33
1:1000 000 – 1:500 000 , 1:200 000 – 1:100 000 miqyaslı
birləşdirilmiş tip ümumi hidrogeoloji xəritələrdə aşağıdakı
məlumatlar öz əksini tapmalıdır:
1) sahələr üzrə təsvir olunan qalınlığın yaşı
göstəril-məklə
sulu holrizontların, susuz- və sukeçirən süxurların yayılması -
rənglə və rəngli horizontal ştrixlərlə göstərilir;
2) sahələr üzrə - yer səthindən birinci sulu horizontun
suyunun minerallaşması (q/l) aşağıdakı dərəcələrdə müvafiq
işarələrlə göstərilir: 1 – dən kiçik; 1 - 3; 3 – 5 ; 5 – 7; 7 – 10; 10
– 15 ; 15 – 30 ; 30 – 50 və 50 – dən böyük;
3) nöqtələrlə - su məntəqələri (quyular, bulaqlar və s.)
göstərilir. İşarənin yanında rəqəmlə su məntəqəsinin sıra sa- yı,
sərfi (l/san), quyuda su səviyyəsinin enmə hündürlüyü (m),
suyun minerallaşma dərəcəsi (q/l); indekslərlə - susaxlayan
süxurların yaşı göstərilir. İşarənin içərisində rənglə suyun
kimyəvi tərkibi göstərilir;
4) xətlərlə - yer səthindən birinci sukeçirməyən
horizontun üzərində yatan sulu horizontun yayılma
sərhədi,
qrunt suyu horizontunun hidroizogipsləri göstərilir;
5) vektorla - yeraltı suların hərəkət istiqaməti göstərilir.
Bunlardan əlavə, hidrogeoloji xəritənin üzərində çoxillik
buzlaq, karst, sürüşmə və s. sahələr, şirin su linzaları, yerüstü
suların sahələri və s. göstərilir.
Hidrogeoloji xəritə geoloji quruluşu, sulu horizontların
litoloji tərkibini,
fasial dəyişməni, sukeçirməyən horizontları, sulu
horizontların yatım dərinliyini, minerallaşmasını və sərfini əks
etdirən hidrogeoloji kəsilişlərlə müşayiət olunur.
HİDROİZOGİPS XƏRİTƏSİ. Sayı kifayət qədər olan
quyularda su səviyyəsinin ölçüləri məlumdursa, topoqrafik
əsasda müəyyən konkret vaxt üçün qrunt
suyu güzgüsünü əks
etdirən hidroizogips xəritəsini qurmaq mümkündür. Bu
məqsədlə, topoqrafik xəritəyə əvvəlcə quyular köçürülür, onların
yanında su səviyyəsinin mütləq qiyməti göstərilir. Əgər quyular
sukeçirməyən horizonta qədər qazılmışdırsa, onda xəritənin
34
üzərində sukeçirməyən horizontun səthinin horizontallarının -
izogipslərin də göstərilməsi məqsədəuy-ğundur.
Qeyd: adətən xəritədə quyu və quyu məlumatları aşağıdakı kimi
əks olunur:
105
5
10
•
- qara dairə quyunu, soldakı rəqəm onun sıra
sayını, sağda - kəsrin surətindəki rəqəm qrunt suyu səviyyəsini,
məxrəcdəki rəqəm isə yer səthinin mütləq qiymətini göstərir.
«Üçbucaq» üsulu və ya quyuları bir-biri ilə düz xətlə
birləşdirmək yolu ilə hidroizogipslər qurulur.
Hər bir
hidroizogips xəritəsinin dəqiq tarixi göstərilməlidir. Bir rayon
üçün bir neçə (müxtəlif mövsümlər üzrə) hidroizogips xəritəsi
qurula bilər. Hidroizogips xəritəsinə görə aşağıdakıları təyin
etmək mümkündür: 1) qrunt sularının hərəkət istiqamətini (həm
ümumi rayon üzrə, həm də ayrı – ayrı sahələr üzrə); 2) qrunt
suyu səthinin mailliyini (hidravlik maillik); 3) ixtiyari nöqtədə
qrunt sularının yatım dərinliyini (yer səthinin
mütləq qiyməti ilə
su səviyyəsinin mütləq qiyməti arasındakı fərq); 4)
sukeçirməyən horizontun izogipsinin olduğu hal üçün sulu
horizontun qalınlığını (su səviyyəsinin mütləq qiyməti ilə
sukeçirməyən horizontun tavanının mütləq qiyməti arasındakı
fərq); 6) qrunt sularının qidalanma və boşalma zonalarını və s.
Qrunt sularının hərəkət istiqaməti böyük mütləq qiymətə
malik hidroizogipsdən kiçik mütləq qiymətə malik hidroizogipsə
endirilmiş perpendikulyarla göstərilir. Axının hidravlik mailliyi
qonşu hidroizogipslərin mütləq qiymət-lərinin fərqinin onlar
arasındakı məsafəyə (miqyas nəzərə alınmaqla) olan nisbəti ilə
təyin edilir. Əgər hidroizogipslər əyilmədən su hövzəsini kəsirsə,
deməli, qrunt suları ilə yerüstü su hövzəsi arasında
hidravlik
əlaqə yoxdur; əgər hidroizogipslər yerüstü su hövzəsinin yanında
axım üzrə aşağı əyilirsə, deməli, qrunt suları yerüstu su
hövzəsinin suları ilə qidalanır və s.
Qrunt sularının yatım dərinliyini xarakterizə etmək üçün
üzərində izobatlar (eyni yatım dərinliyni xarakterizə edən
35
nöqtələri birləşdirən xətlər) göstərilən izobat xəritəsinin (yatım
dərinliyi xəritəsinin) qurulması vacibdir ki, bu da hidroizogips
xəritəsinin qurulması üsulu ilə analoji aparılır. Əksər hallarda
izobat və hidroizogips xəritələri birlikdə tərtib edilr.
PYEZOİZOGİPS XƏRİTƏSİ mütləq qiymətlərin izoxətləri
(pyezoizogips) şəklində təzyiqli sulu horizontun pyezometrik
səthini əks etdirir. Həmin xəritənin qurulması hidroizogips
xəritəsinin qurulması üsulu ilə analoji aparılır,
lakin bu zaman
topoqrafik əsasa əlavə olaraq, üstdəki sukeçirməyən horizontun
tavanının izogipsləri də köçürülür. Pyezoizogips hidrogeoloji
kəsilişlərlə tamamlanmalıdır. Bu kəsilişlərdə əks olunan
quyuların gövdəsinin yanında stratiqrafik sərhədlər, süxurların
litoloji tərkibi,
təzyiqlər, pyezometrik səviyyənin mütləq
qiymətləri və s. göstəril-məlidir. Pyezoizogips xəritəsinə görə
sulu horizontun xüsusiyyətlərini və müxtəlif hidrogeoloji
göstəriciləri təyin etmək olar. Suyun hərəkət istiqaməti təzyiqin
azalması istiqamətində pyezoizogipsə endirilmiş perpendikulyarla
göstərilir. Pyezometrik səviyyənin yerləşmə dərinliyi istənilən
nöqtədə yer səthinin və pyezometrik
səthin mütləq qiymətləri
arasındakı fərqlə hesablanır. Pyezoizogipsin maksimum qiyməti
qidalanma və təzyiqin yaranması zonasında, minimum qiyməti
isə boşalma zonasında qeyd olunur. Pyezoizogipslərin sıxlaşması
və seyrəkləşməsinə görə sulu horizontun qalınlığı və ya
süxurların sukeçirmə xüsusiyyətləri haqqında fikir söyləmək olar.