152
edilmədiyi hallarda, məhkəmə mübahisə ilə bağlı işi aidiyyət
qaydalarına uyğun olaraq müvafiq səlahiyyətli məhkəməyə
göndərir.
Səlahiyyətli məhkəmə konkret halda hüquqi və ya faktiki
baxımdan məhkəmə icraatını həyata keçirə bilmədikdə, birdən
çox məhkəmə özünü səlahiyyətli saydıqda və mübahisə ilə bağlı
işin göndərildiyi məhkəmə özünü səlahiyyətli saymadıqda ərazi
aidiyyəti üzrə səlahiyyətli məhkəmə müvafiq yuxarı məhkəmə
instansiyası tərəfindən müəyyən edilir
224
İddia hüququnun ilkin şərtlərindən olan məhkəmə aidiy-
yətına dair qeyd olunanları ümumiləşdirərək göstərmək olar ki,
inzibati mübahisələrin aidiyyət qaydalarının düzgün müəyyən-
ləşdirilməsi vətəndaşların hüquq və maraqlarının daha peşəkar-
lıqla və keyfiyyətli müdafiəsinə və bununla bağlı ədalət müha-
kimə icraatının daha səmərəli həyata keçirilməsinə mühüm təsir
göstərən meyarlardan biridir.
Beləliklə, istənilən hüquqi və ya fiziki şəxs hüquqları və ya
qanunla qorunan maraqlarının inzibati orqanların hərəkəti və ya
hərəkətsizliyi nəticəsində pozulmasını əsaslandırdığı hallarda
qanunla müəyyənləşdirilmiş prosessual müddət ərzində aidiyyət
qaydalarına riayət etməklə inzibati məhkəmə icraatında inzibati
iddia qaldıra bilər.
Yeri gəlmişkən qeyd edək ki, ədəbiyyatda inzibati və iqti-
sadi mübahisələrin eyni bir məhkəmədə baxılmasının əleyhinə
haqlı fikirlər də səslənməkdədir. Məsələn, F.S.Mehdiyev gös-
tərir ki, iqtisad məhkəmələri ilə inzibati məhkəmələri birləş-
dirmək ayrıca bir uğursuzluqdur. Bunun səbəbi sadədir: iqtisadi
224
Azərbaycan Respublikasının İnzibati Prosessual Məcəlləsi.Bakı: Qanun, 2013,
s.21
153
işlər mahiyyətcə mülki işlərdir və orada ictimai maraq meyarı
tətbiq olunmur. Halbuki inzibati ixtilaflar bir “ümumi hüquq
ixtilafıdır” və tətbiq olunan həm maddi, həm də prosessual
qaydalar xeyli fərqlidir
225
.
İnzibati hüquqi mübahisənin qarşı tərəfi olan inzibati
orqanların inzibati aktların qəbul edilməsi, icra edilməsi və ya
ləğv edilməsinə dair fəaliyyəti “İnzibati icraat haqqında”
Azərbaycan Respublikasının qanunu ilə tənzimlənir. Göstərilən
qanun qəbul olunana qədər milli qanunvericilikdə inzibati or-
qanların anlayışı, fəaliyyətinin prosedur qaydaları və s. tənzim-
lənmir, mövcud qaydalar pərakəndə xarakter daşıyırdı. Hazırda
isə inzibati orqanın anlayışı qanunvericilikdə belə müəyyən
olunmuşdur: inzibati orqan – Azərbaycan Respublikasının mü-
vafiq icra hakimiyyəti orqanları (Azərbaycan Respublikasının
Nazirlər Kabineti, mərkəzi və yerli icra hakimiyyəti orqanları),
onların yerli (struktur) və digər qurumları, bələdiyyələr, habelə,
qanuna əsasən inzibati akt qəbul etmək səlahiyyəti verilmiş hər
hansı fiziki və ya hüquqi şəxsdir
226
.
Qanunverici inzibati orqanların geniş əhatə dairəsini
müəyyənləşdirməklə vətəndaşların hüquqlarını, azadlıqlarını və
qanunla qorunan maraqlarını pozan inzibati orqanların və
onların vəzifəli şəxslərinin özbaşınalığından mümkün qədər
səmərəli müdafiə mexanizmini formalaşdırmağa çalışmışdır.
Qeyd edək ki, beynəlxalq təcrübədə inzibati orqanların
dairəsi fərqli şəkildə müəyyənləşdirilir. Məsələn, Gürcüstanda
inzibati orqanlara siyasi partiyalardan və dini birliklərdən başqa
ümumi hüquq sahəsində fəaliyyət göstərən bütün hüquqi şəxslər
225
Mehdiyev F.S. İnzibati hüquq: Dərs vəsaiti. Bakı: Qafqaz Universiteti yayınları, 2010, s.99
226
İnzibati icraat haqqında” Azərbaycan Respublikasının Qanunu. Bakı: Qanun, 2013, s.2-3
154
aid edilir
227
.Türkiyədə isə inzibati akt qəbul etmək səlahiyyəti
olan ictimai qurumlar və təşkilatlar, həmçinin, orqanın adından
qərar qəbul etmək səlahiyyətinə malik şəxslər və qanunla
səlahiyyət verilən hallarda xüsusi hüquq sahəsində fəaliyyət
göstərən bütün hüquqi şəxslər də inzibati orqanlara aiddir
228
.
İnzibati prosesdə cavabdehin vəziyyəti iddiaçının vəziyyəti
ilə müqayisədə daha mürəkkəbdir. Qanunvericilikdə hər iki tərəf
inzibati məhkəmə icraatının bərabər hüquqlu iştirakçıları hesab
olunsalar da, inzibati prosesdə sübutetmə vəzifəsi cavabdehə
həvalə olunur. Cavabdehin inzibati prosesdə iddiaçı ilə bərabər
hüquqi vəziyyətə malik olması iddiaçının öz iddiasını müdafiə
etmək üçün malik olduğu bütün prosessual vasitələrdən onun da
eyni dərəcədə istifadə etmək imkanında ifadə olunur
229
. Lakin,
bu prosessual vasitələrdən istifadə edə bilsə də o, iddiaçı ilə eyni
prosessual vəzifələrə malik olmur. Belə ki, hərəkəti və ya qərarı
inzibati mübahisənin yaranmasına səbəb olmuş subyekt olaraq
o, özünün haqlı və əsaslı olduğunu sübut etməli, müvafiq yazılı
izahat verməli, tələb olunan sənədləri təqdim etməlidir.
İnzibati hüquqi mübahisənin struktur elementlərindən olan
predmet onun hansı məsələ ilə əlaqədar meydana çıxmasını
bildirir. Ədəbiyyatlarda inzibati hüquqi mübahisənin predmeti
barədə çoxsaylı diskusiyalar mövcuddur. Bir qrup müəlliflər
230
vətəndaşların və təşkilatların yalnız hüquqlarının inzibati
227
Gürcüstanın Ümumi İnzibati Məcəlləsi (25.06.1999) / http://www.carim-east.eu
228
Genel İdari Usul kanunu / yayin.todaie.gov.tr
229
Усанов В.Е. Проблемы формирования административной юстиции в России // Право и
жизнь, 2001, № 8 / http://pravogizn.h1.ru/KSNews/PIG_idx18.htm
230
Лозина-Лозинский М.А. Административная юстиция и преобразование Правитель-
ствующего Сената // Журнал Министерства юстиции, 1907, № 1, с. 42; Николаева Л.А.
Судебный надзор за законностью в советском государственном управлении. Л.: Изд-во
ЛГУ, 1973, с. 11 ; Салищева Н.Г. Административный процесс в СССР. М.: Юрид. лит.,
1964, с. 137-139 ; Чечот Д.М. Административная юстиция (теоретические проблемы). Л.:
Изд-во ЛГУ, 1973, с. 74-75
Dostları ilə paylaş: |