56
haqqındakı təsəvvürün tarixi gercəkliklərə uyğun olmaması
M.Rəfilinin bu fikri üçün səciyyəvi idi. Bu, ilk növbədə həmin
dövrdə Azərbaycan tarix elminin lazımi səviyyədə inkişaf
etməməsinin təzahürü kimi qiymətləndirilə bilər.
1550-ci ildə italyan rəssamı, memarı və incəsənət tarixçisi
Corco Vazarinin «Rəssamların həyatı haqqında hekayələr»də ilk
dəfə işlətdiyi «Renessans» istilahı,
162
bu tarixi mərhələ,
Azərbaycan Renessansı problemı ətrafında mübahisələr son 40
ildə daha da intensivləşmişdir. «Azərbaycan Renessansı tarixi
gerçəklikdir və bu haqda ehtiyatla danışmaq olmaz».
163
Son
dövrün tədqiqatçıları (Ə.Ağayev, Y.Qarayev, A.Hacıyev,
A.Rüstəmova, Z.Quluzadə, D.Əliyeva) «XII-XIII əsrlərdə
Azərbaycan İntibahı» ideyasını inkişaf etdirmiş, əsərlərində
həmin dövrün mədəniyyətinin Renessans səciyyəsi daşıdığını
göstərmişlər. Lakin həmin ideyaya avropasentrist meyarlarla
yanaşma tərzi hal-hazırda da aparıcı mövqe tutmaqdadır.
Azərbaycan Renessansı probleminin həllinə «Şərqin tarixi
inkişaf prosesinin kifayət qədər öyrənilməməsi və düşüncə
tərzinin «avropasentrizmi»
164
mane olur. Azərbaycan tarix elmi-
nin son 50 ildə Azərbaycanın ictimai-iqtisadi və siyasi inkişaf
problemlərinin həlli sahəsindəki uğurları şəraitində bu, xüsusilə
təəssüf olunası faktdır. Bəzi tədqiqatçılar «Şərq sentrizmi»
(əslində «avropasentrizm»in astar üzü) mövqeyindən çıxış
edərək XII-XIII əsrlərdə
Azərbaycanda
Renessansın
mümkünlüyünü sübut etməyə çalışırlar. R.Əliyev Nizami
Gəncəvinin yaşadığı dövrü belə təsvir edir: «Sosial tərəqqinin
başqa bir göstəricisi feodalların «burjualaşması» idi…
Monqolların hücumundan qabaq Azərbaycanda və qonşu
ölkələrdə feodal ictimai münasibətləri elə bir səviyyəyə çatmışdı
ki, yeni, daha yüksək sosial-iqtisadi formasiyanın meydana
gəlməsi üçün zəmin yaranmışdı…Şərqdən gətirilmiş mədəniyyət
Avropanın ümumi tarixi inkişaf prosesini xeyli sürətləndirdi.
Sonralar Avropada İntibah dövrünü (Renessansı) doğuran bütün
ilkin şərtlərin hamısı bu dövrdə yaranmışdı».
165
XII-XIII
əsrlərdə feodalların «burjualaşması» prosesinin baş verdiyini
sübut edən tarixi faktlar yoxdur. Şəhər həyatının çiçəklənməsi
57
və pul tədavülünün artımı, sənətkarlığın inkişafı isə o dövrün
bütün Şərq aləmi üçün səciyyəvi idi. R.Əliyev «yeni, daha
yüksək sosial-iqtisadi formasiya» ifadəsi ilə məhz kapitalizmi
nəzərdə tutur. Hər hansı bir xalqın İntibahında kapitalist
elementlərinin təşəkkülünün həlledici olduğunu sübut etməyə
çalışmaq «avropasentrizmin» təzahürüdür. Biz bu problemə
münasibətimizi bildirərkən ədəbiyyatda mövcud olan Şərq
Renessansını
Qərb
qəlibinə
yerləşdirmək, onda Qərb
Renessansının oxşarını görmək cəhdlərinə qarşı çıxış edirik.
XII-XIII əsrlərin Şərq Renessansı (Azərbaycan da həmin mədəni
sistemin tərkib hissəsi kimi) gerçək tarixi fakt idi. XII-XIII
əsrlərdə Şərq mədəni sisteminin dəyərlərinin dirçəlməsi,
«oyanışı» prosesi olan Azərbaycan İntibahı (Renessansı) region-
al səciyyə daşımış, Şərq Renessansının tərkib hissəsi olmuşdur.
Həmin dövr Azərbaycan mədəniyyətinin inkişafında əsaslı
keyfiyyət çevrilişi ilə səciyyəvi olmuşdur. Lakin bu prosesdə
Azərbaycan xalqının mədəni-tarixi imkanları tam şəkildə
gerçəkləşməmişdi. Ona görə də Azərbaycan tədqiqatçıları bu
dövrdə baş vermiş İntibah barədə daha ehtiyatlı mülahizələr irəli
sürməyi, «Renessans
elementləri»ndən,
«Nizaminin
yaradıcılığının Renessans təbiətli olmasından»
166
bəhs etməyi
üstün tuturlar. Mədəni imkanların intensiv, kütləvi şəkildə
gerçəkləşməsi, özəl tarixin qədim dövrlərinə «müraciət»,
islamaqədərki inamların incəsənətdə aşkarlanması və s. kimi
İntibah üçün səciyyəvi olan cəhətlər XVI-XVII əsrlərdə
Azərbaycan mədəni-tarixi mühiti üçün səciyyəvi idi.
XVI-XVII əsrlərdə Azərbaycan İntibahı Ümumtürk
İntibahı kimi universal bir hadisənin tərkib hissəsi olmuşdur. Bu
İntibah ilk növbədə siyasi sahədə, türk (Azərbaycan) özünüdərki
əsasında daha qabarıq idi. XV əsrdə Qaraqoyunlu və
Ağqoyunlu, Şirvanşahlar dövlətləri, XVI əsrin əvvəllərindən isə
Səfəvilər dövləti siyasi dirçəlişin mühüm faktları kimi qeyd
olunmalıdır. Bu dövlətlər monqol əsarətindən sonra Azərbaycan
xalqının İntibahını təmin etmiş sabit siyasi birliklər idi.
İntibah prosesində Azərbaycan Səfəvilər dövlətinin
mövqeyi və rolu böyük əhəmiyyətə malik idi. «Səfəvilər
58
dövlətinin tarixi Azərbaycan xalqının tarixi ilə, onun etnik
konsolidasiyası ilə qırılmaz surətdə bağlıdır. Azərbaycanın
cənub və şimal vilayətlərinin nisbətən vahid, mərkəzləşmiş
Səfəvilər dövlətinin hüdudlarında birləşdirilməsi bu vilayətlərin
keçmişdəkinə nisbətən daha çox siyasi, iqtisadi, mədəni və etnik
yaxınlaşması üçün əsas yaratdı».
167
Səfəvilər dövləti (1501-
1736) Şirvanşahlar dövlətindən sonra Azərbaycanın ən sabit
siyasi tarixə malik olan orta əsr dövləti idi. Təxminən bir əsr
ərzində
Səfəvilər
dövləti
Azərbaycan
mədəniyyətinin
(müharibələrə və dağıntılara, itkilərə baxmayaraq) yüksəlişini
təmin etdi. Azərbaycan mədəniyyətinin vahid zəmində, yüksələn
xətlə inkişafında türk (Azərbaycan) özünüdərkinin gerçək
faktının – Səfəvilər dövlətinin mühüm rolu olmuşdur.
Azərbaycanda İntibah türk dilinin aparıcı əhəmiyyət kəsb
etməsi, türkcədən ilk dəfə dövlətlərarası münasibətlər sistemində
istifadə olunması, ədəbi əsərlərin bu dildə yazılması və s. ilə
səciyyəvidir.
Azərbaycan
xalqının etnogenetik inkişafı
prosesində aparıcı rol oynamış qədim türk dili məhz bu dövrdə
öz imkanlarını aşkarladı. «Həmin dövrdə Azərbaycan xalqının
düşüncə tərzində, mədəni-maddi-siyasi həyatında dönüş yaranır,
yeni dövr başlanır. Ümumiyyətlə, türk dillərində differensiaa-
siya XVI əsrin axırlarından aydın hiss olunmağa başlayır. Bu da
təsdiq edir ki, XVI əsr həmin xalqların tarixində yeni mədəni-
mənəvi dövrün astanasıdır».
168
«Azərbaycan dili» anlayışına XI
əsrin görkəmli ədəbiyyatşünası olmuş Xətib Təbrizinin
yaradıcılığında təsadüf olunur. Lakin qədimlərdən əsrimizin 30-
cu illərinədək bu dil «türk dili» adı ilə tanınmışdır. Türk dili
Səfəvilərin və qızılbaşların doğma dili idi və XVIII əsrin ilk
rübünə qədər sarayda və orduda öz aparıcı mövqeyini
saxlamışdır.
Ədəbiyyat sahəsində bu İntibah türk dilində yazılmış bədii
əsərlərin artması ilə səciyyəvidir. Əgər Azərbaycanın XV-XVI
əsrə qədərki peşəkar ədibləri ərəb və fars dillərində yazırdılarsa,
XVI əsrdə şərait əsaslı surətdə dəyişdi. Türk özünüdərki prosesi
ədəbiyyatda da özünü
göstərməyə
başladı.
İmadəddin
Nəsimidən etibarən güclənmiş bu proses XVI-XVII əsrlərdə
Dostları ilə paylaş: |