Böyük Azərbaycan yolçusu
43
Sərhəd Hərəkatı Asəf Quliyevin təklifi ilə başladı (elə
ona görə də, təklifi verən Asəf Quliyev Təşkilat Komitəsinin
sədri seçildi. O vaxt qaydamız belə idi ki, təklifi verənin özü
qabağa düşürdü). Gizli təşkilat üzvləri onun təklifini çox qızğın
şəkildə dəstəklədilər, Naxçıvan Respublikası üzrə Xalq Cəbhəsi
rəhbərliyinin mütləq çoxunluğu gizli təşkilat üzvləri olduğu
üçün bu təklif bütün Xalq Cəbhəsinin və Cəbhənin fəaliyyəti
səbəbinə də Naxçıvan əhalisinin ümumi işinə çevrildi.
Təsadüfi
deyildi ki, Sərhəd Hərəkatı Təşkilat Komitəsinin on beş
üzvündən on ikisi gizli təşkilatdan olanlar idi. Bünyamin bəy!
Sən də o on iki nəfərdən biriydin və Babək bölgəsi üzrə
sorumlu idin. Yaşadığın Nehrəm kəndində nə qədər adamın öz
boynuna kəfən dolayaraq Sərhəd Hərəkatına qatılması təbii ki,
heç vaxt yaddan çıxmaz...
1989-cu il 26 dekabrda Naxçıvanda keçirilən mitinqdə
Asəf Quliyev bildirdi ki, 31 dekabr saat 12.00-da sərhəd
simlərini sökəcəyik və bundan sonra hər ilin 31 dekabrını
Azərbaycan Türklərinin Milli Birlik və Milli Həmrəylik günü
olaraq bayram edəcəyik. Bu sözlər indiki 31 Dekabr Milli
Həmrəylik günü bayramımızın ilk elanı idi...
Bünyamin
bəy! Əbülfəz bəyin bizə sevdirdiyi “Orda bir
yol var – uzaqda...” şeiri yadında olar.
O yol bizim yolumuz idi
və biz o yolu getdik də, o yola vardıq da! Elə bu gedişimiz, bu
varışımız sonucu idi ki, Sərhəd Hərəkatı adı ilə tarixə düşən
böyük bir olay – Bütöv Azərbaycan Yolunun ilk açıq kütləvi
hərəkatı ortaya çıxdı və bununla da gizli təşkilatımız öz işini
uğurla başa çatdırdı, Bütövlük uğrundakı mübarizə dalğası
Arazdan keçib Güneyi də etgiləməyə başladı...
Xatirələr baş alıb gedir və söz çox uzanır. On ildən artıq
bir sürə boyunca görülmüş təşkilatı işlər, dostlarımız alma
yığımından qayıtdıqdan sonra ortaya çıxan ilişmə təhlükəsi,
KQB qorxusu ilə üzləşmələrimiz,
sənədlərimizin məhv
edilməsi ilə bağlı dartışmalarımız, o taydan çap materialları
Böyük Azərbaycan yolçusu
44
gətirmələri üçün Culfa qatar maşinistləri içərisində aparılan
işin baş tutmaması, keçirdiyimiz çoxsaylı tədbirlər,
Azərbaycanın hansı formada birləşə biləcəyi ilə bağlı müzakirə
və mübahisələrimiz, Təbrizə ilk və sonrakı səfərlərimiz,
Güneydəki fəaliyyətlərimiz və nə qədər başqa məsələlər var
yazmağa. Ancaq qorxuram ki, bir az da dostlarla danışıb
unutduqlarımı yada salsam, ya da gördüyümüz işlərin hamısı
haqqında bildiklərimi yazmalı olsam, sənin əlli illiyinə həsr
edilmiş kitab elə mənim xatirələrimdən ibarət ola... Ona görə
də, elə burada dayanır və bir daha səni ürəkdən təbrik edirəm.
Dəyərli Bünyamin bəy! Əllinci ad günün qutlu olsun!
Bütövlük
qibləsi Savalana gedən qutsal yolumuz
mübarək! İnanıram ki, mənzil başına yetdiyimiz gün də
gələcək. Ulu Tanrıdan uğurlar diləyirəm!
Yöteburq, İsveç. 06.12.2013.
Böyük Azərbaycan yolçusu
45
ƏLİ ŞAMİL
XALQ HƏRƏKATIMIZIN
TƏMƏNNASIZ DÖYÜŞÇÜSÜ
Peşəmlə bağlı olaraq müxtəlif sahələrdə çalışan
insanlarla tez-tez görüşməli olurdum. Şairlər, yazıçılar,
jurnalistlər, sənət və elm adamları arasında
millətçi, vətənsevər,
üsyankar insanlara daha çox rast gəlirdim. Onlar azadlıqdan,
vətənin xilasından, insanların xoşbəxt gələcəyindən toylarda,
yeyib-içmək məclislərində gözəl nitqlər söyləyirdilər.
Heyranlıqla onları dinləyir, onlarla qürur duyur, onlarla oturub
durmağa, dostluq etməyə can atırdım.
Elə ki, 1988-ci il gəldi, elə ki Rusiyanın təhriki ilə erməni
separatçıları Dağlıq Qarabağ Muxtar Vilayətini Azərbaycandan
qoparıb Ermənistan Respublikasına
birləşdirmək istədilər onda
tamam başqa bir mənzərənin şahidi oldum. Gördüm ki,
vətənsevər, millətçi, inqilabçı kimi tanıdıqlarımın bir çoxu
icazəli qəhrəmanlar imiş. Onlar bu işə etiraz səslərini
ucaltmadılar. Küncdə-bucaqda danışsalar da, narazılıqlarını
bildirsələr də rəsmi toplantılarda, rəhbər vəzifəlilərin yanında
Moskvanın buyruqlarını təkrarladılar, hakimiyyətdəkilərin
Böyük Azərbaycan yolçusu
46
dediklərinə haqq qazandırmağa, neçə deyərlər onların
əmirlərini xalqa sırımağa, milləti sakitləşdirməyə,
etiraz
dalğasını söndürməyə çalışdılar.
Onlardan : “Nədən səsinizi ucaltmırsınız, nədən etiraz
etmirsiniz ?” deyə xəbər aldıqda isə sakitliklə “Biz mədəni
ziyalılarıq, qaraguruh kimi hay-haray qopara bilmərik”
deyirdilər. Xalqın ziyalı, millətin düşünən beyni, görən gözü
kimi tanıdığı ziyalılar hakimiyyət orqanlarının təşkil etmədiyi
toplantılara qatılmırdılar. Özləri xalqın qarşısına çıxıb onu
təşkilatlandırmaq əvəzinə küncə-bucağa çəkilərək mitinqləri
kənardan seyr edir,
onu təşkil edənləri, çıxışçıları,
savadsızlıqda, bacarıqsızlıqda ittiham edirdilər. Ən cəsarətliləri
mitinqləri kənardan seyr etməklə öyünürdü: “Mitinqlərə getdik,
yumruq qaldırdıq” deməklə kifayətlənirdilər.
Cəmiyyətdəki bölgüdən narazı qalanların da böyük bir qismi
isə xalq hərəkatına qoşuldu. Onların bəzilərini vətən və vətənin
düşdüyü girdab o qədər də maraqlandırmırdı. Quruluşun
dəyişməsini, Azərbaycanın əsarətdən qurtarmasını da istəmirdilər.
İstədikləri toplumun gücündən yuxarılara təzyiq vasitəsi kimi
istifadə edərək vəzifə almaq idi.
Kiçik bir qrupun gücü ilə təşkil olunan mitinqlərə gələnlərin
sayı isə çox olurdu. Hakimiyyətdən narazı olan bu qüvvələrin
maraq, istək və amalları fərqli-fərqli idi. Onların
çox az qismi
Azərbaycanın SSRİ-nin tərkibindən çıxmasını, Avropa
ölkələrindəki kimi dövlət qurulmasını, insan haqlarına əməl
edilməsini, rüşvətxorluğa, yaltaqlığa, saxtakarlığa qarşı mübarizə
aparılmasını, gələcəkdə Araz çayı boyu uzanan sərhəddin aradan
qaldırılmasını istəyirdi. Belə insanlardan biri də Bünyamin
Qəmbərli idi.
Bünyamin bəyi mən tanıyanda 23-24 yaşı olardı. Bakıda
institutu bitirib, doğulub boya- başa çatdığı Nehrəm kəndinə
dönərək idman müəllimi işləyirdi. Mən də 1973-cü ildə Bakıda
Azərbaycan Dövlət Universitetinin jurnalistika fakültəsini bitirib,