76 I
fəsil
Folklorşünas Şakir Sabir Zabit Kərkük dolaylarında
baharın gəlməsini fevralın ortalarından hesablayır və yazır:
«1957-ci ildə gözəl bir bahar günü yüz metrə qədər az bir
parça yerdə rəngləri ауrı, qoxulu-qoxusuz, 25 çeşid gül və
çiçəyi mən saymışdım» (255, 23).
Tədqiqatçı sözünə dayaq olsun deyə məşhur kərküklü
şair Abdulla Safinin bahara həsr etdiyi və fevral ayının 16-
da Kərkük dolaylarında gül-gülü, çiçək-çiçəyi çağırdığını
göstərən şerindən bir parçanı nümunə vermişdir (255, 23).
DİNİ BAYRAM VƏ NƏĞMƏLƏR. Dini mərasim-
lərdən danışarkən ilk növbədə göz önünə Qurban bayramı,
Aşura, Peyğəmbərin ad günü və Ramazan bayramı gəlir.
Bunların arasında ən çox yayılanı Ramazan bayramıdır.
Ramazan bayramını uşaqlar böyük səbirsizliklə gözləyir və
nəğmələr oxuyurlar:
Gənə gəlldi Ramazan,
Mollalar
oxur azan,
Barmaqların tökülsün
Yarı ‘sgərə yazan.
Eləcə də:
Ramazan, qarnı bir qazan, -
Əlində kəfkir, qapılar gəzən.
Və ya:
Gənə gəldi Ramazan,
Əlində kəfkir-qazan,
Нər gecə bir ev gəzər,
Hanı nemətim yazan.
Demək lazımdır ki, Kərkükdə dini bayramların
yaddaşlarda qalması üçün bir sıra tədbirlərə əl atılır. Təkcə
onu demək kifayətdir ki, Ramazan və Qurban
bayramlarının hər biri dövlət tərəfindən üç-dörd gün
istirahət günü elan edilib.
Azərbaycanda Novruz bayramında olduğu kimi,
Kərkük dolaylarında da, xüsusən adlan çəkilən bayramla-
Кərкüк folklorunun janrları 77
ra böyük hazırlıq işləri aparılır,.
Evlərdə şərbətlər
hazırlanır, xurmalı, şəkərli, cövüzlü, badamlı külçə
bişirilir. Azərbaycanda Novruz bayramı zamanı bişirilən
halvaya qara istiot, darçın, mixək, razyana, cövüz, zəncəfil,
hil və s. qatıldığı kimi, Kərkük dolaylarında da bişirilən
yeməklərə, xüsusən də külçəyə müxtəlif ədviyyələr qatılır.
Bunu uşaqların oxuduqları nəğmələrdən də görmək olur:
Bayrama qaldı bir həftə,
Hilli, bibərü küftə.
Bayramda növbənöv yeməklər hazırlanır. Süfrənin
şahı hesab edilən, ərik qurusu ilə hazırlanan lətgə aşının
(plov) süfrədə olması isə mütləqdir.
Maraqlıdır ki, bütün İraqda olduğu kimi, Kərkük
dolaylarında da adamlar bayram ərəfəsində deyil, bayram
sabahı bir-birlərini təbrik edirlər. Qadınlar bəzənir,
düzənir, daha gözəl görünməyə çalışırlar. Bayram vaxtı
böyüklər uşaqları öpür,
onlara hədiyyələr verirlər; uşaqlar
onlara alnıan təzə paltarı geyir və böyüklərin əllərini
öpürlər. Uşaq-böyük üç gün seyrana çıxır, bir-birləri ilə
bayramlaşırlar.
Kərkükdə keçmişdə Cıdır meydanına yığışıb yarışa
baxar, zurna və nağaraların sədaları altında seyrangahlarda
rəqs edərlərmiş. Hər yan buğda və qarğıdalı qovurğası,
qovurulmuş qabaq, qovun və qarpız çərtdəkləri ilə dolu
olardı.
Bayram axşamı indinin özündə belə, qadınlar
qəbiristanlığı və müqəddəs yerləri ziyarət edirlər. Qurban
bayramında ikinci və üçüncü gün qoç və cöngələri qurban
kəsər, ətini qonşu və kasıblara paylarlarmış.
Bayram
xeyirli və şən olsun deyə mövludlar keçirərmişlər. Ən
yaxşı mügənnilər gecədən xeyli keçenə qədər oxuyardılar.
Axırda xoyrat və mahnılar da oxuyardılar. Bir sözlə, dini
Byramların yaddaqalan səviyyədə keçirilməsi Kərkük
dolylarında ənənəvi xarakter almışdır.
78 I fəsil
MƏİŞƏT MƏRASİM VƏ NƏĞMƏLƏRİ. İraq-
türkman folklorunda məişətlə bağlı mərasim və nəğmələr
xalqın mənəvi həyatının ayrılmaz hissəsi olmaq
baxımından böyük əhəmiyyət kəsb edir. Burada da məişət
mərasim və nəğmələri «xalqın məişət həyatında mühüm
yer tutmuş, onlarda xalqra çoxəsrlik adət-ənənəsi,
dünyabaxışı ifadə olunmuşdur» (162, 48).
Xalqın həyat təcrübəsi, adət-ənənəsi,
inam və
etiqadları əsasında yaranan, insan həyatının hər bir
mərhələsini özünəməxsus bir tərzdə əks etdirən məişət
mərasim və nəğmələri, hər şeydən əvvəl, qədimliyi ilə
seçilir. İraq-türkman folklorunda da məişət mərasim və
nəğmələri xalqın keçdiyi tarixi yolu, onun poetik təfəkkür
tərzini, irəliləyişinin səmtini aydınlaşdırmaqda böyük
əhəmiyyət daşıyır (2, 66).
Bununla belə, M.H.Təhmasibin göstərdiyi kimi, toy və
yas adətləri, eləcə də onlarla əlaqədar
olan məişət
nəğmələri mərasim və mövsüm nəğmələrinə nisbətən daha
sonrakı dövrə aid olan bir növdür.
Məişət mərasim və nəğmələrindən danışarkən göz
önünə ilk olaraq yas və toy mərasim və nəğmələri gəlir.
YAS MƏRASİM VƏ NƏĞMƏLƏRİ. Kərkük do-
laylarında kimsə vəfat edəndə təziyə qurulur və ölünün
üçünə qədər davam edir. Məclisi tərk edərkən təziyə
sahibinə «Başın sağ olsun», «Qalanlar sağ olsun», «Allah
əfv etsin» kimi sözlərlə təsəlli verirlər.
Kişilər kimi qadınlar da üç gün ərzində yas saxlayır.
Azərbaycanda olduğu kimi, qadınlar avaz ilə mərhuma
münasib ağı deyir və acı-acı ağlayırlar. Azərbaycanda ağı,
Türkiyədə ağıt adlanan bu mərasimə Kərkük dolaylarında
sazlamaq deyirlər ki, bu da sızlamaq sözündən
yaranmışdır(212,90).
Əzizi, çox yaxını ölmüş qadınlar sifətlərini
cırmaqlayır, sinə yırtır, saçlarını yolur, başlarına çamur
sürtürlər (255, 53). Saçını yolmaq, başına
çamur yaxmaq
adətləri-
Kərkük folklorunun janrları 19
nin çox qədim inam və etiqadlarla əlaqədar olduğu barədə
yuxarıda ətraflı danışdığımızdan, burada onların üzərində
xüsusi dayanmağa lüzum görmürük. Lakin onu da qeyd
etmək yerində olar ki, başa döymək, sinə yırtmaq, dizlərini
döymək, sifəti cırmaq, saç yolmaq və s. adətlər
Azərbaycanda da özünü göstərir (221, 23).
Onu
da demək vacibdir ki, yas məclislərinə
Azərbaycanda ağıçı (111, 82), Kərkük dolaylarında
sazlayan (205, 90) adlanan peşəkar qadınlar dəvət
olunurlar. Çoxlu ağı və sazlamaq bilən bu qadınlar yanıqlı
səslə məclisdə əyləşənlerin qəlbinə od salır, fəryadla
xalqın təskinlik tapdığı nəğmələri oxuyurlar.
Yeri gəlmişkən deyək ki, əziz bir şəxs öləndə yas
məclisinə peşəkar «yuğçu» - «yığçı»ların dəvət olunması,
onların dedikləri ağıların təsiri altında göz yaşı töküb
ağlamaq qədimdənqalma adətdir» (228, 392).
Bununla əlaqədar qeyd etmək əhəmiyyətlidir ki, İraq-
türkman folklorunda indinin özündə belə, «ağlamaq»
sözünün yalnız qədim «yığlamaq» forması özünü göstərir
ki, «yuğçu» və ya «yığçı» da həmin sözdən yaranmışdır.
Əslində «ağı» sözü də «yuğ» sözündən yaranmışdır
(228, 392; 304, 391).
Demək lazımdır ki, sızlamaq sözündən yaranan
sazlamaqlar (212, 90) ailənin məruz qaldığı fəlakəti, az
öncə sönən həyatı, ailənin çəkdiyi ələm və acıları
canlandırır.
Qadınlar ailəyə baş vermiş kədərlə bağlı sinələrini
yırtır, saçlarını yolur, üzlərini cırır, «Vay balam, vay»
deyərək sazlamaya başlayırlar. Sazlamaqdan əvvəl rəh-
mətə gedənin yaşına,
peşəsinə, həyatda tutduğu mövqeyi-
nə, mənsəbinə, əxlaq və gözəlliyinə, boy-buxununa, qəh-
rəmanlığına, səxavətinə, şan-şöhrətinə və s. uyğun sözlər
sadalanır, sonra sazlamaqlara keçilir.
Məhz buna görədir ki, sazlamaqlar İraq-türkman fol-
klorunda həm nəsr,həm də nəzm şəklində olur. Nəzm
şəklində olanlar əksəriyyət təşkil edir.