41
aldığı məktub vasitəsilə öyrənmişdi və bununla əlaqədar hərəkət etmişdi. Məsələ
burasındadır ki 1783-cü il Georgiyevsk traktatına əsasən Kartli-Kaxeti çarlığının
Rusiyanın himayəsinə keçməsi müəyyən dərəcədə Cənubi Qafqaz və Cənubi
Azərbaycan xalqları üçün də əhəmiyyətli idi. Azərbaycanın ərazisində mövcud olan
dövlət qurumları — xanlıqların başçılarının əksəriyyəti Rusiyanın müstəmləkəçilik
siyasətini dərk etmədən çarizmin vədlərinə inanır və sadəlövhlüklə Rusiyaya ümid
bəsləyirdilər. Diplomatik münasibətlərdə çox ehtiyatlı olan Rusiya hökuməti
Gürcüstanla müqavilə bağladıqdan sonra «müsəlman xanlarına» göndərdiyi
«hədiyyələrlə» yanaşı, «xəbərdarlıq» da etmişdi ki, onlar Gürcüstanla münasibətlərini
nizama salsınlar.
Qeyd etmək lazımdır ki, Rusiya dövlətinin «xəbərdarlığından» sonra Azərbaycan
xanlarının əksəriyyəti Rusiyadan ehtiyat edərək Kartli-Kaxeti çarlığı ilə münasibətləri
nizama salmaqla Rusiya tərəfindən də öz əminamanlıqlarını təmin etdilər. Təbriz,
Ərdəbil, Şəki və
[57-58]
digər xanlıqlardan Rusiyaya göndərilən cavab məktublarının əsli
hazırda Mərkəzi Dövlət Hərbi Tarixi Arxivində hifz olunur. Həmin məktubların
məzmunundan müəyyən etmək olar ki, Azərbaycan xanları təhlükə qarşısında
Georgiyevsk traktatını «bəyənməyə» məcbur olmuşlar.
Yuxarıda qeyd edildi ki, qarabağlı İbrahimxəlil xanla xoylu Əhməd xan
arasındakı şərtə görə «... Təbrizi tutmaq və əldə edilmiş qəniməti bölmək, daha sonra
Naxçıvanı ələ keçirmək və İbrahimxəlil xana tabe etdirmək, Naxçıvanda 1783-cü ildə
isfahanlı Əlimurad xan tərəfindən devrilmiş və İbrahimxəlil xana arxalanan Abbasqulu
xanı hakimiyyətə gətirmək»
24
qərara alınmışdı.
Qarabağlı İbrahimxəlil xanın qarşısında daha vacib bir məsələ dururdu. O,
Gəncədə boş qalmış xan taxtına öz yaxın adamını çıxarmaq istəyirdi. Tezliklə
İbrahimxəlil xanın vasitəçiliyi ilə Cavad xan Gəncə xanlığının hakimi təyin olundu.
İbrahimxəlil xan bu barədə arxayınlaşdıqdan sonra öz qoşunları ilə birlikdə Xoylu
Əhməd xanla birləşmək üçün hərəkət etdi. Xoya gedərkən İbrahimxəlil xan Naxçıvanı
tutmaq, Abbasqulu xanı taxta çıxarmaq və yürüşü davam etdirmək qərarına gəldi.
Qonşu xanların hesabına İbrahimxəlil xanın güclənməsi Qafqazdakı rus
komandanlığının planlarına mane oldu. Ona görə də İbrahimxəlil xanın Naxçıvan
xanlığı ilə əlaqədar fikrini bilən polkovnik S. Burnaşev Xoy və Urmiya xanlarına
yazdığı məktubda onlardan Naxçıvan xanlığının müdafiəsinə qalxmağı tələb edirdi. Bu
məktubun yazılmasının bir səbəbi də o idi ki, Naxçıvan xanı kömək üçün rus
komandanlığına müraciət etmişdi. 1786-cı il iyul ayının 20-də S. Burnaşev P.S.
Potyomkinə yazdığı raportda xəbər verirdi ki, iyun ayının 12-də Naxçıvan xanlığında II
İraklinin sarayına gəlmiş nümayəndə İbrahimxəlil xana qarşı kömək etməyi xahiş
etmişdir.
S. Burnaşevin bütün cəhdlərinə baxmayaraq, qarabağlı İbrahimxəlil xan öz
ordusunu Naxçıvan xanlığı üzərinə göndərdi. Qarabağ qoşunları Naxçıvan torpağında
görünən kimi, «Cəfərqulu xan Şərur çayı sahilindəki qalada gizləndi...»
25
. Beləliklə,
1787-ci il may ayının əvvəlində İbrahimxəlil xanın qoşunu Naxçıvan qalasını ələ
keçirərək Abbasqulu xanı hakimiyyətə gətirdi. Arxiv sənədlərində deyilir: «Naxçıvan
24
P,Q Göstərilən əsəri, s. 176.
25
MDHTA, göstərilən fond, 366-cı sənəd, , III hissə, v, 20.
42
xanlığının tutulması və Abbasqulu xanın hakimiyyətə gətirilməsini İbrahimxəlil xan öz
adı ilə deyil, Abbasqulu xanın II İraklidən kömək alması və qüvvətlənməsi ilə
əlaqələndirirdi»
26
.
Naxçıvanı tutduqdan sonra Qarabağ qoşunları Abbasqulu xanın dəstəsi ilə
birlikdə Cəfərqulu xanı təqib etməyə başladılar. Lakin bu tədbir uğursuzluqla
nəticələndi. Təkcə bunu qeyd etmək kifayətdir ki, müttəfiqlər yürüş zamanı Naxçıvanda
Şərur çayı sahilindəki mal-qaranı ələ keçirmək istərkən Cəfərqulu xanın adamları
onlardan mal-qaranı geri alıb, özlərini də məğlub etmişdilər.
Arxiv sənədlərindən məlum olur ki, Cəfərqulu xan Naxçıvanı tərk edərkən
Əhməd xanın köməyi ilə bir neçə qalanı ələ keçirmiş, özü üçün isə hacı Dəmir qalasını
iqamətgah seçmişdi.
İbrahimxəlil xan bu yürüşdəki uğursuzluqdan sonra vaxt itirmədən Təbrizə doğru
hərəkət etməyi qərara aldı. Lakin Əhməd xanla müttəfiqliyə ümid olan Qarabağ xanı
İbrahimxəlil xan aldanmışdı. Belə ki, İbrahimxəlil xan yolda olarkən artıq Xoy
qoşunları Təbrizi tutmuşdular. Əhməd xan İbrahimxəlil xana «... Təbrizdən ələ
keçirilmiş qənimətdən... heç nə vermədi. Əhməd xan bildirdi ki, o, Təbrizdə yalnız
hakimiyyəti dəyişmişdir. Buna qohum kimi hüququ vardır. Lakin Naxçıvan xanı
Cəfərqulu xanı öz himayəsinə götürüb... onun işlərinə qarışmağa ixtiyarı yoxdur. Çünki
Naxçıvana sahib olmaq üçün İsfahanın hakimi tərəfindən fərman Cəfərqulu xana
verilmişdir».
Bu yürüşdə müvəffəqiyyətsizliklər bir-birinin ardınca İbrahimxəlil xanı təqib
edirdi. Belə ki Təbriz işlərilə məşğul olduğu dövrdə Cəfərqulu xanın qardaşı cəsarətli
Kəlbəli xan Abbasqulu xanı hakimiyyətdən devirərək 1787-ci ildə özünü xan elan etdi.
Abbasqulu xan yenidən Naxçıvanı tərk etməyə məcbur oldu. Bu hadisə o məqamda baş
vermişdi ki, II İrakli «... İbrahim xanın Naxçıvanı tutduğu xəbərini eşidib knyaz İvan
Baqrationu göndərmişdi ki, ... o, nəyin bahasına olursa-olsun İbrahim xanın Naxçıvanda
möhkəmlənməsinə yol
[59-60]
verməsin».
27
Lakin Kəlbəli xan artıq Naxçıvanı ələ
keçirmişdi və gürcü qoşunlarını qalaya buraxmadı. 1787-ci il may ayının 20-də knyaz
Baqration çar II İrakliyə göndərdiyi məktubda yazmışdı: «Kəlbəli bəy... güclü
müqavimət göstərmək üçün qaladan çıxmışdı. Lakin mənim gəlişimlə əlaqədar tələsik
yenidən qalaya çəkildi»
28
Naxçıvan qalasını mühasirəyə alan knyaz Baqration İbrahimxəlil xanın
ordusunun arxasınca kəşfiyyat dəstəsi göndərdi. həmin dəstə Sisyan ətrafında azsaylı
Qarabağ qoşunları ilə qarşılaşdı. Hər iki tərəf arasında baş verən döyüşdə Qarabağ
qoşunları geri çəkildilər. Gürcü qoşunlarının başçısı Xudiya və Borçalıdan olan Tatıoğlu
geri qayıdarkən Qarabağ əsgərlərindən birinin çibindən tapılmış İbrahimxəlil xanın
Abbasqulu xana yazdığı məktubu da özləri ilə gətirdilər. Həmin məktubda deyilirdi ki,
Abbasqulu xan «möhkəm dayansın», tezliklə ona kömək üçün 2000 nəfər qüvvə
göndəriləcək.
İbrahimxəlil xanla II İrakli arasında ziddiyyətlərin olduğunu bilən Cəfərqulu xan
Baqrationla əlaqə yaratmağa cəhd etdi. Məqsədi Baqrationun köməyilə Naxçıvana
26
MDHTA, göstərilən fond, 366-cı sənəd, , III hissə, v, .323.
27
MDHTA, göstərilən fond, 366-cı sənəd, , III hissə, v. 324.
28
Yenə orada.