İ
ngilis biokimyaçısı Frederik Senger
1918-ci ilin avqustun 13-də Redkompda
(Qolsterşir) anadan olmuşdur.
1939-cu ildə Kembric universitetini
bitirmişdir. 1940-cı ildən Kembric universitetində
işləmişdir.
1983-cü ildə istefaya çıxmışdır. Əsas elmi
işləri zülalların və nuklein turşularının kimyasına
həsr olunub. Senger insulinin strukturunu
öyrənmişdir. O, peptidlərin kənar
aminqruplarının identifikasiyasının dinitro-
florbenzol üsulunu işləyib hazırlamış və bu
üsulun köməyi ilə insulində amin qruplarının
ardıcıllığını və təbiətini müəyyən etmiş, insulinin
strukturunu açmışdır (1944-1954-cü illər).
Senger müəyyən etmişdir ki, insulinin ümumi
formulu C337 N65O75S6 kimidir, üç sulfid
körpüsü var və iki zəncirdən ibarətdir: 21
aminturşu qalığına malik A zənciri və 30
aminturşu qalığından ibarət B zənciri. Bu işlər
sintetik insulini və digər hormonları almaq
üçün əsas oldu.
1965-ci ildə struktur tədqiqatları üçün lazım
olan RNT və DNT-ni radioaktiv
32
P ilə
nişanlamağı təklif etmişdir. Bu, işləri olduqca
az miqdarda (10-69) material ilə aparmağa
imkan vermişdir.
1967-ci ildə 5SRNT-nin strukturunu (120
əsas) müəyyən etmişdir.
1977-ci ildə faq DNT-si FX 174-ün
strukturunu (5375 əsas) müəyyənləşdirmişdir.
1977-ci ildə DNT-nin birli strukturunu
açmaq üsulunu təklif etmişdir.
1980-ci ildə “Nuklein turşularının birinci
quruluşunun müəyyən edilməsi sahəsində
tədqiqatlara görə” Nobel mükafatına layiq
görülmüşdür.
İştivan Xarqittai 1997-ci ildə sentyabrın
16-da Kembricdə Çerçil kollecdə Senqerdən
müsahibə almışdır. Bu müsahibə The Chemical
İntellegencer jurnalında (1999, 5(2), 6-11) çap
olunmuşdur. Müsahibənin maraqlı məqamlarını
oxuculara təqdim edirik.
Mən oxumuşam ki, Siz həmişə faydalı
olmaq üçün çalışırsınız. Sizin atanız həkim
idi, amma Siz hesab etdiniz ki, alim adamlara
daha çox fayda verə bilər.
Əvvəlcə məni də həkim etmək istəyirdilər.
Kollecə getməzdən əvvəl mən son qərarımı
verməli idim. Mənim atamın həyatı mənim
üçün sistemsiz görünürdü. O, həmişə bir xəstənin
44
ELM DÜNYASI
/ Elmi‐kütləvi jurnal / 5‐6 (04) 2013
1958 və 1980-ci illərdə iki dəfə kimya üzrə
Nobel mükafatına layiq görülmüş
Frederik Senger (1918-2013)
Frederik Senger
(1918-2013)
yanından digərinin yanına gedirdi. Mən hiss
edirdim ki, hansısa real bir problemlə məşğul
olsam daha çox maraqlı olar və daha çox uğur
qazanaram. Nəticədə mən universitetdə tibbi
öyrənmədim. Özümü elmə həsr etmək qərarını
qəbul etdikdə aydın təsəvvürüm yox idi ki,
mən məhz nə ilə məşğul olacağam. Kəskin
rəqabət şəraitində tədqiqatçı olmaq çətin idi.
Kimin belə imkanı var idisə tədqiqatçı olmağa
can atırdı bu, nüfuzlu idi və təminatlı həyat
vəd edirdi. Əslində isə mən hesab etmirdim ki,
tədqiqatçı ola bilərəm. Düşünürdüm ki, hansısa
elmi əməkdaş ola bilərəm, ola bilsin ki, istehsalat
ilə əlaqəli olan iş taparam.
Daha kim Sizə təsir etdi?
Düşünürəm ki, mənə ciddi təsir edənlərdən
birincisi qardaşım oldu. Biz praktiki olaraq
həmyaşıd idik, aramızda cəmi bir yaş fərq var
idi. Erkən yaşlarımızda biz bir yerdə olduqca
çox vaxt müxtəlif oyunlarda vaxt keçirirdik.
O, onda məndən xeyli yaşlı görünürdü, bundan
əlavə o, böyük liderlik meyilliliyinə malik idi,
mən isə sakit oğlan idim. Hər yerdə mən onun
ardınca gedirdim və çox şeyi ondan öyrənirdim.
O, mənə nəzərən daha çox dərəcədə ekstravert
idi. O, təbiət ilə, xüsusən də ilanlarla çox
maraqlanırdı. O, həmdə quş yuvalarını tapmaqda
mahir bilici idi.
Mənim atam da elm və təbiət ilə
maraqlanırdı: Kembricdə indi Molteno institutu
bölməsində immunalogiya üzrə hansısa işləri
aparmışdı. O, immunoloji reaksiyaların köməyi
ilə müxtəlif tip qanları təyin etmişdi. Müəyyən
müddətdə Skotlend-Xard ilə əməkdaşlıq etmiş,
onları insan qanını identifikasiya etməyə
öyrətmişdi. O da mənə təsir etmişdi. Belə çıxır
ki, mən elmli ailədə böyümüşəm. Son nəhayətdə
mənim qardaşım fermer oldu. Biz təhsilə bir
yerdə başladıq. Məktəbdə mən ondan yaxşı
oxuyurdum. O, Kembricə daxil oldu, kənd
təsərrüfatını öyrəndi və mənə nəzərən daha
praktik olduğundan bu sahədə işləməyə getdi.
Aydındır ki, sonralar mənə həmçinin çoxlu
sayda başqa adamlar da təsir etdi.
İkinci dünya müharibəsində Siz imtinaçı
olmusunuz. Bu necə oldu?
Mən kvaker (İngiltərədə və ABŞ-da kilsə
mərasimlərini inkar edən xristian dini təriqətin
üzvü) kimi tərbiyə olunmuşdum. Kvakerlər
hesab edirlər ki, adamları öldürmək olmaz və
buna çox ciddi yanaşırlar. Mənim atam inanclı
kvaker idi. O, 30 yaşında kvaker olmuşdu.
Mənim şəxsi inamım da belə idi. Müharibədən
əvvəl döyüşməyə getməmək üçün çoxlu müxtəlif
səbəblər var idi. Mən ingilis kahini Dik
Şepperdin yaratdığı “Sülh andı” təşkilatının
kartoçqasına imza atmışdım. Bilmirəm indi
mən necə edərdim. Mən artıq kvaker deyiləm.
Elm ilə məşğul olmağa başlayarkən mən başa
düşdüm ki, mənim bilmədiyim şeyə inanmağım
çox çətindir. Elmdə həmçinin həqiqət haqqında
vicdanlı olmaq lazımdır. Sən həqiqəti öyrənirsən
və hər bir xırda şeyi sübut etməlisən. Mənə
din ilə bağlı olan hər şeyə inanmaq çətin olmağa
başladı. Mən özümü aqnostik adlandırıram.
Elə şeylər var ki, biz onu izah etmək imkanına
malik deyilik. Məsələn, bizim şüurumuz, belə
halda mənə sual açıq qalır. Biz bilmirik ki,
Allah var ya yox. Əgər sən alimsənsə və
həqiqətə inanırsansa, nə vaxt ki, bilmirsən
“mən bilmirəm” deməyə borclusan. Elmdə
çətinliklər o vaxt yaranır ki, adamlar nəysə
bilmədiklərini etiraf etməyə hazır olmurlar.
Həmişə şirnikdirici şey var, xüsusən də əgər
sənin öz nəzəriyyən varsa. Həqiqətin nədən
ibarət olduğunu aydınlaşdırmaq əvəzinə bu
nəzəriyyəni sübut etməyə çalışırsan.
Siz yeganə adamsınız ki, kimya üzrə iki
Nobel mükafatına layiq görülmüsünüz.
Təsəvvür etmək çətindir ki, olduqca böyük
əhəmiyyətli iki kapital işi necə qoydunuz və
həll edə bildiniz?
Bu, heç də belə olmayıb. Əslində hər şey
xırda addımlarla olub. Mən Albert Noyberqerin
yanında zülalların metobololizminə aid fəlsəfə
doktorluğu dissertasiyasını müdafiə etdim. Bu
işin gedişində mən zülalların kimyasından çox
şeyləri bildim. Xoşbəxtlikdən mən məhz
45
ELM DÜNYASI
/ Elmi‐kütləvi jurnal / 5‐6 (04) 2013