siyalaşdırdım və həvəskar astranomidim.
Məktəbin yuxarı siniflərində mənim elmə
marağım daha da gücləndi.Mən tez-tez
dərsdən qaçırdım və Vaşınqtonda Konqresin
Kitabxanasında fizika üzrə kitabları oxumağa
gedirdim. Bu, mənə çox kömək edirdi, çünki
mən çox yaxşı qiymətlər alırdım. Mən 1949-
cu ildə məktəbi bitirərkən atom fizikası üzrə
kitabları oxumuşdum. Mənim məktəbdə
cəhdlərimdən biri Van-de-Qraaf generatorunu
yığmaq idi. Eyni zamanda mən qeyri-üzvi
kimya ilə maraqlanırdım. Mən kimyaçı olmaq
istəyi ilə Harvard universitetinə daxil oldum
və kimya və fizika sahəsində ixtisaslaşmağa
başladım, amma təhsil prosesində mənim
maraqlarım fizikaya doğru meyl etdi.
Aspiranturada mən nəzəri fizikanı öyrəndim.
Harvardda oxuduqdan sonra iki il müddətinə
Kembricə getdim və orada nəzəri fizika ilə
məşğul oldum. Kembric universitetində nəzəri
fizikanı riyaziyyat adlandırmaq qəbul
olunduğundan mənim elmi dərəcəm
riyyaziyyat üzrədir. Mənim
rəhbərim pakistan
nəzəri fiziki Abdus Salam idi və o, çox gözəl
fizik nəzəriyyəçi idi. O, 1979-cu ildə fizika
üzrə Nobel mükafatı almışdı. Sonra mən
Harvarda qayıtdım və fizika ilə məşğul olmağa
davam etdim. Kabric universitetində mənə
verilən doktorluq diplomunu poçt vasitəsi ilə
aldım. Harvardda da mən tək işləyirdim. Mən
1979-cu ildə fizika üzrə Nobel mükafatına
layiq görüləcək Şeldon Qleşou ilə bir otaqda
işləyirdim. Otaq fizika fakültəsi binasının
zirzəmisində yerləşirdi. Elmi dərəcə aldıqdan
sonra mən bir il fizika üzrə postdok işlədim,
sonra bir il müəllimlik vəzifəsində işlədim,
Harvardda Culian Şvingerin asistenti oldum.
Şvinger 1965-ci ildə fizika üzrə Nobel
mükafatına layiq görülmüşdür. Sonra bir neçə
il müddətində Harvard universitetində nəzəri
fizika kafedrasında bütün mümkün olan kurslar
oxudum: sahənin kvant nəzəriyyəsi, nisbiliyin
ümumi nəzəriyyəsi, elektrik və maqnetizm,
klassik mexanika.
Cim Uotson ilə tanışlıq sayəsində mən
biologiyaya gəldim. Biz Kembricdə 1965-ci
ildə qəbulda tanış olduq və dostlaşdıq. Bu,
ikiqat spiralın kəşvindən iki il sonra idi o, bir
illik fasilədən sonra Kembricə yeni qayıtmışdı.
Sonra o, Harvarda biologiya üzrə asistent kimi
keçdi, o vaxta qədər mən də Harvardda fizika
üzrə asistent idim. Bizim dostluğumuz davam
edirdi və biz çox vaxt elmdən danışırdıq. 1960-
cı ildə yayda onun laboratoriyasında məlumat
RNT-si üzrə işlər başladı. Mən onun
laboratoriyasına dəvət ilə gəldim, bir neçə
məqaləni oxudum, işə qoşuldum və nəhayətdə
bizim onlarla eksperimentlərimiz RNT-nin
kəşvinə gətirib çıxardı. Mən onun
laboratoriyasında işləri 1960-cı ilin payızına
qədər davam etdirdim. Bizim qarşılaşdığımız
problem ondan ibarət idi ki, biz göstərməliydik
ki, davamsız aralıq RNT molekulu mövcuddur
ki, DNT ilə əlaqələnir, sonra isə zülal qurulması
üçün istifadə olunur. O vaxt hesab olunurdu
ki, kodları ribosomlarda olan RNT-nin köməyi
ilə zülallar sintez oluna bilər. Sonra bir sıra
eksperimentlərin köməyi ilə, əvvəlcə T-cüt
faktda göstərilir ki, birbaşa DNT-nin surəti
olan RNT-nin mövcud olması mümkündür.
Bununla yanaşı Jakov və Mononun fransız
qrupunun seriya işləri var idi ki, bu işlərdə
davamsız vasitəçi RNT-nin mövcudluğu
haqqında ehtimallar söylənilirdi. Biz öz
qrupumuzda bununla məşğul olduq və göstərdik
ki, bakteriyalarda elə davamsız RNT növləri
var ki, DNT-nin müəyyən hissəsini təkrar edir,
sonra ribosomlarda zülalların sintezi üçün
istifadə olunur, sonra isə dağılır. Biz bu
eksperimentləri 1960-cı ilin yayı və payızında
apardıq və 1961-ci ilin əvvəlində Nature
jurnalında onları çap etdirdik. Mənim molekulyar
biologiya ilə ilk tanışlığım belə oldu.
Sonra 1961-ci ilin payızında mən yenidən
yarımilliyə fizikaya qayıtdım, sonra bioloji
laborotoriyaya daimi işə keçdim. 1961-ci ilin
yayında biz Moskvaya biokimyəvi konqresə
getdik. Məhz orada Mirenberq “poli (U)-nu
38
ELM DÜNYASI
/ Elmi‐kütləvi jurnal / 5‐6 (04) 2013
polifenilalanin etdiyi”
ni göstərən eksperiment
haqqında məlumat verdi. Bu, sintetik məlumat
RNT-si haqqında ilk nümunə və genetik kodun
oxunmasında ilk irəliləyiş idi. Harvarda
qayıtdıqdan sonra mən zülalların sintezinin
mexanizmi ilə məşğul oldum. Məlumat RNT-
sinin ribosom ilə qarşılıqlı təsirinin və
ribosomlarda zülal sintezinin detallarını
aydınlaşdırmaq üçün mən sintetik məlumat
RNT-si istifadə etdim. Bu eksperimentlər uğurla
nəticələndi. Onlar göstərdilər ki, çoxlu
ribosomlar eyni RNT-dən istifadə edirlər və
sintezin gedişində böyüyən zülal zənciri həmişə
sonuncu nəqliyyat RNT-si ilə əlaqəli qalır.
Zülal zənciri özünün kənar tərəfindən
aktivləşmişdir. Aktivləşmə enerjisi nəqliyyat
RNT-si birləşmiş peptid zəncirinin karboksil
sonluğunda lokallaşmışdır. Beləliklə, ona yeni
nəqliyyat RNT-sinin gətirdiyi aminturşu birləşir.
O vaxta qədər Qovard Dinisis göstərmişdi ki,
peptid zənciri N-sonluqdan C-sonluğa artır.
Amma bizim eksperimentlərimizə qədər bu
zaman hansı kimyəvi proseslər getdiyi,
zəncirinböyüməsi necə getdiyi, aminturşuların
bir tamda necə yığıldığı məlum deyildi. Mən
biologiya ilə məşğul olmağı davam etdirdiyim
üçün fizika fakultəsində mənə böyük şübhə ilə
baxmağa başladılar. O, vaxt hər beş ildən gec
olmadan əməkdaşların vəzifəsi yüksəlməli idi.
Asistent vəzifəsinə kontrakt beş il bağlanmışdı
və dördüncü ildə ya daha yüksək vəzifə təklif
olunurdu, ya da işdən azad edirdilər. Mənim
vaxtım çatdıqda fizika kafedrasında dedilər ki,
mən daha fizika ilə məşğul olmadığımdan onlar
məni yüksək vəzifəyə təklif etməyəcəklər.
Xoşbəxtlikdən Harvardda bu vəziyyətdən çıxış
yolu tapdılar və mən biofizika üzrə yüksək
vəzifəyə təqdim olundum. O vaxtdan mən iki
fakültənin, fizika və biologiya fakültələrinin
ştatına daxil oldum. Bu iki fakültənin fəaliyyət
stilləri tamamilə fərqli idi. Mənim elmi
məşğuliyyətimin növbəti mövzusu genetik
nəzarətin mexanizmi oldu. DNT zülalı necə
istehsal edir? O vaxt 60-cı illərin ortalarında
genetik kod artıq açılmışdı. Mən məsələn, belə
məsələlərlə məşğul oldum: ribosom nə qədər
dəqiq işləyir? Bu dəqiqliyi necə pozmaq olar?
Sonra mən genlərin bir-birinə nəzarət etməsinə
kömək edən mexanizminin təbiətini açmağa
cəhd etdim. O vaxt aparıcı nəzəriyyə Jakob və
Mononun nəzəriyyəsi idi. Bu nəzəriyyəyə görə
repressorlar adlanan maddələr mövcuddur və
onlar digər geniş işinə nəzarət edən hansısa
genin məhsuludur. Açılmamış olan bu
repressorların təbiəti idi. Onlar zülaldırmı? Və
ya bu, RNT-dir? Və ya daha nə? Bu, çox
əhəmiyyətli idi və olduqca sadə olmayan suallar
idi, çünki, o vaxt bu molekulların biokimyəvi
tədqiq imkanı yox idi. Təxminən 1964-cü ildən
başlayaraq mən bir neçə il cəhd etdim ki,
eksperimental olaraq repressoru identifikasiya
edəm. Əksər eksperimentlər uğursuz oldu,
amma yekunda Benno Müller Xill ilə birlikdə
biz elə eksperiment düşünə bildik ki, bu
eksperiment işlədi.
Müller-Xill mənim yanıma postdok kimi
gəldi və biz bir neçə il bir yerdə işlədik. Biz
bakterial hüceyrədə miqdarı cəmi bir neçə
molekul olan lac-repressoru aşkar etdik.
Həmçinin müəyyən etdi ki, o, induktor ilə son
nəhayətdə repressoru passivləşdirən kiçik
molekullu maddə ilə əlaqələnir. Bu nəticələr
tarazlıq dializi üsulunun köməyi ilə alındı. Biz
radioaktiv indikator hazırladıq onu hüceyrə
ekstraktlarına qarşı dializ etdik və dializ kisəsinin
içərisində qatılığın artdığını müşahidə etdik.
Bu eksperimentlər nəticəsində biz tənzimləyici
genin məhsulunu hər bir hüceyrədə 10 molekul
miqdarında sintez olunan zülalı identifikasiya
edə bildik. Biz bu zülalı təmizlədik, onun
molekulunu təsvir etdik və göstərdik ki, o,
DNT ilə əlaqələnir. Benno Almaniyaya
qayıtdıqdan sonra universitetdə daimi işə qəbul
olundu və repressorlarla işini davam etdirdi.
O, çoxlu miqdarda təmiz zülalı aldı, onun
aminturşu ardıcıllığını müəyyən etdi və indi
də gen nəzarəti ilə məşğuldur. Benno bir neçə
kitab yazmışdır. Tədqiqat işləri ilə yanaşı o,
39
ELM DÜNYASI
/ Elmi‐kütləvi jurnal / 5‐6 (04) 2013