OZAN DÜNYASI № 4(11), 2012
57
qalır. Elə həmin mədrəsədə də işə düzəlir. Boş
vaxtlarında şəhərin mədəniyyət ocaqları ilə
əlaqə qurur. Xüsusilə, el şənliklərinə böyük
maraq göstərir. Təbriz aşıqları ilə dostluq
əlaqələri qurur. Onların
məsləhəti ilə bir saz da
alır. Çox keçmir ki, saz çalmağı da öyrənir...
Şaqraq, məlahətli və yanıqlı səsi şəhərdə
diqqət çəkir. Günlərin bir günü Surxay
mötəbər bir məclisə dəvət olunur. Oxumaq
üçün ona da söz verilir. O, qarabağlılara məx-
sus bir ahənglə oxuyur. Sürəkli alqışlarla qar-
şılanır... Tanınmış bir şəxs onunla maraq-
lanır... Həmin şəxsin kimliyi Ənvər Çingizoğ-
lunun araşdırmalarında aydın olur:
– Surxayın anası Sənəm Fərhad qızı danışardı ki, o, İranda olarkən Təb-
rizin çox məşhur və hörmətli xanəndəsi Əbülhəsən xan İqballa görüşür. Onunla
bir çox musiqi məclislərində yaxından iştirak edir...
Təxminən 1920-1921-ci illər olur. Təbrizdə ictimai-siyasi vəziyyət
dəyişir. Surxayın dərs dediyi mədrəsədə də yoxlamalar aparılır. Bir neçə nəfərlə
bərabər o da dindirilir... Bəyalı kişi çox keçmir hadisədən xəbər tutur. Vaxt
itirmədən yola çıxır. Bir həftəyə gedib Təbrizə çatır. Əvvəl məktəbin rəhbəri,
sonra Surxayla görüşür. Məlum olur ki, Surxayın heç bir günahı yoxdur. O,
həbs də olunmayıb... Sonra Surxay atasına bildirir ki, bəs təbrizli olmadığım,
məhz Qarabağdan olduğum üçün mənə casusluq təklif olundu. Mən də qəbul
etmədim. Fikirləşdim ki, “Casusluq hara, müəllimlik hara!...” Bu şərtlə Bəyalı
kişi də razılaşmır. Səhəri müəllimlərlə görüşür və Surxayı da alıb doğma yurda
– Dirili kəndinə qayıdır. Surxay geri dönərkən “Telli sazı”nı da özü ilə
götürür.
Kəndin ağsaqqalları və qohumlar bir araya gəlirlər. Surxay işsiz qalmasın
deyə bəzi məsləhətlər edirlər. Belə qərara gəlirlər ki, kənddə məktəb açsınlar...
Bir gün Surxay yuxudan çox gec ayılır. Bu hal bir neçə gün təkrar olur.
Həmişə deyib-gülən gənc dinib-danışmır. Çox fikirli görünür. Onun bu halı ata-
anasını, qohum-əqrəbanı pərişan edir. Az sonra ürəyini yaxınlarına açır. Bildirir
ki, ona yuxuda buta veriblər, Butası Ağdaş elindən Mahbəri adlı bir qızdır. Onu
bu yoldan döndərməyə çalışırlar… Nəhayət, onu butasından küsdürürlər. Surxay o
gündən aşıqlıq etməyə başlayır. Nakam sevgisini də unutmur. Bayatılarında, qoş-
malarında onu həmişə yad edir.
Surxayın anası Sənəm Fərhad qızı deyərdi: “Qardaşım Cahangir Cəbrayıl
qəza idarəsində çalışırdı. Məmməd bəylə dost idilər. Bir gün məlum oldu ki,
Məmməd bəyin yaxın qohumu toy edir. Qardaşım Surxayı da toya apardı.
Toyda başqa aşıqlar da olur. Məclisdə Surxay da oxuyur. Pristav Məmməd bəy
onun oxumasından təsirlənir. Yanına çağırır. Soruşur ki, niyə belə qəmli
oxudun? Bizi də təsirləndirdin! Kimsən, haralısan? O, oxuya-oxuya deyir:
OZAN DÜNYASI № 4(11), 2012
58
Əslim Diridağlıdır,
Sinəm düyün-dağlıdır.
İstərəm duram gedəm,
Əl-ayağım bağlıdır.
Surxayam, sirdən desəm,
Sədəfdən, dürdən desəm.
Dağılar Diridağ,
Dərdimi birdən desəm.
Cahangir onun haqqında məlumat verir. Pristavın Surxaydan xoşu gəlir.
Ona mükafat olaraq at bağışlayır. “Bundan sonra bizim toylarda yaxından
iştirak edərsən“, – deyir.
Surxay 1930-cu ilə kimi tez-tez “Xudafərin“ körpüsündən keçib Təbriz
şəhərinə gedib. Təbrizli aşıqlarla İranın bir çox şəhərlərində toy məclisləri
aparıb. Hər dəfə qayıdanda bir at yükü hədiyyə gətirib. Hamısını qohum-əqrəba
və qonum-qonşuya paylayıb… Surxay siyasətdən daim uzaq olub. Ancaq buna
baxmayaraq 1937-ci ildə repressiyaya məruz qalıb. Tutularkən bir çox ev
əşyaları ilə bərabər əlyazmaları da müsadirə olunub. Ancaq xeyli çək-çevirdən
və yoxlamalardan sonra azad olub… Əlyazmalarının aqibəti isə məlum
olmayıb. Məhz buna görə də Aşıq Dirili Surxayın günümüzə gəlib çıxan əsərləri
azdır. Hələlik iki əsərini – “Aşıq elin atasıdır” və “Apar” şeirlərini tam şəkildə
əldə edə bilmişik. Sənətkar “Aşıq elin atasıdır” şeirində deyir:
Söylədiyim bu söz-söhbət,
Aşıqlara çatasıdır.
Aşıq eldən doğulsa da,
Öz elinin atasıdır.
El şad olsa, aşıq gülər,
El dərdini aşıq bilər.
Məhəbbətin eldən dilər,
El aşığın butasıdır.
Surxay deyər el içində,
Yaşa, yarat öl içində.
Nə yazılıb əl içində,
Bu açdığın nə tas idi?
Nakam sevgisinə qovuşa bilməyən Surxay könlünü ömürlük telli saza
bağlayır. Ellərin, obaların toy məclislərinin yarı-yaraşığı olur. Həmişə də nakam
sevgisini anır. Onun eşqiylə bayatılar, qoşmalar yazır və xalq məhəbbəti
qazanır. Ancaq Dirili Aşıq Surxay bu dünyadan erkən köçür. 1945-ci ildə, 53
yaşında ikən vəfat edir...
OZAN DÜNYASI № 4(11), 2012
59
Qalib SAYILOV
filologiya üzrə fəlsəfə doktoru
AZƏRBAYCAN AġIQ
SƏNƏTĠNƏ DAĠR
Aşıq sənəti çox qədim tarixi köklərə malik olan xalq yaradıcılığı sahəsidir.
Tarixi inkişafı ərzində müxtəlif mərhələlərdən keçmiş aşıq sənəti bir çox
mədəni dəyərləri özündə birləşdirmişdir. Bu sənət sahəsini öyrənərkən qarşı-
mıza çıxan ilk suallardan birincisi aşıq sözünün etimalogiyası ilə bağlıdır.
Aşıq sözü ərəb mənşəli “eşq” sözündən götürülüb mənası “sevən” deməkdir.
Yəni Allahı bütün qəlbi ilə sevən insan.
Aşıq sözünün etimologiyası daha qədim Varsaq, Yanşaq, Uzan-Ozan,
Aşiq adlarından törəndiyi artıq elmə məlumdur. Aşıq sənətkarı Orta əsrlər-
dən xalq içində xüsusi hörmət və rəğbətlə qarşıldandığı üçün onlar «əhli-
həqq», «haqq aşiqi» kimi adlandırılmışdır. Əksər aşıq mühitlərinin yayıldığı
ərazilərdə Dədə və ya «haqq aşiqi» adlandırılan sənətkarlar dünyasını dəyiş-
dikdən sonra onların məzarları ziyarətgahlara çevrilmişdir. Aşıqların xalq
içərisində böyük etimadı olmasını Gorus məktəb nəzarətçisi P.Vostrikov
belə şərh edir: «Əhali aşığın sözünə tam mənası ilə inanır və etiqad bəsləyir.
Bu kəndlərdə hətta savadlı ziyalılar aşıq qədər hörmətə malik deyildir.
Kəndli alimə o qədər inanmır, nə qədər ki bu sadə xalq şair-müğənnisinə
inanır»
25
.
Molla Qasım Şirvani ilə başlayan aşıq sənətinin
mənşəyində Azərbaycan
xalqının bir sıra milli-mənəvi dəyərləri cəmlənir. Buraya xalq inancları,
xalq fəlsəfəsi, xalq şeiri ənənələri, xalq musiqisi ənənələri, xalq adət və
mərasimləri, xalq sənəti ənənələri, peşəkar folklor söyləyicisi daxildir.
Aşıq sənətinin mənşəyi haqqında iki əsas konsepsiya var. Birinci kon-
sepsiyaya görə aşıq sənətinin mənşəyində ozan sənəti durur. Bu konsepsi-
yanın müəllifləri XX əsrin 20-ci illərindən başlayaraq bu fikri əsaslandırmaq
üçün müxtəlif tədqiqatlar aparmışlar. Həmin konsepsiyanı müdafiə edən
tədqiqatçılar arasında Bəkir Çobanzadənin, Həmid Araslının, Mürsəl Həki-
movun, Qara Namazovun adları vardır. İkinci konsepsiyaya görə aşıq sə-
nətinin mənşəyində sufizm dayanır. Bu sənətin formalaşması iki böyük
mərhələdən keçir:
1)
Təsəvvüf mərhələsi;
2) Sənət mərhələsi.
25
СМОМПК, вып, XVII, отд. 11, стр.1-39.