Elm və onun inkişaf yolu
147
müəyyənləşdirmək lazımdır. Lakin mahiyyəti xüsusi olaraq araşdırmağa
ehtiyac qalmır, çünki bu, nəzərdən keçirilən anlayışı daxil etdirmək tələbi
ilə bağlı olur.
Bu cür ilkin metodoloji mülahizələrdən sonra “elm” anlayışının (və
yaxud istənilən başqa qeyri-yekcins anlayışın) mahiyyəti və həcminin mü-
əyyənləşdirilməsi problemi tamamilə konkret formul əldə etmiş olur. Bu,
mövzumuzdan kənara çıxdığına görə, biz elmin araşdırılması probleminə
dair bir sıra digər metodoloji göstərişləri üzə çıxarmaqla kifayətlənəcəyik.
Qeyri-yekcins anlayışlar haqqında təsəvvürlərin tətbiqi “elm” anla-
yışının təyininə verilən əsas metodoloji tələblərdən biridir, çünki anlayışın
xarakteri və növünü bilmədən onun əhatə etdiyi sahəni təyin etmək
mümkün deyil.
Qeyri-yekcins anlayışları öyrənməklə əsas məqsədi təyin etmiş olu-
ruq ki, bu da elm anlayışını sadəcə təkmilləşdirməkdən yox, onu nisbətən
daha geniş hadisələr haqqında ümumiləşdirilmiş təsəvvürlərin məntiqi
qurulması tələblərinə müvafiq olaraq yenidən tətbiq etməkdən ibarətdir.
Lakin nəzərə almaq lazımdır ki, əsas vəzifə tamamilə yeni anlayışı tətbiq
etmək yox, artıq istifadə olunan anlayışı dəqiqləşdirməkdən ibarətdir.
Buna görə də elmin fəlsəfi tədqiqi iki əsas istiqamətdə aparılmalıdır:
1. “Elm” anlayışını tətbiq etmək zərurətini doğurmuş səbəblərin
dəqiqləşdirilməsi və bu zərurətə müvafiq olaraq “elm” anlayışının həcmi-
nin, əhatə dairəsinin müəyyənləşdirilməsi;
2. Elm haqqında əvvəlki təsəvvürlərin mümkün qədər dolğun əhatə
edilməsi.
Bu istiqamətlərdə məntiqi ilə tarixinin vəhdətinin spesifik təzahürü
öz ifadəsini tapmış olur.
Elmin araşdırılması prosesində meydana çıxan digər metodoloji
problem ictimai tərəqqi kimi olduqca geniş bir hadisəni təmsil edən
müxtəlif anlayışların qarşılıqlı münasibətlərinin aydınlaşdırılması ilə bağlı-
dır. Tamlığına baxmayaraq, ictimai tərəqqinin müxtəlif tərəflərdən öyrəni-
lə biləcək özünəməxsus daxili strukturu var. İctimai tərəqqinin elmi tədqi-
qinin məntiqi strukturu elə olmalıdır ki, istifadə olunan anlayışlar bir-birini
tamamlaya və ictimai inkişafın daxili tamlığını əks etdirə bilsin.
Nəzərdən keçirilən hər bir sahədə tam təsəvvürlər minimal sayda
anlayışların köməyi ilə əldə olunmalıdır. Həmçinin diqqətdən kənarda əks
etdirilməmiş sahələrin də qalmadığına nəzər yetirmək lazımdır. Həndəsə-
Elm haqqında elm
148
nin dilində bu tələb aşağıdakı kimi səslənir: bütün sərhəd boyu qeyri-
yekcins anlayışlardan hər biri digər anlayışlarla rabitədə olsa da, onlarla
kəsişməməlidir. Lakin anlayışlar arasında mütləq sərhədləri yalnız ayrı-
ayrı hallarda çəkmək mümkün olur. Məlum olduğu kimi, real gerçəklikdə
dəyişikliklər fasiləsiz olaraq baş verir ki, bu da nəzərdən keçirilən hadisə-
lər haqqında müəyyən mərhələdə əldə etdiyimiz bütöv təsəvvürlərin zaman
keçdikcə yeni şəraitə uyğun gəlməməsinə səbəb olur.
Bu cür hal sosial hadisələrin öyrənilməsində müşahidə olunur, çünki
burada idrakın əsas elementləri olan qeyri-yekcins anlayışlar müstəqil şə-
kildə yox, onlarla bağlı olan digər anlayışlarla əlaqədə təyin olunur. Belə-
liklə, hər hansı bir anlayışın həcmində baş vermiş dəyişikliklər müvafiq
anlayışlar sisteminin məqsədinin yenidən işlənməsi ilə birgə nəzərə alına
bilər. Anlayışların mahiyyəti əks etdirə bilməsi üçün hər hansı bir qeyri-
yekcins anlayışın sferasından xaric edilmiş elementlər digər anlayışlar tə-
rəfindən əhatə olunmalıdır.
Buna görə də sosiologiyada bütöv təsəvvürlər gerçəklikdəki kimi
fasiləsiz yox, diskret olaraq, toplanmış biliyin ümumiləşdirilməsi üçün
yetərli olan intervallarla inkişaf edir. Bitkin təsəvvürlərin dayanıqlığını isə
yalnız gələcəkdə baş verə biləcək dəyişiklikləri nəzərə almaqla artırmaq
mümkündür. Elmin və analoji sistemlərin inkişafının proqnozlaşdırılması-
nın olduqca aktual bir problem olması məhz bu səbəblə izah olunur
1
1
.
Qeyd etmək lazımdır ki, qeyri-yekcins anlayışlar başqalarından
həmçinin öz inkişafının xarakteri ilə də fərqlənir. Müasir tədqiqatlara xas
olan ümumi çatışmazlıqlardan biri də elə məhz bu cür fərqlərin nəzərə
alınmamasıdır. Bu səbəbdən də qeyri-yekcins anlayışların təhlili bu anla-
yışların bir-biri ilə qarşılıqlı əlaqələrdə olduğu və bir-birini qarşılıqlı
şəkildə tamamladığı nəzərə alınmadan aparılır.
Bu çatışmazlıqları aradan qaldırarkən aşağıdakı metodoloji müddəa
rəhbər tutulmalıdır: istənilən sistem öz elementlərinin adi məcmusu olma-
yıb həmçinin yalnız bütöv bir tamlıq şəraitində üzə çıxan özünəməxsus
xassələrə də malikdir.
Sonda elmin yeni xüsusiyyətlərinin müəyyənləşdirilməsinə aid olan
daha bir metodoloji məsələyə nəzər salaq. Bu anlayışın əhatə etdiyi real-
lığın dəyişməsi üzündən hansısa bir zaman üçün səciyyəvi olan cəhətlər
1
Məs.: Наука о науке. М., 1966.
Elm və onun inkişaf yolu
149
başqa bir zamanda aşkarlanmaya da bilər. Buna görə də qeyri-yekcins an-
layışların tətbiqi zamanca ümumiləşdirməni də tələb edir. Odur ki, elə cə-
hətlər qeydə alınmalıdır ki, onlar bütün dövrlər üçün səciyyəvi olmaqla hə-
mişə bu anlayışın əhatə dairəsində olsun. Elə məhz bu cəhətlər də nəzərdən
keçirilən anlayışın (bizim halda “elm” anlayışının) əsas məzmununu təşkil
edəcəkdir Axı onun tətbiqinə olan tələb məhz bu səbəbdən irəli gəlmişdir.
Belə olduqda elmin hər hansı zaman intervalına müvafiq olan inkişaf
səviyyəsi xüsusi olanın rolunu oynayacaqdır (zamana nisbətdə).
Hal-hazırda elm fəlsəfi, iqtisadi, tarixi, sosial, psixoloji və digər
nöqteyi-nəzərlərdən öyrənilir. Tədqiqatın məqsədi və vəzifələrindən asılı
olaraq “elm” anlayışı müxtəlif cür şərh olunur. Hər bir tədqiqat sahəsi ona
öz xüsusi prizmasından, öz xüsusi maraqları mövqeyindən yanaşır. Buna
görə də bu sahələrdən heç biri ayrılıqda “elm” anlayışının həqiqi həcmini
üzə çıxarmaq iqtidarında deyil. Yalnız sistemli tədqiqatlar aparmaqla elmi
hərtərəfli öyrənmək mümkündür.
Elmin tədqiqinə həsr olunmuş əsərlərin təhlili göstərir ki, bir sıra
yanlış qənaətlər elmin ayrı-ayrı elementləri və rakurslarının ümumən elm-
lə, yəni bütöv bir sistem kimi elmlə eyniləşdirilməsi ilə bağlıdır. Buna
misal olaraq elmi işçilərin sayının, elmi-tədqiqat müəssisələrinin, elmi jur-
nalların miqdarının və s. məhdud olması üzündən elmin inkişaf həddinin
olması haqqında mühakimələri göstərmək olar. Bundan başqa, elmin bilik-
lərin məcmusu, tədqiqat prosesi
1
1
və s. kimi səciyyələndirilməsi də ayrı-
ayrı elementlərin bütöv bir sistemlə eyniləşdirilməsindən başqa bir şey
deyil.
Mürəkkəb tam bir sistemi əks etdirdiyinə görə, “elm” anlayışı
aşağıdakı spesifik əlamətlərə malikdir:
1. Bütövlükdə elmin mövcudluq formasına uyğun gələn hansısa bir
predmeti və ya konkret hadisəni göstərmək mümkün deyil. Bu səbəbdən də
“kitab elmdir”, “alim elmdir”, “bilik elmdir” və s. bu kimi fikirlər yanlış-
dır. Elmin yalnız fənlər üzrə təsnifatını aparmaq olar. Məsələn, “fizika
elmdir” və digər bu kimi mühakimələr düzgündür, çünki bütün xüsusi elm-
lər elmin konkret mövcudluq formalarından başqa bir şey deyil. Başqa söz-
lə, elm xüsusi elmlərdən kənarda mövcud deyildir. Xüsusi elmlərin inkişa-
1
Bu barədə bax: Наука в социальных, гносеологических и ценностных аспектах.
М., 1980.
Dostları ilə paylaş: |