113
17. ALLAHA PƏNAH
Bir gün Musa peyğəmbər gedirmiş Turi Sənaya Allah-
nan danışmağa. Rəvayətə görə, Allahnan danışan Musa pey-
ğəmbər olufdu. Gedəndə görür yolda bir nəfər var, əli-əyağı
tutuluf, dizinnən yeriyir. Deyir:
– Ya Musa, harya edersən?
Deyir:
– Turi-Sənaya gederəm.
Deyir:
– Mənim də ərzi-bəndəliyimi eliyərsən Allaha?
Deyir ki, nə ərzi-bəndəliyi? Deyir:
– Allaha denən mənim bunnan sonrakı həyatım nətəər
olajax?
Deyir:
– Yaxşı, deyərəm.
Musa gedir, Turi-Səna dağında üç dəfə əsasını yerə vuror.
Allahdan səda gəler ki, eşidirəm, ya Musa! Olannarı danışer, mə-
ruzəsini eliyir, amma kişinin sifarişi yadınnan çıxer. Allah-taala-
dan səda gəler ki, ya Musa, yolda sana nəsə deyiflərmi? Deyir:
– Hə, bir nəfər varıydı, yolda maa dedi ki, mənim bunnan
sonrakı həyatım nətəər olojax? Amma gəl, mana düzünü denən.
Deyir:
– Get denən onu onnan da pis günə salajam.
Gəlif keçəndə həmin adam deyir ki, ya Musa, nooldu?
Deyir:
– Yaxşı olar.
Deyir:
– Yox, Allahım nə deyif, onu mana de!
Deyir:
– Ayə, öyün yıxılsın, Allah dedi səni onnan da pis günə
salajam.
114
Deyir:
– Atam-anam fəda olsun Allaha! Qurvan olum ona! Özü
bilən məsləhətdi!
Musa ilə sağollaşıf getməh istiyir evinə. Arxaya dönəndə
görör, bəyax bu gəldiyi cığırdan əsər-əlamət yoxdu. Burdan bir
dərin iti arx axer, üç-dörd metr də eni olar. O üzdə də bir yarğan
əmələ gəlif. Deyir, ə, burdan hopbanajam, Allaha pənah. Bu
hopbananda, deyir, qayıfdan bir zincir sallaner. Bu zincirdən tu-
tor dırmaner, birtəri çıxer anrı. Bu zincirin divini eşəler, eşəler,
görör əyə, burda qırx dənə qulplu qazan var, içi də ağzına qədər
qızıldı. Bunun üstünü örtör. Bu çıxer geder öyə. Deyir:
– Arvad!
Deyir:
– Ha!
Deyir:
– Belə bir şey tapbışam.
Arvad ağıllı arvad olor, kişi kimi yelbeyin olmor. Deyir
ki, ə, get kəndin koxasına denən oroyu bizə satsın, o torpağı
alax. Gəler koxuya deyir. Koxa deyir:
– A yiyən ölsün, orda Allahın eşşəh qanqalı pitmer. Get
çəpərrə, nağayrersan qayır.
Gəler buruyu çəpərriyir. Savah gələndə görör ə, zincir
ordadı, hər şey burdadı, arx da yoxdu. Bura yeddi yolun ayrı-
cıdı. Hər tərəfdən gələn yollar burda birləşer, burdan ayrıler.
Bu kişi qızılın ağzını açer, yavaş-yavaş xırıd eleer,
burda böyük bir mehmanxana tikdirer. Birinci mərtəbəsi
yeməkxana olor, ikinci mərtəbəsi istirahət otağı olor, üçüncü
mərtəbə bunun özünün evi olor.
Bir gün, deyir, Musa peyğəmbər gəzirmiş də vilayətdə.
Gələndə görör burda bir yer var, camaat yığılıf buruya. Bir
uşaxdan soruşur:
115
– Ay bala, mən ajmışam. Burda yeməkxana-zad harda
var görəsən?
Deyir:
– Bax, bura yeməkxanadı. Gəlin yiyin, ay dayı.
Burda çörəyini yiyir və çıxanda deyir ki, qarson kimdi
gəlsin pulunu alsın. Deyəndə qarson deyir ki, ay dayı, Allah-
taalanın şəninə bir salavat çevir, zikr elə, çıx getginən. Sənin
yeməyinin haqqı budu. Deyir:
– Ay bala, mən Allaha salavat, zikr eliyəndə gejeyi gün-
düz eliyir, varı yox eliyir, dəryanı qurudor. Yox yerdən bir
dərya yarader.
Deyir:
– Kişi, sana deyirəm Allaha salavat-zikr elə, çıx getginən.
Musa da deyir ki, a balam, pulunu alginan mənnən, mən
o günaha batammaram. Bir də içəridən mən ağıldası çıxer
eşiyə, deyir ki, nə deyir ə bu? Qarson deyir:
– Deyirəm bir salavat-zikr elə, get. Deyir, mən salavat
çəkmerəm, pulunu al getginən.
İçəridən çıxan deyir:
– Ə, bu saat vuruf dişini tökəjəm, çıx rədd ol, salavatını
çöyür.
Allah görör kü, bunun beyni qandı, Musayı vura bilər.
Səda gəler ki, ya Musa, salavat-zikr elə, getginən. Göybuy-
nuzdular, səni vurallar. Cavandı, o xeyrini-şərini qanmer.
Musa deyir:
– Allahın məsəli əla Məhəmmədin və ali Məhəmməd.
Zikr eliyif gedəndə görör ə, yolda gördüyü yesir üçüncü
mərtəbədə oturuf. Biri bunun qulağını siler, biri burnunu siler,
biri ağzının şorşağını siler, biri dırnağını tutor, biri başını darer,
biri çivinini yelpikleer, qoaleer. Deyir:
– Ya Allah, fida olum sana, bu nə olan şeydi? Bə sən
buna deyirdin bunnan da pis günün olajax! Bu niyə belədi?
116
Deyir:
– Ay Musa! Bəs sən bilmədinmi ki, sən elə deyəndə nə
dedi o? Dedi Allahıma qurvan olum, özü bilən məsləhətdi! Gör-
düm, mən bunu nə dona salsam da, bu hamısını qəbul eliyir.
Dedim qoy burdan belə həyatı yaxşı olsun.
Səbr Allahın birinci adıdı. Səbirnən də Allah ona elə bir
imkan yaratdı ki, bu gəldi istədiyinə nail oldu. Və, Allahın
yolunda aj qarınnarı doydurmağa başdadı.
18. ÖMRÜNƏ ÜÇ GÜN QALMIŞ ŞƏXS
Bir gün yenə bir kişi geder bir çəhməçinin yanına. Deyir
ki, mana bir cüt çəhmə tihginən. Vallah, yaxşı olsa, gələn il
bu vaxtı da birini tihdirəjəm. Çəhməçi bunun əyağını ölçör,
nağayrer, nəvilim mən. Görör, atın üstündə bir cavan oğlan buna
gülür. Deyir:
– Ə, nəyə gülörsən? Yeriyif rədd olsana ordan oana.
Deyir:
– Öyün yıxılsın, mən Cənabı Azreyiləm, üç günnən sonra
sənin canını alajam. Nə gələn ilə sən sapox gəzersən, çəhmə-
əzersən? Üç günnən sonra sənin canını aleram, vaxtın qurtarıf.
Çəhməçidən bir cüt çəhməni aler, qoltuğuna vuror, geder.
Gedəndə örör böyüh bir bağ var, hasarranıf. Bunun içi güjdü
ərihlihdi. Ərih bağıdı bura və ərih də yetişif. Buruya girməyə
bircə su gilifi var. Bu deyir: “Sapoxlarım bulanmasın. Onsuz
da mən öləjəm üç günnən sonra. Gənə ağlaşmada ortuya qoyar,
ağlıyallar”. Sapoxların hasarın üstünnən tulluyuf su gilifinnən
girer içəri. Sapoğu böyrünə qoyor, ərihdən yeyəndə görör kü,
bağın başında böyük bir imarət var və bu imarətin qavağına
yaman adam yığılıf. Deyir: “Sən öl, toy olsa, gedif burda bir
qarın yijəm, bu ərihdən də yığıf varıf gedəjəm. Onsuz da üç
gün qalıf da ömrümə”. Deyəndə, görör, molla səsi gəldi. Molla
Dostları ilə paylaş: |