11
formalaşması mənbələrindən asılı olaraq aşağıdakı yarımtiplərə
bölünür:
A yarımtipi. Allüvial, bəzən köklü (ana) süxurların sulu
horizontlarında formalaşan yataqlar. İstismar ehtiyatlarının for-
malaşmasına görə bu yataqların özünü də iki növə ayırmaq olar:
- istismar ehtiyatları tam və ya qismən yerüstü suların hesabına
formalaşır;
- çayda su səviyyəsinin minimum olduğu dövrlərdə yerüstü
sular sugötürücünün təlabatını ödəmir. Ona görə də bu müddətdə
istismar ehtiyatı tam və ya qismən allüvial çöküntülərdəki ehti-yatın
hesabına təmin olunur, yaz və payız mövsümlərində isə yeraltı
suların qidalanmasının artması ilə əlaqədar ehtiyatın bərpası təmin
olunur.
B yarımtipi. Yeraltı su yataqları çaydan zəif sukeçiriciliyə
malik süxurlardan təşkil tapmış horizontlarla təcrid olunduğu zaman
sulu horizontlar arasındakı əlaqə kəsilə bilər. Bu yarımtipdə də
istismar ehtiyatının formalaşmasının iki növü ayrılır:
- istismar ehtiyatı tamamilə çay suları hesabına formalaşır, bu
halda qidalanma allüvial və zəif sukeçiriciliyə malik süxurlar-dan baş
verir;
- quraqlıq dövründə istismar ehtiyatı tam və ya qismən örtük
qat olan allüvial çöküntülərdəki suların süzülməsi hesabına
formalaşır; bu müddət ərzində sugötürücünün təlabatı qismən yerüstü
sular hesabına ödənilir və ya heç ödənilmir. Çayda su-yun çox
olduğu müddətdə çay yatağı tam boşaldıqda və ya yanlara axın
olduqda sərf olunmuş istismar ehtiyatı qismən və ya tam bərpa
olunur.
V yarımtipi. Yeraltı su yataqları qədim basdırılmış dərədə
formalaşır. Bu zaman istismar ehtiyatının əsas formalaşma mən-bəyi
təbii ehtiyatlardır (və ya elastiki ehtiyatlardır - yəni gillərdən və ya
digər zəif sukeçiriciliyə malik süxurlardan elastiki sıxılma
nəticəsində alınan ehtiyatlardır), bəzi hallarda cəlb edilən təbii
ehtiyatlar da böyük əhəmiyyətə malikdir.
12
2)Artezian hövzələrinin yeraltı su yataqları hövzənin sərhəd
şərtlərinə görə mövqeyi nəzərə alınmaqla aşağıdakı yarımtiplərə
ayrılır:
A yarımtipi. Yeraltı su yataqları platforma tipli artezian
hövzəsinin mərkəz hissəsində yerləşir. İstismar zamanı depressiya
qıfı sulu horizontun yer səthinə çıxdığı sərhədə qədər inkişaf etmir.
Yeraltı su yataqları bir və ya bir neçə sulu horizontda və yaxud
növbələşən sulu təbəqələrdə yarana bilər.
İstismar ehtiyatının yaranma şəraitinə görə yeraltı su
yataqlarının iki növü ayrılır:
- istismar ehtiyatları yalnız layın elastiki ehtiyatları hesabına
formalaşır; digər qidalanma mənbəyi ya yoxdur, ya onun rolu çox
cüzidir;
- istismar ehtiyatı üstdə yerləşən sulu horizontlar və ya
sukçirməyən laylarda olan „ hidrogeoloji pəncərələr” vasitəsilə üst
suları hesabına yaranır; elastiki ehtiyatlar məhdud xarakter daşıyır.
B yarımtipi yeraltı su yataqları platforma tipli artezian
hövzəsinin kənar zonalarında yerləşir. Bu halda yeraltı suların
istismar ehtiyatı üst suların „hidrogeoloji pəncərələrdən” və ya zəif
sukeçiriciliyə malik süxurlardan daxil olması, yeraltı suların təbii
ehtiyatlarının cəlb olunması hesabına formalaşır.
Qırışıqlıq əyalətlərin yeraltı su yataqlarının yaranma şəraiti
artezian hövzələrinə yaxındır. Onlar kiçik ölçülərə malik oldu-
ğundan istismar zamanı depressiya əyrisi horizontun bütün
sərhədlərini əhatə edir.
3) Gətirmə konuslarının və dağarası çökəkliklərin yeraltı
su yataqları demək olar ki, eyni xarakterə malikdir. Bu yataqların
istismar ehtiyatı təbii ehtiyatların cəlb edilməsi, suvarma sistemləri
və suvarma sahələrindən infiltrasiya, bəzi
13
hallarda isə qonşu horizontlardakı elastiki ehtiyatların və ya onlardan
süzülmənin hesabına formalaşır.
İstismar olunan sulu komplekslər adətən yüksək sukeçiri-
ciliyi, böyük qalınlığı və çoxtəbəqəli olması ilə səciyyələnir.
4) Dağlıq və ovalıq bölgələrdə məhdud sahələrə malik
strukturlarda, çat və çat-karst süxurları massivlərində və
tektonik pozulma zonalarında yeraltı su yataqları müxtəlif və
mürəkkəb geoloji-hidrogeoloji şəraitlə səciyyələnir.
Bu tip yeraltı su yataqları istismar ehtiyatının formalaşması
mənbəyindən asılı olaraq iki növə ayrılır:
a) Yerüstü su mənbəyi ilə əlaqəsi olmayan yataqlar. Bu
yataqların istismar ehtiyatı təbii ehtiyatlar və ya onların cəlb
olunması, bəzi hallarda isə onlardan yalnız birinin hesabına yarana
bilər. Təbii ehtiyatlar təkcə yatağı təşkil edən əsas lay-kollektorun
deyil, həmçinin onu örtən və ya əhatə edən sulu süxurların da
suyunun cəlb edilməsi hesabına formalaşır;
b) Yerüstü su mənbəyi ilə əlaqəsi olan yataqlar. Bu
yataqların istismar ehtiyatının formalaşmasında əsas rol tranzit
yerüstü sulara məxsusdur. Süxurların quruması və təbii boşal-manın
azalması yalnız çayda suyun az axına malik olduğu müddətdə xüsusi
əhəmiyyət daşıyır. Çayda su axınının artdığı müddətdə tükənmiş
ehtiyatın tam bərpası baş verir.
Yeraltı su yataqları hidrogeoloji şəraitin mürəkkəbliyindən
asılı olaraq üç qrupa ayrılır:
I qrup - sadə hidrogeoloji şəraitə malik yataqlar
(mədənlər). Yeraltı suların istismar ehtiyatı stabil yatım şəraitinə
malik kol-lektor xüsusiyyətli, sabit qalınlıqlı eynicinsli laylarda
formalaşır. İstismar ehtiyatlarının formalaşması mənbələri kəşfiyyat
işləri zamanı dəqiq öyrənilir, həmçinin onlardan istifadə müddətində
keyfiyyətinin mümkün dəyişməsi proqnozlaşdırılır.
Bu qrupa çay dərələrindəki A yarımtipinə aid olan yeraltı sular
Dostları ilə paylaş: |