OZAN DÜNYASI № 4(19), 2014
37
Ərbabi cəhalət ordu misalı,
Varır bir hücumla elmin üstünə.
Qələm, nə durursan, qeyd et bu halı,
Palçıq çəkənlər var günün üstünə.
Dövrü-zəmanədə bax, noldu işlər,
Ayaqdan dönmədir indiki başlar,
Cahil fürsət tapdı kamili daşlar,
Bilməm nə deyim mən bunun üstünə.
Hiyləgər qazancı haramda gördü,
Oyunlar çevirdi, vurğunlar vurdu,
Sərvətlər topladı, varlığa ərdi,
Siyasət yapanlar dinin üstünə.
Sadıq Miskininin şeirləri xalq yaradıcılığından bəhrələnmiş; bayatılardan,
nəğmələrdən, laylalardan, hikmətli sözlərdən və s. qidalanmışdır. Elə buna
görədir ki, onun yaradıcılığı xalqın ruhunu təmsil və tərənnüm edir, xalqına sıx
bağlıdır. Fikri lirik şəkildə vermək, hər hansı konkret hadisəyə və yaxud gö-
zəlliyə öz mövqeyini bildirərək onu qələmə almaq aşıq Miskini yaradıcılığının
əsas xüsusiyyətlərindəndir:
Dur hələ, dur hələ, getmə,
Gözəl, bir əylən, bir əylən.
Gedib könlümü incitmə,
Gözəl, bir əylən, bir əylən.
...Miskini gözələ talib,
Vardırmı bu yolda qalib?
Nə olar, insafa gəlib,
Gözəl, bir əylən, bir əylən.
Sadıq Miskini yaradıcılığında geniş yer tutan təbiət və insan gözəllyi aşığın
ilham qaynağıdır. Aşıq gözəlləmələrin diliylə al-əlvan boyalarla söz çələngi
quraraq həm təbiət gözəlliklərini, həm də insan gözəlliklərini tərənnüm edir. O,
insanı təbiətdən ayırmır, əksinə onları bər vədhət kimi görür, duyur və
tərənnüm edir:
Coş, ey dəli könül, bahar zamanı,
Açıldı çiçəyi, gülü baharın.
OZAN DÜNYASI № 4(19), 2014
38
Ötər cümlə quşlar, qılar fəğanı,
Çözüldü dəhanı, dili baharın.
Bənövşə tütüya yayıldı düzə,
Qovuşduq papatya, lalə, nərgizə,
Yarın qoxusunu gətirər bizə,
Əsəndə dağlardan yeli baharın.
Klassik aşıq poeziyasının qəlibləşmiş məhəbbət şeirlərində olduğu kimi,
aşıq Miskini yaradıcılığında da “Gözəllik ondur-doqquzu dondur” hikmətinə
əməl olunmuş, onun gözəlləmələrində incəlik, gözəllik, saflıq kimi duyğular
tərənnüm edilməklə yanaşı gözəlin xarici görkəmi, geyimi, bər-bəzəyi də
xüsusi bir zövqlə təsvir edilmişdir:
Gözəl, gözəl olar on beş yaşında,
Günəş çalar, ay parlayar qaşında,
Qolçaq qolda, ipək yaylıq başında,
İrəng-irəng şalları var gözəlin.
Dəli könül gözəllərin məstində,
Əğyar insan olmaz gözəl dostunda,
Ağ gərdanda, büllur buxaq üstündə
Sıra-sıra xalları var gözəlin.
Sadıq Miskini böyük tarixi keçmişə və sənət ənənələrinə malik Axıska,
Ağbaba-Çıldır, Qars-Gümrü aşıq sahəsini əhatə edən şimal-şərqi Anadolu aşıq
mühitinin yetirməsidir. O, hər hansı bir ustadın yanında şagirdlik etməsə də,
peşədən yetişmə bir aşıqdır. O, fitri istedadı və zəhmətkeşliyi sahəsində həmişə
öz üzərində çalışmış, yaşatdığı sənətin məsuliyyətini çiyinlərində daşımışdır.
Bu mühitin original saz havalarına, sənətkarlıq xüsusiyyətlərinə və aşıqlıq
sənətinin sirlərinə dərindən bələd olan aşıq-şairimiz həm də yaşadığı coğrafiya-
da böyük nüfuz sahibidir. O, insanların mənəvi-psixoloji aləminin, dünya-
görüşünün formalaşmasına şeirləri və örnək həyat tərziylə böyük təsir göstərir.
Müasir siyasi sərhədlərimizdən kənarda yaranmış milli mədəniyyət
nümunələri Azərbaycan etno-mədəni sisteminin tərkib hissələridir. Bu gün
qədim və zəngin bir aşıq mühitinin əlimizdə qalmış hissəsində bir sənətkar kimi
bu mühitin saz-söz sənətinin tərəqqisi üçün yorulmadan çalışan Sadıq Miskini
sənətinin tədqiqi həm folklorumuzun, həm də aşıq ədəbiyyatı tarixinin real elmi
mənzərəsini yaratmaq baxımından vacibdir.
OZAN DÜNYASI № 4(19), 2014
39
Sadıq MĠSKĠNĠ
AYRILIQ
Ötən bülbül idim gülün dalında,
Yaxşı yerdə yaman vurdu ayrılıq…
Gülər, sevinərdim kəndi elimdə,
Yabandan yabana sürdü ayrılıq...
Ələm, kədər əksik deyil başımdan,
Seçilmir heç bahar, yazım qışımdan,
Ayrı qaldım dostumdan, yoldaşımdan,
Qolum, qanadımı qırdı ayrılıq...
Qan ağlayır Miskininin ürəyi,
Ölümdürmü ayrılığın gərəyi?
Fələyin əlində əcəl kürəyi,
Üzərimə torpaq verdi ayrılıq…
DE, O ZALIM YARA
Badi-səba, get de, o zalım yara,
Xəbəri vardırmı məstanəsindən?
Açdı ürəyimdə min cürə yara,
Daha nə istəyir divanəsindən?
Məni tərk eyləyən gözləri xumar,
Bağladı belimə həsrətdən kəmər,
Doğmadı baxtıma ol şəmsi-qəmər,
Ziyasın gizlədi pərvanəsindən.
Ellərin sürdüyü zövq ilə səfa,
Mənim də çəkdiyim cövr ilə cəfa,
Miskiniyə fərman yazar bivəfa,
Asar kəkilinin hər danəsindən.