283. OFSANATA DÜŞƏN TİKƏ
Bir dənə tacir varımış, bunun bir dəvəsi varımış. Bu dəvəni pasdayannı sağırmışdar bunnar. (Dəvənin südü yeməlidi də, əti də yeməlidi, lap qurvan da kəsillər dəvədən). Bu dəvəni sağanda divardan bir dənə ilan çıxırmış. Həmən tacir ilanın qavağına belə qav qoymuşmuş, o süddən aparıf tökürmüş ora, ilan içirmiş süddən. Südü qutarannan sora ordan bir dənə onnux qızılı tulluyurmuş qavın içinə. Bir gün belə, beş gün belə. Tacir pasdayannı dəvəni sağdıxcan tulluyur, varranır bu ilanın hesabına. Bir günnəri tacirrər ziyarətə gedirmişdər. Bu da tacirrərə deyir ki, mən də gedəjəm siznən ziyarətə. Oğlunu çağırır yanına, deyir ki, bala, bax dəvəni sağırsan. (Subay oğlanımış, həddi-buluğa çatmışımış, hardasa, irmi iki yaşında, belə). İlan gələjəy o qavın yanına, südün töküsən, qızılı tullayajağ ora. Qızılı da saynan yığ. Nəysə, bu çıxır, gedir. Bir gün belə, beş gün belə, hardasa, bir aya çəkir. Bir günnəri südü tökür, qızılı salannan sora ilanı vurur. İlan qaçır, quyruğu kəsilir. Deyir:
– Ə, havağatan mən buna süd verəjəm?
Nəysə, dədəsi də deyif ki, gələndə qızılı sanıyajam mən. Neçə gün qalmışamsa, bir helə onnux qızıl olmalıdı dana orda. Nəysə, dədəsi ziyarətdən gəlir, evə gələndə qızılı sanıyır, görür kü, qızıldan dördüdü, beşidi, kəmdi.
– A bala, bunu neynədin?
Nəqədər eliyir, oğlan boynuna almır. Deyir ki, bala, düzün denən, görüm neyləmisən. Nəysə, kişi özü sağır, qava südü tökür, görür, ilan gəlmədi.
– A bala, neylədin?
Nəkqədər eliyir, nəysə, axırda boynuna alır bu. Deyir ki, dədə, bax belə-belə, tamahım durmadı, qızılı salannan sora dedim ki, havağatan mən buna süd verəjəm? Cahıllığ elədim, ilanı vurmağ isdiyəndə ilan qaşdı, quyruğunnan xeylax kəsildi. Deyir:
– A bala, bəs adam helə şey eliyər?
Nəysə, bir də tacirrər ziyarətə gedəndə Allah-talıya deyir ki, bəs belə-belə, mənim oğlum belə ziyannığ eliyif dana. Bəs bunu gör nətəər eləmağ olar? Nəysə, gedəndə xəbər gəlir ki, o oğlan heç cürə muradına çatmıyajax. Nağarsa da, muradına çatmıyajax. Onun toyu olmuyajax. Allah-taladan sada gəlir ki, ordan sifariş gəlir ki, bu, muradına çatmıyajax. Bu tacir çox durur, oturur, aman-zaman bir oğlu varımış. Ay Allah, mən nətəər eliyim, nağarım? Nəysə, çox adamlara gənaşirriy eliyir47, hara gedillərsə, ziyarətə də özü gedir, yalvarır, nətəər eliyir. Deyir ki, mumkün döyül e. O, muradına çatmıyajax, o evlənəndə ilan onu öldürəjəh. Nəysə. Deyir:
– Allaha pənah!
Gətirir buna toy eliyir. İndi bu toy eliyəndə bu tacir gedir gəlinin qulağına pıçıldıyır ki, bəs belə-belə, mənim oğlum ləkəmtəldi48 dana, xayiş eliyirəm, gejə səhərətən yatmaginən. Onu gözdəginən sən. Göydən bəla gələndə hay sal, nə bilim, belə elə. Toy olur, qutarır. Nəysə, gəlillər otağa. Nəysə, gejə gəlin səhərətən yatmır.
Çox pis vəzyətdə yaşıyan bir dənə qadın xeylağı varmış, yoldaşı-zadı da yoxumuş, ta uşaxlar ajınnan qırılırmışdar. Kəndə belə baxır, görür kü, bütün evlərdə işıx sönüf, hamma bir dənə o təzə toy olanın pəncərəsində işığ yanır. Qazana da daş qoyuf, daşı qaynadır. Uşaxları alladıv elə yatırdıf. Nəysə, bu gəlin gəlir, pəncərədən belə baxır, baxanda bu gəlir tez, munu görür. Oğlanı durquzur ku, bəs deyilən adam gəldi, göydən bəla gəlir. Oğlan durur, belə baxır. Görür kü, filankəsdi dana, tanıyır, kəçcisidi. Deyir:
– Nədi, nəyə durmusan?
Deyir:
– Ay bala, Vallah, elə gördüm, işığınız yanır. Uşaxlarım ajdı, çörəyə gəlmişəm.
Bəy qavağına qoyulan xonca-monça – hamısını verir buna, aparır. Deyir:
– Getginən, bir res də gəl.
Gedir bir res də gəlir, nəysə, bunu polnu, ürəyin isdiyən qədər doyurur.
Hə. Səhər açılır, oğlanın atası gəlir, anası gəlir, baxıllar ki, oğlan salamatdı. Göydən sada gəlir ki, döşəyi qaldırginan, döşəyi qaldı, gör orda nə var? Döşəyi qaldırır ki, həmən o quyruğu kəsiy ilan lünbüdü49 qanın içində ölüfdü, qalıv orda. Deyillər:
– Bu nədi?
Xudavənd-aləmə gedif deyiflər ki, nədi? Deyir kin, həmən o gəlinə ki veriv e çörəyi, o, onu osanaya salıf. Elə bilginən ki, o, onu təmiz mudafiyə eliyifdi. Onnan da qutarıf.
284. QƏBUL OLUNMUŞ EHSAN
Bir patşah varımış, bunun bir oğlu varımış. Günnərin bir günü bu oğlun çağırır, vəs eliyir ki:
– Ay bala.
Deyir:
– Hə.
Deyir:
– Mənim vəziyətim ağırdı, mən ölüf gedəjəm, mana qırx gün eysan ver. Qırx birinci günü gə yanıma, məni çağır.
Bu qırx gün gündə üç öynədən yeməh verir. Nəysə. Elə olur, günnərin bir günü bir yaşdı kişi deyif:
– Ay bala.
Deyif:
– Ha.
– Gəlsən, belə bir fikir elə, məsləhat elə.
Deyif:
– Nədi?
Deyif:
– Bala, mən axşamçağı gələ bilmirəm. (Bu da eysanı üç öynə verirmiş dana: savahertə, günorta, axşamçağı). Axşamçağı gələ bilməyəjəm, imkan varsa, bir qav da verəsən, aparım evə.
Deyif:
– Dayı, qavım yoxdu. Əgər qabın varsa, get gəti, verim.
Fikirrəşir. O vax da bu papaxlardan yoxumuş, o biri papaxlardan, motal papaxlardanıymış. Papağını belə tutur, deyir:
– Ay bala, bunda verə bilərsən?
Deyir ki, əşi, nəfsin çəkirsə, niyə vermirəm. Papağı belə eliyir, içinə də iki dənə yuxa qoyur, xörəhdən tökür. (O vaxdı ehsan xörəyi aşıdı, bir də halveydı, qalan şey olmuyuf). Bunun papağın xörəynən doldurur, yola salır, gedir. Alxış eliyə-eliyə gedir. Vax gəlir, qırx gün tamam olur, qırx birinci günü gedir atasını çağırır. Atası bir az gej gəlir. Narahat olur ki, ə, atam, nətəər mənim sözümü eşitmir? Ha-ha, görür kü, gəldi. Ata deyir:
– Ay bala, darıxmaginan, narahat olmaginən, burdan belə gedəndə bir nəfər adam bu qavırsannığa Fatihə verdi, onu bölüşdürürdüh. Ona görə gej çıxdım.
Deyif ki, ata, qırx birinci günündü. Qırx günün tamamdı, eysanı verdim. Sana bir şey çatdı, çatmadı? Deyəndə deyifdi ki, bala, üzün ağ olsun, heş biri gəlif çatmıyıf. Bircə o papaxdakı gəlif çatıb maa. Deməli, bir heylə eysan verifdi, ama bircə o papaxdakı gəlif çatıf. Afsanata düşən papaxdakı xörəy olufdu yanı.
285. ÜÇ BACI
Üş bajıymışdar. Üş bajı gediflər pencər yığmağa. Bir xeylax gedillər, qəfildən dev çıxır buların üçün də götürür. Aparır öz kümasına. Burda da dev çoxdu. Bular fikirrəşir ki, hərəmiz birin götürəh dənə. Bu balaja bajı da bijəltərəyimiş50 dana. Bu balaja qız deyifdi ki, bizdə adət belədi, birinə ərə gedəndə beş il, on il nişannı qalırıx. Bizdə adət belədi, deyəndə o biri bajısı deyir, aaz, beş ilə bizə noolajax? Bulların da birjə nənəsi var, dədəsi, qardaşı-zadı yoxdu. Çox iri-xırdadan sora, nəysə, deyir, on il bizə vax ver, on ildən sonra genə sizdeyih dənə. Bu evdə yeyillər-içillər, çölə çıxanda bu dev qapının dalına bir dəyirman daşı qoyuf çıxıf gedirmiş. Ta bıra ayrı adam girə bilməzmiş. Vax gəlir, bir müddət qalıllar, günnərin bir günü qonşuda bir adam (bir cavan oğlan, bayevoy oğlan) yuxusunda görür kü, filən yerdə, filən devdə, bir kahada devin əlində üç dənə qız var. Bu qızdar köməyə çağırır bunu. Yuxuda görür bunu. Səhər tezdənnən durur, deyir:
– Ana.
Deyir:
– Hə.
Deyir:
– Maa bir xurcun çörəh qayır, mən filan yerə gedəjəm.
– Ay bala, hara gedirsən?
Deyifdi ki, dimmə. Olmur, gedir. Gedir yolda bir çobana ras gəlir:
– Salaməleyküm!
– Əleykümsalam!
– Qardaş, hara gedirsən?
Deyir, bəs belə-belə. Deyir ki, mən də sənnən gedəjəm. Bı da gedir.
Bi də bir ovçuynan raslaşır. Ovçu da, çoban da gəlir, bular üç olullar. Deyir:
– Ə, qardaş, mən təh gedirəm, siz ras ki mənnən gedirsınız, gəlin gedəh. Amma mən özüm təh bacarajam.
Bular gedir. Gedillər axdarıllar, həmən bu devin kahası tapılır. Dəyirman daşın götürüf belə qoyullar, girillər içəri. Görüllər, üç dənə qızdı, üçü də burdadı. Deyif:
– Bıdee, qardaşımız gəldi.
Balaca deyif. Deyəndə deyir ki, demədim, qardaşım gələjəh. Bular razılaşıllar, qardaşı da gəlir, burda dava... Bu qızdar deyir ki, bunun canı o şüşədəymiş. Məsələ var e, devin canı şüşədə olar. Bunun da canı o şüşədeymiş. Qızdar deyifdi ki, əgər o şüşəni qırsan, hasatdı, yo, şüşəni qırmasan, çətindi. Hərrənir-fırlanır, oğlan şüşəni yendirir aşağı, munun da içində bir quşumuş. Bunu öldürür. Öldürənnən sora uje sərbəst qızdarın üçün də götürür. Burdan da kalan ayın-oyun götürüllər haa. Devin də varı-dööləti var, qızılı-mızılı var. Götürüllər, qəşəhcə düşüllər yola. Gətirir balacanı özü alır, o birini çobana verir, o birini də ovçuya verir, çıxıf gedillər. Orda yaşıyıllar.
286-287. YAZIYA POZU YOXDUR
Gənə bir patşahın bir oğlu varımış. Oğlanın evlənməh yaşı keçirmiş. Buna nə qədər deyir, evləmmir. Nəysə, günnərin bir günü Şah Abbas kimi bu da atasının heyvanın, sahəsin gəzirmiş. Heyvanın yanına gedəndə görür, bir qoja kişidi, çiynində də belə bir partfel. (O vaxdı indiki kimi deyildi, partfeli parçadan tikirmişdər).
– Salamməleyküm! Bərəkətdi olsun, bala!
Deyir:
– Xoş gəldin, dayı. Hardan gəlirsən?
Deyir ki, elə bu kətdən gəlirəm. Deyir:
– Bu kətdə kimnən gəlirsən, hardan gəlirsən, nədi?
Deyəndə deyir:
– Ay bala, belədən gəlirəm dana.
Deyif:
– Nədi o çiynindəki?
Deyif:
– Partveldi.
Deyif:
– İçindəki nədi?
Deyif ki, dəfdərdi, kitafdı. Deyif ki, nədi ki bu? Nəyi yazırsan? Deyir:
– Bala, mən tale yazıram.
Deyəndə deyifdi ki, yazırsan yaz da. İndi sən mənim taleyimi deyə bilərsən kimə yazmısan? Deyif:
– Yox, bala, Allah sirr açmıyıv ha. Onu desəm, mən günah qazanıram, cəhənnəm əhli oluram mən. Ola bilməz axı.
Deyiv:
– Əşi, sən gəl mənnən spor eləmə. Mən patşah oğluyam. Ya deməlisən, ya ölməlisən.
Deyəndə deyifdi ki, ay bala, Vallah, deyə bilmərəm axı. Deyiv:
– Əşi, deməlisən e.
Nəysə, olmurol51, bu deyir ki, filan kəntdə bir naxırçının xəsdə qızına yazmışam sənin taleyini. Deyir:
– Hə, sağ ol. Çıxardır civindən bir üç-dört dənə qızıl qəpih verir, deyir, yaxşı yol, çox sağ ol, yeri get.
Çıxır gəlir evə, atasınnan xəlvət, balaca bi xurcunu götürür, iki gözün də doldurur qızılnan, düşür yola, gedir o kəndə. Kətdə sorağnan ki burda naxırçının evi hansıdı? Deyir:
– Odee, odee, bax odu.
Gedir görür kü, axşamçağıdı, bir yaşdı arvatdı.
– Ay nənə, Allah qonağı...
Deyir:
– Allaha da qurvan olum, qonağa da. Görürəm ki, patşah libasdı adamsan, mən sana nə deyim?
Deyif:
– Yox ey, xala, uzax gedəjəm, beyjə burda qalmalıyam. Vallah, onda qoy kişi naxırdan gəlsin, o bilər.
Deyir:
– Yaxşı.
Yox, kişi gəlməmiş bu arvatdan soruşur ki, nənə, o tikililər də sizindi? Qapı örtülüdü, iki dənə tikilidi, pəyədi. Ollar da sizindi?
Deyir:
– Hə, bala.
Deyif:
– Nədi o, ora nə salırsınız, neynirsiniz?
Deyəndə deyiv, ay bala, o biri heyvanımızın yeridi, hamma onnan beləki bir xəsdə qızımız var, orda yatır, orda qalır. Elə çörəyin, suyun verirəm, orda qalır. Deyif:
– Xala, nə xəsdəsidi?
Deyif:
– Ay bala, nə bilim, elə xəsdədi dənə.
Bunun yerin örgəndi. Deyir:
– Hə, yaxşı.
Kişi də gəlir çöldən. Kişi də gəlir görür kü, vəziyət nətəərdi. Nəysə, gejə məjbur olur qalır. Deyir ki, əşi, bax burda oturajam, bir azdan işıxlaşanda, dan üzü çıxıf gedəjəm. (Ulduznan, Aynan işdiyirmişdər). Bullar yatır. Kişi naxırçı, arvat da qoja arvat. Görür kü, ikisi də xorulduyur. Durur qəşəh xurcunu da qoyur orda, çıxır çölə. Gedir qızın yanına, (civində də uzun pıçağı varmış) pıçağınan bunuja möykəm hardan lazımdı pıçaxlıyır. Topuğunatan pıçaxlıyır. Xurcunu da orda qoyur ku, o, mənim taleyimə yazılmışdı, qoy onun eysanına versinnər. Çıxıf gəlir, heş bının gənə işdahı çəhmir ki, evlənə. Beş il keçir, üç il keçir, dörd il keçir, günnərin bir günü bına, nəysə, ayan eliyən eliyifdi ki, get bir o kəndə.
Pıçaxladığı qız da ölmüyüpbüş e. Uje bı qız yavaş-yavaş ayılır, oğlanın qoyuf getdiyi qızılnan ev tikillər, imarat yapıllar. Gəlir görür kü, uçux daxma elə ordadı, ama bu tərəfində bir böyüy imarət var, burda bir qız hərrənir, hesab elə ki, şikil kimi. Belə boylanır, belə boylanır, tərpənir evə. Gedir vəzirə deyir ki, vəzir sağ olsun, atama de, filan yerdə bir qız tapmışam. Dururca vəzir də tərpənir, patşaha muşdulux aparır. Bu da bir torba qızıl muna verir, deyir, hardadı, getsin yerin göstərsin dana. Faytona minillər, gəlillər həmən yerdə qızın evin gösdərir, deyir, bax bu evdədi. Kişi də naxırçılıxdan çıxıf uje. Kefiköh dolanır dana. Vəzir faytonnan düşür:
– Salamməleyküm!
– Əleyküsalam!
Nəysə, deyir:
– Qardaş, bilirsən nəyə gəlmişəm?
Deyif:
– Nəyə gəlmisən?
Deyifdi ki, mən patşahın oğluna sənin qızını almağa gəlmişəm, elçi gəlmişəm. Əgər razısansa, işi davam eliyəh. Deyif:
– Patşahın oğlunnan artığına vermiyəjəm ha.
Hesav elə, naxırçı qızı gedir patşahın oğluna. Ta bu gədə görüfdü bu nə vəzyətdə dolanır. Amma bu vəzir görmüyüf ha, bu imarəti görüf. Qız amma görühmür. Deyif:
– Yaxşı, gedin, gəlin.
Gedillər, gəlillər, toyu eliyiv aparıllar. Toyun gejəsi (əyənnən-bəyənnən camahat hamısı dağılır, bullar ikisi qalır) qəfildən bu oğlan qayıdır ki, hə, bilirsən nə var? Deyir:
– Nə var?
Deyir ki, sizin kətdən bir qıza mənim talehim yazılmışdı. Onu pıçaxladım, öldürdüm, indi səni almışam. Qız deyir ki, mənim həkimim elə budu. Deyir:
– Niyə helə duruxdun?
Deyir ki, sən vurduğun pıçaxları yerin dəqiq bilirsən? Deyəndə deyif, hə, niyə bilmirəm, nədi ki? Deyifdi ki, icazə verərsən bir söz deyim saa? Deyif:
– Nədi?
Deyif:
– Biz ta uje ayleyih, bir yerdə yaşıyırıx. Olar, libasımı soyunam, baxasan? Açır baxır, görür, ə, pıçağın biri burda, biri burda, biri burda, uje topuğunatan pıçax... Görəndə qayıdır ki, sən öl, bu yazıya pozu yoxdu. Orda da başdıyıllar yaşıyıllar.
287.
Bir çobanın qızı olur. Bir dənə də bəy gəlif yolnan keçirmiş. Gəlif görür kü, qapıda adamnar durufdu. Deyir, görən bı nədi? Deyir kin, bı nə hay-küydü? Görür, qapıdan bir adam çıxdı. Deyir kin, nədi o? Deyir:
– Bırda uşax dünyaya gəlifdi.
Deyif:
– Nədi?
Deyifdi ki, qız uşağıdı. Deyifdi kin, onun talehi sənin oğlaa yazıldı. Bəy deyir:
– Nə? Mən bəy, bı da çoban. Mənim uşağımın üsdünə çobanın uşağının bəxdi yazılsın?
Nəysə, bı deyir, helə şey ola bilməz. Çıxır gedir. Bəy gedir gəzir, qayıdıf gəlir evinə. Səyahətdən evinə qayıdıf gələndə vəzirin-vəkilin başına topalıyır. Deyir ki, gedin nəqqədər ki, təzə doğulan uşax var, hamısın yığın gətirin bıra. Hammısın öldürejem. Yəni kin, öldüsün kü, bının uşağının bəxdinə yazılmasın də. Gedillər, nəysə, hamısın yığıllar gətirillər, bu uşağı da gətirillər. O uşaxların hamısın öldürüllər. Ama bı uşax gələndə, Allah-taalanın axı bına qisməti var. Kiməsə verir ki, apar bını öldür də. (Bının özünün adam öldürəni olur). Bının uşağa yazığı gəlir. Deyir, bı qız uşağıdı, özü də çox gözəldi, dünya gözəlidi. Bına hayfı gəlir. Götürür aparır bını bir dənə sandığa qoyur, aparır boşduyur suya. Bu, suynan axır gedir. Bınnan irəli su dərmanı52 varımış. Gedir o sandıx bı su dərmanının su keçəcəh yerinə dirənir. Bı dərmançının da heç oğlu, qızı yoxumuş. Görür kün, bı dərmanın daşı uje yanır, tüsdü verir. Deyir:
– A bala, bı su gəlmədi.
Gedir baxır görür, bir sandıx gəliv ora qapanıf. O sandığı götürür, gətirir açır, baxır görür içində bir gözəl qız uşağı. Deyir:
– Ay Allah, saa qurvan olum, sən bını yetirmisən mənim uşağım olsun.
Başqa bir ölkədi ha bura. Daa bu çay, sel götürür aparır da bunu bu ölkədən o ölküyə. Nəysə, götürür bını dərmançıynan arvadı, qəşəh böyüdüllər. Böyüdüllər, qız o qədər gözəl olur, yaraşıxlı olur ku, daa belə saa deyim kin, iki göz lazımdı bı qıza baxmağa. Dərman öylərinə yaxınımış. Bir gün arvat bına çörəh verir, deyir:
– Apar ataa ver, gəl.
Qız bı çörəyi gətiriv atasına verəndə həmən bəy ki varıdı e, yığıv öldürtdürürdü uşaxları, bəyin oğlu yolnan keçirmiş. Gəzməyə çıxmışımış. Gəliv elə bəyin oğlu ordan keçəndə görür, bırdan bir gözəl qız çıxdı. Elə nəysə, Allah-taaladan ürəyi bına yapışır. Allahın axı qisməti var. Oqqədər bına aşiq olur kü, deyir:
– Bı, nə qənirsiz gözəldi.
Bu, tez deyir ki, yox, qayıtdıx. Bının başına yığışannar, nə bilim, vəziri, vəkili, ov ovluyanı, quş vuranı deyir:
– Əşi, ay bəy, niyə qayıdırsan? İndi çıxmısan.
Deyir:
– Yox, uje bırdan qayıdıram.
Qayıdır gedir evə. Qayıdır evə gedənnən sora dirənir, deyir ki, mən orda bir qız görmüşəm. Gedin onu gəzin, görün kimdi o. Mən o qızı almalıyam. Nəysə, gəlillər, axdarıllar, arıyıllar, tapıllar, deyillər, bəs dərmançının qızıdı. Bu padşahın genə bağırsağı doğranır içərdə. Bu nətəər olan şeydi? İndi gəlsin də bu dərmançı qızına ilişsin. Maa bax, dərmançıya bax. Mən durum dərmançının qızın oğluma alım? Belə şey olar? Onnan sorasına oğlan əl çəhmir, oğlan yaman günə qalır, özün öldürür, ağlıyır, dərdə düşür. Deyir:
– Yox, o qız oldu, oldu, olmadı, mən evlənmiyəjəm.
Nəysə, gəlillər elçiliyə. Deyillər:
– Bəs belə-belə, sən bını hardan almısan? Sənin axı oğlun, qızın yoxudu.
Kətdən, kəsəhdən soruşullar. Deyillər:
– Vallah, elə qəfildən gördüh bir qız uşağıdı, götürüf saxladıx.
Axırı deyir:
– Allahdan gizdi dəyil, bəndədən nə gizdiyim. Həmən o qız sandıxda gəldi çıxdı bıra. Dərmanımın gözün tutdu, mən də onu çıxartdım, evladım yoxudu, saxlamışam. Daa bilmirəm, o uşax hardan gəldi. Allah göndərdi, bəndə göndərdi, bilmirəm.
Həə, deyir:
– Yaxşı.
Gedir bəy həmən o nökərin çağırır, o adam öldürəni. Deyir:
– Düzünü de görüm, o vaxdı flankəsin qızın saa verdim, apar öldür, neynəmisən?
Deyir:
– Allahdan gizdi dəyil, bəndədən nə gizdiyim. İsdiyirsən, boynumu vur, isdiyirsən, kəs, mənim ona yazığım gəldi. Dünya gözəliydi, uşağa baxdım, yazığım gəldi. Dedim, belə gözəl qız olmaz. Mən onu qoydum sandığa axıtdım, suynan çıxdı getdi.
Deyir:
– Həə, axı o vaxdı maa dedilər ki, Allah-taaladan bı qızın bəxdi sənin oğlaa yazılıfdı. Görürsən, bını mən cəhd elədim öldüməyə, Allah-taala bını genə qoymuyufdu kin, bı öldüsün. Gətirif dərmançı saxlıyıf, indi də Allah-taala onu oğlumun qabağına çıxartdı.
Axırı, ələci kəsilir, oğluna həmən qızı alır, bala. İndi yazıya pozu yoxdu.
288. PEYĞƏMBƏRİN NAĞILI
Bir nəfər şeytan bir nökəri örgədir kin, peyğəmbər meçitdə namaz qılır, ged onun namazın poz. Şeytandı də, isdiyir kin, onun namazı pozulsun. Bı da gedir.
– Onun namazın pozsan, onun evrətin saa alajam.
Bu, peyğəmbərə ayid idi. Peyğəmbər də həməşə belə köhnə paltarda olufdu. Bu namaz qılıf qayıdırmış. Görüf, nökər heş bına salam vermədi, böyrünnən keşdi. Deyir:
– Ay bala, salamməlöyküm, bəri qayıt görüm.
Deyir:
– Nədi, əşşi?
Deyir:
– Niyə əşi deyirsən maa? Salam Allaha salam verməhdi, sən özün salam vermədin, vermədin, mənim salamımı niyə almırsan, ay oğul?
Deyir ki, tələsiyirəm. Deyir:
– Nə yaman sənin belə böyüy işin var ki, tələsiyirsən?
Deyir ki, peyğəmbər orda namaz qılır, mən gedirəm onun namazın pozmağa. Şeytandı də, deyir, ged onun ağlın çaşdır, namazı yaxşı qıla bilməsin. Gediv onun namazın pozajam. Deyir:
– Peyğəmbərə sənin güjün çatmaz. Gəl mənnən güləşəh. Əgər məni yıxsan, gediv onun namazın poza bilərsən.
Deyir:
– Yaxşı.
Bınnan belə əlbeyaxa olanda peyğəmbər əlinin dalıynan bını bir az itəliyir, gedir xeylağ uzağa düşür. Bu hirsdənir, bir dəfə də buna cumur də. Cavan oğlanımış. Bir də belə vıranda bir də qayıdır gəlir. Qayıdır gəlir, paltarın soyunur, indi səki bunnan ciddi dalaşmağ isdiyir. Dalaşmağ isdiyəndə peyğəmbər bunu əlinin arxasıynan atır göyün yeddi qatına. Əlin belə tutur, deyir:
– Düş ovcumun içinə. Düş görüm. Bax, peyğəmbər mən. Maa güjün çatar sənin?
Deyir:
– Əsdafurullah, mən belə bilməmişdim. Allah nəhlət eləsin məni örgədən şeytana! Məni örgətdi ki, gedim mən pozum səni... Mən səni belə bilməmişəm. Sənin kəramətaa bələd olmamışam.
Deyir:
– Onda get, bala, şeytana dediyıı de.
Deyir:
– Yox, büyünnən belə mən şeytana yox, saa qulluxçu olajam. Ömrümün axırına kimi sənin yanında qalajam. Bu, ömrünün axırınatan peyğəmbərə qulluğ eliyir. Bağın-bağatın belliyir, atın yəhərriyir, atın yüyənniyir. Nəysə. Bunun qulluğunda durur. Vax gəlir, vədə gəlir, gün keçir, ay keçir, bı qojalır. Bir gün peyğəmbər səyahətdən qayıdanda gəlif görür kü, bu dayanıv qapıda, sakqal basıv. Uje daa bunun ölüm vaxdıdı də, qojalıfdı, başı gedir-gəlir.
Deyir:
– Əbdül!
(Adı Əbdülümüş). Deyir:
– Bəli!
Deyir:
– Əbdül, niyə belə eliyirsən, bala?
Deyir:
– Ay ağa, dəəsən vax gəlif çatıfdı, uje ömür-gün keçifdi, ölməy ərəfəsindəyəm. Uje özümü də yaxşı hiss eləmirəm, amma bu dünyada əhdim ürəyimdə qaldı. Bir əhdim varıdı.
Deyir:
– Nədi o əhdin?
Deyir:
– Mən nə ata, nə ana, nə bacı, nə qardaş görmədim. Özüm yetim oldum, qapılarda böyüdüm. Heş birisin görmədim də, bir atadan ürəyim su içsin, anadan su içsin.
Deyir ki, mən saa ata-anaa gösdərərəm. Deyir:
– Doğurdan?
Deyir:
– Hə.
Deyir:
– Elə onda canım saa fəda olsun, məni apar gösdər, onnan sora mənim canımı alsınnar. Allah-taala mənim canımı alsın.
Bunu götürür, deyir, atdarı gəti, çəh bəri. Atı yəhərriyir, yüyənniyir, birində peyğəmbər oturur, birində də Əbdül oturur, götürür gedir bir qəvirsannığın böyründə dayanır, deyir:
– Düş atdan.
Düşüllər atdan. Deyir:
– Əbdül!
Deyir:
– Ha.
Deyir:
– Görürsən bı qəbirrəri?
Deyir:
– Hə.
Deyir:
– Bı, sənin ataan qəbridi, bı, anaan qəbridi, bı, bacıın, bı da qardaşıın. İndi, oğul, bı qəbrin üsdündə durursan, bir-bir deyirsən, “Allahın məsəli Əlamuhəmmədin və Ali Məhəmməd”. Qəbir açılır, nə görsən, düzgünü gəl maa de ha. Bax, birin alt, birin üst demə. Onsuz da mən onu bilirəm.
Peyğəmbər özü çıxır gedir. Bı gəlir, durur atasının başının üsdündə. Deyir:
– Allahın məsəli əla Muhəmmədin və ali Məhəmməd.
Qəbir açılır, görür, atası bir ağsakqal kişidi, oturuf Quran oxuyur. Allahın kəlamın oxuyur. Qəfildən deyir, nətəər olursa, elə bil, bir əqrəf gəlir bunun dilinin ujunnan vırır, gözdər hədəqədən çıxır, ağız köpühlənir, dil ağzınnan bir belə çıxır, ləhliyir, daa belə ölür, qaralır, qalır belə. Bı çox pis olur. Deyir:
– Ay Allah, gör atam qəbirdə nə gün çəkir.
Keçir ikinci qəbrin üsdünə. İkinci qəbri də o minvalnan deyəndə ikinci qəbir açılır. İkinci qəbir açılanda baxır görür kün, anası oturub. Bir xanım-xatın arvaddı belə, qavağında belə ləziz, gözəl xörəhlər var. Əlin buna atır, ağzına gətirincən zir-zibil olur, bına atır, ağzına gətirincən zir-zibil olur, bına atır, ağzına gətirincən zir-zibil olur. Bı arvat bı yeməhlərin birinnən yeyə bilmir. Bunu belə görəndə bı çox pis olur. Deyir:
– Əsdafirullah.
Keçir üçüncü qəbrə. Bı qəbrin üsdündə deyəndə “Allahın məsəli əla Muhəmmədin və ali Məhəmməd”, qəbir aralanır. Baxır görür, qəbirdə, əsdafurullah, bir dənə kadındı, belə oturufdu, cavan gəlindi, qılçasının altınnan belə su gedir. Bırdan beləsi qancıxdı, it (söyləyici əlini qurşağına aparır – top.). Bırdan beləsi insandı. Bax, bı hörüyü bı qılçasına bağlıdı, bı hörüyü bı qılçasına bağlıdı. Deməli, bırdan zülal kimi su gedir, nəqqədər elir, o sudan içə bilmir. Dili ağzında parçalanır, pörşələnir. Zar-zar zarıyır. Əbdül çox pis olur, çox məyus olur. Bınnan keçir, üçüncü... Bir isdiyir qardaşının qəbrinin də üsdünə gessin, deyir, bunu da görsəm, laf ürəyim partdıyar. Mən öləjəm, maa dərd olar. Bir də deyir, yox, qoy elə buna da baxım. Gedir qardaşının qəbrinin üsdündə durur, deyir:
– Allahın məsəli əla Muhəmmədin və ali Məhəmməd.
Qəbir aralanır. Açılanda görür qardaşı durdu, şahadat barmağında şam yandı. Bu, dəsdəmazın aldı, namazın qıldı qəşəh. Onnan sorasına qayıtdı zikrin elədi, başın yerə qoydu yatdı. Deyir:
– Allah, saa şükür, nə yaxşı mən qardaşımı belə gördüm. Barı heç olmasa, sakit olum.
Elə-belə də qoyur, durur gəlir peyğəmbərin yanına. Peyğəmbər soruşur:
– Bala, getdınmı?
Deyir:
– Hə.
– Gördün?
– Hə.
Deyir:
– De görüm.
Deyir:
– Bəs atamı bı formu görmüşəm.
Deyir:
– Əvdül, ataan günahı çoxdu.
Deyir:
– Atam çox əzyət çəkir. Bəs Allahın kəlamın oxuyur axı, canım saa fəda olsun.
Deyir:
– Allahın kəlamın oxusa da, atan cavan vaxdı, həddi-bulux vaxdı bir bakirə qıza böhdan deyif. Heş kəs yiyə durmuyuv o qıza. O qız ərə-zada getmiyif, qojalıf, saç ağarıf, göz tutuluf, kiprihlər ağarıf. Bir kəndin qırağında qara, yerdənqazma dəyədə qalır. Şam işığında duruv orda. Kim gətirif nə verirsə, onu yeyir. Hərdən-birdən də kim onnan soruşanda sənin heş bir evladın-zadın yoxdu, deyir, Allah məni bu günə qoyana nəhlət eləsin. Bax, nəhlət deyiləndə sənin atan qəbirdə o günə düşür. Bu belə. Bəs anaa necə gördün?
Deyir:
-
Anam ləziz xörəhləri qoymuşdu, əlin ağzına aparırdı, yeyə bilmirdi.
Deyir:
– Anaan günahı bilirsən nədi, ay oğul? O da bağışdammazdı. Kimsə – hamiləmi, əlsiz-əyaxsızmı, kimsəsiz bir qocamı, imkanı olmuyammı qapıya gəlifdi. Bişirdiyi xörəyin iyi onu vurufdu, amma ona yeməh vermiyif, heş təhlif də eləmiyif. Yemisınız-işmisınız, yerdə qalan qırığı-quruğu belə yığıfdı töküv üsd-üsdə, deyiv, o adam bırya gəlmişdi, apar ona ver, gəl. İmkansız adama. Zibil verif ona. Ona görə də Allah-taala onu bağışdamır. Həməşə onun yediyin zibil eliyir. Gərəh qapaa gələnə təhliv eliyəsən. Orda pişirirsən də, qapıda duruf, yeməyin iyisi vırır onu. Onun orda nəfsi qalmasın, onnan birin götü ver ona, yesin. Ona görə anan o zülmü çəkir. De görüm, bacım niyə belədi bəs?
Deyir:
– Bacım da getdim gördüm, su içə bilmir. Aşağı tərəfi itdi, yuxarı tərəfi insandı, saçınnan bağlıdı, su içə bilmir.
Deyir:
– Kəhriz başında bacın su doldururmuş, paltar yuyurmuş. Bir qocanın, əlsiz-əyaxsızın biri deyifdi kin, ay qızım, Allah xatirinə, imam eysanı olsun, o sudan bir quruşqa ver, içim. O da qancıx kimi onun üzünə çəmkirif. Ona görə onun günahı lap çoxdu. Görürsən, deyirsən ki, Allah xatirinə, maa bir stikan su ver. İçirsən, deyirsən, imam eysanı olsun. İndi ona Allah-taalanın o qədər qəzəbi tutufdu kun, yarı tərəfi onun qancıxdı, qancıx kimi çəmkirif. Saçınnan da bağlıdı, o su da gedir, qancıx kimi çəmkirifdi deyin, o sudan içə bilmir. Allah-taaleynan imamnarımızın adın o saymıyıfdı. Ona görə o zülmü çəkir.
– Bəs qardaşım?
Deyir:
– Qardaşın həddi-buluğa yetməmiş bir oğlan olufdu, cavan olufdu. Nə görüf, nə götürüfdü kün. Dünya görməmiş dünyasın dəyişifdi. Allah-taala da onun yerin behişd eliyifdi. Durur, şam yanır, namaz qılır, zikrin eliyir, yıxılır yatır. İndi arxayın oldun, bala?
Deyir:
– Hə, arxayın oldum, ama sənnən bir xayişim var. Canım saa fəda olsun, ya peyğəmbər, o ikisin isdəmirəm, amma atam Allahın kəlamın oxuyur, o Qurana göra o atamı bağışda, nolar.
Deyir:
– Ay oğul, elə yerdən dedin kin... Mən onu bağışdıya bilmərəm.
Deyir:
– Necə yanı? Sən bu boydana dünya sahibisən. Dünya e, dünya. Yerin-göyün altında olan dünya sahibisən.
Deyir:
– Oğul, nəkqədərə mən onu bağışdasam da, o qız gərəy onu bağışdıya. Mən bağışdıyajam, hə, bağışdıyıram, halal-xoşun olsun. Amma o qız, vax gələjəh, kimsə soruşsa ki, bala, sən niyə bı gündəsən, deyəjəy, Allah ona nəhlət eləsin, mənə böhdan atıf bı evdə çürüdən odu. O, bir də həmənki kimi olajax. O olmuyejağ axı. Əsas o qızdan gediv onun halallığın almalısan. Get, tap onun halallığın al, onnan sora atan orda yaxşı olsun, Allahın da kəlamın oxusun.
Nəysə, oğlan durur, atı yəhərriyir, yüyənniyir, deyir, gedim onu tapım, yalvarım ona. Gedir kət-kət gəzir, soraxlıya-soraxlıya. Deyillər:
– Hə, bı kətdə biri var, odee kəndin qırağında bir daxmada oturufdu, bala. Heylə biri var.
Gedir. Gün qaralmışımış. Qapını döyəndə deyifdi ki, kimdi, ay oğul?
Deyif:
– Yolnan keçən Allah qonağı.
Deyif:
– Allaha da qurban olum, qonağına da. Gözüm görmür, qapını aş, oğul, gir içəri.
Girif. Deyif:
– Ay oğul, gözüm görmür, Vallah, utannam da saa deməyə. Deyir, varın verən utammaz. Gəl, indi nə tapırsan, onnan bir tikə al.
Hə, bı da oturur. Bir az keçir, bıllar dərtdəşillər. Deyir:
– Ay ana, ay nənə, sənin oğlunnan, qızınnnan, anannan, bajınnan heş bir adamın yoxdu ku, sən təhsən?
Deyir:
– Oğul, oranı tərpətmə. Oğul, o dərdimi tərpətmə. Allah məni bı günə qoyana, bala, nəhlət eləsin.
Oğlan deyir:
– Aa... İndi atam orda uje, qəbir evində o zilləti çəkir. Uje mən soruşdum, o sözü dedi. Deməli, o sözün aqibəti buyumuş. Peyğəmbər düz deyir, peyğəmbər orda desə də, mən gəldim bırda soruşdum, o belə dedi. İndi atam orda o əzyəti çəkir.
Bu fikirrəşir. Neyniyim? Nağayrım? Peyğəmbər Allaha müraciyət eliyir kin, bu uşax neçə ildi maa qulluxçudu. Qurani-Kərimin xətrinə, sən bı oğlannan bı qızın evlənməsinə şərayit yarat. Həddi-buluğ olsun.
Allahın əlində çox böyüh höhmü var. Allah-taala elə orda qızı da, oğlanı da cavannaşdırır, ikisin də eliyir om beş yaşında oğlan-qız. Deyir:
– İndi olları siğə eliyin. Oğlan onnan evləmməsə, o qız ömrü boyu qarqışçıdı – o kişiyə. Bəlkə onnan sora o qız o kişini bağışdıya.
Onnan sorasına bı qıznan bı oğlan evlənir, gəlillər peyğəmbərin hüzuruna. Deyir kin, bax mən o kişinin oğluydum, özüm də bı peyğəmbərə qulluxçu olmuşam. Mən atama görə sənnən evləmmişəm. Səni ömür boyu xöşbəxd eliyiv onun əvəzin çıxajam. Sən mənim atamın halallığın ver.
Onnan sora deyir:
– Onun halallığın verirəm ki, qoy getsin, o qəbir evində rahat yatsın.
Bının hamısı olmuş işdərdi, bala.
Dostları ilə paylaş: |