Elm haqqında elm
150
fında getdikcə güclənməkdə olan inteqrativ proseslər hələ ki, vahid elmin
formalaşmasına gətirib çıxarmamışdır.
2. “Elm” anlayışı ondan nisbətən geniş olan başqa bir anlayışla əhatə
olunmur. Onu heç “materiya” və “şüur” kimi geniş anlayışlara da daxil et-
mək mümkün deyil, çünki elm sistemi həm maddi, həm də ideal ele-
mentləri əhatə edir. Məsələn, “elm bilikdir”, “elm ictimai şüurdur”, “elm
fəaliyyətdir”, “elm sosial sistemdir” demək düzgün deyil (yeri gəlmişkən
qeyd edək ki, müasir tədqiqatçıların böyük əksəriyyəti bu müddəalardan
hansısa birindən çıxış edir), çünki bu cür fikirlər “elm” anlayışının bütöv-
lükdə bu anlayışlara daxil etdirilməsini tələb edir. Gerçəklikdə isə söhbət
ancaq onların məzmununun kəsişməsindən gedə bilər.
3. “Elm” anlayışının əhatə etdiyi elementlər qapalı sistem olmayıb
elmlə qarşılıqlı bağlı olan digər sistem və hadisələrin hissə, xassə və ya
funksiyaları ilə üst-üstə düşür. Elmin rəngarəng daxili element və hissələ-
rini daha aydın təsəvvür etmək üçün onları bu hadisələrin elmlə kəsişdiyi
sahəni əks etdirən söz birləşmələri şəklində ifadə etmək tələb olunur. Bi-
zim fikrimizcə, predikatı “elmi” olan bütün anlayışlar elmin müvafiq his-
sələrini əks etdirir. Belə ki, məsələn, “elmi idrak”, “elmi yaradıcılıq”, “el-
mi bilik”, “elmi əsər”, “elmi müəssisə”, “elmi işçi” və s. idrakın, biliyin el-
mə bilavasitə aidiyyatı olan hissəsini, formasını, aspektini göstərir. Burada
sistemlər sadalanır. Sistemlərin sadalanmasının mahiyyəti ondadır ki, eyni
elementlər eyni zamanda müxtəlif sistemlərə məxsusdur. Bu törəmə anla-
yışların hər bir komponenti ayrılıqda burada əks olunmuş mənadan başqa
bir sıra başqa mənaları da özündə daşıyır. Belə ki, “elmi” anlayışının həc-
mi “elmi bilik” anlayışının əhatə etdiyi həcmdən genişdir. Eynilə “bilik”
anlayışının həcmi yuxarıda göstərilən məna ilə məhdudlaşmayıb digər,
qeyri-elmi bilikləri də əhatə edir.
1
1
Elə buradan da elmin biliklər sistemi kimi səciyyələndirilməsinin nə
dərəcədə birtərəfli olduğu aydın olur. Elmiliyin bütün meyarlarına cavab
verən biliklər məcmusu çoxaspektli və mürəkkəb olan elmi yox, sistemi
(“elmi biliyi”) yaradır. Bununla əlaqədar qeyd etmək lazımdır ki, bu fərq-
lərin nəzərdən qaçırılması üzündən guya elmin, onun strukturunun tədqiqi-
nə həsr olunmuş əsərlərin əksəriyyəti əslində yalnız elmi biliyin araşdırıl-
masına həsr olunmuşdur. Bəzi müəlliflər isə elmi biliyi bütövlükdə elmlə
1
Bax: БСЭ. Т.9. С.555.
Elm və onun inkişaf yolu
151
eyniləşdirməsələr də, elmin qnoseoloji tədqiqini elmi biliyin tədqiqi ilə
məhdudlaşdırırlar: “Elmin qnoseoloji vahidlərinə (“taksonlar”) nəzəriyyə,
nəzəriyyələr fəsiləsi, paradiqma, tədqiqat proqramı, intellektual ənənə, bili-
yin tipləri, nəhayət, bütövlükdə bilik aiddir. Təhlilin başlıca vahidi kimi
biz “elmi biliyi”, onun forma, növ və tiplərini götürmüşük. Elmin bilik ki-
mi nəzərdən keçirilməsi ona görə böyük əhəmiyyət kəsb edir ki, o, həm
ənənəvi məntiqi-metodoloji təhlili nisbətən yaxşı öyrənilmiş “nəzəriyyə-
dən” biliyin nisbətən zəif öyrənilmiş növlərinə şamil etməklə onun pred-
met sahələrini genişləndirir, həm də rasionallığın xüsusi tipi, mənəvi isteh-
salın xüsusi növü kimi elmin ümumi qnoseoloji nəzəriyyəsinin qurulması
üçün əlavə perspektivlər açır
1
1
. Halbuki, elmin məhz “bilik” kimi nəzərdən
keçirilməsi onun “mənəvi istehsalın xüsusi növü” kimi nəzərdən keçiril-
məsi üçün əsas vermir. Bunun üçün elmi elə bir rakursda nəzərdən keçir-
mək lazımdır ki, burada tədqiqatın obyekti elmi tədqiqat prosesinin özü ol-
sun. Bu rakurs tədqiqatçıların diqqətindən kənarda qalmasa da, əksər hal-
larda birtərəfli şəkildə, yalnız sosial təhlil mövqeyindən nəzərdən keçirilir.
Elm sisteminin son dərəcədə mürəkkəbliyi ondadır ki, bəzən onun
struktur kəsiklərinin özü də çoxölçülü olub daha xırda quruluşa malik olur.
Buna görə də elmin fəaliyyət aspekti həm sosial, həm də məntiqi-
qnoseoloji planda nəzərdən keçirilə bilər.
Bundan başqa, elmin struktur kəsikləri, altsistemləri təkcə elmi bi-
likdən və elmi fəaliyyətdən ibarət deyil. Qeyd etdiyimiz kimi, elmin təhli-
lində “elmi” predikatı olan bütün anlayışların obyektiv məzmunu nəzərə
alınmalıdır. Əgər bu cür anlayışların hamısı elmin yalnız müxtəlif tərəfləri-
ni, rakurslarını, sahələrini əks etdirsəydi, onda onların məcmusunun, daha
doğrusu, mütəşəkkil birliyinin elmin daha dolğun mənzərəsini xarakterizə
edəcəyini güman etmək olardı. Amma bu cür yanaşmada meydana çıxan
əsas çətinlik ondadır ki, bu “anlayışlar-çarpazlaşmalar” həmçinin bir-biri
ilə də kəsişir. Buna görə də onlardan hansının təməl anlayış olduğunu təyin
etmək çətindir. Bundan başqa, bu cür müəyyənlik elm sisteminin bütöv
mənzərəsini minimal sayda anlayışların köməyi ilə təsvir etməyə imkan
verərdi ki, bu da təsvirin ən mühüm metodoloji şərtlərindən biridir.
Belə ki, elmi fəaliyyət elmin mühüm tərəflərindən birini əks etdirsə
1
В.В.Ильин, А.Т. Калинкин. Природа науки (гносеологический анализ). М., 1985.
c.4.
Elm haqqında elm
152
də, onun “elm” sistemini yaradan təməl hadisəsi kimi qəbul edilməsi məsə-
ləsi mübahisəlidir, çünki elmi fəaliyyətin özü elmi axtarış, elmi yaradıcılıq,
elmi kəşf və s. kimi prosedurları özündə birləşdirən mürəkkəb və rənga-
rəng bir prosesdir.
Deyilənləri izah etmək üçün elmi fəaliyyətlə elmi yaradıcılığın
nisbətinə nəzər salaq. Bu cür müqayisəli təhlilə ehtiyac həmçinin ona görə
yaranır ki, ədəbiyyatda elmi fəaliyyət bir qayda olaraq elmi yaradıcılıqla
eyniləşdirilib yaradıcı fəaliyyətin formalarından biri (özü də ali forması)
kimi səciyyələndirilir.
1
1
Məsələyə bu cür yanaşdıqda elmi fəaliyyətin qeyri-
yaradıcı elementləri diqqətdən kənarda qalmış olur.
Zənnimizcə, elmi fəaliyyət müstəsna olaraq yaradıcı aktlardan ibarət
ola bilməz: sonuncular məxsusi olaraq qeyd olunmaqla onun yalnız bir his-
səsi kimi qiymətləndirilməlidir. Elmi fəaliyyət elmin mühüm və səciyyəvi
hissələrindən biri olsa da, onun strukturunda elə də böyük yer tutmur. Elmi
prosesdə informasiyanın seçilməsi, empirik məlumatların toplanması və
ümumiləşdirilməsi, faktların tutuşdurulması, nəticələrin hesablanması və
təhlili, EHM-ın köməyi ilə informasiyanın emalı, ümumi müddəaların
xüsusi hallara tətbiq edilməsi kimi köməkçi-elmi, stereotip işlər də mühüm
yer tutur. Empirik tədqiqatların əksəriyyəti yaxşı tanış olan metodlarla,
qabaqcadan işlənib-hazırlanmış və dəfələrlə tətbiq olunmuş metodikalar
çərçivəsində aparılır. Dəyişən yalnız tədqiqatın obyekti və eksperimentlə-
rin şərtləridir. Bu cür tədqiqatlarda fikri proses bir qayda olaraq formal
məntiqin çərçivələrindən kənara çıxmır. Lakin bu cür tədqiqatların kifayət
qədər aparılması yeni ideyalar və nəzəriyyələrin meydana gəlməsinə şərait
yaradır. Qeyri-yaradıcı xarakterli hazırlıq işləri aparılmasa, yaradıcı tədqi-
qatlar aparıla bilməz. Əlbəttə, bu heç də o demək deyildir ki, alim yaradıcı
işlə məşğul olmaqdan öncə hazırlıq xarakterli qeyri-yaradıcı tədqiqatlar
aparmalıdır. Elmdə müəyyən dərəcədə əmək bölgüsü var. Bəzi elmi işçilər
əsasən qeyri-yaradıcı işlə, “elmin baniləri”, “ideya istehsalçıları” adlandırı-
lan digərləri isə yaradıcı işlə məşğul olur. Sonuncuları daha çox layihəsinin
həyata keçirilməsində çoxlu sayda fəhlələrin iştirak etdiyi memarla müqa-
yisə etmək olar. Binanın ayrı-ayrı elementlərinin uğurla və ya uğursuz ye-
rinə yetirilməsi ustanın, fəhlənin bacarığından asılı olsa da, binanın ümumi
1
Bax, məsələn: Г.Гиргинов. Наука и творчество. М., 1979; В.Б. Дудина. Научное
творчество как вид духовной деятельности.. М., 1982. və b.
Dostları ilə paylaş: |