65
Folklor, Mifologiya, Etnoqrafiya
Əgər Allah istəyirsənsə, dünyanı da, axirəti də, bütün kövnü-
məkanı da burax. Elə gəl bizə». (4, s. 17)
«Yenə gəl, yenə, nə olursan ol, istər kafir ol, istər oda sitayiş
et, istər bütə, istər yüz dəfə tövbə etmiş ol, istər yüz dəfə pozmuş
ol tövbəni, ümidsizlik qapısı deyil bu qapı, necəsən elə gəl» –
səslənişi bütün könüllərə bir qucaq açmaqdır.
Mövlanə insanları, bəşəriyyəti sevirdi. O, insanların hamısı-
nı saf və təmiz görmək istəyirdi. Mövlanə insana onun zahirinə
və elminə görə qiymət verilməsinin əleyhinə çıxırdı. O, zahiri
gözəlliyin aldadıcı, həmçinin elmli adamın biliyi ilə mənəvi aləmi
arasında kəskin təzad ola biləcəyi barədə dönə-dönə deyirdi:
«Dünya insanın can düşmənidir. Dünyaya tapınan insan
aləmin sultanı olsa da ölüdür. Bu aləm fani oldu, sabit aləmi axtar.
Surətin heç oldu, mənaya sığın».
Mövlanə dünyanın dörd ünsürdən yarandığını qeyd edərək
deyir:
Həyatın var olması, ziddin vəhdət işığı,
Dünyamızı yaşadan, ziddlərin barışığı.
Dörd ünsürün sülhündən, yaranmışdır bu cahan,
Bu ziddlər gər cəngdəsə, dünya olar cavidan
Həyatdasa düşmənin, barışığın və sülhün,
Ölümü özün üçün, qəbul etmək tək düşün. (1, s.116)
Mövlanə başqa bir əsərdə deyir:
Tanrı özü istəsə, qəm şadlığa dönəcək,
Ayağın zəncirini, qırıq-qırıq edəcək.
Külək, torpaq, su, odu, Tanrıya imanlı bil,
Mənə, sənə, cansıza, Tanrı üçün canlı bil,
Haqqın yanında atəş, həmişə qiyamdadır,
66
DƏDƏ QORQUD ARAŞDIRMALARI
Aşiqlərtək həmişə, qəlbləri bir candadır. (1, s. 82)
Folkloru dərindən bilən Mövlanə deyir ki, «Dörd ünsürün
sülhündən yaranmışdır bu cahan». Başqa beytdə isə belə de-
yir: «Külək, torpaq, su, odu Tanrıya imanlı bil». Bu misra Şərq
fəlsəfəsində «Abu-atəş-badü-xak» yəni «Su-atəş-külək-torpaq»
dünyanın yaradılması komponentləri sayılırlar. Daha doğrusu,
Allah-Təala kövn (olma), varlıq, fəsad və ziddiyyətdən yaratdığı
bu dünyanı yuxarıda qeyd etdiyimiz dörd ünsürdən ibarət olan
qarışığın və onların qaynayıb qarışması, birləşməsi nəticəsində
özülünü qoymuş ki, onlar minerallar, mədən, nəbatat və canlılar-
dan ibarət dünya yaratsınlar.
Xülasə, canlıları yaratmaqda məqsədi canlı insanı yaratmaq-
dır. İnsanı yaratmaqda məqsədi Tanrıya müti olan kamil olan in-
san yaratmaqdır. Buna görə də deyilir: Əgər bu ziddlər bir-biri ilə
sülhdə olsalar, bədən dörd ünsürlü olarsa, bu dünyanın ömrü olar.
Əgər bu ziddlər bir-biri ilə cəngü-cədəldə olarsa, bir-birlərini
məhv etsələr, həmin bədənlər çürüyüb məhv olar, ağıllı ruhlar və
ya insanlar qalar. Dünya elə əbədi olaraq onlardan xeyir götürər.
Mövlanəyə görə dünya insanı maddi həyata əsir edən ruhunu
yüksəltməyə qoymayan ünsürdür:
«Dünya insanın can düşmənidir.»
«Dünya özünü təzə gəlin kimi göstərərək insanı aldadan, la-
kin həqiqətdə sehirbaz bir qarıdır. Ona aşiq olan zəhərdən şərbət
içər.»
«Dünyaya tapınan insan aləmin sultanı olsa da, ölüdür.»
«Könlünü dünyaya verən bir tikə çörəyə imanını satan kimi-
dir.»
«Mövqe hərisliyi və dünya xoşbəxtliyi arxasınca qaçanlar
nəfsinə məğlub olmuşlar.»
«Dünyaya belə aşiq olanlar divarda əks edən işığın günəşdən
67
Folklor, Mifologiya, Etnoqrafiya
gəldiyini görməyib divara aşiq olanlar kimidir. İşıq qaynağı olan
günəşi aşiq edib divara könül verənlər işıq günəşə qovuşduqda
əbədi olaraq ziyanda qalarlar.»
«Dünyaya möhkəm sarılan insan quşu buraxıb kölgəsini ov-
layan ovçu kimidir. Sərmayəsi yoxdur. Müflisdir.»
«Bu aləm fani oldu, sabiti aləmi axtar. Surətin heç oldu,
mənaya sığın.»
«İlk aləm imtahan aləmi, ikinci aləm də insanların etdiklərinin
əvəzini görmə aləmidir.»
«Dünya nədir? Allahdan qafil olmaqdır. Yoxsa parça, pul,
ticarət dünya deyildir?»
«Bil ki, su gəminin altında olarsa, onu üzdürər, istədiyi
mənzilə çatdırar. Lakin su gəmiyə dolarsa, bu dəfə onu batırar.»
«Mal-mülk sevgisini qəlbdən çıxardığı üçün Süleyman
peyğəmbər yoxsul adını aldı.»
«Ağzı bağlı səhənd içi hava ilə dolu olduğundan dərin və uc-
suz-bucaqsız su üstündə üzüb getdi.»
«Məhz içində yoxsulluq olduqca insan bu dünya dənizində
batmaz. O, dənizin üstündə dayanar.»
«Bütün bu dünya onun mülkü olsa belə, bu mülk gözündə heç
bir şey deyildir.»
Mövlanə bu dünya həyatını bir yuxuya bənzədir:
«Dünya bir röyadır. Röyada əlin kəsilsə də, bu, qorxulu bir
şey deyildir.»
«Əgər röyada bir bıçaq başını kəssə, qorxma! Həm başın
yerindədir, həm də ömrün uzun olacaqdır.»
«Röyada özünün iki, parçalanmış olduğunu görsən, oyandıq-
da xəstə deyil, sağlam olaraq qalxarsan.»
Mövlanə dünyadan möhkəm yapışanları yetişməmiş meyvəyə
bənzədir: «Yetişməmiş meyvə budağa möhkəm yapışır. Meyvə
yetişəndə isə budağa olan bağlılığı zəifləyər və nəhayət, budaq-
68
DƏDƏ QORQUD ARAŞDIRMALARI
dan ayrılmaq ona heç də çətin olmaz.»
«Kamilləşmiş insanlar da bu dünya ayrılığından qorxmamış,
əksinə, sevinmişlər.
Sən bundan ibrət al və «Ölmədən əvvəl ölün!» hədisinə tabe
ol!
Tabe ol ki, qəlbin fani sifətlərdən təmizlənərək təslimiyyət
sirrinə çatsın və bir ömür içində yaşadığın hikmət və sirlər dənizi
səni başı üstündə gəzdirsin. Çünki dənizlər ona təslim olanı baş-
ları üstündə daşıyarlar. Ancaq boş çırpınışlarla təslim olmaqda
tərəddüd edənləri nəfəs kəsən qaranlıq diblərə çəkərək boğar.»
(5, s. 138)
Mövlanə insanlıq və sevgi dininin qurucusu idi. O, birliyi,
xalqı və müqəddəs kitabı özündən də artıq sevirdi. O, dünyanı bir
müvəqqəti yaşayış meydanı olaraq qəbul edir və ölümü də çox
təbii qarşılayırdı. Mövlanəyə görə, ölüm ağızdan çıxan dişdən
başqa bir şey deyil. Ölüm cismin ortadan qalxması deyil. Allaha
doğru ucalmaqdır.
Ölümdə ədalətli və din adamları üçün həyat vardır.
Ölümdən təmiz ruhlara hüzur və sükunət gələr.
Ölüm Haqqa qovuşmaqdır, cəfa çəkmək və kin bəsləmək de-
yildir.
Tövbəsiz ömür tamamilə can verməkdir. Gəlib çatan, adamı
yaşayan ölüyə çevirən ölüm, əslində Allahdan qafil, xəbərsiz ol-
maqdır. Ömür də Allah üçün xoşdur, ölüm də, Allaha qovuşma-
dıqdan sonra abi-həyat belə insan üçün atəşdir.
Mövlanə bir şeirində yazır: «Mən görünən və görünməyənəm.
Yuxudakı göz kimi açığam və gizliyəm. Varam və yoxam. Gül
suyundakı qoxu kimiyəm. Kitabdakı yazı kimi söyləyən və su-
sanam». Bu sözlər Mövlanənin nə qədər böyük bir insan olduğu-
nu, onun ululuğunu göstərir. Mövlanə dünyasını anlamaq üçün
onun bir kəlməsini, bir sözünü oxumaq, eşitmək kifayətdir. Belə
Dostları ilə paylaş: |