36
Ü ç ü n c ü f ə s i l
HİDROGEOLOJİ QUYULARIN
QAZILMASINA VƏ KONSTRUKSİYASINA
OLAN ƏSAS TƏLABATLAR
3.1. Hidrogeoloji quyuların kateqoriyaları
Məqsədindən asılı olaraq, hidrogeoloji quyuları aşağıda-kı
kateqoriyalara ayırırlar: 1) axtarış; 2) kəşfiyyat; 3) kəşfiy-yat –
istismar; 4) müşahidə; 5) istismar. Yeraltı suların axtarışı və
kəşfiyyatı prosesində hidrogeoloji məsələlərin həlli üçün birinci
dörd kateqoriya quyulardan istifadə olunur. İstismar quyuları
yeraltı suların istismarı, rejiminin tənzim-lənməsi və s.
məqsədlərlə istifadə olunur.
Axtarış quyuları axtarış mərhələsində və axtarış - planalma
işi prosesində qazılır. Onların qazılmasında məqsəd ümumi
geoloji – hidrogeoloji şəraiti öyrənmək, sulu horizont və
kompleksləri aşkar etmək və keyfiyyətcə sınaqdan çıxarmaqdan
(nümunələr
götürmək, sınaq suçəkmə, ekspress - sınaq və s.)
ibarətdir.
Kəşfiyyat quyuları perspektiv sahələrdə yerləşən su
yataqlarının kəşfi üçün qazılır. Belə quyuların qazılması həmin
yataqların hidrogeoloji şəraitinin dəqiq öyrənilməsi və onların
xalq təsərrüfatında istifadə şəraitinin müəyyənləşdirilməsi ilə
əlaqədardır. Kəşfiyyat quyularında kompleks hidrogeoloji və
digər tədqiqat növləri (təcrübə və təcrübə – istismar suçəkmə,
suvurma; süxur-, su- və qaz
nümunələrinin götürülməsi;
rasxodometrik, termometrik, geofiziki və digər müşahidələr)
aparılır.
Kəşfiyyat – istismar quyuları kəşfiyyat işləri prosesində
qazılır və onların üzərində kompleks hidrogeoloji və digər
tədqiqatlar aparıldıqdan sonra yatağın istismarı üçün istifadə
olunur.
37
Müşahidə quyuları axtarış – kəşfiyyat işlərinin istənilən
mərhələsində avadanlıqlaşdırıla bilər və məqsədindən asılı
olaraq, ya kəşfiyyat və istismar müddətində yeraltı suların
rejimi (yeraltı suların təbii və süni rejimi), ya da təcrübə -
hidrogeoloji işlərin aparılması prosesində (suçəkmə, suvurma və
s.) yeraltı suların rejim göstəricilərinin (yeraltı suların
səviyyəsi,
kimyəvi tərkibi, temperaturu və s.) dəyişməsi üzərində
müşahidələr üçün istifadə edilə bilər.
Yeraltı suların axtarış – kəşfiyyat və istismarı prosesində
axtarış quyularının kəşfiyyat quyuları kimi, axtarış – kəşfiyyat
quyularının müşahidə quyuları kimi və s. istifadə edilməsi
zərurəti meydana çıxır. Quyuların bir kateqoriyadan digərinə bu
qayda ilə köçürülməsi imkanları kəşfiyyyat işlərinin
layihələndirilməsi prosesində əvvəlcədən nəzərdə tutulmalıdır. Bu
isə işin geoloji və iqtisadi səmərəsinin artırılmasına
səbəb ola
bilər.
Beləliklə, aydın olur ki, müxtəlif kateqoriyalı hidrogeo-loji
quyuların qazılmasına və konstruksiyasına olan təlabat eyni
deyildir.
3.2. Hidrogeoloji quyuların qazılması üsulları
Hidrogeoloji quyuların qazılması üsulları yerli geoloji –
hidrogeoloji şəraitdən, tədqiqatın məqsədindən, layihələndiri-lən
quyuların dərinliyindən
və diametrindən, o cümlədən digər
amillərdən asılı olaraq seçilir.
Hidrogeoloji quyuların qazılması üçün aşağıdakı qazıma
üsullarından istifadə olunur: burma – qazıma (birbaşa - və əksinə
yuma ilə) , zərbə qazıma və bunların kombina-siyası; dərin
quyuların qazılması üçün - burma (rotor), reaktiv - turbin və
kolonka (6, 24, 25).
Birbaşa yuma ilə qazıma üsulunun geoloji –
hidrogeoloji
şəraiti yaxşı
öyrənilmiş , zəif təzyiqə və kiçik sərfə malik sulu
horizontların olmadığı sahələrdə hidrogeoloji quyuların
38
qazılmasında tətbiqi məqsədəuyğundur. Bu üsul dərin quyuların
daha qısa müddətdə avadanlıqlaşdırılmasını, onların sadə
konstruksiyalarının tətbiqini, qazıma işlərinin yüksək texniki –
iqtisadi göstəricilərinin olmasını təmin edir.
Əksinə yuma ilə qazıma üsulu yeraltı suların səviyyəsinin
3 m – dən dərin olduğu şəraitdə kövrək süxurlarda, dərinliyi 300
m , diametri 1000 mm və daha çox olan kəşfiyyat - istismar və
istismar quyularının qazılmasında tətbiq edilir.
Zərbə qazıma üsulu zəif öyrənilmiş geoloji – hidrogeoloji
şəraitdə, sulu horizontların təzyiqi az olduqda, quyuların 100 -
150 m dərinliyə qədər qazılmasına ehtiyac yarandıqda çaqıl –
çınqıl çöküntülərində hidrogeoloji quyuların qazılması üçün tətbiq
edilir. Quyulara boruların yerləşdiril-məsi və çıxarılması üçün
mütləq vibromexanizm olmalıdır. Bu qazıma üsulu sulu
horizontların yüksək sınaq keyfiyyətini və kaptajını təmin edir,
lakin qazımanın zəif sürəti və çoxlu boruların sərfi ilə fərqlənir.
Kombinə olunmuş qazıma üsulu zəif təzyiqli sulu
horizontların
növbələşməsi müşahidə olunan, geoloji –
hidrogeoloji şəraiti zəif öyrənilmiş sahələrdə, qazıma qurğusunun
hərəkəti üçün əlverişli şərait və qazıma işləri kifayət həcmdə
olduqda tətbiq edilir. Sulu horizonta qədər olan üst zonada
burma (rotor), sulu süxurlar yerləşən alt zonada zərbə – qazıma
üsulu tətbiq olunur. Belə kombinasiya quyuların qısa vaxt
ərzində avadanlıqlaşdırılmasını, onların mükəmməl geoloji –
hidrogeoloji sənədləşdirilməsini və sulu horizontların açılması və
sınağı üzrə işlərin yüksək keyfiyyətini təmin edir.
Kombinə olunmuş və zərbə qazıma üsullarının tətbiqi
kəşfiyyat, kəşfiyyat – istismar və istismar hidrogeoloji quyularının
qazılmasında məqsədəuyğundur.
Reaktiv – turbin qazıma üsulu diametri 1000 mm – dən
böyük və dərinliyi 200 m – dən az olmayan quyuların
qazılmasında tətbiq olunur. O, yüksək qazıma
sürəti və kernin
zəif çıxarılması ilə xarakterizə olunur və buna görə də dərində
yatan sulu horizontları açan istismar və kəşfiyyat - istismar