OZAN DÜNYASI № 4(11), 2012
46
Proqram üzrə Ustad Kamandar həmin gecənin tamaşaçılarına Aşıq
Şenliyin “Lətif şah” dastanını söyləməliydi. Lakin havanın küləkli, aşığın
bir qədər nasaz olması bizi dastan dinləmək səadətindən məhrum etdi. Bu
yerdə məhz gecənin təşkilatçılarının, xüsusilə də məclisin aparıcısı İshaq
Ozanoğlunun məharəti sayəsində məclis öz yaraşığını itirmədi. Artıq bizə
opera teatrındakı açılış gecəsindən yaxşı tanış olan sənətkarlar, aşıqlar
məclisi rövnəqləndirdilər.
Həmin axşam yenə saz sənəti şəninə təriflər söyləndi, qoşmalar
qoşuldu. Bu ulu sənəti yaşatmaq və inkişaf etdirmək zərurətindən söhbət
açıldı. Akademik Mirəli Seyidov qeyd etdi ki, biz aşıqlarımızın simasın-
da öz ilkin filosoflarımızı, ilkin alimlərimizi görmüşük. “Aşıq” – qədim
türk dillərində “günəş” deməkdir.
Məclis əhlinin xahişilə Aşıq Kamandar millətin yolunda qurban
gedən şəhidlərin şərəfinə qoşduğu ulu ağını bir daha oxudu. Sözünmü,
sazınmı, səsinmi bilmirəm, təsirindən, yanğısından ürəklərə od düşdü.
Şəhidlərin önündə
Dönmüşdüm məzar daşına, ay aman.
Gördüm bir qız yaman ağlar.
Rəhm edən yox göz yaşına,
Bir qaşları kaman ağlar, ay aman.
Dedim: gözəl, nədir dərdin?
Dedi: neçin sual verdin?
Dedim: səni ağlar gördüm,
Dedi: bu gün zaman ağlar.
Dedim: çox tökmə göz yaşın,
Dedi: getdi bir qardaşım.
Dedim: bəlalıdır başın,
Dedi: canı yanan ağlar.
Dedim: gəlsən bölək dərdin?
Dedi: dağ götürməz qəmim.
Dedim: dərdli təkcə sənmi?
Dedi: bir də anam ağlar.
Dedim: o nə şəkillərdir?
Dedi: cəmi şəhidlərdir.
Dedim: qızım, səninlə bil
Azərbaycan tamam ağlar.
Böyük sənətkarın od püskürən nəfəsi 20 Yanvar faciəsinin şahidləri olan
bizləri yandırıb-yaxdı. Məclisə qəm-kədər, kövrəklik ələndi bu ağıdan sonra.
OZAN DÜNYASI № 4(11), 2012
47
Respublika komsomolu mükafatı laureatı Aydın Çobanoğlu öz çalğısıyla
hamını sükuta qərq elədi. Aşıq Ulduz xanımın vurduğu zəngulələr Şəhidlərin
qanının harayına çevrilib şəhər üstə yayıldı. İncə ruhlu şairə Tərlan Göyçəlinin
vətən həsrətli çıxışı kövrəklik üstünə nisgil yağdırdı. Müğənni Səmayə İsma-
yılova ilə aşıq Aydın Çobanoğlunun birgə çıxışı qəbləri ehtizaza gətirdi. Yurd
itkisinə məruz qalmış yurd nisgilli ürəkləri də, bu bəlanı dadmayan xoşbəxt-
ləri də kövrəltdi. Yurd yanğılı müqəddəs göz yaşları yanaqlara yuvarlandı. İrə-
van xanlığı, Göyçə, Ağbaba, Zəngəzur, Vedibasar, Zəngibasar, Qəmərli ma-
halları bir daha yada düşdü. Düşmən tapdağında qalan torpaqlarımıza ağladıq
o gecə. Ata-baba yurdlarımızın itkisi bir daha göynətdi bizi. Dədə Ələsgərin
ruhu qarşısında borcumuzu düşündük. Sazın-sözün sehrindən, Aydın ifasının,
Səmayə istedadının təsirindən hamı elə susmuşdu ki, məclisdəkilərin ürək dö-
yüntüləri eşidilirdi. İlahi, sənətin qüdrətinə bax ki, düşünən-daşınan beyinləri
necə sehirləyib öz cazibəsində saxlayır... O gecə ayrı gecəydi. Əsl seir-sənət
gecəsiydi.
Rejissor Zaur Məhərrəmov opera teatrındakı çıxışında yana-yana
demişdi ki, bu günəcən kinomuz çox şey itirib. Böyük sənətkarlarımızı
sağlıqlarında lentlərin yaddaşına köçürməmişik. İndi o, sonradan peşiman
olmamaqçün Aşıq Kamandarın yubiley təntənəsini lentin yaddaşına
köçürürdü. Rəhbərlik etdiyi “Yaddaş” yaradıcılıq birliyində ustada həsr
olunmuş film hazırlanır. Həmin axşam operator Nizami Abbasov gecəni
lentə alırdı. Aşıq Kamandar gərdiş eləyə-eləyə meydan sulayırdı:
Bivəfasan, tanımırsan
Nə bəyi, nə xanı, dünya...
“Borçalı laylası”
Respublikanın əməkdar incəsənət işçisi Aşıq Kamandarın 60 illiyinə
həsr olunmuş yubiley təntənələri “Borçalı laylası” xeyriyyə konsertilə
yekunlaşdı. V.İ.Lenin adına Sarayda (indiki H.Əliyev adına Saray – red.)
keçirilən konsertdən toplanan vəsaitin bir hissəsi Gürcüstanda zəlzələdən
zərər çəkənlərin hesabına köçürüldü. Xeyriyyə konsertində respublikanın
xalq artisti Arif Babayev, müğənni Mələkxanım Əyyubova, Yaqut Ab-
dullayeva, Laləzar Mustafayeva, “Muğam” teatrının solistləri, “İstedad”
rəqs ansamblı, əvvəlki məclislərin də yaraşığı olmuş aşıqlar, müğənnilər
iştirak edirdilər. Böyük təntənəylə keçirilən konsert ustadın çıxışıyla ba-
şa çatdı. Aşıq Kamandar sənətinin qüdrətindən vəcdə gəlmiş salon ayağa
qalxaraq sənətkarı alqışlayırdı. Aşığın “Borçalı laylası” ürəkləri fəth et-
mişdi. Susmaq bilməyən alqışlar təkid edirdi: – Aşıq, bağrına bas sədəfli
sazı!.
1991-ci il.
OZAN DÜNYASI № 4(11), 2012
48
Nadir Mərzəngəli
KAMANDAR
Aşıq Kamandarın “Borçalı laylası” kitabını oxuyarkən
Döyüş vaxtı cəng imkanı belədir,
Meydan geniş, nizə iti kaman dar!
Səhvin olsa, öndə səni qarşılar,
Qəfil zərbə, qeyri nizə, kaman, dar.
Kam almağı bacar yaşa dolanda,
And iç ona, təmiz yaşa, dolan da.
Ar et səndə yetkin yaş ad, olanda,
Pozmayasan bu üç xətti, - Kam! And! Ar!
Qorqud üstə səmt götürüb yeri düz,
Ələsgər tək eşq yoluna inci düz.
Şəmşirdə ki, ölçü düzdür, çəki düz,
Daha qorxma, qarşıdadır Kamandar!
05 fevral 1992
***
Məshəti ġeyda Əli qızı
YAġA, KAMANDAR
Ümman da, dərya da, dəniz də sənsən,
Bu dünya durduqca yaşa, Kamandar!
Bağrına basanda sədəfli sazı,
Bənzərsən bir simurq quşa, Kamandar!
Müqəddəsdir amalın da, sazın da,
Müqəddəsdir qədəmin də, izin də.
Sən tarixi yaşadırsan özündə,
Dönməsin baharın qışa, Kamandar!
Sazına dəyəndə sehirli əllər,
Simlər haray çəkər, hay salar, inlər.
Güllərin eşqi ilə ağlar bülbüllər,
Az qalır xəyalım çaşa, Kamandar!
Oxu bülbüllərlə qoşa, Kamandar!
1984
Dostları ilə paylaş: |