKMƏT Rəvayətə görə, Din böyüklərindən biri qar-
daşlığını ziyarət edir. Söhbət zamanı hər ikisinin tanıdığı
bir yoldaşları haqqında ev sahibinin məmnun qalmadığı
bəzi zənlərini də bölüşür. Ev sahibi ona deyir:
“Qardaşım, qeybət etdin, ziyarətimə üç suçla gəldin:
1) ardaşıma qarşı məndə kin doğurdun; 2)Qəlbimi məşğul
edib rahatlığımı qaçırdın; 3)Sənin haqqındakı güvənimi
sarsıtdın.”
Zəndən, ey qul, qurtuluş, haqq qulluğun zinətidir
Qul əgər qurtuldusa, Rəbbinin bir minnətidir.
Haqqa uy, zənnə deyil, bildiyini söylə yəni
Bəzən, hətta, bildiyi, sonda qulun möhnətidir.
Quran Haqdır və bütün ins və cinə Haqla gəlib
Qulu Haqqa götürən gətirənin sünnətidir.
102
Ərzə biganə olan əhli-behiştdən sayılar
Cahan cinlər ilə cur cənabların cənnətidir.
Könülsüz hər əməldən, ey könül, Allaha sığın
Çünki ixlas qulun oddan bəraət sənədidir.
Haqq bu ki, haqqa səbir salehlərin haqq şüarı
Amma ki, haqqa riza sadiqlərin sənətidir.
Qəlbin xətası dilin yaxud digər əzaların xətasına çevril-
məməlidir. Bu gerçəkliyi nəzərə almayanlar böyük günah-
lara bulaşmaqla yanaşı nöqsanlarının da ifşasına zəmin ha-
zırlayırlar. Hədisdə buyuruldu:
“ Ey dili ilə iman etdiyi halda, qəlbi ilə iman etməyənlər!
Müsəlmanların qeybətini etməyin, ayıblarını araşdırma-
yın. Çünki kim qardaşının ayıbını araşdırarsa, Allah da
onun ayıbını araşdırar. Allah kimin ayıbını araşdırarsa,
onu evinin içində rüsvay edər.”
HİKMƏT Bir donuz Hz.İsanın (əleyhissalam) yanından
keçdi. Heyvana xitabən: “Salamat get!” buyurdu.
“Ya Ruhullah! Donuza da belə deyilərmi?” – deyənlərə bu
cavabı verdi: “Dilimi yaxşılıqdan başqa bir şeyə öyrətmək
istəmirəm.”
Qul o vaxt arifdi ki, qəlb qəflətdən yuxarıdı
Qəlb o vaxt huşyardı ki, dil qələtdən yuxarıdı.
Elmə hər vaqif olan, sanma elmin əhli olur
Alim o kimsədi ki, cəhalətdən yuxarıdı.
Hakim o kimsədi ki, zülm ondan aşağıda
Həkim o kimsədi ki, ədalətdən yuxarıdı.
Azmaq imkanı qulun qəbrə qədər daima var
Yalnız zəndən qurtulan zəlalətdən yuxarıdı.
Dostları ilə paylaş: |