505
Sedenınt principes Et adversus me Loquebantur, iniqui.
Persecuti sunt me.
Adjuva me, Domine,
Deus meus salvum me Fac propter magnam misericordiam tuam'
Abbatın bu ayələri, dünya şahzadələrinin elçilərinin bizimlə birlikdə son dəfə dua oxuduqları məhz bu
gecə üçün Uca Rəbbimizlə, könüllülərin Tanrısı ilə xüsusi münasibətin sayəsində, ordenimizin yüz illər
boyunca hökmdarların hücumuna qarşı necə dirəndiyini hamıya xatırlatmaqdan ötrü bilərəkdən seçdiyini
düşündüm. Doğrudan da, bu nəğmənin əvvəlinin qeyri-adi qüvvəsi vardı.
203
203
Şahzadələr əyləşdilər, Mənə qarşı toplandılar, Haqsız niyyətə düşdülər, Mənə üsyan etdilər, Tanrım, rəhm et mənə, Rəbbim, qurtar
məni, Uca mərhəmətin eşqinə (lat.)
506
İlk Se hecası səlis və təntənəli xorla başladı, onlarca insanın bas səsi nefləri doldurdu, başımızın
üstündə dolaşdı, amma buna baxmayaraq, səslər sanki yerin ürəyindən ucalırdı. Səs kəsilmədən yüksəlib
uğuldayırdı, hətta digər səslər bu uzun və alçaq notun üstündə vokalizm və melizm zəncirləri hörməsinə
baxmayaraq, o, fasiləsiz sürdü; sanki yer təbəqəsinin fəryadı, kainatın naləsi kimi səslənən bu uğultu digər
səslər üzərində hökmran idi və o, tədricən alçalan, rəvan səsə malik qarenin “Ave Mariya”nı on iki dəfə
oxumasına qədər davam etdi. Sanki əbədi sonsuzluğun təmsili olan bu sabit ilk hecanın duaçılara verdiyi
inam sayəsində bütün qorxulardan qurtulmuşcasına qaya kimi möhkəm bas səsin üstündə, başqa səslərin
(xüsusən də müridlərin səsinin) not “hava”larının kəskin, amma getdikcə zəifləyən dirək və dişcikləri, mil
və çıxıntıları yüksəlirdi. Ürəyim klimak, yaxud porrektlərə, torkul, yaxud saliklərə' uyğun ahənglə zövqlə
çırpınarkən, bu səslər sanki duyğuların çoxluğuna tab gətirməyən ruhun (dua oxuyanların və onları
dinləyənlərin ruhlarının) hissələrə parçalanıb bu çoxsəsliliyin içində axıb-gedən sevinci, kədəri, tərifi, eşqi
daşıyan dəyişkən avaza çevrildiyini göstərirdi. Bu zaman yeraltı uğultulann amansız inadkarlığı nə qədər
şiddətlənsə də, sanki düşmənlərin, Allah bəndələrini təqib edən hakimlərin təhdidedici iştirakı naqis
qalırmış kimi, ruhumuz bu qorxunc təhlükənin gücünü hiss etmirdi. Bütün bunlar o yüksək ana qədər
davam etdi ki, bir notun Neptunsayağı nərəsi ona qarşı çıxanların şən halliluyyaları
204 205
ilə dağıldı, ya da
ən azından zəiflədi, pozuldu - və sonra mükəmməl və qüvvətli bir akkordla, sarsıdıcı bir hava ilə fəth
edildi və əriyib yox oldu.
Nəhayət, sanki keyləşmiş bir gərginliklə “Sederunt” oxunduqdan sonra, “principes” mələklərə yaraşan
bir rahatlıqla havaya ucaldı. Artıq bizə qarşı çıxan bu hakimlərin kim olduğunu
bilmək istəmirdim; onların, o əyləşmiş qorxunc kabusların kölgəsi dağılıb yox olmuşdu.
Və başqa kabusların da qeyb olduğuna inandım, zira hələ də dalğınlıq içində və duaların oxunmasına
qapılmış halda Malaxianın yerinə baxdıqda, birdən kitabxanaçmı dua edən rahiblərin arasında gördüm.
Sanki o, elə əvvəldən burada idi. Vilhelmə tərəf döndüm və onun gözlərində yüngülləşmə gördüm, eyni
şey - uzaqdan ayırd edə bildiyim qədər - abbatm baxışlarından da oxunurdu. Xorxe isə yenə əlini yanına
uzatdı və qonşusunun bədəninə toxununca, dərhal əlini geri çəkdi. Onun keçirdiyi hisslərə gəlincə,
yüngülləşmə duyub-duymadığını deyə bilmərəm.
İndi xor fərəhlə “adjuva me”
206
oxuyurdu, aydın “a” səsi bütün kilsəni sevinclə doldurmuşdu; onun
ardınca gələn “u” isə, “sederunt”un “u”-su kimi qəmgin deyildi, əksinə müqəddəs qüvvə ilə doluydu.
Rahiblər və müridlər ayinin qaydalarına uyğun oxuyurdular: bədən dikəlmiş, çiyinlər geniş açılmış, sinə
sərbəst, baş yuxarıya istiqamətlənmiş, kitab boyun əyməyərək, səsin boğazdan sıxılmadan çıxması üçün
çənənin yaxınlığında. Lakin gecə hələ sona çatmamışdı, şeypurların müjdə səslərinin bütün kilsəyə
yayılmasına baxmayaraq, bəlkə də gerçəklik duyğusunu itirincəyədək uzadılmış notlara tamamən
204
Orta əsrlərdə istifadə olunan müsiqi işarələri
205
Halliluyya, yaxud alliluyya - xristianlıqda həmd-səna oxumaq
206
Mənə yardım et (lat.)
507
qapılaraq və bu zaman yalnız bir hissi - özlərinin oxumağını, lay-lay çalınırmış kimi onun ahəngi ilə
başlarını sinələrinə endirib şirin-şirin mürgülədiklərini duyan nəğmə deyənlərin üstünə bəzən yuxu pərdəsi
enirdi. Bu halda həmişə ayıq olan növbətçi rahiblər əllərindəki çıraqları növbə ilə onlann üzünə
yaxınlaşdırır, ruhlarını və bədənlərini yenidən oyandırırdı.
Məhz buna görə oyandırıcılardan biri Malaxianın sanki qəfil gəlmiş mürgüyə yaxalanaraq, yuxunun
dumanlı yollarında özünü itirmiş kimi yerində qəribə şəkildə səndirlədiyini hamıdan əvvəl gördü.
Gecəni yatmamışdısa, bu çox təbii görünürdü. Rahib çırağı Malaxianın üzünə tərəf qaldırdı. Bu zaman
mən də
508
diqqətlə baxdım. Malaxia sanki işığı hiss etmirdi. Rahib onun çiyninə toxundu. Kitabxanaçı irəliyə
doğru əyildi. Rahib onu tutmağa zorla macal tapdı, yoxsa yerə yıxılacaqdı.
Nəğmələr dondu, səslər söndü, qarışıqlıq başladı. Vilhelm cəld yerindən atıldı və Tivolili Pasifıko
ilə oyandıncınm huşsuz halda yerə uzatdıqlan Malaxiaya tərəf qaçdı.
Abbatla demək olar ki eyni vaxtda oraya çatdıq və çırağın işığında zavallının üzünü gördük.
Malaxianın xarici görkəmini təsvir etmişdim. Lakin o gecə, o işıqda onun üzü ölüm simasını almışdı.
İncəlmiş burun, çuxura düşmüş gözlər, çökək gicgahlar, büzüşərək ucları yana əyilmiş və ağarmış
qulaqlar. Üzünün dərisi sərtləşmiş, gərilmiş və qurumuşdu. Almacıq sümüklərində sarı ləkələr vardı,
yanaqları kölgələnmişdi. Gözləri hələ açıqdı. Yanmış dodaqlarının arasından zorla nəfəs alırdı. Ağzını
geniş açmışdı. Can verməkdə olan kitabxanaçımn başı üzərinə əyilmiş Vilhelmin çiyinləri üstündən
baxınca, dişləri arasında çırpınan qaralmış dilini gördüm. Vilhelm onun çiyinlərindən tutaraq qaldırdı,
əli ilə Malaxianın üzündəki təri sildi. Kitabxanaçı kiminsə ona toxunduğunu, kiminsə varlığını hiss etdi,
baxışlarını qarşısındakı bir nöqtəyə zillədi, əlbəttə, heç nə görmədən və önündəkinin kim olduğunu
tanımadan. Titrək əllərini Vilhelmin köksünə uzatdı, onun paltarından yapışıb, özünə tərəf çəkdi. Üzünü
Vilhelmin üzünə toxundurdu, sonra var gücünü toplayıb, xırıltılı səslə dedi: “Mənə xəbərdarlıq
etmişdi... Bu doğrudur... Minlərlə əqrəbin gücü var onda...”
“Sənə kim xəbərdarlıq etmişdi? - Vilhelm daha da əyilib, soruşdu. - Kim?”
Malaxia nəsə demək istədi. Lakin bədənini qorxunc titrəmə sardı və çırpınmağa başladı. Başı arxaya
düşdü. Üzündəki bütün rənglər qaçdı, həyat əlamətləri yoxa çıxdı. O ölmüşdü.
Vilhelm ayağa qalxdı. Yanında abbatı gördü. Ona bir kəlmə də söyləmədi. Sonra abbatm arxasında
dayanmış Bemardo Guini gördü.
“Cənab Bemardo, - Vilhelm ona dedi, - madam ki qatilləri tapıb zindana atmısınız, bəs bunu kim
öldürdü?”