unudulmayacaq nemətləridi. Ancaq 20-25 ilin uzaqlığından o isti, məhrəm, xoĢbəxt günləri
xatırladan bir də o Kələki pendirinin, lavaĢının dadı-tamı idi.
Ġlahi, söhbətlərin mövzusu nə qədər geniĢ və zəngin idi! Dövlət, mədəniyyət, ədəbiyyat,
siyasət, ölkələr, dillər, adamlar...
Bəyin söhbətlərindən doymaq olmazdı. Az danıĢardı, danıĢanda ürəkdən, Ģövqlə danıĢardı.
Öyrətmək, çox bildiyini anlatmaq ehtirası heç vaxt onu tərk etmədi. Sözün böyük mənasında
MÜƏLLĠM olan Əbülfəz bəyin məktəbi universitet, yasxana, toyxana, çayxana... - insanlar
olan hər yer idi. Bu məktəbin əbədi dərsi Millət və Vətən idi.
Bəy Vətənin və Millətin dərdini anlatmaqdan, çətinliklərini, arzusunu, idealını ortaya
qoymaqdan doymazdı.
Ġlahi, bitib-tükənməyən millət və Vətən eĢqi ona haradan gəlmiĢdi? Neçə minillik
əcdadındanmı, Naxçıvanın qəzəbdən qızarmıĢ dağlarındanmı, Təbrizdən Ordubada əsən sərin
küləklərdənmi, uzaq Altaydanmı, Krım ellərindənmi? Göylərdənmi? Uzaqlardan, lap
uzaqlardanmı? Bilmirəm və heç vaxt bilməyəcəm.
Yenə bir xatirə. Mart ayında Ankarada müalicədə olan Bəy zəhmli və sərt baxıĢla həkiminə
baxıb və deyib:
-Doktor əfəndi, mən siyasət adamıyam. Xəstəliyimi olduğu kimi bilməliyəm. Lütfən mənim
durumumu olduğu kimi
söyləyin, Tanrı eĢqinə!
Həkim israrlı və nüfuzedici baxıĢ qarĢısında dözməyərək gözləri yaĢarmıĢ halda pıçıldayıb:
-Sayın cümhurbaĢqanım, vidalaĢmağımıza çox az zaman qaldı - 3-4 ay...
Bəy susur. Dərin fikirdən sonra ağır-ağır dillənir:
-Bəs mənim millətimin taleyi nə olacaq?..
... Bəy heç vaxt milləti tənbeh etmədi, onun qarasına bircə kəlmə söz demədi. Əksinə,
həmiĢə millətin böyüklüyündən, əzəmətindən, Ģərəfli tarixindən danıĢdı. Bəy millətə Sabir -
Mirzə Cəlil baxıĢı ilə Cavid - Hadi baxıĢını birləĢdirirdi. O, milləti sevməklə tərbiyə etmək, eĢq-
məhəbbət, vurğunluqla yönləndirmək yolunu seçmiĢdi. Milləti söyənləri sevməzdi. Deyərdi:
-Bəy, onlar milləti bu günə gətirən səbəbi bilməyənlərdir. Millətə sən ağır gündə, yasda bax.
Dilini,
mədəniyyətini, milli varlığını əsrlər boyu saxlayan millətə kim pis desə ağzı əyilər.
Mirzə Cəlili, Üzeyir bəyi yetiĢdirən millət necə pis ola birlər axı? Çinə, rusa, farsa, ərəbə qarĢı
əsrlər boyu mücadilə verən millət türk millətidir. A bəy, vallah, türk milləti böyük millətdir.
Onu böyük eləyənlər kiçikdir....
Bəyin ən böyük məktəbi çayxana idi. Çoxlarının hələ də anlamadığı çayxana rəsmi sovet
orqanlarının yeganə alternativi idi. Çayxana Akademiyanın, Yazıçılar Ġttifaqının, Universitetin
qarĢısında dayanan xalq təĢkilatı idi. Rejim çayxanalarda ələĢdirilirdi. Ədəbi əsərlərin
rəsmiyyətdən uzaq qiyməti çayxanada verilirdi. Həmfikirlərin, “baĢqa cür düĢünənlər”in
yeganə toplantı yeri çayxana idi. Bəy hər gün çayxanaya gələrdi. Hər gün Bəyin çayxana
masasında qızğın mübahisə, dadlı bir ünsiyyət olardı. Bəyin tarixdən, siyasətdən, dindən,
ədəbiyyatdan olan söhbətlərindən doyum olmazdı.
Bir dəfə Bəyin gözü doldu. Konfetlə çay içən dostumuza baxıb dedi:
-Görəsən, konfetlə çay içə-içə milləti zülmdən azad edə biləcəyikmi?
Millətin dərdi onu əzdiyi qədər də yaĢadırdı. Millət eĢqi ona o qədər ruh, inam vermiĢdi ki, o
inam aĢıb-daĢır və yavaĢ-yavaĢ minləri, on minləri ağuĢuna alırdı.
Əbülfəz bəy
üçün pis insan, pis türk də yox idi. Pis Ģərait, pis rejim, pis ideologiya var idi.
Heç kəs onu bir adamı pisləyən görmədi. Onun böyük ürəyində onu söyənlərə də məhəbbət
çatırdı. Ən azı ona görə ki, insan kimi doğulmuĢdu və hansı səbəbdənsə pis adam olmuĢdu.
Bəy hər kəsə ləyaqətini qaytaran bir kiĢi idi. Bəy insanların məhv edilmiĢ, alçaldılmıĢ
mənliyini, qürurunu özünə qaytaran misilsiz bir Ģəxsiyyət idi. Bəylə tanıĢ olan əxlaqsız, azmıĢ,
pis yola düĢmüĢ insan tövbə yoluna gəlirdi. Bəy o insanların mənliyini özünə qaytarıb
ləyaqəti, vicdanı ilə üz-üzə qoyurdu.
Onu söyüb iftira atan gədalardan biri Bəyin yanına gəlir. Bəy heç bir Ģey olmamıĢ kimi onunla
tamam baĢqa mövzuda söhbət edir, yaxın olduqları tələbəlik illərindən təmiz, xoĢ xatirələr
danıĢır, xeyli söhbətdən sonra üzündən öpüb ayrılır. Adam sərxoĢ kimi səndələyir. Ġçi zəhər-
zəmbərək dolu olan jurnalist qapının yerini tapa bilmir...
Bəyin incə yumoru heç vaxt bir insana, onu dolamağa qarĢı çevrilməzdi. Bəyin kitabında
adam dolamaq anlayıĢı yox idi. Çünki Bəy insan oğlunu, qardaĢı olduğu türk övladını
hüdudsuz bir məhəbbətlə sevirdi. Bəyi yaĢadan bu sevgi idi.
Bəyin çoxlu dostları, yoldaĢları var idi. “YoldaĢlarım”, “dostlarım” sözünü o, Nəsiminin, Sufi-
Mövləvilərin iĢlətdiyi anlamda iĢlədir və dərindən-dərin yozurdu. Özü dediyi kimi, yoldaĢları
çox, dostları az idi. Bu dostlar tələbəlik illərindən, iĢ həyatından, milli azadlıq hərəkatından
süzülə-süzülə gəlmiĢdi. Bəy dostlarına, yoldaĢlarına inanırdı və onların heç birinə xəyanət
etməzdi. Bu dostlardan onu satanlara, xainlərə Bəy, sadəcə, acıyırdı. Onların da ağrısını
çəkirdi. Bəy xəyanət edənləri heç saya salmazdı, onlardan gülə-gülə danıĢardı.
Milləti satanları rədd edərdi və heç vaxt bağıĢlamazdı.
Elçibəy bir türk idi. Və türk olmaqdan böyük zövq, sevinc və qurur duyurdu. Ancaq onun
türklüyü kiminsə ingilisliyinə, fransızlığına... tərs deyildi. Sayğı duyduğu millətlər içərisində
millətinin dəyərlərini, qiymətini anlamağı, bəĢəri ölçülərlə öz millətini ölçməyi insan
olğunluğunun əlaməti sayırdı.