Bilik – Elm – Bilik
59
edilmişdir. Yəni eyni cür hadisənin təkrarlanması zamanı həmişə eyni bir
nəticənin alınması insanlara situasiyanı ümumiləşdirmək üçün əsas verir.
Bu bilik də ibtidai icma dövründə insanın təsadüfi müşahidəsinin sonrakı
praktik fəaliyyətdə sınaqdan keçirilməsi sayəsində əldə edilmişdir. Bu ha-
disənin elmi izahı isə neçə min illərdən sonra, ancaq XVIII-XIX əsrlərdə
mexaniki enerjinin istilik enerjisinə çevrilməsi və yüksək temperaturlarda
oksidləşmə prosesinin sürətlənməsi öyrənildikdən sonra verilmişdir. Yəni
yanma prosesinin kimyəvi mexanizmi və müvafiq olaraq fiziki və kimyəvi
proseslərin qarşılıqlı əlaqəsi məhz XIX əsrdə bəlli olmuşdur. Deməli, eyni
bir biliyin əməli bilik səviyyəsində məlumluğu ilə onun elmi bilik kimi
təsbit olunması arasında neçə min illər zaman keçir.
Baxdığımız misalda bilik praktikada onun elmi kəşfindən əvvəl mə-
lumdur. Amma müasir dövrdə çox vaxt biliklər elmi tədqiqatlar vasitəsilə
aşkar edilir, ekperimental və ya nəzəri yolla yoxlanılır və ancaq bundan
sonra istehsalatda və ictimai həyata tətbiq olunur. Əlbəttə, elmi kəşflərin
nəticəsini tətbiq edən işçilər onun mahiyyətini bilməyə də bilərlər. Çünki
bilavasitə icraçılar ancaq texnoloji reseptlər vasitəsilə işləyirlər. Onlar gör-
düyü işin «niyə»sinə cavab vermir və bilikləri bir növ kor-koranə tətbiq
edirlər. Və bu əməliyyat tədricən əməli vərdişlərə keçir ki, onun da əsasın-
da yenə də praktik bilik dayanır. Lakin bu praktik bilik artıq elmi biliyin
tətbiqi prosesində formalaşmış olur. Buna ən əyani misal, ustanın televizo-
ru təmir etməsidir. O, televizorun hansı fiziki proseslər sayəsində işlədiyini
bilməsə də, hansı detalın nə kimi praktik funksiya daşıdığını və hansı xa-
rakterli nasazlığın hansı elementlə bağlı ola biləcəyini əməli bilik səviyyə-
sində mənimsəyir. Beləliklə, elmi biliklər istehsalatda və məişətdə bilava-
sitə deyil, əməli biliklərə çevrilərək istifadə olunur.
Yeni texnikanın ixtirası və müvafiq texnologiyanın işlənib hazırlan-
ması zamanı istifadə olunan biliklər artıq nə xalis elmi, nə də xalis əməli
biliklərdir. Biliyin bu yeni formasını biz elmi-texniki bilik adlandıracağıq.
Bu yeni bilik forması əslində öz spesifikasına müvafiq olan bir fəaliyyət
formasının, yəni elmi-texniki fəaliyyətin nəticəsidir.
Bu yeni fəaliyyət sahəsinin mahiyyətini və xüsusiyyətlərini dərk et-
mək üçün onu elm və texnika, habelə elmi və praktik bilik arasında müna-
sibətlərin inkişafında qanunauyğun bir halqa kimi nəzərdən keçirmək
lazımdır.
Texnikanın inkişafının birinci tarixi mərhələsi (yəni nə zaman ki, hə-
Elm haqqında elm
60
lə süni əmək vasitələri yaranmamışdı) ancaq elementar əmək vərdişlərinin
formalaşması ilə bağlıdır. Bu dövrdə insan ancaq öz təbii əmək orqanları
vasitəsi ilə iş görür. Tədricən bu təbii hərəkətlər vərdiş halını aldı və onun
sayəsində ilk məqsədyönlü fəaliyyət formalaşdı. Əldə olunmuş vərdişlər
bir əmək vasitəsi kimi növbəti nəsillərə ötürülməklə o dövrdə ictimai inki-
şafın səviyyəsini müəyyənləşdirən əsas meyar hesab edilə bilər. Beləliklə,
ilk tarixi mərhələdə təbii əmək orqanları və əməli vərdişlər yeganə texniki
vasitələr idi.
Sonrakı tarixi mərhələdə əmək vasitələri sırasında məqsədəuyğun
fəaliyyətin maddi vasitələrini, əmək alətlərini görmək mümkündür. Bu
alətlərlə yanaşı onlardan istifadə vərdişləri də texniki vasitələr sisteminə
daxil oldu. Və onları tətbiq etməyə imkan verən vərdişlər yarandı.
Sonrakı dövrdə texnikanın inkişafında yeni keyfiyyətli mərhələ işçi
maşının yaranması ilə bağlıdır. Maşının əsas xüsusiyyəti bundan ibarətdir
ki, əvvəllər əmək predmeti üzərində insan tərəfindən görülən işi indi bila-
vasitə maşın həyata keçirir. Lakin işçi maşınların yaranması hələ elmin is-
tehsalata sirayət etməsi deyildi. Belə ki, o dövrdə maşınların çoxu elmi
kəşflər əsasında yox, praktik biliklərin inkişafı və tətbiqi sayəsində ixtira
olunurdu. Bu dövrün elmi bilikləri texniki tərəqqinin dalınca gedir və artıq
praktikada həyata keçirilən texnoloji proseslərin elmi izahına təşəbbüs gös-
tərilirdi. Həmin dövrdə elm qarşısında praktik ehtiyaclardan doğan konkret
vəzifələr də qoyuldu ki, bu da tətbiqi elmlərin inkişafına böyük təkan
verdi. Digər tərəfdən, ixtiraçıların düzəltdiyi texniki qurğular və onların
fəaliyyət mexanizminin elmi müstəvidə nəzərdən keçirilməsi bir sıra yeni
qanunauyğunluqların aşkar edilməsinə imkan açdı. Bir sözlə, XVIII əsrin
axırlarına qədər istehsalatda aparıcı bilik növü elmi biliklər deyil, praktik
biliklər və mühəndis yaradıcılığı idi. Elmi nailiyyətlərdən istifadə olunması
nadir hadisə idi.
Elmin istehsalata tətbiqinin müntəzəm və ardıcıl bir prosesə çevril-
məsi XIX əsrdən başlayaraq getdikcə gücləndi. Bu dövrdə texniki yeni-
liklər daha çox elmdəki kəşflərlə əlaqəli surətdə həyata keçir. Əlbəttə, yeni
elmi biliklərin texniki realizasiyası yeni tipli layihə-konstruktor işləri və
daha yüksək mühəndis biliyi tələb edirdi. Digər tərəfdən, mühəndis və
konstruktorların yeni elmi nailiyyətlərdən xəbərsiz olmaları ixtiraçılıq fəa-
liyyətində elmin tətbiqini çətinləşdirirdi. Yaranmış vəziyyət həm elmin
strukturunda, həm də ixtiraçılıq fəaliyyətində yeni halqaların əmələ gəlmə-
Bilik – Elm – Bilik
61
sinə səbəb oldu. Bir tərəfdən texniki elmlər, o biri tərəfdən də elmi-texniki
fəaliyyət və biliyin inkişafında yeni forma olan elmi-texniki biliklər mey-
dana gəldi. Elmi-texniki fəaliyyət həm elmi yaradıcılıqdan, həm ixtiraçılıq
fəaliyyətindən, həm də texniki sistemlərin iş prinsipindən onunla fərqlənir
ki, onun məqsədi nə gerçəkliyin nəzəri səviyyədə mənimsənilməsinə, nə də
hazır biliklərin texniki realizasiyasına yönəlməmişdir və özünəməxsus
səciyyə daşıyır. Yəni elmi-texniki fəaliyyət təkcə elm və təkcə texnologiya
çərçivəsinə sığmayaraq sanki bu iki hadisə arasında körpü rolunu oynayır.
Burada həm elmi həm də praktiki biliklərdən sıx istifadə olunur.
Elmi-texniki fəaliyyət sahəsi Qərbdə çox vaxt texnoloji fəaliyyət ad-
landırılır. Halbuki texnoloji fəaliyyət məhz texnikanın istismarı üçün lazım
olan biliklər və vərdişlər sferasını əhatə edir. Məsələyə aydınlıq gətirmək
üçün bu sahədə tanınmış mütəxəssis S.F.Kasprzukun fikrinə müraciət
edək. O, texnologiyanı belə təqdim edir: «Texnologiya bir fəaliyyət sahəsi
kimi, kim tərəfindən və hansı sahədə həyata keçirilməsindən asılı olmaya-
raq, elm ilə texnika, nəzəri biliklə praktik iş arasındakı boşluğun aradan
qaldırılmasına xidmət edir».
6
1
Burada, əvvəla, müəllifin “texniki fəaliyyət” anlayışında nəyi nəzər-
də tutduğu bəlli olmur, belə ki, “texnoloji fəaliyyət” anlayışının daxil edil-
məsi “texniki fəaliyyət” anlayışına yenidən baxılmasına və ya onun ümu-
miyyətlə çıxarılmasını tələb edir. İkincisi, əgər müəllif texniki fəaliyyətə
istehsal fəaliyyətini daxil edirsə, onda digər fəaliyyət növləri; bədii yaradı-
cılıq, siyasi fəaliyyət və s. kənarda qalmış olur.
A.Uaythed isə texnoloji fəaliyyətin formalaşmasını Yeni Dövrün ən
mühüm hadisələrindən biri hesab edir: “Şübhəsiz, son 300 ildə texnologiya
böyük inkişaf yolu keçmişdir, amma axır vaxtlara qədər elmin texnikaya
bilavasitə təsirini müstəqil bir hadisə kimi təsəvvür etmək mümkün olma-
mışdır”.
6
2
Doğurdan da, elmi biliklərin texnikaya müntəzəm və sistemli şə-
kildə tətbiq olunması və beləliklə bu tətbiqi təmin edən xüsusi fəaliyyət
növünün əmələ gəlməsi ancaq XIX əsrin axırları XX əsrin əvvəlləri üçün
səciyyəvidir. Bu hadisəni önə çəkməsini Uaythedin uğuru hesab etmək
olar. Lakin bizcə, o, bu məsələdə çox irəli gedir və nəinki elmin sistemli
1
S.F. Kasprzuk. On the conspert of technoloqy and its relation to science and technic //
Proceeding of the XV World Congress of Philosophy. Sofia, 1973. p.321.
2
A.Whitehead. Function of Reason. Boston, Beacon Press, 1971, p. 42.
Dostları ilə paylaş: |