- 241 -
ERMƏNİ SAXTAKARLIĞI. YALAN ÜZƏRİNDƏ QURULAN TARİX
s. külli miqdarda gəlir əldə etmək istəyirlər. Şəhər ətrafında
- keçmişdə Təzəkənd
adlanan, indi isə ermənilərin Noraqyuğ adlandırdıqları yaşayış massivində
184 hektar ərazidə inşa edilməsi nəzərdə tutulan layihənin ilkin smeta dəyəri
6-7 milyard ABŞ dolları civarındadır. Moskva şəhərinin keçmiş meri Yuri
Lujkovun İrəvana 2010-cu ilin yanvarındakı səfəri zamanı erməni rəsmiləri
onu şirnikləndirərək “İrəvan qalası” layihəsinin maliyyələşdirilməsi məsələsini
merin və onun biznes ortaqlarının üzərinə qoymaq üçün merin razılığını
almışdılar.
428
Lakin Y.Lujkov Moskvanın meri vəzifəsindən azad edildikdən
sonra “İrəvan qalası” layihəsinin icrası baş tutmamışdı.
Azərbaycanlılara qarşı törədilən 1905-1906-cı illər kütləvi qırğınları, 1918-
1920-ci illər soyqırımı, 1948-1953-cü illər və 1988-1989-cu illər deportasiyaları
İrəvan şəhərinin azərbaycanlı simasını ermənilərin xeyrinə tamamilə dəyişdirdi.
İrəvan şəhərindən azərbaycanlıların maddi-mədəniyyət izlərini silən, ardınca
azərbaycanlı etnik kimliyini yox edərək monoetnik
erməni şəhəri yaratmağa
nail olan ermənilər indi də tarix kitablarından, dərsliklərdən azərbaycanlıların
izini silməyə çalışırlar.
Azərbaycan Respublikasının Prezidenti İlham Əliyev 10 fevral 2011-ci ildə
Goranboy rayonuna səfəri zamanı məcburi köçkünlərlə görüşündə bugünkü
Ermənistan Respublikasının tarixi Azərbaycan ərazilərində yaradıldığını xüsusi
vurğulayaraq qeyd etmişdir: “
Tarixdə artıq bir dəfə Azərbaycanın əzəli
torpaqlarında erməni dövləti yaradılmışdır, o da bugünkü Ermənistandır.
O torpaqlar bizim doğma, ata-baba torpaqlarımızdır. İrəvan xanlığı,
Zəngəzur mahalı - bütün o adlar Azərbaycan toponimləridir. Hətta
indi ermənilər özləri də etiraf edirlər ki, 20-ci əsrin əvvəllərində İrəvan
şəhərinin əhalisinin əksəriyyəti azərbaycanlılar idi. Bunu təsdiq edən
sənədlər var, şəkillər var, rəsm əsərləri var”.
429
Bütün
qeyd olunanlar göstərir ki, erməni vandalları azərbaycanlılara məxsus
maddi-mədəniyyət nümunələrinin izlərini silməyə, yaxud onları öz adlarına
çıxmağa çalışsalar da, onları tarixin yaddaşından silmək mümkün deyildir.
İrəvan şəhəri Azərbaycanın elm, təhsil, mədəniyyət və incəsənət mərkəzlərindən
biri kimi də Azərbaycan tarixində mühüm yerlərdən birini tutur.
428
Будет построен новый комплекс “Ереванская крепость”. Газета “Ноев Ковчег”, № 03 (150), март 2010
года. http://www.noev-kovcheg.ru/mag/2010-03/1973.html#ixzz3c5s3boJg
429
“Azərbaycan” qəzeti, 12 fevral 2011-ci il.
- 242 -
ERMƏNİ SAXTAKARLIĞI. YALAN ÜZƏRİNDƏ QURULAN TARİX
XXI iddia
“Göy məscid fars abidəsidir”
İrəvan şəhərində mövcud olmuş məscidlər haqqında müxtəlif dövrlərdə
İrəvanda olmuş səyyahların və Rusiya işğalından sonra İrəvan şəhəri haqqında
yazan ayrı-ayrı müəlliflərin əsərlərində kifayət qədər məlumat öz əksini
tapmışdır. İrəvan şəhərini təsvir edən bütün səyyahların və tədqiqatçıların
əsərlərində həm ölçülərinin miqyasına, həm də gözəlliyinə görə şəhərin ən
möhtəşəm memarlıq
abidəsi kimi, Göy məscidin
(digər adı Hüseynəli xan
məscidi) adı birinci çəkilir. İrəvandakı Göy məscid miqyasına görə Qafqazda ən
böyük məscid idi. Şərq memarlığının nadir nümunələrindən hesab edilən Göy
məscidin inşasına Hüseynəli xan Qacarın hakimiyyəti dövründə –1760-cı ildə
başlanılmış, 1766-cı ildə başa çatdırılmışdı.
İrəvan şəhərinin Rusiya işğalından sonra 1829-1832-ci illərdə kameral
siyahıyaalma keçirən rus tarixçi-statistiki İvan Şopenin verdiyi məlumata görə,
şəhərdə 8 məscid mövcud olmuşdur ki, onlardan 2-si Qalada, 6-sı
isə şəhərdə
yerləşmişdi.
430
Göy məscid. Rəssam Dübua de Monpere. 1833.
1833-cü ildə fransız geoloqu və arxeoloqu, naturaçı Frederik Dübua de
Monpere Qafqaza və Krıma etdiyi səyahətinin nəticəsi olaraq 1839-cu ildə
430
Шопен И. И. Исторический памятник состояния Армянской области в эпоху её присоединения к Рос-
сийской империи. СПб., 1852
- 243 -
ERMƏNİ SAXTAKARLIĞI. YALAN ÜZƏRİNDƏ QURULAN TARİX
Parisdə çap etdirdiyi “Qafqaz ətrafına səyahət” əsərinin 3-cü cildində Göy
məscidi ətraflı təsvir etmişdir. Onun çəkdiyi Göy məscidin rəsmi müəllifin
adıçəkilən əsərinə əlavə olaraq 1840-cı ildə çap edilən “Atlas”ın üçüncü
hissəsində yer almışdı. Dübua de Monperenin çəkdiyi rəsmlərin qravüralarını
Erkül Nikole hazırlamışdı.
431
Göy məscidin məşhur rus fotoqrafı Dmitri Yermakov
tərəfindən XIX əsrin
80-90-cı illərində çəkilmiş fotoları onun 1896 və 1901-ci illərdə çap etdirdiyi
albomlara daxil edilmişdi. Dmitri Yermakovun İrəvan məscidləri ilə bağlı
çoxsaylı fotolarının bir qismi hazırda Simon Canaşiya adına Gürcüstan Dövlət
Muzeyinin Yermakov
fondunda və Şalva
Amiranişvili adına
İncəsənət Muzeyində
saxlanılır.
1897-ci ildə alman
incəsənət
tarixçisi və
arxeoloqu Friedrix
Sarre İrəvanda olmuş,
Göy məscidin müxtəlif
rakurslardan fotolarını
çəkmiş və sonradan
həmin məscidləri
müsəlman tarixi
abidələri kimi elmi-
tədqiqat dövriyyəsinə cəlb etmişdi. F.Sarrenin çəkdiyi fotoların bir qismi hazırda
Berlin Dövlət Muzeyinin İslam İncəsənəti bölməsində saxlanılır. 1902-ci ildə
İrəvan quberniyasının statistika komitəsinin “İrəvan quberniyasının 1902-ci
il üçün yaddaş kitabçası” çap edilmişdi.
Həmin kitabçada göstərilir ki, İrəvan
quberniyasında 310 məscid mövcuddur ki, onlardan 7-si İrəvan şəhərindədir.
432
1906-1911-ci illərdə İrəvan şəhərinin texniki işləmiş B.Mehrabov şəhərin
planını və orada olan memarlıq abidələrinin siyahısını tərtib etmişdi. Mehrabov
şəhərdə 8 məscid qeydə almışdı. Həmin məscidlər belə adlanırdı: Təpəbaşı,
Şəhər, Sərtib xan, Göy məscid, Hacı Novruzəli bəy,
Qala məscidi, Dəmirbulaq
və Hacı Cəfər bəy məscidi.
433
431
Frederic Dubois de Montpereux. Voyage autour du Caucase, chez les tcherkesses et les abkhases, en Georgie,
en Armenie et en Crimee. Volume III, Paris, 1839
432
Памятная книжка Эриванской губернии на 1902 год. Эривань: Типография Эдельсонь, 1902, Отд. III
433
http://www.iatp.am/old_yerevan
İrəvan şəhəri, Göy məscid