Aydındır ki, Almaniyanın Sovet İttifaqına qarşı
müharibəyə başlaması bütün dünyada və o cümlədən Avropada
əks- səda oyatmışdır. Böyük dövlətlərin əksəriyyətində faşizm
əleyhinə mitinqlər keçirilirdi. İyun ayının 22-də İngiltərənin baş
naziri
Çerçili Yunston Leonard (1874-1965) radio ilə çıxış
edərək bəyan etmişdir ki, biz SSRİ-yə hər cürə iqtisadi və texniki
köməklik etməyə hazırıq. Bir gündən sonra iyun ayının 23-də
faşizmə qarşı bütün qüvvələrin birləşməsinə çağıran ABŞ-m
bəyanatı dərc edilmişdir. Qeyd etməliyik ki, bu dövlətlərin hər
ikisinin ümumi siyasəti SSRİ-nin xeyrinə idi.
Lakin heç birisi qəti
addım atmağa tələsmirdi. O vaxt ABŞ-m senatoru, 1945-1953-cü
illərdə isə prezident
Qarri Truraen (1884-1972) belə bir
bəyanatla çıxış etmişdi - biz görsək ki, Almaniya qalib gəlir —
Rusiyaya kömək edəcəyik. Əgər görsək ki, Rusiya qalib gəlir,
onda Almaniyaya köməklik göstərmək lazım gələcəkdir. Qoy
onlar biri - birini daha çox qırsınlar.
Almaniya əleyhinə birliyin formalaşmasının başlanğıcı.
Hələ Böyük Vətən müharibəsinin ilk vaxtlarından Sovet hökuməti
Hitler Almaniyasına qarşı birgə mübarizə aparmaq üçün bir çox
müqavilələr bağlamış və qarşılıqlı yardım əlaqələri yaratmışdır.
Belə ki, 12 iyul 1941-ci ildə Böyük Britaniya ilə belə müqavilə
imzalanmışdı. Tərəflər müharibədə bir-birinə yardım etmək və
seperat müqavilə bağlamamaq barədə öhdəçilik götürmüşlər. Elə
həmin ayda Çexoslovakiya və Polşa rəhbərliyi ilə müqavilə
imzalanmışdı. Sovet İttifaqı öz ərazisində Çexoslovakiya və Polşa
hərbi hissələrinin formalaşmasına icazə vermişdir.
1941-
ci ilin avqust ayında SSRİ ilə İngiltərə qarşılıqlı
razılaşma əsasında öz ordularını İrana keçirmişlər. Ölkənin
şimalında - Sovet ordusu, cənubunda isə- İngiltərə ordusu
yerləşdirilirdi. Bu tədbir nəticəsində İranm Almanlar tərəfindən
işğalı aradan qaldınimışdır. Həm də İngiltərə və ABŞ bu ərazidən
Sovet İttifaqına hərbi və digər köməkliklər edirdi.
302