58
DƏDƏ QORQUD ARAŞDIRMALARI
Şəms Təbrizim mənə Nuri Haqq olmuş yenə,
Çünki o Haqq nurudur, bir günəş olmuş mənə.
Elə ki söhbətlərin, gəldi Şəmsəddin üstünə,
Səmada göründü Şəms, pərdə çəkdi üzünə.
Vacib olduğu üçün, adını çəkdim yenə. (1, s.28)
Bu şeirdə göründüyü kimi, Cəlaləddini Rumi səyyah, sufi şa-
iri Şəmsəddin Təbrizini böyük məhəbbətlə yad edir. Şəmsəddin
onun bütün həyatını dəyişdirmişdir. Şəmslə olan münasibəti ona
bəslədiyi həqiqi məhəbbət Cəlaləddini dəyişdirib başqa adam
edir. Rumi, Təbrizini mənəvi müəllimi, özünü isə onun şagirdi
elan edir. Şəms Ruminin həyatında yeni bir aləmin qapısını açır.
Mövlanə «Ayrılıq» şeirində yazır:
Dinlə neyi, gör necə hekayətlər söyləyir,
Ayrılıq həsrətindən şikayətlər eyləyir.
O yurdum, qamışlıqdan salmışlar ayrı məni,
Səsim nalan eyləmiş, naləmi eşidəni. (1, s.19)
Səma bir eşq əfsanəsidir, ney öz dilində bu əfsanəni danışır.
«Səma aşiqlərin qidasıdır, səmada sevgili ilə görüş halı vardır»
– deyən yenə Mövlanədir. Səmaya girən dünyadan çıxar. Ney və
səmazən bir-birlərini ən yaxşı anlayan iki dostdur. Səmazənin
ürəyini oyan eşq odu ilə neyin içini oyan od eyni oddur. Ayrılığı
ən çox onlar yaşamışdır. Ney qamışlıqdan, əsl vətənindən ayrıl-
mış, onları ayrıldıqları məkana doğru çəkən ilahi bir tilsim vardır.
Mövlanə sonra deyir:
Ney zəhər tək, həmçinin padzəhər tək içilən,
Ney kimi qəm dostu yox, həm sevən, həm sevilən.
Ney özü dərddən yanır, odlanır, qan ağlayır,
59
Folklor, Mifologiya, Etnoqrafiya
Məcnun eşqindən deyir, verərək can ağlayır. (1, s.19)
Neyin səsindəki təsir və yanğı onun içində şölələnən eşq
atəşindəndir. Ney qanı dizə çıxan bir yoldan, eşq yolundan bəhs
etməkdədir. Sevgisi üzündən kimsəsiz çöllərə düşən Məcnun eşq
əfsanəsini anladır. Burdan da göründüyü kimi, Mövlanə gözəl
bənzətmələrdən, folklor ənənələrindən geniş istifadə edib.
Xəlifənin Leylidən sorğusu və Leylinin ona cavabı.
Sordu xəlifə bir gün, sənsənmi haman Leyli?
Aşiqin oldu Məcnun, səhraya saldı meyli?
Sən başqa gözəllərdən, fərqli gözəl deyilsən,
Leyli dedi: – Danışma, sən ki: Məcnun deyilsən.
Məcnunun gözüylə sən, baxsaydın əgər mənə,
Hər iki dünyamız da boş görünərdi sənə.
Sən özün-özündəsən, Məcnun özündə deyil,
Məhəbbət yollarında, ayıq olmaq şərtdir bil. (1, s.48)
Mövlanə qədim ərəb əfsanəsi olan «Leyli və Məcnun»dan
folklor nümunəsi kimi istifadə etmişdir. Düzdür, Nizami Gəncəvi
bu əfsanədən bəhrələnərək Mövlanədən çox qabaq «Leyli və
Məcnun» poemasını yazmışdır. Lakin Mövlanə Nizaminin adını
bir dəfə olsun qeyd etməyib.
Mövlanə başqa bir şeirində yenə yazır:
Məcnun eşitdi bir gün, yolçudan bir xəbəri,
Leyli xəstələnibdir, neçin yoxdur xəbəri?!
Dedi: – Bəhanəsiz mən, necə gedim yanına?!
Getməsəm görüşünə, dözərəmmi mən buna?!
Ey kaş bilikli təbib, olaydım mən əzəldən?!
Heç əlim üzərmidim, Leyli kimi gözəldən?!
60
DƏDƏ QORQUD ARAŞDIRMALARI
Tanrımız söyləmişdir: - «Qul Təalu» bizlərə,
Həmin ayə gücüylə, qoşulaq biz düzlərə. (1, s.220)
Ruminin əsərləri bizim çoxumuzun adi həyat hadisələrinə
mistik münasibəti və ən əsası sevincimizi artırmaqla bizə kömək
edir. Bütövlükdə əsərlərini oxumaq insana ruh verir.
«Məsnəvi»də arif adam haqqında təmsilin mətnində «Tan-
rı ölüm anında nəfəsləri bağışlar» ayəsinin təfsiri öz poetik
təzahürünü əks etdirmişdir:
Sordular peyğəmbərdən, Behiştdə yatmaq varmı?!
Dedi: Yatmaq ölməkdir, Behişt əhli yatarmı?!
Yenə bir gün gələcək, ölənlər diriləcək
Qalxacaqlar ayağa, dünya Haqqı biləcək.
Onda bir gün ovçunu, ovlağından qovarlar.
Otlaqda otlayan yükə məruz qoyarlar.
Kaş Tanrım qurudaydın, bir Əshabü-kəhf kimi,
Ya da ki, qoruyaydın, Nuhun gəmisi kimi. (1, s.48).
Bütün bu misralarda biz folklor, mif qaynaqları görürük.
Mövlanə müqəddəs kitabımız olan «Qurani-Kərim»dəki “Kəhf”
surəsinin 18, 19-cu ayələrinə işarət edir. Başqa bir beytdə yenə
«Əshabi-kəhf» haqqında Mövlanə yazır:
Xülasə yetmiş olsam, «Əshabi-kəhf»də qalsam,
Dəqyanusun zülmündən, mənə xoş, daş da olsam.
Onların oyanması, Dəqyansa sərfəli,
Orada yatmaları, bil namusa sərfəli.
Yatmaq ayıqlıq kimi, çünki elm ilə birgə!
Vay elə ayıqlığa, nadanlıq onla birgə! (2, s.8)
61
Folklor, Mifologiya, Etnoqrafiya
«Əshabi-kəhf» haqqında qısa məlumat belədir:
«Dəqyanus Rum qeysərlərinin biri olmuş, xalqı özünə və
bütə sitayiş etməyə məcbur edərmiş. «Əshabi-kəhf»də yatanlar da
onun müasirləri idilər. Allah öz fitrətindən onları belə bir fikrə sal-
dı və onlar bildirdilər ki, onlar özləri məxluq (xəlq olunan), bütlər
isə məxluqun məxluqudur. Tək olan Tanrıya inanmaq lazımdır.
Onlar bu məqsədlə Dəqyanusun vilayətini tərk etdilər. Onlar yol-
da bir çobanla da rastlaşdılar. Hətta çobanın iti ilə birlikdə bir
mağaraya girdilər. 309 (üç yüz doqquz) il mağarada yatdılar. Bu
barədə tarix kitablarında da məlumatlar var». (2, s.7)
«Əshabi-kəhf» haqqında «Qurani-Kərim»də belə deyilir:
«Kəhf» surəsi (18) Məkkədə nazil olmuş və (110) ayədir.
Rəhman və Mehriban Allahın adı ilə.
9.Yoxsa sən «kəhf» və «rəqim» əshabını bizim təəccüblü
ayətlərimizdən sandınmı?
10. O zaman, o igid cavanlar mağaraya sığınıb dedilər:
«Pərvərdigara! Bizə öz dərgahından bir mərhəmət ver və bizim
üçün bir çıxış yolu bəxş et!»
11. O mağarada qulaqlarına illər boyu (pərdə) vurub (yuxlat-
dıq).
12. Sonra onları oyatdıq ki, görək o iki dəstədən hankısı qal-
dıqları müddəti daha düzgün hesablayıblar.
13. Biz onların xəbərini sənə haqq olaraq söyləyərik: Onlar
rəbblərinə iman gətirən bir neçə igid cavan idi və Biz onların
hidayətini artırmışdıq.
14. Və qəlblərini möhkəm etdik, o zaman (şirkə qarşı dur-
maq üçün) qalxıb dedilər: «Bizim Rəbbimiz göylərin və yerin
Rəbbidir. Ondan başqa bir tanrını əsla çağırmarıq, yoxsa batil söz
demiş olarıq».
15. «Bizim bu tayfamız ondan başqa tanrılar qəbul etmişlər.
Bəs nə üçün onlar, o tanrılar üçün açıq-aşkar bir dəlil gətirmirlər?
Dostları ilə paylaş: |