20
19942014. Nə tez keçdi 20 il Xəlil Rzanın ölümündən? Sanki
dünən idi. “Gül toxumu” Xəlil Rza Ulutürk nə yaxşı ki, müstəqil
yurdumuzun münbit torpağına düşdü və cücərdi, yarpaqlandı,
qönçələndi, pardaxlandı.
Elə bil, dünən idi xalq məhəbbətinin timsalı olan saysızhe
sabsız əklillərin yanında şairin vəsiyyətinə uyğun olaraq, onun
alovlu misralarını silah kimi belimizə bağlamağımız, Xəlil Rzanın
müqəddəs ruhuna qoşularaq, Vətən, xalq, millət uğrunda onun
mübarizəsinin yüksək mərhələsini davam etdirməyimiz. Şair ya
zırdı ki, “başlanmalıdır!” Ancaq biz elə “həmən gün” dedik:
“Başlandı, Ulutürküm!”
Və bir iqtibas da etmək istərdim Xəlil Rza Ulutürkdən:
“Davam edir 94!”
Ulu Öndərimiz ikinci dəfə Azərbaycan hakimiyyətinə 1993
cü ildə qayıtdı. Elə bil, Xəlil Rza Ulutürk də neçə müddətdən
bəri bunu gözləyirdi. Ulu Öndərin qayıdışından və Azərbaycan
Respublikasının Prezidenti seçilməsindən bir il sonra bu böyük
insan artıq müstəqil Azərbaycanın taleyindən arxayın olaraq,
nurlu üzündəki məhrəm təbəssümü ilə bu fani dünyanın tala
ğını verdi, qəhrəman oğlu Təbriz Xəlilbəylinin ardınca uçmağa
tələsdi dilində Dədəm Qorqud alqışıyla:
“Ağ saqqallı baban yeri uçmaq olsun!”
Bu gün biz Azərbaycan xalqı olaraq 1994cü ildə böyük şai
rimiz Xəlil Rza Ulutürklə bağladığımız əhdpeymanı sədaqətlə
qoruyuruq, Xəlil Rza ömrünün 1994cü ildə başlamış “yüksək
mərhələsini” davam etdiririk. Bu mənada, əlbəttə, belə deməyə
tamamilə haqqımız var:
“Davam edir 94!”
Heydər Əliyev epoxasının tribun şairi kimi, Xəlil Rza Ulu
türk yaradıcılığına epik genişlik xasdır. Buna epoxal ideyaeste
21
tik düşüncənin bəhrəsi kimi də baxmaq olar. Bu yöndən şairin
yaradıcılığı Azərbaycan ədəbinəzəri fikrində kifayət qədər araş
dırılmış, dəyərləndirilmişdir. Yüzlərlə məqalə, onlarla kitab və
monoqrafiyalar yazılmışdır.
Görkəmli ədəbiyyatşünasalim və tənqidçi, akademik Bəkir
Nəbiyevin 2001ci ildə bitirdiyi və özünün qeyd etdiyi kimi,
üzərində iki il yarım çalışdığı əsər (İstiqlal şairi (Xəlil Rza Ulutür
kün həyatı, mübarizəsi və ədəbi irsi). Bakı, 2009), o zamanadək
yazıpozu sahəsində düz əlli illik təcrübəsi olan bərkdən
boşdan çıxmış bir qələmin elm aləminə layiqli bir bəxşişi kimi
səciyyləndirilə bilər. Sözün klassik mənasında monoqrafiya
(mono – bir, qrafiya – yazıram) janrının bütün formal və qeyri
formal tələblərinə cavab verən bu elmi yaradıcılıq örnəyi, doğru
dan da, bir böyük şəxsiyyət haqqında bir böyük şəxsiyyətin bir
mövzu ətrafında qələmə aldığı əsər kimi yadda qalır.
Bir qədər şablon səslənsə də, demək zorundayam: tədqiqat ob
yektini analitik təfəkkür süzgəcindən keçirən müəllif, qarşıya qoy
duğu əsas elmi məqsəd və vəzifələri, dəqiqliklə müəyyənləşdirdiyi
altı sanballı fəsildə gerçəkləşdirməyə nail olmuşdur. Təbii ki, bu altı
fəsli öndən və sondan ön söz və son söz əvəzi qapsamaqla, böyük
zəhmət və istedad bahasına toxunmuş bu söz xalısının incə naxışla
rı üçün zərif saçaq funksiyasını tam bir ləyaqətlə yerinə yetirmişdir.
Bunun başqa cür ola biləcəyi adamın heç təsəvvürünə də sığışmır.
Ümumilikdə əsərin oxunuşu, Xəlil Rza Ulutürkün həyat və ya
radıcılığına bütün yönləri ilə bələd olmağa kifayət dərəcədə imkan
yaradır. Xəlil Rzanın zəngin irsinin elmi tədqiqatları davam edir.
Artıq onun çoxşaxəli yaradıcılığına həsr olunmuş ilk doktorluq
dissertasiyası da müdafiə olunub. Professor Əlizadə Əsgərlinin
“Milli ideal mücahidi” (B., Elm, 2005) və “Xəlil Rzanın poetikası”
(B., Təhsil, 2012) monoqrafiyaları xəlilşünaslığa layiqli töhfədir.
22
Aydındır ki, çağdaş Azərbaycan ədəbiyyatının və elmipub
lisistik fikrinin ən böyük nümayəndələrindən biri olan Xəlil Rza
Ulutürkün həyat və fəaliyyətinə hələ bundan sonra da neçəneçə
sanballı tədqiqat əsəri həsr ediləcək, bu böyük sənətkarın orijinal
yaradıcılığı Azərbaycan oxucusunun masaüstü kitabı olaraq qa
lacaqdır. Xəlil Rza Ulutürkün zindanda qələmə aldığı şeirlərinin
birində belə misralar var:
Qaldırın bu ağır daşı üstümdən,
Göygöldən su səpin bu yanar cana.
Bəlkə eraların başı üstündən
Mən bir də gələcəm Azərbaycana!
Bu gün xalq şairinin canından artıq sevdiyi ana yurdunda onun
bir ucu əbədiyyətə bağlanan ikinci ömrü, ən gözəl həyatı davam
etməkdədir. Ulutürk əbədi olaraq Azərbaycandadır! Bu babətdən
yanaşdıqda Xalq Bankın gerçəkləşdirdiyi “Xalq Əmanəti” layihəsi
əsasında Xəlil Rza Ulutürkün “Seçilmiş əsər lə ri”nin işıq üzü görməsi
xalqımızın qədirşünaslıq aktlarından biri kimi dəyərləndirilməlidir.
Bir çox başqa klassiklərimiz kimi, Xəlil Rza Ulutürk də xal
qımız üçün qənimət və əmanət sənətkarlardandır və “əmanətə
xəyanət olmaz!” deyimi də məhz bu nəşrin köməyi ilə bir daha
təsdiqini tapacaq. Xəlil Rza ömrünün 20 ildən bəri başlanmış
“yüksək mərhələsi” kimi!
Teymur KƏRİMLİ
Akademik
23
Biz türkləriz, vətənimiz başdan-başa yer kürəsi,
Bayrağımız al günəşdir, çadırımız göy qübbəsi!
UCALIQ
24
XƏLİL RZA ULUTÜRK
SEÇİLMİŞ ƏSƏRLƏRİ
SONRA...
Mən öləndən sonra ikinci ömrüm,
Ən gözəl həyatım başlanmalıdır.
Sən ey tabutumun girib altına
Günəşi çiyninə alan bahadır!
Sanma soyuq qəbrə biryolluq uyam,
Nə göz yaşı gərək, nə kədər, nə qəm.
Elə hesab elə gül toxumuyam,
Torpağa düşdümmü, cücərəsiyəm.
Nə fitnə qalacaq, nə şər qalacaq
Onların cövrünü sağlıqda bildim.
Qəbrimin üstündə mərmər qalacaq,
Bir də mərmər kimi iki yüz cildim.
Əklillər yanında dayandığın an,
Yurdun tarixini bir də varaqla.
Silahın yoxdursa, bir misramı an,
Ya da kəmər kimi belinə bağla!
Sonra qoşul mənə elə həmən gün,
Hara? Arif olan işdən halıdır:
Mən öləndən sonra mənim ömrümün
Yüksək mərhələsi başlanmalıdır!
28 may, 1979
SƏNİN CAVABIN
Harda pisləsələr Xəlil Rzanı,
Harda zayıldasa bir nakəs, ya kəm,
Sən bircə söz söylə təmkinlə, möhkəm,
Söylə: Xəlil Rza Azərbaycandır!
Bəlkə deyəcəklər: səbri çatışmır,
Dostları ilə paylaş: |