24
materialları regional xəritələrin qurulması, yeni mənimsə-nilmiş
ərazilərin əsaslı sxeminin tərtibi, yeraltı su ehtiyatının kompleks
istifadəsi və mühafizəsi, o cümlədən sənaye və kənd təsərrüfatı
obyektlərinin yerləşdirilməsi üçün istifadə edilə bilər.
Ortamiqyaslı planalma kiçikmiqyaslı planalma aparılan
və o cümlədən heç bir planalma işi aparılmayan rayonlarda
tətbiq olunur. Ərazinin kiçikmiqyaslı xəritəsi vardırsa, bu halda
ortamiqyaslı planalmanın məqsədi kiçikmiqyaslı planalma
nəticəsində müəyyən edilmiş şirin və duzlu su zonalarının daha
dəqiq öyrənilməsidir.
Ortamiqyaslı hidrogeoloji planalma ərazinin xəritələn-
məsinin əsas növü hesab olunur və onlara daha çox diqqət
yetirilir. Buna görə də ortamiqyaslı planalmadan alınan
məlumatlar daha tam və dolğun olmalıdır.
Ortamiqyaslı hidrogeoloji planalmanın nəticəsində rayon
haqqında məlumatlar yaxın 10 – 15 il ərzində həmin ərazidə
yerləşdiriləcək və suya ehtiyacı olan bütün xalq təsərrüfatı
obyektlərinin təmini üçün lazımi suallara cavab verməlidir. Buna
görə də aşağıdakı məsələlər dəqiq öyrənilməlidir:
1) yeraltı suların müxtəlif tiplərinin (şirin, duzlu, mine-ral,
termal, sənaye) axtarışının əsas istiqaməti;
2) torpaqların meliorasiya şəraitinin qiymətləndirilməsi və
müxtəlif tipli yeraltı suların istifadəsi;
3) daha böyük miqyaslı planalma üçün xüsusi tədqi-
qatların aparılması.
Ortamiqyaslı hidrogeoloji planalmanın materiallarından
əsas sxemlərin hazırlanması layihələrinin texniki – iqtisadi
əsaslandırılması, su təsərrüfatı və mühəndisi tədbirlərin
layihələndirilməsi və hidrogeoloji kəşfiyyatın aparılmasında
istifadə olunur.
İrimiqyaslı planalma regional xarakter daşıyır. O, əvvəl-
lər orta miqyasda xəritələnmiş iri ərazini əhatə edir. Onun
məqsədi xalq təsərrüfatı üçün böyük əhəmiyyət kəsb edən şirin-,
25
minerallaşmış- və digər tip yeraltı sular yerləşən sulu
horizontları dəqiqliklə öyrənməkdir.
İrimiqyaslı hidrogeoloji planalma xüsusi məsələlərin:
sugötürücünün yerləşəcəyi sahənin seçilməsi, yeraltı suların
ehtiyatının aşkar edilməsi, sahənin suvarma və qurutma
şəraitinin qiymətləndirilməsi, faydalı qazıntı yataqlarının sulanma
dərəcəsinin öyrənilməsi və s. üçün aparılır.
İrimiqyaslı hidrogeoloji planalma zamanı sulu hori-zontlar
daha dəqiq stratiqrafik bölgülərdə öyrənilir və tədqiq olunur.
Planalma zamanı qarşıya qoyulan və öyrənilməsi müəyyən
praktiki əhəmiyyətə malik olan hidrogeoloji elementlərin təyininə
xüsusi diqqət yetirilməlidir.
2.2. Hidrogeoloji planalmanın məzmunu
Hidrogeoloji planalmanın həll edəcəyi məsələləri ümumi
şəkildə aşağıdakı kimi şərh etmək olar:
1) müxtəlif geoloji törəmə və strukturların sululuğu və
geoloji kəsilişin öyrənilmiş hissəsinin hidrogeoloji stratifi-
kasiyası;
2) xəritələnən ərazidə yayılmış sulu- və sukeçirməyən
horizontların yatım və yayılma şəraiti, onların qalınlığı, fasial və
litoloji xüsusiyyətləri, onlarda məsaməlik və çatlılığın xarakteri,
doyma- və aerasiya zonası süxurlarının suda həll olması;
3) müxtəlif sulu horizontların qidalanma və boşalma
zonaları- və şəraiti, onların bir-biri ilə və yerüstü sularla yeraltı
suların qarşılıqlı əlaqəsi, qrunt- və artezian sularının yayılma
sərhədləri;
4) yeraltı suların ion – duz və qaz tərkibi, radioaktivliyi
və temperaturu;
5) yeraltı suların rejimi;
6) yeraltı suların su təchizatı , suvarma və digər məqsədlər
üçün mövcud və mümkün istifadə şəraiti;
26
7) yeraltı suların ehtiyatı və süni doldurulması (bərpası) ;
8) ərazinin bataqlıqlaşma şəraiti;
9) faydalı qazıntı yataqlarının sulanması;
10) yeraltı suların süxurlara, faydalı qazıntılara, fiziki –
geoloji hadisələrə və relyefin formalaşmasına təsiri;
11) yeraltı sulara müxtəlif süni amillərin: dağ qazmala-
rının, iri sugötürücülərin, su anbarlarının, suvarma və drenaj
sistemlərinin, sənaye çirkab sularının və s. təsiri;
12) yeraltı suların çirklənmədən və ehtiyatının tükən-mədən
mühafizəsi;
13) öyrənilən ərazi hüdudunda süxurların su – fiziki və
süzülmə xüsusiyyətlərinin müqayisəli xarakteri, tikintinin
mühəndisi – geoloji şəraitinin qiymətləndirilməsi.
Hər bir hidrogeoloji – iqtisadi rayonda aparılan
hidrogeoloji planalma onun mümkün maksimal dərinliyi barədə
tam məlumat verməlidir (22).
Hidrogeoloji planalmanın dərinliyi onun miqyası, relyefin
parçalanma dərəcəsi, kristallik əsasın susuz qatının tavanının
yatım dərinliyi, geoloji kəsilişin öyrənilən hissəsində süxurların
sulanma şəraiti, ərazinin mənimsənilmə dərəcəsi və s. amillərlə
müəyyən olunur. Planalma zamanı tədqiqatın dərinliyi
xəritələnmənin dərinliyindən çox olmalıdır. Bu, xəritələnən sulu
qatın çöküntülərinin altında yerləşən yeraltı sularla hidravlik
əlaqəsinin müəyyənləşdirilməsi üçün zəruridir. Bu məsələlərin
həlli üçün ayrı – ayrı nöqtələrdə bir neçə dərin quyunun
qazılması və müvafiq getofiziki tədqiqatların aparılması tələb
oluna bilər.
Ümumi halda, hidrogeoloji planalmanın miqyası nə qədər
kiçik olarsa, onun proqnoz əhəmiyyəti bir o qədər böyük olur
və bununla əlaqədar olaraq, xəritələnmənin dərinliyi də bir o
qədər çox olmalıdır. Bu halda müxtəlif miqyaslı planalmalar
arasında dərinlik üzrə ardıcıllıq təmin olunur.
Kiçikmiqyaslı hidrogeoloji planalmada yeraltı suların
şaquli hidrogeoloji zonallığı müəyyən edilməli, hər bir
Dostları ilə paylaş: |