57
• II fəsil •
İqlim və onun təsərrüfatda rolu
•
2
A
VROPANIN İQLİMİ
Avropa iqlimin daha dəqiq öyrənildiyi qitələrdən biridir. Bu qitədə fəlakətli hava
hadisələri tez-tez baş vermir, həmçinin belə hadisələrin miqyası planetimizin digər
hissələrinə nisbətən daha kiçikdir. Meteoroloji stansiyada kosmosdan müntəzəm
aparılan müşahidələr havanın dəqiq proqnozunu, fəlakətli hava hadisələrini qabaq-
cadan xəbər verməyə imkan verir, onlara uyğun olaraq tədbirlərin vaxtında görül-
məsinə şərait yaradır.
14
Atmosferin aşağı qatlarının fiziki vəziyyəti sinoptik xəritədə qeyd olunur. Sinoptik xəritə – müəyyən
olunmuş vaxtlarda meteoroloji stansiyaların müşahidə məlumatlarının rəqəmlər və simvollar
vasitəsilə göstərildiyi xəritədir. Hava xidmətində belə xəritələri gün ərzində bir neçə dəfə
hazırlayırlar. Onların təhlili havanın proqnozunu verməyə şərait yaradır.
Avropanın sinoptik xәritәsi
(fraqment)
(9 mart 2012-ci il, 18:00)
– izobarlar
AT – siklon
YT – antisiklon
– soyuq cəbhə
– Sinoptik xəritəni fiziki xəritə ilə müqayisə edin və suallara сavab verin:
1. Ən alçaq atmosfer təzyiqi harada müşahidə edilir?
2. Ən yüksək atmosfer təzyiqi harada müşahidə edilir?
3. Hansı ölkələrin ərazisindən soyuq atmosfer cəbhəsi keçir?
4. Xəritəyə görə, “Külək İslandiyadan Böyük Britaniyaya doğru əsir?” ifadəsi doğrudurmu?
cavabını izah edin.
9 mart 2014-cü il
Qasırğalı siklon
Qәrbi Avropada
tüğyan edir
Xәritә üzrә iş
B
u gün Skandinaviyanın şimalında güclü siklon, fırtı-
nalı külək və çox güclü yağışla müşayiət olunmuşdur.
Küləyin sürəti 38 m/san-yə çatmışdır.
Siklon bir həftə bundan əvvəl Atlantik okeanının mər-
kəzində yaranmış və az sonra Avropanın şimal-şərqinə
doğru istiqamət almışdır. Sabah siklonun Finlandiyaya
daxil olacağı gözlənilir.
LAYİHƏ
58
Avropada iqlimin formalaşmasında müxtəlif amillər iştirak edir. Onlardan ən mü-
hüm olanı coğrafi mövqedir. Şimal yarımkürəsinin, əsasən, mülayim iqlim qurşa-
ğında, Atlantik okeanı sahilində yerləşən Qərbi Avropa ümumilikdə yumşaq iqlimlə
səciyyələnir. Avropada il ərzində günəş şüalarının düşmə bucağı kəskin dəyişdiyi
üçün fəsillər aydın nəzərə çarpır. Lakin ərazi dəniz sahilində yerləşdiyinə görə yay
və qış temperaturları arasındakı fərq azdır.
Avropanın iqlimində hakim külәklәrin rolu böyükdür. Mülayim iqlim qurşağında
daimi qәrb külәklәri əsir. Bu küləklər Atlantik okeanından Avropaya daxil olur və
qitəyə rütubətli dəniz hava kütlələri gətirir. Qitənin içərilərinə doğru irəlilədikcə
hava öz rütubətini itirir və yağıntıların miqdarı azalır.
Avropa sahillәrinin girintili-çıxıntılı, həmçinin dəniz və körfəzlərin quruya çox
daxil olması rütubətli dəniz hava kütlələrinin qitənin içəri hissələrinə qədər gəlib
çıxmasına səbəb olur. Bu isə Avropaya yağıntının daha çox düşməsi ilə nəticələnir.
Havanın rütubətlə doymasına Şimali Atlantik və Norveç isti cәrәyanları səbəb
olur. İsti cərəyanlar yalnız səth sularının buxarlanması nəticəsində rütubətin art-
masına deyil, həm də Avropada qış aylarında havanın temperaturunun yüksəlməsinə
səbəb olur. Ona görə də, Şimali Avropada qışda havanın temperaturu, Asiya və
Şimali Amerikanın eyni enliklərində yerləşən ərazilərindən xeyli yüksəkdir.
Avropa ölkələrini iqlim qurşaqlarına uyğun olaraq
qruplaşdırın və cədvəli tamamlayın:
Xәritә üzrә iş
1. Avropanın hansı hissəsində yağıntının miqdarı
daha azdır?
2. Qitənin hansı hissəsinə daha çox yağıntı düşür?
3. Qərbdən şərqə doğru hərəkət etdikcə yağıntının
miqdarı necə dəyişir?
4. Siyasi xəritədən və illik yağıntıların miqdarı
sxemindən istifadə edərək daha çox yağıntının
düşdüyü iki Avropa ölkəsini və bu ölkələrdə
yağıntının miqdarını müəyyən edin.
Xәritә üzrә iş
Avropada illik yağıntıların miqdarı (mm-lә)
İqlim qurşaqları
Ölkələr
Subtropik
Mülayim
Subarktik
Arktik
LAYİHƏ
59
• II fəsil •
İqlim və onun təsərrüfatda rolu
•
2
Arktik iqlim qurşağında Şimali Avropanın adaları yerləşir. Yalnız yayda tempe-
ratur 0°C-dən yuxarı olur.
Skandinaviyanın şimalını əhatə edən subarktik qurşaqda yağıntılar fəsillər üzrə
qeyri-bərabər düşür. Yayda yağıntıların maksimum miqdarda düşməsi əraziyə daxil
olan mülayim dəniz hava kütlələri ilə əlaqədardır. Qışda arktik hava kütlələrinin da-
xil olması havanın soyuq və quru keçməsinə səbəb olur. Subarktik iqlim qurşağında
yerləşən Şimali Avropa ölkələrində ərazinin cəmi 2–8%-i kənd təsərrüfatında isti-
fadə olunur.
Mülayim qurşaq Avropanın böyük bir hissəsini tutur. Qitənin qərb hissəsi daha
rütubətli, şərqi isə nisbətən qurudur. Mülayim iqlim qurşağında hava şəraiti heyvan-
darlıq və bitkiçiliyin inkişafına imkan verir.
Subtropik qurşaq Cənubi Avropanı əhatə edir. Bu ərazilərdə yay ayları isti və
quru olur, yağıntı, əsasən, ilin soyuq dövründə düşür. Cənubi Avropanın kənd təsər-
rüfatı iqlimə uyğunlaşmışdır. Bu regionda bitkiçilik heyvandarlıqdan daha üstündür.
Yay aylarında suvarma işləri aparılır. Cənubi Avropa zeytun, sitrus meyvələri, üzüm,
• Orta illik temperatur amplitudu ilin ən isti ayının orta temperaturu ilə ən soyuq ayının orta tempe-
raturu arasındakı fərqə deyilir.
– Temperaturun illik gedişi qrafiklərinə baxın, London və Moskva şəhərləri ücün orta illik temperatur
amplitudunu müəyyən edin.
– Qrafiklərin iki fərqli cəhətini göstərin. Suallara əsasən cədvəli tamamlayın:
Londonda temperaturun illik gedişi
(Qərbi Avropa)
Moskvada temperaturun illik gedişi
(Şərqi Avropa)
Sxem üzrә iş
Cәdvәli dәftәrinizә çәkin vә onu tamamlayın. London və Moskvanın temperatur qrafiklərini
müqayisə edərək hansı nəticəyə gəlmək olar?
London
Moskva
Ən isti ay
Ən isti ayın temperaturu
Ən soyuq ay
Ən soyuq ayın temperaturu
İllik temperatur amplitutdu
Müzakirә edin:
– Günəş enerjisinin qeyri-bərabər paylanması Avropada nə ilə nəticələnir?
LAYİHƏ
Dostları ilə paylaş: |